@____ صحيح اني ولد طايش وكل ما أسمعـه فينـي ____@

[سيف قطر]

فداك القلب يايمه ومهمـا قلـت مـن كلمـات
صغيره في كبر حقـك بـس اتمنـى تعذرينـي
نهبت الفرحه من بيتي صحيح اني خسيس الذات
صحيح اني ولد طايش وكل ما أسمعـه فينـي
تجول عيونهم فينـي تفصـل منـي قياسـات
وتشيح وجوههم عنـي وكنـي غيـرت دينـي
يظنوا حزنهم اكبـر وهـم اصحـاب هالمأسـاة
وانا اتحدى اذا فيهم ربـع مـا يحتـرق فينـي
نقص قدري بعد موتك وغابـت نشـوة اللـذات
وصـار الهـم عكـازي اباكـيـه ويباكيـنـي
عطيتيني بدون حساب ولا سمعتك تقولي هـات
وانا اشرب حيل من دمك ودمـك مـا يكفينـي
يايمه ارجعي كافي ابجلس معـك لـو لحظـات
واقبل ايدك ورجلك وافرش لـك رمـش عينـي
يايمه ما تحملهم يقولوا فـات مـا قـد مـات
تعالي غيري هالقـول واطيعـك باقـي سنينـي
واترك عادة التدخين وانفذ مـا تبـي بسكـات
واصلي الفجر في المسجد قبل منتي تصحينـي
يايمه ارجعي تكفيـن وطفـي شمعـة الآهـات
ابيك انتـي ولا غيـرك علـى موتـك تعزينـي
وضميني وداويني مثـل مـا كانـت الهقـوات
ما ابي احدن يواسيني ابيـك انتـي تواسينـي
دخيلك بس لا تبكي اذا شفتـي بـي الدمعـات
انـا مـقـوى ابكـيـك اذا انـتـي تبكيـنـي

اتمنى ان تعجبكم

[خفايا الروووح]

اخوي ع الشرحي

عجبتني حيل القصيده ...وبَكَتني بعد:eek3: :eek3: :eek3:

ليت اللي يروح يرجع

وتسلم ع النقل

[سيف قطر]

الله يسلمك اختي ..خفايا ...نعم صدقتي ..اختي
ليت الي يروح يرجع

[الراقية]

تسلم يمناك روعة اختيار رائع

[<<روز>>]

تسلم اخوي عالقصيد اللي الراااااائعه

[متسبب]

جدا روعه وتعور القلب
مشكور وماقصرت

[الشحانية يونايتد]

:eek3: :eek3: :eek3: :eek3: :eek3:

الموت حق وكلنا ذايقينه... البلا من ذاق طعمه ولا مات

[بدور]

واااااااااااااااااااااوووووو


روعة قليل في حق هذه الكلمات


تحياتي لك

[يابعدهم كلهم]

روعه

تسلم يارب

[مريديان]

الله...قصيده راائعه..اخوي الشرحي

ربي يعطيك العافية:)

[سيف قطر]

الله يسلمك اختي الراقية

[سيف قطر]

شاكر مرورك اختي روز

[سيف قطر]

تسلم اخوي شاكر مرورك

[سيف قطر]

الله يسلمك اختي مريديان

[سيف قطر]

شكرااااااااااااااابدووررررررررررررتحيااااااااااااا اااتي

[سيف قطر]

الله يسلمك اختي

[برنس فرنسي]

تسلم اخوي عالقصيد اللي الراااااائعه

[سيف قطر]

تسلم اخوي عالقصيد اللي الراااااائعه
الله يسلمك اخوي