استشاره: بناء ملحق [الأرشيف] - منتديات شبكة الأسهم القطرية

مشاهدة النسخة كاملة : استشاره: بناء ملحق

الداعي

25-01-2007, 05:33 PM

السلام عليكم ورحمة الله وبركاته
الى الاخوان بمنتدى شبكة الاسهم القطريه

محتاج شوركم في بناء ملحق داخلي في البيت ويتكون من غرفة نوم وصالة، حاب اعرف تقريبا كم يكلف مثل هالملحق اذا كان البناء اللي فيه عادي (الارضيه سيراميك) ويكون البناي اسمنت ، وانا ناوي ابنيه قطاعي علشان اقلل من التكلفه

تقريبا القياسات هي:
الطول: 10 متر
العرض: 4.5 متر
والارتفاع: 3.95 متر

برايكم كم يكلف هالملحق؟

وجزاكم الله خير

ابن ادم

25-01-2007, 07:24 PM

يمكن قطاعي ما تقل التكلفة، أتوقع أقل شي خمس وثلاثين ألف

الداعي

25-01-2007, 07:34 PM

اذا 35 تمام يكون بالنسبه لي لان في شركات لما قلتلهم قالو تقريبا من 85 الى 97 الف ويمكن زياده بس بعد اعتقد ان كل شركه لها سعرها ، اشكرك اخوي وانتظر آراء باقي الشباب

السهم الذهبي 1

25-01-2007, 09:55 PM

الداعي

25-01-2007, 10:05 PM

السلام عليكم
اخي
اذا عندك عمال ثقة بتوفر على نفسك بس اذا بتجيب عمال من الشبرة تحمل لان اغلبهم يقولك احنا نعرف وهم خراطين مايعرفون يعني يجيك واحد يقولك انا اعرف بلاستر واعرف اصف الطابوق ويورطك في الشغل
بس عموما سعر العمال
صف الطابوق 100 طابوقة من 100 الى 110
وسعر البلاستر المتر من 10 الى 11للمتر المربع
والبلاط العادي 15 للمتر المربع
والسيراميك 15 الى 20
والله يوفقك

مشكور اخوي على المعلومات، بس ممكن اتوضح السعر النهائي "تقريبا" كم يكون؟ لان انت قلت مثلا من 100 الى 110 هل تقصد من 100 ال 110 ريال؟

بهالحاله كله ماراح يكلف 10 او 20 الف بالكثير.. هل هذا قصدك؟

ابن ادم

26-01-2007, 09:06 AM

والارتفاع: 3.95 متر

وجزاكم الله خير

ليش الارتفاع مرتفع بهذه الدرجة؟

الداعي

26-01-2007, 11:36 AM

انا قلت يمكن مناسب اذا كان جذي الارتفاع.. اذا بخبرتكم انه وايد فاتمنى تقترحون رقم ارتفاع يكون مناسب

Chambray

26-01-2007, 12:36 PM

انا قلت يمكن مناسب اذا كان جذي الارتفاع.. اذا بخبرتكم انه وايد فاتمنى تقترحون رقم ارتفاع يكون مناسب
اخوي العزيز
إذا كنت بتركب مكيف دكت سبلت الي هو يتركب فوق في السقف فهذا يحتاج إلى 40 سم من الأرض إلى السقف زياده ، يعني الارتفاع الي انت حاطه ممتاز .
لكن إذا كان تفكيرك في التكييف سبلت عادي ، او ويندوز ، فالأفضل انك تخلي الأرتفاع 350 :)
هذا حسب رأيي لك واقتراحي لك
والله يوفقك

الداعي

26-01-2007, 01:07 PM

اوكي شكرا يالغالي

وبرايك الملحق كله كم يكلف على المواصفات اللي انا ذكرتها؟

الكتاروني

26-01-2007, 02:10 PM

يا أخي لديك 45 م2 ... راح يكلفك البنيان 45 م2 * 1750 = 78750 تقريبا ... مع التشطيب

الداعي

26-01-2007, 04:53 PM

شكرا.. بصراحه يا اخوان احترت.. الردود متباينه من ناحية السعر التقريبي.. فرق شاسع مابين ال 30 او 50 الف و ال78 الف..

هل ممكن حد من اهل الاختصاص او اللي بانين ملاحق يفيدني؟

السهم الذهبي 1

26-01-2007, 09:49 PM

السلام عليكم
اول شيء اخوي
الارتفاع الي انت حاطة وايد عالي وبتالي هذا يعني لك زيادة في التكلفة مالها داعي انا باني ملاحق في بيتي مطبخ وغرفة خدامة وتوابعها وباني بعد ملاحق في بيت شعبي ملك مؤجرة مهما كانت الاحوال ارتفاع 3 متر يعتبر ممتاز جدا يعني من مستوى البلاط لين السقف 3 امتار ارتفاع لان اي زيادة تعني زيادة في التكلفة وانت تبقي توفر
اخوي خذها مني نصيحة انت شكلك ماعندك خبرة في البناء انا باعطيك اسعار البناء للكيربي العادي
سعر المقاولين
شوف سعر المتر المربع الحين كيربي بتلاقي مقاول يبنية لك 1200 كامل تسليم مفتاح وعطه مقاول احسن لك لان العمال اذا ماكانو عندك وانت ماعندك خبرة بتتعب وياهم ويمكن يخسرونك يعني لو انت لقيت مقاول يبنية لك 1200 وهذا هو السعر الحين بيكلفك البناء تقريبا
45م2 *1200=54000
من غير ماتعور راسك ويمكن تدفع اكثر بعد من هالمبلغ طالما انت ماعندك عمال ثقة ولا عندك خبرة
اما اذا عندك عمال اوكية تمام فبيكلفك البناء تقريبا 950 او 900 للمتر المربع يعني
45م2*950=42750
وربنا يوفقك

الداعي

26-01-2007, 09:56 PM

فعلا اخوي مثل ماقلت انا بصراحه ماعندي خبره بهالامور، وباذن الله باخذ بنصيحتك لان اكيد انت ماشاءالله صاحب خبره بهالامور ونصيحتك بتفيدني وايد

وجزاك الله خير يالغالي

السهم الذهبي 1

26-01-2007, 10:04 PM

مشكور اخوي على المعلومات، بس ممكن اتوضح السعر النهائي "تقريبا" كم يكون؟ لان انت قلت مثلا من 100 الى 110 هل تقصد من 100 ال 110 ريال؟

بهالحاله كله ماراح يكلف 10 او 20 الف بالكثير.. هل هذا قصدك؟

انا اقصد ان العمال الي بيصفون لك الطابوق اجرة صف 100 طابوقة من 100 الى 110 ريال اجرة شغل يدهم
طبعا انتي تقريبا على المقاسات الي حاطها تحتاج 1400 طابوقة يمكن اواقل شوي بس البناء مب اجرة الطابوق وبس فيه عندك اشياء ثانية وايد مثل البلاستر الصبغ تسليك الماء والكهرباء واعمال الحدادة لسقف وتحت السقف لازم تركب سلوتكس او جبسبورد + البلاط والسراميك + المنيوم لشبابيك ولابواب

الداعي

26-01-2007, 10:06 PM

انا اقصد ان العمال الي بصفوف لك الطابوق اجرة صف 100 طابوقة من 100 الى 110 ريال اجرة شغل يدهم
طبعا انتي تقريبا على المقاسات الي حاطها تحتاج 1400 يمكن اواقل شوي بس البناء مب اجرة الطابوق وبس فيه عندك اشياء ثانية وايد مثل البلاستر الصبغ تسليك الماء والكهرباء واعمال الحدادة لسقف وتحت السقف لازم تركب سلوتكس او جبسبورد + البلاط والسراميك + المنيوم لشبابيك ولابواب

جزاك الله خير عالتوضيح يالغالي تقريبا وضحت الصوره الحين واعذرني لو ازعجتك بالاسئله او شي بس ترى اخوك ماله خبره بهالامور

وجزاك الله خير هالنصيحه

السهم الذهبي 1

26-01-2007, 10:14 PM

جزاك الله خير عالتوضيح يالغالي تقريبا وضحت الصوره الحين واعذرني لو ازعجتك بالاسئله او شي بس ترى اخوك ماله خبره بهالامور

وجزاك الله خير هالنصيحه

ولا يهمك تامر امر يا الغالي

الداعي

26-01-2007, 11:16 PM

الله يسلمك