المساعد الشخصي الرقمي

مشاهدة النسخة كاملة : طريقة تركيب شبكة لاسلكية في البيت


بولينجر
19-01-2007, 07:16 PM
شكرا لك أخوي أبوضاري على جهودك الواضحة في المنتدى ولي طلب صغير منك...

ممكن تحط لنا طريقة تركيب شبكة لاسلكية في البيت وتكون ذات range واسع...يعني من الألف إلى الياء مع صور وأسماء الأجهزة المطلوبة بالإنجليزي (الراوتر وغيره) لعدة مستخدمين...

أدري ثقلت عليك...اعذرني بس حبيت أعرف أسهل طريقة وبدون تعقيدات...(عندي خبرة سابقة بس في الشبكات السلكية مب اللاسلكية)...

أكرر شكري الجزيل لك...
ابو ضاري
19-01-2007, 07:34 PM
شكرا لك أخوي أبوضاري على جهودك الواضحة في المنتدى ولي طلب صغير منك...

ممكن تحط لنا طريقة تركيب شبكة لاسلكية في البيت وتكون ذات range واسع...يعني من الألف إلى الياء مع صور وأسماء الأجهزة المطلوبة بالإنجليزي (الراوتر وغيره) لعدة مستخدمين...

أدري ثقلت عليك...اعذرني بس حبيت أعرف أسهل طريقة وبدون تعقيدات...(عندي خبرة سابقة بس في الشبكات السلكية مب اللاسلكية)...

أكرر شكري الجزيل لك...



ابشر بعزك عطني وقت بسيط فقط واجهز لك الشرح ان شاء الله تحياتي لك والاخوان فيهم الخير والبركة كلهم تحياتي لك يالغالي


فمان الكريم
ابو ضاري
19-01-2007, 07:34 PM
وقبل ما أنسى كم جهاز تود التركيب ونوع الاجهزة هل هي لابتوب او جهازي بي سي عادي

تحياتي لك

فمان الكريم
بولينجر
19-01-2007, 07:38 PM
ابشر بعزك عطني وقت بسيط فقط واجهز لك الشرح ان شاء الله تحياتي لك والاخوان فيهم الخير والبركة كلهم تحياتي لك يالغالي


فمان الكريم
جزاك الله كل خير أخوي أبوضاري... أدري إنك قدها وقدود... والله ماقصرت... في انتظارك :)
ابو ضاري
19-01-2007, 07:40 PM
بس ماقلت لي كم جهاز ودك تشبك في شبكة اللاسلكية ونوع الاجهزة تحياتي لك

فمان الكريم
بولينجر
19-01-2007, 07:40 PM
وقبل ما أنسى كم جهاز تود التركيب ونوع الاجهزة هل هي لابتوب او جهازي بي سي عادي

تحياتي لك

فمان الكريم
4 لاب توب وكلهم توشيبا ...جزاك الله كل خير
ابو ضاري
19-01-2007, 08:53 PM
بسم الله الرحمن الرحيم


كما وعدتك اخوي بولينجر بشرح لك كيف عمل شبكة لاسلكية في المنزل والشرح قمت بكتابته لك ولكن قبل أن أبدا في الشرح جميع الأخوان هنا فيهم الخير والبركة من فريق أول الى جاسم الى عتيج الصوف الى عبدالرحمن33 الى اختي ضوي الى اخوي راشد الجميع بيض الله وجيهم مايقصرون بشىء

نبدا انت اخوي بولينجر تبي تعمل شبكة لاسلكية في المنزل امر جميل نبدا بالعدة:-


المتطلبات

هو وايرلس اكسس بوينت ليكون هو ((الوسيط بين أجهزة توشيبا الأربعة التي لديك)) ومن الأنواع الممتازة من الوايرلس أكسس هو


Belkin F5D7230-4



http://common.ziffdavisinternet.com/util_get_image/7/0,1425,i=74295,00.jpg



طيب يمكن تقول في خاطرك شمعني الرواتر هذا بالذات؟؟؟؟



انا اجاوبك لأن اول شىء يدعم شبك حتى 32 جهاز لاسلكيا يعني مو تشبك اربع اجهزة بس لاء تشبك حق المنطقة كلهم اللي عندكم:D

يقبل التوصيل سليكا لعدد 253 جهاز كمبيوت لأن الرواتر يدعم مشاركة الانترنت سلكيا ولاسلكيا يعني عندك خيارات واسعة

يقبل العمل بنظام الشبكة الافتراضية VPN

قصى مسافة 1500 ft

يخزن اعدادت الانترنت ويتصل بالانترنت اوتوماتيكا

فايرول مدمج يحميك من المتطفلين والهاكرز اللي يحاولون يشبكون على شبكتك اللاسلكية

اعدادت الراوتر سهلة جدا كانك قاعد تعمل اعدادت مودم سبيد تتش عن طريق متصفح الاكسلبور او كانك قاعد تعمل اعداد مودم لينكسس




طيب ممكن تبي كم سعر رواتر اللاسلكي Belkin F5D7230-4 ومن وين تشترية؟

سعر الواتر اللاسلكي يترواح ما بين 500 الى 600 ريال وتقدر تشترية من فروع مكتبة جرير او تشتري الرواتر عن طريق موقع Belkin المباشر



الحين تكلمنا عن المميزت وعن الرواتر المناسب لك طيب نجي للتفاصيل اخوي بولينجر مسالة شرح مصور بتكون صعبة لأن انا ماعندي الرواتر هذا لكن بشرح لك بشكل كتابي حتى تكمل الصورة عندك ومع التطبيق بيكون معاك سهل ومع كم محاولة تكمل معاك الصورة من خلال الشرح الكتابي وتطبيقك المباشر على الوايرلس رواتر بما ان عندك أربع لابتوبات توشيبا اذا فيهم خاصية الوايرلس طيب نفرض ان جهازك اخوي بولينجر الرئيسي نعطية اسم مثلا ((A)) لما تشتري الرواتر اللاسلكي اشبكه عن طريق كرت الشبكة العادي وبالتالي يكون جهازك مشبوك فية مودم DSL وايضا مشبوك فيه Belkin F5D7230-4 عن طريق كرت الشبكة


يعني جهاز بولينجر==== مودم DSL ==== رواتر اللاسلكي Belkin F5D7230-4


طريقة عمل رواتر اللاسلكي Belkin F5D7230-4 هو أخذ الاتصال من المودم حق DSL المشبوك في جهازك ويعمل له حفظ ومن ثم يعمل نقاط وصول AP أكسس بوينت للأجهزة الثلاثة اللي عندك أشرح لك بصورة أوضح شغل الاجهزة الثلاثة اللي عندك ولازم((يكون فيها خدمة الانترنت اللاسلكي)) ومن جرب بحث عن شبكة لاسلكية الاجهزة اللي عندك بتطلع لك نقطة وصول AP خاصة برواتر اللاسلكي اللي هو Belkin F5D7230-4 أي الاجهزة تتصل بنقطة الوصول Belkin F5D7230-4 من ثم تتصل بالانترنت يعني المسالة بسيطة جدا


طيب يمكن تتسائل في خاطرك وتقول طيب هل لازم جهازي الرئيسي اللي عطيناه اسم A لازم يكون شغال عشان اجهزتي الثلاثة تشبك على الانترنت؟؟؟


لا اكيد مو لازم يكون جهازك شغال بس لازم يكون عندك شغال مودم DSL وبقية الاجهزة تتصل بالانترنت عن طريق الرواتر اللاسلكي Belkin F5D7230-4 حتى لوجهازك مطفى والاعدادت سهلة جدا اخوي ولكن اهم شىء شىء في اعدادت رواتر اللاسلكي Belkin F5D7230-4 هو اعطاء خاصية التوزيع التلقائي للأرقام الشبكية IP للأجهزة التوشبيا الثلاثة عن طريقة وضع اختيار خاصية DCHP




اتمنى تكون وضحت الصورة لك اخوي بولينجر المسالة بسيط تشبك جهازك للرواتر الللاسكي ومن ثم تتعرف الاجهزة الثلاثة اللي عندك توشبيا على نقطة الوصول للرواتر اللاسلكي Belkin F5D7230-4 واعدادت الرواتر اللاسلكي بسيطة وسهلة مع شرحي الكتابة وايضا تطبيق منك ستجد المسالة سهلة ان شاء الله تقبل تحياتي والسموحة على التقصير


فمان الكريم
الأختصاصي
19-01-2007, 09:02 PM
بصراحه الراوتر اللاسلكي Belkin F5D7230-4
ممتاز انا مرك واحد عندي
جزاك الله خير اخوي ابوضاري
ابو ضاري
19-01-2007, 11:41 PM
بصراحه الراوتر اللاسلكي Belkin F5D7230-4
ممتاز انا مرك واحد عندي
جزاك الله خير اخوي ابوضاري


للجميع اخوي الاختصاصي فعلا رواترات منتجات Belkin مميزة للغاية تحياتي لك


فمان الكريم
jajassim
20-01-2007, 02:17 AM
الله يعطيك العافية أخوى أبوضاري


للعلم أخوى سعر الجهاز Belkin-N-Router في كارفور بـ 793 ريال قطري ،، الا اذا ماتغير سعره :nice:

http://www.demo.com/demoletter/Belkin-N-Router.jpg
jfal
20-01-2007, 02:30 AM
مشكور اخوي ابوضاري ولكن وش رايك في جهاز Belkin Pre-N _ ADSLاي واحد افضل فيهم وشنهو الفرق بينهم
بولينجر
20-01-2007, 04:12 PM
شرح ولا أروع أخوي بوضاري...وفعلا الإخوان مايقصرون مثل ماقلت وكلكم فيكم الخير والبركة...إن شاء الله بأجرب بعد الامتحانات ماتخلص علشان محد يلهى بالإنترنت...وإذا عندي سؤال بأرجع أسألك إن شاء الله...جزاك الله كل خير
ابو ضاري
21-01-2007, 03:09 PM
الله يعطيك العافية أخوى أبوضاري


للعلم أخوى سعر الجهاز Belkin-N-Router في كارفور بـ 793 ريال قطري ،، الا اذا ماتغير سعره :nice:

http://www.demo.com/demoletter/Belkin-N-Router.jpg


الله يعطيك العافية يالغالي على افادة اخوانك تحياتي لك

فمان الكريم
ابو ضاري
21-01-2007, 03:10 PM
مشكور اخوي ابوضاري ولكن وش رايك في جهاز Belkin Pre-N _ ADSLاي واحد افضل فيهم وشنهو الفرق بينهم

اخوي جفال هذا مودم دي اس ال لكن اللي تكلمنا عنه في الشرح هو اكسس بوينت وراتر ولاسلكي حيث لايتصل بالانترنت هو نقطة وصول لاسلكية ورواتر ويتطلب وجود مودم عشان يتصل بالانترنت تحياتي لك



فمان الكريم
ابو ضاري
21-01-2007, 03:11 PM
شرح ولا أروع أخوي بوضاري...وفعلا الإخوان مايقصرون مثل ماقلت وكلكم فيكم الخير والبركة...إن شاء الله بأجرب بعد الامتحانات ماتخلص علشان محد يلهى بالإنترنت...وإذا عندي سؤال بأرجع أسألك إن شاء الله...جزاك الله كل خير



الله يخليك يارب اخوي بولينجر ماسوينا شىء والجميع ماراح يقصر ان شاء الله بالتوفيق ان شاء الله لك


فمان الكريم
سيف قطر
21-01-2007, 08:39 PM
تسلم اخوي ابو ضاري
ابو ضاري
21-01-2007, 10:18 PM
تسلم اخوي ابو ضاري



الله يسلمك اخوي ع الشرحي تحياتي لك


فمان الكريم