يحيهم لعيبة المنتخبات الخليجية والفال لعيال منتخبنا !!

[الزاجل]

شفنا امس عدد 2 من المباريات ضمن المرحلة الأولى
للمجموعة ( أ ) ما بين اربع منتخبات خليجية واللي هم

عمان الكويت والإمارات بالإضافة الى ضيف البطولة المنتخب
اليمني ..

لاحظنا على جميع اللعيبة اللي شاركوا امس في المباريات
انهم يمثلون الشاب الخليجي الأصيل بشكله واللي ممكن يكون
طرأ عليه بعض التغييرات من تهذيب للشنب وحش اللحية
ولكن

ما شفنا ولا لاعب شعره طويل او حاط ربطة او استيكة
باستثناء احمد مبارك لاعب المنتخب العماني والمحترف
في صفوف نادي الريان القطري .. ( هذا من يومه شعره طويل )


لكن اليوم
تابعوا اشكال الربطات والاستيكات مع لعيبة منتخب قطر
وضف لهم علجة وليدي المشهورة ..

يمكن بو عجايف مرصوصة مختفي اليوم بداعي الإصابة
واللي هو لاعب المنتخب والنادي العربي سيد بشير
ويمكن المدرب استبعد وليد حمزة بو قصة الأسد

بس زملائهم في المنتخب ما بيقصرون وبيبيضون الويه :eek3:

المنتخب السعودي مستحيل انشوف فيه استيكة او ربطة شعر
العراقي مب مال هالسوالف
البحريني بيفرط واحد اعتقد ان كان في التشكيلة واللي هو
محمد سالمين المحترف في النادي العربي القطري ..
يا جماعة

ليش لعيبة المنتخبات الخليجية قصة شعورهم وتهذيبهم لها
غير عن تسريحات لعيبة منتخب قطر ؟

سؤال اوجهه لخبراء التاريخ والجغرافيا والموضة وعالم التسريحات ..

[مريديان]

ههههه..يعني الاثنين..اللي من دول ثانية...طلعوا بنوادي قطرية.... http://www.cheesebuerger.de/images/midi/konfus/a042.gif تأثروا...الظاهر...


الله يعين

يعطيك العافية اخوي الزاجل:)

[الزاجل]

ههههه..يعني الاثنين..اللي من دول ثانية...طلعوا بنوادي قطرية.... http://www.cheesebuerger.de/images/midi/konfus/a042.gif تأثروا...الظاهر...


الله يعين

يعطيك العافية اخوي الزاجل:)
احمد مبارك من يومه
بس المشكلة ما حصل من ينصحه في المنتخب
اما محمد سالمين اعتفس في العربي ..

يعافيك يا مريديان

[mirage]

مثل ماقالت شمعة الحب

كل شي فيني يلفت النظر
الاستيكات السود وعجفات الشعر







يعني الاجابه واضحه
لزوم لفت النظر crazy

[alanood]

رأيي ان مع الايام القريبه الجاية بتشوف العجب العجاب...تو الناس...وسنلاحظ تغيرات جديدة ستطراعليهم..بس الله المستعان!

[لولوتي]

شكله بيكون عرض ازياء عجيب

[ROSE]

انا طبعا مااقدر اقول رايي لحد يقول اماراتيه وتدافع عن بلادها

بس ترى قطري هي بلادي بعد سيم سيم الامارات يعني لو بتكلم بيكون لمصلحة اخواني

اماراتيه الجنسية وقطرية الروح والعشق

المهم نرجع لمحور حديثنا :looking:

الا وهو الاستيكه :o وتطويل الشعر :D


الظاهره هذي موجوده منذ الازل في قطر وشفناها خفت في الاونه الاخيره

ولله الحمد ولاعبين قطر ماهم الا عدد قليل :looking:


واتمنى الله يهديهم ويقصون شعورهم ترا الشعر الطويل عباله crazy

[مهاوي]

المشكله يبون يلفتون النظر وهم يلعبون مثل الاعبين الاجانب
قالوا مافي الا الاستيكه
الله يهديهم بس
اشكرك اخوي الزاجل

[المزن الرياني]

ياخوي خلهم ان شاءالله يسون شعرهم عجفات

أهم شي يبيضون الوجه بالبطوله .. مب يطبقون كلام المدرب يوم قال: ( بطوله الخليج تعتبر كحصه تدريبيه لنا )

[بنت الحرمي]

بغض النظر عن تطويل الشعر او تقصيره اعتقد هذي حرية شخصية :con2:

يمكن يكون تطويل شعورهم مصادفة .. يمكن تطويل شعرهم عشان ينعرفون فيه يكون مثل ال distinguish features او العلامات الفارقة اللي تميزهم عن غيرهم:D

بس ان شاءالله يبيضون وجوهنا .. والكاس يكون عنابي

[blackjacket]

الشباب القطری الاصیل مایسوی هلسوالف :nice:

ولید حمزه مال بوهامور و سید بشیر افریقی و البقیه انت عارفهم و توقع منهم ای شی:court:

[خفايا الروووح]

يه العشر الطويل حق القمل..مب شي من قلب:court:

والله اقول لو يسوون موضة القرعه ابرك..من الشعر الطويل :D

يالله ان شاء الله فتره وتعدي..والله يهدي شبابنا

[التيما]

انا تصوري :con2: انهم يبون يسوون لهم موضه وحركات وللاسف هاي اللي ماشي هالوقت :eek3: واعتقد هي فتره وبتعدي خلهم يستانسون شوي ومردهم بيعقلون :p ويسلمووو اخوي الزاجل عالموضوع :app: :app:

[مطيع الله]

الشعر الحلوكان أيام خالد سلمان وعلي زيد ومنصور مفتاح
صحيح كان شعرهم مميز في وقتهم
بس بعد كان فيهم رجولة ولا تشوف واحد فيهم يتعلك

بخصوص شباب اليوم فهم ضائعو الهوية وكل يوم موضة لزوم لفت النظر
وفي الأخير من يطلق شعره بدون اتباع الموضة الغربية ما عندي اعتراض عليه
بس اللي يتشبه بهم من الحبل اللي على الراس وألوانه المتعددة وأهدافه المجهولة
وتصفيف الشعر موضات وتجعيد فهذا ارفضه

ما باقي الا يصلبون على روسهم نفس لعيبة الدوري الأوروبي

[الراقية]

يعطيك العافية اخوي الزاجل

ولكل زمان دولة ورجال ...والله المستعان

[برنس فرنسي]

انا طبعا مااقدر اقول رايي لحد يقول اماراتيه وتدافع عن بلادها

بس ترى قطري هي بلادي بعد سيم سيم الامارات يعني لو بتكلم بيكون لمصلحة اخواني

اماراتيه الجنسية وقطرية الروح والعشق

المهم نرجع لمحور حديثنا :looking:

الا وهو الاستيكه :o وتطويل الشعر :D


الظاهره هذي موجوده منذ الازل في قطر وشفناها خفت في الاونه الاخيره

ولله الحمد ولاعبين قطر ماهم الا عدد قليل :looking:


واتمنى الله يهديهم ويقصون شعورهم ترا الشعر الطويل عباله crazy




:app: :app: :app: :app: :app: :app: :app: :app: :app: :app:

[بوخالد2]

للاسف انت اتكلم على ناااس اتمثل دولتها وهى ليست من الدوله تقريبا المنتخب القطري كله من فيه قطري ؟؟ بس مشعل مبارك وخلفان ابراهيم بس والباقي رقع يالغالي والله انا مب قاهرى الا ذا وسام رزق على قصته الغريبه (( سبايكي)) يعني انت اتمثل دوله خليجيه ولا دوله غربيه المفرووض من مدير المنتخب او الى يتعب على المنتخب في الكواليس ان يلزمهم بشرووط والله ان سبستيان احسن منه من يوم ماجى قطر ولين الحين ماغير شي 00 وعلى ناصر عباله كانيجي هههه والله تمليس يسووووى شغل :eek2:

اتمنى انه يتشرفون ويتكرمون بتهذيب اشكالهم وافعالهم 000 لكي لايكونوا عبره وتلقيد للاجيال القادمه في المظهر والشكل 00 الله المستعان 00 يعطيك العافيه الزااجل

[M O 7 A M M E D]

موضوع شيق الصراحة اخوي الزاجل ..

بالنسبة للاستيكات وتطويل الشعر .. يعني انت ايش تتوقع من لاعب متعود على هالقصات واعتقد ان اللاعب يقول هذي حرية شخصية ومحد موقفه عند حده من ادارة المنتخب .. بتشوفه كل يوم طالع لنا بموضه جديدة .. وفي بعض اللاعبين شعورهم حلوه وطويله بدون ما يسوون شي من تمليس وهالحركات اللي تحرق الشعر هههههههه مثل السليطي لاعب العربي شعره مرتب وحلو ..

وشوف يالغالي بغض النظر هذا اللاعب من الدولة الفلانية ولا من افريقيا ولا من وين .. هذا الكلام مأخوذ خيره لانه الحين هو يمثل المنتخب القطري ويحمل الجنسية ..

[اّل ثاني 77]

أخوي الزاجل أهم شئ خلهم يفوزون، وبعدين أعتقد انهم يوم شافوا رونالدينهو رابط شعره يحسبون أن اي واحد يربط شعره يصير لعيب مثله، وبعدين كثير من لاعبين الخليج رابطين شعورهم بإستثناء لاعبي المنتخب السعودي لأنه ممنوع عليهم ولو مب ممنوع كان اربطوه بعد يعني تقدر تقول تقليد أعمى
آسف على الإطاله وشكرا أخوي على الموضوع..........

[شاهيناز]

بنغض الطرف عن العجفه
والاستكيه:looking:

بس يمكيجون لنا النتايج عشان تطلع الصوره حلوه
للمنتخب

[الصقر10]

مشكور اخي العزيز على الموضوع الشيق
انا اعتقد ان الاعب الي مطول شعره ورابط له يكون طوال المبارة خايف على التسريحه لاتخترب ومااعتقد انه بايكون مركز مع مجريات اللعب. ...كل شوي يعدل التسريحه
ويمكن لو تجيه كوره بالراسه يخليها تروح لاتخرب له التسريحه...

[حكيم زمانه]

بغض النظر عن تطويل الشعر او تقصيره اعتقد هذي حرية شخصية :con2:

يمكن يكون تطويل شعورهم مصادفة .. يمكن تطويل شعرهم عشان ينعرفون فيه يكون مثل ال distinguish features او العلامات الفارقة اللي تميزهم عن غيرهم:D

بس ان شاءالله يبيضون وجوهنا .. والكاس يكون عنابي



إسمحيلي أختي الكريمة أختلف معاك


و نحن نعرف إن حرية الشخص تنتهي عندما تبدأ حرية الآخرين


وبعدين في عالم الكرة العلامة الفارقة و المميزة للاعب هي أدائه و وما يقدمه بالملعب و ليس شكله , و لا شلون العالم كله يحفظ أسماء لعيبة البرازيل و كلهم ضاربين موس و لا واحد منهم يتعلش؟؟؟

أعتقد المسألة ماصخة وزادت عن حدها و لازم يكون في تدخل من إدارة المنتخب و الأندية



و شكرا لأخونا الزاجل لطرحه للموضوع