طلب مساعدة من أهل الخبرة جزاهم الله خير

[قطرية وبس]

:nice: هلا بأخواني الأعزاء
بغيت منكم مساعدة أو بالمعنى مشورة وإعطاء الراي الأفضل بحكم الخبرة في هذا المجال للأخوان إلي عندهم خبرة أو فكرة عن الموضوع إلي بتكلم فيه .
أولاً : هل تنصحوني بشراء تريلات من قطر أو من الإمارات أو من سوريا (حلب) تجديد 2006
ثانياً : هل تنصحوني إجرها على شركة ولا أدور لها سواق أحسن لأن الفرق بيكون وايد لأن إلي يستأجرون التريلات يدخلون فوق الـ 30 ألف في الشهر .
ثالثاُ : ولا تنصحوني أخذ لي باصين من شركة (TATA) بس إلي أعرفه أنه مالها قطع غيار متوفره ..... صح و لا ؟ وأجرها حق توصيل عمال ...
:con2: لأني محتاجة لمشورتكم فالرجاء منكم تقديم المشورة وجزاكم الله ألف خير .

[rashid-1]

شوفي

تحملي أحد من هالسواقين يقولج بجيب لج سياره من سوريا أو من الأردن ترى راح تتعرضين لعملية نصب كبرى وماعليج من الإلسان المعسوول

وبعدين التريلات مشاكلهم ماتنتهي والله ماتنتهي

والله نصيحة أخوية إذا عندج فلوس خشيها لليوم الأسود

ولا أشتري لج صندوق ( مقطوره ) وأجريه وريحي مخج 6000 أو 7000 ومافيه اي مشاكل

[ابـو مــحــــمـــــد]

شغل التريلات متعب ولكنه منجم ذهب للي يعرف له طبعآ

اختي انتي رحيتي للمعارض ودخلتي الصناعيه وشفتي المعروض كييف
اعتقد المعروض اكثر من الطلب الان في قطر

انا مادري هل انتي عارفه حق عمل التريلات وكيف تاجيرها وكيف تجلبين العقود
وكيف الاصلاح عند التعطيل وكيف مراقبة السايق عندما لا يكون اميين ويكثرهم في سوقنا
مش عارف هل دخولج لهذا العالم لمجرد انج سامعه فقط ان هذا العالم يدر الفلوووس

برد على النقاط

السوق القطري افظل لج وعلى فكره الاسعار الان مقاربه للامارات لان المعروض في قطر يفوق الطلب ولكن على حسب النظافه طبعآ وهل انتي واثقه ان الي بيجيب من سوريا راح يجب لج السياره على نفس المستوى الي انتي شريتيها فيه وهل انتي على علم ان السياره نظيفه ولا يوجد بها اي اعطال او عيوب ..

2- اكيد لما يكون حلالك تحت عينك افظل ولكن هل انتي عندج الخبره الكافيه للبحث عن العقود
او العمل على التوصيل في حال لم يكن هناك عقد حق اي جهه محتاجه وهل انتي على درايه كافيه بعمل السايق وعدم خيانته لج ..

3- طبعآ عمل الباصات هو الاريح اذا توفر العقد المناسب وهناك الكثير من الشركات غير
الـ tata حتى لو كان مستعمل ولكن بنظافه جيده

هذا الي اقدر اقوله واكيييد الاخوان يقدرون يفيدون اكثر

[limoOoOony]

شوفي

تحملي أحد من هالسواقين يقولج بجيب لج سياره من سوريا أو من الأردن ترى راح تتعرضين لعملية نصب كبرى وماعليج من الإلسان المعسوول

وبعدين التريلات مشاكلهم ماتنتهي والله ماتنتهي

والله نصيحة أخوية إذا عندج فلوس خشيها لليوم الأسود

ولا أشتري لج صندوق ( مقطوره ) وأجريه وريحي مخج 6000 أو 7000 ومافيه اي مشاكل



وانا اتفق مع راشد في الكلام اللي قاله :nice:

[جغرافي قطر]

شوفي

تحملي أحد من هالسواقين يقولج بجيب لج سياره من سوريا أو من الأردن ترى راح تتعرضين لعملية نصب كبرى وماعليج من الإلسان المعسوول

وبعدين التريلات مشاكلهم ماتنتهي والله ماتنتهي

والله نصيحة أخوية إذا عندج فلوس خشيها لليوم الأسود

ولا أشتري لج صندوق ( مقطوره ) وأجريه وريحي مخج 6000 أو 7000 ومافيه اي مشاكل



سلامي عليك يابوسنييييييييييده:eek2:
ياليتني سمعت كلامك قبل لا ادخل البورصه:eek3: :eek3: :eek3:
جان الحال غير الحال

[شقردي]

اختي انا مع راي الاخوان التريلات فيها شغل بس عطالها كثير ولازم يكون عندج دريول صاحب امانه يعني يحافظ على السياره واذا حصلتي دريول من هالسوريين اكيد رايح يطلب اربع الاف ونسبه وحسبيها عاد
بس اذا الباصات بكون عقدها اقل شي سنه وبكون من شركة الام لان خبرج الوصيد ياخذ نسبه
والعقد مدخوله على اقل في السنه يدخل قيمة السياره هني تمام
لكن ما اقول الا الاه يوفقج واذا ناويه تشترين تريله انتبها من شغل النصب اللي ساير عندنا في هليام
بالتوفيق تحياتي

[قطرية وبس]

مشكورين أخواني الأعزاء
أبو محمد / limoOoOony / جغرافي قطر / والأخ شقردي
الله يعطيكم العافية ويجزاكم خير على هالنصايح .

[قطرية وبس]

بس معليش سامحوني بسبب لكم إزعاج شوي
كنت حابه أسأل إذا أنا أشتريت صندوق وين أقدر أجره .. إذا أحد يقدر يقولي بكون شاكرة لكم.

[قطرية وبس]

الأخ rashid-1 تمت الإضافة

[الرحال]

نصيحتي هذا الكار مو لك
بمعنى تاجير التريلات عجز الزلم فما بالك بالنساء
خليك بالأسهم احسن لأن السوق نازل الحين واعتقد افضل وقت للشراء
بس عليك حسن الاختيار
هذا والله اعلم