بروه ولا العقاريه ولا اي سهم ثاني؟

[الداعي]

السلام عليكم
اخواني محتاج شوركم انا شريت العقاريه على 43.3 وكنت ناوي اربح فيها وللاسف نزل السهم وافتراضيا خسرت وبصراحه بعض الاخوان انصحوني ابيع بسعر 40 لكن مالحقت ابيع..

الحين مادري اشوف بروه ترتفع وسعر العقاريه وصل 39.70 ريال فهل تنصحوني ابيع بهالسعر واشتري في بروه واعوض خسارتي الكبيره ولا انتظر بعد ويمكن العقاريه ترتفع لين سعر الشراء او اعلى بشوي؟

هل تنصحوني بسهم ثاني ممكن يعوضني عن خسارتي لان خلاص ابي اطلع براس المال او بربح بسيط واسحب نفسي من السوق لفتره ليست بالقصيره لان انقرصت

اتمنى من الاخوان انهم يعطوني شورهم واذا ينصحوني باسهم معينه ممكن تعوضني

وجزاكم الله خير

[منصور]

العقاريه سهم جيد وماعليه كلام ومن الظلم مقارنته بسهم مثل بروه ومانصحك في بروه

النصيحه الوحيده لك

احتفظ بسهم العقاريه وعدل على سعر شرائك

[الداعي]

اوكي يعني برايك بيرتفع صح؟ لان بصراحه النزول هذا خوفي واللي لاحظته بسوق الدوحه ان اذا الشي نزل مايرجع يرتفع الا بعد فتره طويله

يعني احتفظ فيه ومابيع واشتري فيه اي سهم من اي شركه؟

[بيبي هامور]

الداعي شييك على الخاص

[الداعي]

جزاك الله خير اخوي بيبي هامور.. للاسف ماقدر ارد على رسالتك بالخاص ممكن تطرشلي ايميلك لان عندي بعض الاستفسارات

وشكرا

[منصور]

نعم الداعي تشاور مع الاخ بيبي هامور وهو من الاشخاص اللي لهم باع طويل

في الخبره والنزاهه

[بيبي هامور]

نعم الداعي تشاور مع الاخ بيبي هامور وهو من الاشخاص اللي لهم باع طويل

في الخبره والنزاهه
شكرا لك يامنصور والله البيبي ايتعلم اشوي اشوي ومنكم نستفيد

[بيبي هامور]

جزاك الله خير اخوي بيبي هامور.. للاسف ماقدر ارد على رسالتك بالخاص ممكن تطرشلي ايميلك لان عندي بعض الاستفسارات

وشكرا
الداعي شييك طرشتة لك

[بيبي هامور]

الداعي نصيحة لاتاخذ بروة

[الداعي]

خلاص ماراح آخذ بروه يالغالي

واتمنى اتشيك ايميلك توني راسلتك

وشاكرلك

[بيبي هامور]

ماوصلني شي اخوي

[بيبي هامور]

اوكي وصل

[الداعي]

تسلم وان شاءالله انكمل نقاشنا عالايميل.

اخواني اتمنى لو حد عنده نصيحه او راي يساهم بعد

[مقيم]

اخي الداعي ... قصتك قصة
اذا تريد النصيحة ... اعرف هدفك
ليش دخلت السوق
ليش اخترت العقارية
هذه الحيرة .. التي انت بها
لانك لم تسال نفسك هذه الاسئلة
انا .. لااريد ان ازيد همومك
لكن نصيحتي لك
خلك على العقارية
وانتظر ... حتى ياتيك الفرج

[الداعي]

جزاك الله خير اخوي المقيم وانا كان لي هدف..

1- ليش دخلت السوق = لزيادة رأس المال بشكل قليل جدا وذلك لمشروع انوي عمله
2- ليش اخترت العقاريه = بسبب كلام الاخوان اللي بالمنتدى واللي مستحيل طبعا يضبط بشكل كامل او يخطأ بشكل كامل لانهم بشر


هذي كانت الاجوبه:) وجزاك الله خير عالنصيحه اخوي وكثر الله من امثالك

[بيبي هامور]

تسلم وان شاءالله انكمل نقاشنا عالايميل.

اخواني اتمنى لو حد عنده نصيحه او راي يساهم بعد
حاظرين لك اخوي:nice:

[rashid_qatar]

لا تستعجل العقارية افضل ورح ترتفع قبل الجمعية العمومية لان التوزيع 20% اسهم مجانية

[الداعي]

جزاك الله خير اخوي راشد على الرد وباذن الله هذا اللي بسويه لان بهالفتره لو بعت بكون خسرت خساره كبيره