المساعد الشخصي الرقمي

مشاهدة النسخة كاملة : طلب خدمة عاجلة منكم ولا تخذلوني ........


مستثمر رشيد
23-01-2007, 09:08 PM
ياجماعة سيارتي اندعمت دعمة بسيطة من الخلف ونتج عن الحادث تمزق بمقدار شبر تقريبا في الرفرف علما بان الرفرف بلاستيك ((رفرف لاندكروزر)) وسمعت ان شق الرفرف او تمزقة يمكن اصلاحة بس مب عارف وين .............

ممكن تنصحوني وتدلوني على مكان زين يلحملي الرفرف المشقوق وشقله نظيف لاني صراحة متكدر وايد وايد من الحادث الي صار ............لكن الحمد لله قدر الله وما شاء فعل

وجزاكم الله الف خير يالجواد
ALRAYYAN
23-01-2007, 10:16 PM
اخوي عليك بكراج النورمندي عند الاخ حسام

تراه فنان

وعندك بعد الكرستال في طريق سلوى بس غالي
راعى Sl
23-01-2007, 10:42 PM
مثل ما قالك اخوى الريان النورمندى او الكريستال بس الكريستال حرامى عود
والا اقولك جربت محل كلاس بطريق سلوى موجود بمحطه بترول التيسير جرب وشوف
alwahesh
24-01-2007, 12:02 AM
سؤالك غريب
اشلون الدعمه من الخلف والرفرف بلاستيك اخاف قصدك الصدام

اوووو اكيد سيارتك موديل 97 ونازل

اسأل اول شي الرفرف كم سعره اعتقد بين 200 و 300 ولا تعور راسك في التصليح
لاني الله يسلمك صار لي نفس الحادث بس الصدام الخلفي حق كامري 2007 وقال لي تصليحه
يكلف 850 ريال بس شكيت في كلامه يوم قال لي الصدام في الوكاله 1500 وما تحصل
المهم رحت الوكاله وطلع سعره بحدود 300 ريال جديد وبس
مستثمر رشيد
24-01-2007, 06:13 AM
الاخ الريان شكرا على الرد بس النورمندي يطول في التصليح ولازم تاخذ موعد

الاخ راعي الكيان بالنسبة لكلاس الي قلت عنه هل يستطيع ان يلحم الفرفرف البلاستيك ويصبغه ؟؟؟؟ وهل انت جربته من قبل ؟؟؟؟؟؟؟؟؟؟

الوحش مشكور عالرد .......... سيارتي موديل 2006 والدعمة جاية على الرفرف المشبوك بالصدام الخلفي وتعتبر كلها قطعة وحدة .... اما بالنسبة للشق فهو بسيط ومايستاهل ابدل الصدام الخلفي بالكامل فابغي حد يقدر يلحمه بس مادري وييييييييييييين؟؟؟؟؟؟؟؟؟؟
_QTR_
24-01-2007, 12:02 PM
شوف جراج الدانة شغلهم نظيف جدا وانا مجربه في 3 سيارات والله

بس

الغالي غالي

يعني سعره غالي لانه هو اللي يصلح حق وكالة الروز والبنتلي
جنيه ذهب
24-01-2007, 01:14 PM
اخوي روح كراج المستقبل الي قدام الكريستال شغلهم عجيب واكثر السيارات الي عنده
لاند كروزر
مستثمر رشيد
24-01-2007, 02:14 PM
مشكورين وماقصتروا

من اليوم رايح ابداء الف وادور والله يعين
alwahesh
24-01-2007, 11:32 PM
اخوي عرفت قصدك

تذكرت كراج او قصدي سكراب عنده الصدام كامل (مع الرفرف) مثل ما تسميه المهم
عنده وبكل الالوان وعلى 350 ريال ما عليك الا انك تشيل القديم وتركب الجديد .بكره بروح له لاني مب متذكر اسمه ولا رقم الشارع بس ادل المكان
الخطاب القطري
27-01-2007, 02:10 PM
والله ما انصحك اتصلحه لان سعر الصدام 300 ريال تقريبا واذا تبي تصبغه بعد بيكلفك حول 300 ريال عند النورماندي ... يعني السالفه كلها 600 ريال

يعطيك العافيه