OTOsan
17-01-2007, 08:46 AM
اثناء تجولنا في شوارع الدوحة بالسيارة .. شاهدت انا وأصدقائي قصراً منيفاً رائعاً .. يبدو أنه
لاحدى الشخصيات الكبيرة في الدوحة .. ولكننا جميعاً لا نعلم لمن هو ..
وبعد قول ماشاء الله تبارك الله .. قال احد اصدقائي من باب المداعبة : ( تخيل هالقصر لك ..
اشكنت بتسوي فيه .؟ ) .. فأجابه الآخر .. ( مايبيلها كلام .. باسكن فيه واتمتع ) .. واجبته أنا :
( تدرون اشباسوي فيه .. بأجره هههههههه ) .. وربما لقلة المواضيع اخذنا نتمعن في هذه
الفكرة .. ونتصرف في القصر كيفما نشاء وكأنه ملك احدنا فعلا ..
فقلت للجميع ( شوفو .. لو قلت اني أجرته بنص مليون ريال في الشهر ) .. فقاطعني جاسم:
( شنو نص مليون ..؟ انت تعرف كم مساحته .. لا لا .. قول مليون ) .. وتدخل حمد في النقاش
( صح .. نأجره بمليون دام الاجارات مرتفعه اصلا .. عادي .. نخليه مجمع شركات ههههههههه )
ضحكنا جميعا ثم تابعت الحديث ( انزين تخيلوا مليون في الشهر في جيوبكم ! خلاص ماعاد في
شي نسويه .. تصرف لما تتعب .. وتشتري اللي تبيه .. وش بنسوي في الفائض الهائل اللي
بيكون موجود ! ) ..
اقترح جاسم وقال : ( شوف .. جمع اسهم شركة معينة لما تخلصهم من السوق وتحكم انت في
السعر ) .. فقال حمد ( زين .. يمكن محد بيشتري بعدين .. اتوهق فيهم ) .. فاجابه جاسم ( ياخي عادي
مثل الافلام الاجنبيه .. بتصير مساهم فعال في الشركة ولك نصها .. قول لهم يا أما تشترونهم
مني يا اما ببيعهم بخساره ) .. فقال حمد ( تبيعهم بخساره انت الخسران .. الشركه مب
خسرانه شي ) .. فقال جاسم ( عسى ماشر مب خسرانه .. عيل اشلون الشركات تنهار لما
اسهمها تنزل .. هذا اللي يسمونه افلاس ) .. فقال حمد ( لا يبه ماله خص هذي كلها اسهم
اسميه مالها في راس المال ) .. فاجابه جاسم ( عيل اشلون يسوون اكتتاب لزيادة راس المال .. لازم
في علاقة للاسهم في قوة الشركة ) .. فقال حمد ( لا ما لها خص .. تبيع بخساره انت الخسران ) ..
فاجابه جاسم ( خلاص يبه .. باقول لهم ترى ببيعها للي ينافسكم في السوق بخساره .. واخليه يصير
مساهم معكم ) .. فقال حمد ( لا لا حتى هذي ما ينفع .. لازم تدور لك طريقة تصرف
فلوسك فيها ) ..
قطعت عليهم الحديث فجأة وقلت : .. يالربع .. شاللي جاب هالموضوع اصلا مع ان احنا كنا
بشرق وهالموضوع بغرب !!
المهم في الحديث .. ان هذا هو للاسف اسلوب بعض الاعضاء في جعل اي موضوع كان .. واي نقاش
يتحول الى مسار آخر كلياً لا يمت للموضوع الأصلي بصلة .. قد تكون احياناً لجهل في
الموضوع الاصلي . وقد تكون من غير قصد . . وقد يكون بسوء نية في بعض الاحيان ..
وقد يسبب انجراف بعض الاعضاء الآخرين للرد على رد معين سببا كافيا لان ياخذ الموضوع
الاصلي انعكاسة في المسار تصل به الى غير الطريق المراد ،،
هذا الشئ يسبب ضيقا و امتعاضا لصاحب الموضوع ، وهو الذي اراد ان يوصل فكرة معينة ..
اوان يناقش قضية ما .. او كتب موضوعا يستفسر فيه عن شئ ما .. ويجعله يشعر بان هناك
من يدير دفة الحديث بدلاً عنه الى طريق هو لا يعرفه ..
والاعضاء لا يعرفونه .. وحتى من استلم الدفة كذلك لا يعرفه .. الى ان يغرق الموضوع في
بحر ( الاغلاق ) من قبل المشرفين ..
اعلم تمام العلم .. ان هناك من سيدخل في الحديث مباشرة ليقول ( كلامكم كله غلط .. راس
المال غير والاكتتاب غير .. انتو ماتفهمون في الاسهم ) ..
عندها فقط اعلموا بانه يريد ان يستلم ( دفة ) الموضوع :)
تقبلوا كل ود اخوكم .. لونلي ،،
لاحدى الشخصيات الكبيرة في الدوحة .. ولكننا جميعاً لا نعلم لمن هو ..
وبعد قول ماشاء الله تبارك الله .. قال احد اصدقائي من باب المداعبة : ( تخيل هالقصر لك ..
اشكنت بتسوي فيه .؟ ) .. فأجابه الآخر .. ( مايبيلها كلام .. باسكن فيه واتمتع ) .. واجبته أنا :
( تدرون اشباسوي فيه .. بأجره هههههههه ) .. وربما لقلة المواضيع اخذنا نتمعن في هذه
الفكرة .. ونتصرف في القصر كيفما نشاء وكأنه ملك احدنا فعلا ..
فقلت للجميع ( شوفو .. لو قلت اني أجرته بنص مليون ريال في الشهر ) .. فقاطعني جاسم:
( شنو نص مليون ..؟ انت تعرف كم مساحته .. لا لا .. قول مليون ) .. وتدخل حمد في النقاش
( صح .. نأجره بمليون دام الاجارات مرتفعه اصلا .. عادي .. نخليه مجمع شركات ههههههههه )
ضحكنا جميعا ثم تابعت الحديث ( انزين تخيلوا مليون في الشهر في جيوبكم ! خلاص ماعاد في
شي نسويه .. تصرف لما تتعب .. وتشتري اللي تبيه .. وش بنسوي في الفائض الهائل اللي
بيكون موجود ! ) ..
اقترح جاسم وقال : ( شوف .. جمع اسهم شركة معينة لما تخلصهم من السوق وتحكم انت في
السعر ) .. فقال حمد ( زين .. يمكن محد بيشتري بعدين .. اتوهق فيهم ) .. فاجابه جاسم ( ياخي عادي
مثل الافلام الاجنبيه .. بتصير مساهم فعال في الشركة ولك نصها .. قول لهم يا أما تشترونهم
مني يا اما ببيعهم بخساره ) .. فقال حمد ( تبيعهم بخساره انت الخسران .. الشركه مب
خسرانه شي ) .. فقال جاسم ( عسى ماشر مب خسرانه .. عيل اشلون الشركات تنهار لما
اسهمها تنزل .. هذا اللي يسمونه افلاس ) .. فقال حمد ( لا يبه ماله خص هذي كلها اسهم
اسميه مالها في راس المال ) .. فاجابه جاسم ( عيل اشلون يسوون اكتتاب لزيادة راس المال .. لازم
في علاقة للاسهم في قوة الشركة ) .. فقال حمد ( لا ما لها خص .. تبيع بخساره انت الخسران ) ..
فاجابه جاسم ( خلاص يبه .. باقول لهم ترى ببيعها للي ينافسكم في السوق بخساره .. واخليه يصير
مساهم معكم ) .. فقال حمد ( لا لا حتى هذي ما ينفع .. لازم تدور لك طريقة تصرف
فلوسك فيها ) ..
قطعت عليهم الحديث فجأة وقلت : .. يالربع .. شاللي جاب هالموضوع اصلا مع ان احنا كنا
بشرق وهالموضوع بغرب !!
المهم في الحديث .. ان هذا هو للاسف اسلوب بعض الاعضاء في جعل اي موضوع كان .. واي نقاش
يتحول الى مسار آخر كلياً لا يمت للموضوع الأصلي بصلة .. قد تكون احياناً لجهل في
الموضوع الاصلي . وقد تكون من غير قصد . . وقد يكون بسوء نية في بعض الاحيان ..
وقد يسبب انجراف بعض الاعضاء الآخرين للرد على رد معين سببا كافيا لان ياخذ الموضوع
الاصلي انعكاسة في المسار تصل به الى غير الطريق المراد ،،
هذا الشئ يسبب ضيقا و امتعاضا لصاحب الموضوع ، وهو الذي اراد ان يوصل فكرة معينة ..
اوان يناقش قضية ما .. او كتب موضوعا يستفسر فيه عن شئ ما .. ويجعله يشعر بان هناك
من يدير دفة الحديث بدلاً عنه الى طريق هو لا يعرفه ..
والاعضاء لا يعرفونه .. وحتى من استلم الدفة كذلك لا يعرفه .. الى ان يغرق الموضوع في
بحر ( الاغلاق ) من قبل المشرفين ..
اعلم تمام العلم .. ان هناك من سيدخل في الحديث مباشرة ليقول ( كلامكم كله غلط .. راس
المال غير والاكتتاب غير .. انتو ماتفهمون في الاسهم ) ..
عندها فقط اعلموا بانه يريد ان يستلم ( دفة ) الموضوع :)
تقبلوا كل ود اخوكم .. لونلي ،،