خسر حوالي 150000 ريال ؟؟؟؟؟

[majdqatar]

صديق لي ويمكن اكثر من اخوي عشنا مع بعض فتره 15سنه متواصله بدون انقطاع قرر صديقي يتزوج ويستقر لقى بنت الحلال امه زينت له العروس كانها حوريه ومافي مثلها وكلام معسول له من ام العروس وتدرون المصاريف حق التجهيزات قال لام العروس وابوها انا ابي اتزوج بسرعه لانه لو طالت السالفه بتخرب قالوا له توكل على الله حجز كل شيء وقالوا له الشيخ يكتب يوم العرس قال موافق .....لهني كل شي تمام اول ما اتفق مع الشيخ على موعد قبل العرس باسبوع صارت المشاكل من حيث لا يعلم صوب من امه وصوب من رضيعته وصوب من ام العروس وما قدر يسيطر على الامور ...احين الرجال اشترى كل الاشياء وجهز بيته توه بانيه وصرف عليه واشترى حق العزايم مع العلم تم الاشهار بانه فلان لفلانه بين اهله واهلها والشيخ بيملك في يوم الفلاني ..السبب الله يسلمكم الغيره غيره الام ظهرت على ابنها لين اكتشفت انه ابنها بروح منها ام العروس سويت نفس الشي والمشاكل كبرت وللاسف فشل الزواج ...تدخلت انا شخصيا وحاولت ولكن خلاص العقول تحجرت ام العروس تقول لو اخر واحد ما اعطيه بنتي وام العريس تقول لو اخر بنت ما ازوجه لها ...
والله انه كسر خاطري شيسوي والله حرام شذي .... ....!وحلف انه من الديره ما يتزوج.

ولانه صديقي المقرب لي شخصيا طلب مني نروح دوله خليجيه ويتزوج منها واكون معاه بصراحه انا عارضته في البدايه لكن حالته تجبرني اني اكون وياه ...عندكم حل ثاني ..؟

[OTOsan]

تبي رايي .. لا هي الاولى ولا الوحيده ،، واللي خلقها خلق غيرها ،،

فاذا ماكان له نصيب في وحده من الديره فليش يجبر نفسه يتزوج من برا ..


قول له ( صل عالنبي ) ودور لك وحده ثانيه وان شاء الله الله يرزقه بالزوجة الصالحه !

[Smart]

بنات البلد واايد يدور غير وان شاءالله بيحصل ولو كلنا رحنا وتزوجنا من برع من بتزوج بنات البلد المساكين الى جالسين فى بيوت اهلهم
وانا رايى ياخذ من بلده احسن وابرك
ولا يتسرع ياخذ من برع لان بتطلع عليه اغلى من بيع السوق

[majdqatar]

']تبي رايي .. لا هي الاولى ولا الوحيده ،، واللي خلقها خلق غيرها ،،

فاذا ماكان له نصيب في وحده من الديره فليش يجبر نفسه يتزوج من برا ..


قول له ( صل عالنبي ) ودور لك وحده ثانيه وان شاء الله الله يرزقه بالزوجة الصالحه !


مشكور وما قصرت على مرورك

[A7MAD]

كل شيء قسمه ونصيب ولعله في له خير في اللي صار ربنا يرزقه بزوجه صالحه ويعوض عليه

[majdqatar]

بنات البلد واايد يدور غير وان شاءالله بيحصل ولو كلنا رحنا وتزوجنا من برع من بتزوج بنات البلد المساكين الى جالسين فى بيوت اهلهم
وانا رايى ياخذ من بلده احسن وابرك
ولا يتسرع ياخذ من برع لان بتطلع عليه اغلى من بيع السوق


اخواني المشكله مب في الولد او البنت المشكله في الغيره اللي عند الام يعني لو طلب يتزوج وحده ثانيه نفس الشيء بصير البنت الاولى ما عليها قصور بالعكس لكن الغيره
غيره الام اعتقد مفعولها اقوى من غيره الزوجه الثانيه ...والدته متعلقه فيه وايد بشكل ما تتصورن..في البدايه هي ترحب بالفكره لكن المشكله لين يصير الموضوع انه بتم يخرب كل شي.

ارجو تكون المشكله وضحت .

[الراقية]

اخي الفاضل المشكلة قائمة وهي والدته ...والام شي طبيعي تغير على ولدها وكان المفروض من البداية يكون فيه تفاهم من هالناحية هذي بينه وبين زوجة المستقبل ..ويمكن هذي البنت ما زالت عندها الرغبة فيه ولكن الاهل هم اللي يخربون حياة الشاب والفتاة ....

اخوي قول لصديقك حتى لو يروح القمر ويخطب من هناك والمشكلة ما زالت موجودة والدته رضيعته ام زوجتة الخ يعني ما سوينا شي

لابد ان يعرف ويحط بباله ان مثل هالمشاكل تصير بكل بيت وبكل زواج تقريبا

في احيانا اختلاف وجهات النظر على الصالة او البطاقات او التوزيعات وهذي اشياء تافهة ولكن تصير

وما عليه هو الا انه يختار بنت الحلال اللي تتفهم وضع اهله وما دام بيته موجود يعني بيكون شوي بعيد وهذا شي زين للي بحالته

خله يتوكل على الله ويختار بنت تتفهمه ويفهمها وتحبه لان البنت اذا حبت لانت واعطت اكثر من اللازم

[السديم]

مرحبا اخوي ماجد ..

من كلامك اي زوجه بياخذها الام بتغير منها .. عيل ليش يروح يتزوج من دولة خليجية ؟؟؟
ولا بنات الدولة الخليجيه الام ماتغار منهم ؟؟؟؟؟؟؟؟؟

وبعدين المفروض يدور له على انسانه من بلاده مثل ماقالو اللي سبقوني اذا كل واحد راح وتزوج من برع بنات الديره من لهم؟؟
وعقب تهتفون لا للعنوسه ولا لمادري شنو !!
المفروض هو يتزوج وحده صالحه تراعي مشاعر امه .. كل ام يوم يتزوج حد من عيالها سواء البنت او الولد تحس انه شي ملك خاص فيها جيه حد غريب وخذه منها واظن الكل يتفق معاي .. لكن في امهات يبون يشوفون الفرحه في عيون عيالهم فيسهلون ويسرون الامر وفي امهات مشاعرهم مبالغه لدرجه تخريب الزواج وهذا اللي حصل مع رفيجك ..
انصحه ياخذ وحده عاقله راعية دين وتخاف الله وتقدر مشاعر امه ومع الوقت صدقني الام بتحبها اكثر من ولدها :)

وجهة نظر تقبل الصواب والخطأ ..

لك تحياتي ..

اختك /سديم

[أحمد اليافعي]

انزين ابو المعرس وابو العروس وينهم ؟؟ :con2:

عموما أنا لو منه أتزوجها وارتبط فيها دامني مقتنع فيها ورضيت بها واهي نفس الشي دام مقتنعه وراضيه به .. ومن كلامك واضح ان الرجال بيسكن وياها في بيت بروحهم .. يعني محد بيعكر عليهم عيشتهم لا امه ولا حتى رضيعته ..

قوله يتزوجها ولا يفرط فيها ، والرجال مواقف ومثل هالموقف راح يحسب له وراح يبين لزوجته ان زوجها رجال ونعم الرجال وبتحبه وتتعلق فيه اكثر وبتقدر له هالشي اللي سواه فيها وضحى بكل شي عشان ما يفرط فيها وعشان يرتبط وياها ..


وبعدين ترى المشاكل وعدم الرضا من ام الزوج او ام الزوجه بتختفي مع ليلة الزواج وتدريجيا بتختفي مثل هالمشكلة خصوصا انه بيسكن في بيت وياها بروحهم ..

تحياتي لك

[majdqatar]

اخي الفاضل المشكلة قائمة وهي والدته ...والام شي طبيعي تغير على ولدها وكان المفروض من البداية يكون فيه تفاهم من هالناحية هذي بينه وبين زوجة المستقبل ..ويمكن هذي البنت ما زالت عندها الرغبة فيه ولكن الاهل هم اللي يخربون حياة الشاب والفتاة ....

اخوي قول لصديقك حتى لو يروح القمر ويخطب من هناك والمشكلة ما زالت موجودة والدته رضيعته ام زوجتة الخ يعني ما سوينا شي

لابد ان يعرف ويحط بباله ان مثل هالمشاكل تصير بكل بيت وبكل زواج تقريبا

في احيانا اختلاف وجهات النظر على الصالة او البطاقات او التوزيعات وهذي اشياء تافهة ولكن تصير

وما عليه هو الا انه يختار بنت الحلال اللي تتفهم وضع اهله وما دام بيته موجود يعني بيكون شوي بعيد وهذا شي زين للي بحالته

خله يتوكل على الله ويختار بنت تتفهمه ويفهمها وتحبه لان البنت اذا حبت لانت واعطت اكثر من اللازم
كلام راقي جدا على مسمى اختى الراقيه مشكوره

[Guest]

الأهل دائماً يسببون المشاكل بين المتزوجين ، و الله يكون في عونه

[majdqatar]

مرحبا اخوي ماجد ..

من كلامك اي زوجه بياخذها الام بتغير منها .. عيل ليش يروح يتزوج من دولة خليجية ؟؟؟
ولا بنات الدولة الخليجيه الام ماتغار منهم ؟؟؟؟؟؟؟؟؟

وبعدين المفروض يدور له على انسانه من بلاده مثل ماقالو اللي سبقوني اذا كل واحد راح وتزوج من برع بنات الديره من لهم؟؟
وعقب تهتفون لا للعنوسه ولا لمادري شنو !!
المفروض هو يتزوج وحده صالحه تراعي مشاعر امه .. كل ام يوم يتزوج حد من عيالها سواء البنت او الولد تحس انه شي ملك خاص فيها جيه حد غريب وخذه منها واظن الكل يتفق معاي .. لكن في امهات يبون يشوفون الفرحه في عيون عيالهم فيسهلون ويسرون الامر وفي امهات مشاعرهم مبالغه لدرجه تخريب الزواج وهذا اللي حصل مع رفيجك ..
انصحه ياخذ وحده عاقله راعية دين وتخاف الله وتقدر مشاعر امه ومع الوقت صدقني الام بتحبها اكثر من ولدها :)

وجهة نظر تقبل الصواب والخطأ ..

لك تحياتي ..

اختك /سديم
يسلموا على مرورك وبنقل نصيحتك ان شاءالله

[majdqatar]

انزين ابو المعرس وابو العروس وينهم ؟؟ :con2:

عموما أنا لو منه أتزوجها وارتبط فيها دامني مقتنع فيها ورضيت بها واهي نفس الشي دام مقتنعه وراضيه به .. ومن كلامك واضح ان الرجال بيسكن وياها في بيت بروحهم .. يعني محد بيعكر عليهم عيشتهم لا امه ولا حتى رضيعته ..

قوله يتزوجها ولا يفرط فيها ، والرجال مواقف ومثل هالموقف راح يحسب له وراح يبين لزوجته ان زوجها رجال ونعم الرجال وبتحبه وتتعلق فيه اكثر وبتقدر له هالشي اللي سواه فيها وضحى بكل شي عشان ما يفرط فيها وعشان يرتبط وياها ..


وبعدين ترى المشاكل وعدم الرضا من ام الزوج او ام الزوجه بتختفي مع ليلة الزواج وتدريجيا بتختفي مثل هالمشكلة خصوصا انه بيسكن في بيت وياها بروحهم ..

تحياتي لك

الجواب على سؤالك الابوين متوفين رحمه الله عليهم
مشكور اخوي احمد بارك الله فيك

[أحمد اليافعي]

الجواب على سؤالك الابوين متوفين رحمه الله عليهم
مشكور اخوي احمد بارك الله فيك


دام متوفين الله يرحمهم الموضوع سهل ..

الرجال وصي على نفسه والبنت اكيد حد من اهلها وصي عليها وولي أمرها يقدرون يقنعونه وانتهى الموضوع وطبعا تشوف حد من اخوانها يكون موافق لها على فكرة الزواج ويكون سند لها في مواجهة هالموضوع وفكرة رفض امها وام المعرس :)

[ولد البلاد]

قال تعالى : (( و عسى ان تكرهوا شيئاً و هو خير لكم و عسى ان تحبوا شيئاً و هو شر لكم والله يعلم وانتم لاتعلمون ))



اخوي زواجه من الخارج ما راح يحل المشكلة أبدا

الحل من وجهة نظري في الآتي :
1- ان يقتنع أن هذا أمر اختاره الله له وان فيه الخير بأذن الله .
2- أن يتوكل على الله ويبحث عن زوجة أخرى ذات دين وخلق
فقد قال رسولنا الكريم صلى الله عليه وسلم : (تنكح المرأة لأربع: لمالها ولحسبها ولجمالها ولدينها فاظفر بذات الدين تربت يداك)
3- عليه أن يوضح لمن ينوي الزواج بها أن الابن حينما يتزوج تكون والدته متحفزة بشكل طبيعي للحفاظ على ابنها من سرقته من الزوجة الجديدة ، وقد تصدر منها مواقف ولو بشكل غير مقصود كالعصبية وغيرها ضد الزوجة ، وان على الزوجة العاقلة هنا أن تمتص تصرفات وغضب الأم بالود والابتسامة وان لا تبين لها بأي شكل أنها غلطانة وترد عليها بالكلام اللطيف الذي يذيب كل غضب او حقد مثل ان تقول لها: ما عاش من يزعلك يا امي ، أنتي تامرين آمر يالغاليه .
وتتقرب منها أكثر وأكثر وتحسسها أنها مازالت ذات أهمية في المنزل بحيث تستشيرها في اغلب الأمور حتى لو كانت بسيطة وتعينها في عمل البيت إلا أن تمسح من رأسها فكرة أن الزوجة تخطف الزوج من أمه .

وعلى الزوجة أن تعي أن الجنة تحت أقدام الأمهات وان الأم مهما حصل هي الأم وطاعتها ورضاها من رضا الله وعليها ان تدرك أنها في المستقبل ستصبح اما وسيأتي لها ابنها بزوجة له أيضا فعليها ان تحسن معاملة ام زوجها حتى تحسن زوجة ابنها معاملتها .
4- عليه أن يوضح لوالدته ان هذه هي سنة الحياة وان هذه الغيرة ستكون سبب تعاسته في حياته الزوجية
ولا اعتقد ان هناك ام تبحث عن تعاسة ابنها
وان يوضح لها انه لن يتغير عليها بهذا الزواج بل سيظل ابنها البار المطيع وانها ستظل هي صاحبة الشور والامر .
5- ان يكثر من الدعاء بالتوفيق بالزوجة الصالحه وان يوفق الله بينها وبين والدته .
6- ان يستخير الله قبل تقدمه لخطبة اي فتاة .


وبأذن الله بيعيش سعيد ومرتاح




.