محتاره يامسلمين

[الجوري]

السلام عليكم
معاي مئه الف وبالمجموعه واول مره بحياتي المجازفه



محتاره ووش اشتري


بعد بكره راح اشتري



ابي النصيحه تكفوووووووون

تراني محتاره ودايخه منها وخايفه


وانا من اصغرصغار المستثمرين




وابي استرد المئه باسرع وقت ممكن




ابي النصيحه يارجال بلادي






اختكم الجوري

[الجوري]

مرحبا ============

قالوا الكثير من الناس اشتري بالمئه كامله صناعات قطر مهما كان السعر



وانا محتاره والله لاني اجهل الكثير

وخايفه




وشرايكم ياخواني



انا غشيمه مرررررررررره وراسي وجعني من القلق





والف الف شكر لكم

[سهم عتيج]

اذا تبغين نصيحتي,, دام انك جديدة على الأقل انتظري لين يهدأ السوق حتى تتضح الأمور,, أو على الأقل يوقف الLimit up وبعدها راح تتضح الأمور أكثر,, اما بالنسبة للمشورة فكل الشركات مرتفعة أسعارها الحد الأقصى من عدة أيام,, واللي قط خيطه قبل 3 أيام,, بالتأكيد حصل شيء طيب,, بس اللي بيقط خيطه خلال هاليومين,, فالله أعلم ايش بيصير والأمر متروك لك والله يوفقك

[الجوري]

جزاك الله خير

[بوناصر-قطر]

السلام عليكم ورحمة الله وبركاته

اختي العزيزه / الجوري

بصراحه السوق هاليومين مولع ولا راح تنزل الاسعار حتى خلال شهرين من الان ودائما في طلوع.

انصحج اختي انج ماتشترين اسهم من جهه معينه وحاولي انج توزعين المبلغ اللي معاج على مجموعة شركات بحيث ان لو قدر الله ونزل سعر سهم اي شركه تقدرين تعوضينها بالشركه الثانيه وسويلج محفظه استثماريه مصغره ... على سبيل المثال انج تشترين من بعض الشركات ما بين 200 الى 300 سهم بسعر السوق الحالي وحسب المبلغ اللي عندج . وان شاء الله تلقين اسهم . لان بصراحه هاليومين الطلبات كثيره والمعروض نادر . واذا بغيتي اي نصيحه انا حاضر , لاترددين في الاستفسار .

الله يوفقج

[الجوري]

تدري يادولار =====جنيييييييت وانا توني اول الخير والمشوار


اولا جزاك الله خير والثانيه =======اني بحاجتها ولازم اشتري وابيع الحين



وتسلم والله على المعلومه

[بوناصر-قطر]

اختي العزيزه .... الشي مايجي بالساهل

ان الواحد يقول ابي اشتري وابيع بسرعه ... وخصوصاً هذي الايام المعروض نادر مثل ماقلت لج
واذا تقدرين وعندج حساب في المجموعه انا انصحج من بكره انج تشترين .

[ومن الغباء ماقتل]

وزعيها بين الصناعات والدولي الاسلامي

السبب هو ان هالسهمين الاجانب حاطين العين عليهم ويبون يشترونهم اول ماينزلون السوق.

طبعا هو في الاخير مجرد راي شخصي لا اكثر :)

[qatar_moon]

والله يالجوري يمكن حالتج الحين كانت نفس حالتي من شهر تقريبا

كنت محتاره وماعرف ايش اشتري وفي شنو بربح :confused:

لكن عزمت واتخذت قراري وشريت في كذا شركه بقد المبلغ الي عندي

والحين الحمدلله :)

انا اشوف قطاع الصناعه ممتاز والله اعلم

[النجم]

والله من رأيي تشترين اسهم الكهرباء والماء ........... والصناعات .

[الشقيان]

اختي الجوري نصيحه اشتري الصناعات ولا تفكرين

لان الاجانب بطحون فيها طيحه لين مؤاشر البورصه يخترب

او يصير مينون صدقيني قوي قلبج :cool: :cool: :cool:

[الجوري]

جعله يسلم من فهمني
وابشركم اني توفقت مبدئا وشكرا على الافاده

[المستثمر القطري]

اختي الجوري اشتري الصناعات
الكهرماء
التخصصي
العقاريه
الوقود
السلام

وانا اتمنى انج تسترين السلام لأنه انشالله مع اصدار الاسهم لزياة راس المال راح ترتفع انشالله

وانشالله باجر تشترينها بسعر ممتاز نفس بعض الناس شروها اليوم على 39

والله يوفقج و يبارك لج في ال100000 و تستوي انشالله 1000000