اصحاب التريلات / عااااااجل [الأرشيف] - منتديات شبكة الأسهم القطرية

مشاهدة النسخة كاملة : اصحاب التريلات / عااااااجل

زانط اسد

26-01-2007, 09:09 PM

مطلوب بشكل عاجل لشركة محترمة

1 . عدد 5 تريلات موديل 99 فما فوق للايجار بعقد سنوي شرط النظافة التامة بـ15000 ريال شهريا ..... والضمانات كالتالي :

* الدفع فوري وكااااااااش ومقدم لكل شهر .

2 . عدد 10 تريلات تشغيل .... اي بالطن ... الطن بـ6 ريالات مدة العقد سنة ... مواصفات العقد كالتالي :

* سكن / أكل السائق على الشركة مجانا .

* طريقة الدفع : تقديم فاتورة يومية بعدد التريبات والدفع يومي .

* النقل : مواد عامة من 0 وحتى 500 ( دفان - سببيز - حجر - جابرو )

الموضوعين اعلاه من المفترض توقيع العقود مع اصحاب السيارات بحد اقصى يوم الاحد القادم

للتواصل للجادين dsm_q@hotmail.com

حمد1977

28-01-2007, 09:28 PM

في الماضي كنت مسوي نفسك ثقيل وماترد علينا يا اخوك

وتتشرط علينا بعمولة شهرية ولا مقدما

الحين عرفنا الشركات وعرفنا اللعبة

والي عنده تريلا ويبي ياجر التريلا يجيني على الخاص وببلاش وبدون اي عمولة ولوجه الله الكريم

جغرافي قطر

28-01-2007, 11:03 PM

حياكم الله
اخوي حمد انا اقدر اشتري تريله بالمواصفات اللي تبيها!!!!!!!!
بس المشكله ما عندي سواق لها ولا اعرف وين ااجرها ؟؟؟؟؟؟؟؟؟
اذا لو تطرشلي رقمك على الخاص اكون شاكر لك
وبالتوفيق للجميع

_QTR_

29-01-2007, 09:23 AM

بالتوفيق للجميع يا ناس

وعلى ما اعتقد انه كل واحد ياخذ له عمولة بس المفروض انه العمولة تكون معقولة

مب انا اللي ادفع كل شيء وانت يطلع لك نص اللي يطلع لي تقريبا

alwahesh

29-01-2007, 09:34 AM

زانط اسد

29-01-2007, 10:21 AM

الاخ حمد 1977

في الماضي كنت مسوي نفسك ثقيل وماترد علينا يا اخوك
وتتشرط علينا بعمولة شهرية ولا مقدما
الحين عرفنا الشركات وعرفنا اللعبة
والي عنده تريلا ويبي ياجر التريلا يجيني على الخاص وببلاش وبدون اي عمولة ولوجه الله الكريم

الله يوفقك انشالله ... وتكون ثقيل وما ترد على الناس

ومبروك عليك معرفة اللعبة والشركات

وجزاك الله خير انك ما تبي عمولة

وبهالمناسبة السعيدة ... عندي 10 سيارات مع السائق والصيانة والديزل ... ممكن تشوف لي عقد لو سمحت ؟؟

قدام الناس ... وانتظر ردك على نفس هالموضوع

ولا تنسى اني بانتظار خدماتك الجليلة

زانط اسد

29-01-2007, 10:22 AM

زانط اسد

29-01-2007, 10:24 AM

بالتوفيق للجميع يا ناس

وعلى ما اعتقد انه كل واحد ياخذ له عمولة بس المفروض انه العمولة تكون معقولة

مب انا اللي ادفع كل شيء وانت يطلع لك نص اللي يطلع لي تقريبا

الاخ Qtr

مشكور على الكلام الدرر

وبالمناسبة انا اخذ عمولة 1000 ريال على السيارة ... هل هي مناسبة ولا فيها جشع ؟؟؟

والله يجزي حمد1977 خير لانه ما ياخذ عمولة وعرف الشركات واللعبة على قولته

زانط اسد

29-01-2007, 10:31 AM

وانا مثل جغرافي .... وكلنا نقدر نشتري بس نحتاج احد يساعدنا

اول كانو يقولون اشتري راس مرسدس اي موديل شرط جير عادي وشرينا ومحد اهتم والكل يقول طرز بو كلج وخرابه وايد ... والحراره .. ومدري ايش بعنا بخساره

المهم الرجاء من الي عنده خبره بنوع التريلات المطلوبه والمرغوبه هل هي 6 أو 8 سلندر
والجير عادي ولا كهرباء والشاصي شرط يكون مدبل ((((والسايق اجباري ولا ممكن تأجيرها بدون سايق ... ارجو ارجو ارجو الافاده وجزاكم الله خير

اخوي alwahesh

لو تبي نصيحتي ... هاك ما يلي :

1 . الشاصي شرط يكون مدبل .

2 . لا تشتري سيارة عشان المدخول لانه ما راح يكون مجزي ... وعشان يكون مجزي سيارة ما تكفي .. ولو كان عندك اكثر من سيارة لازم تتفرغ بشكل كامل لمتابعة وادارة سياراتك .. غير كذا صدقني بتخسر .

3 . تشتري سيارة وحدة وتدخلها ايجار بدون سايق او صيانة او ديزل بشرط على شركة كبيرة وضمانات كافية ومدة طويلة ... وبهالحالة تضمن ارجاع ثمن السيارة في مدة العقد ويكون الربح هو ثمن بيع السيارة .

4 . السيارات الـ6 سلندر أو 8 سلندر ما تفرق كثير لان طرق الدولة سهلة ولا يوجد بها جبال او تلال ... وتفيدك الـ8 سلندر في العزم والسرعة .. ولكن بالمقابل تصرف أكثر .

5 . الشركات لا تشترط عليك ان تكون السيارة 8 أو 6 سلندر .

كل هالكلام اللي قلته نتيجة خبرتي بالتريلات .. ويجوز يكون فيه شي غلط فخذ منه ما تقتنع به واترك الباقي

الله يوفقنا واياكم

الرابح

29-01-2007, 10:41 AM

مرحبا اخ زانط اسد ,,, انا اسأجر سياراتك 10 ب16000 بشرط تكون نظيفة حيل
واذا انت حاب راسلني على الايميل aziz_qatar66@hotmail

حمد1977

29-01-2007, 12:36 PM

جغرافي قطر

المواصفات تكون بين 99 الى 2005 وتكون صندوق لنقل الرمل او الحجارة .. والنوع مرسيدس

الشركة ستفحص السيارة من جير وماكينة وخلافه والايجار 15000 كل شهر

alwahesh

اتمنى اساعد الجميع في (شراء) تريلا ولكن هذا صعب لظروف عملي ... استطيع ان اسعاد في تاجير التريلا في الوقت الحاضر وب 15000

زانط اسد

طرش لي مواصفات السيارة على الخاص وحالة الاطارات والفحص والبودي .. وانا اجيب لك عقد خلال 3 ايام وبسعر 15000 الف لكل تريلا

واعذرني ان عقد الرابح ابو 16 الف افضل مني في الوقت الحالي

وكله ببلاش ولوجه الله الكريم

وبالتوفيق للجميع

حمد1977

29-01-2007, 12:52 PM

الاخ حمد 1977

وبهالمناسبة السعيدة ... عندي 10 سيارات مع السائق والصيانة والديزل ... ممكن تشوف لي عقد لو سمحت ؟؟

راجعني على الخاص والعقد ابو 15 الف يكون عندك بعد يوم

وببلشا وبدون عمولة ولا رفعة خشم وتغلي على الناس

alwahesh

29-01-2007, 01:53 PM

جزاك الله خير الجزاء

خلاص هونت ما نب بشاري تريلا ت لاني على قد حالي ما اقدر الا على وحده بس للأسف ما عندي وقت ابارها واتابع ومدري وشو ...

ربك الرزاق ..((( وما من دابة على الارض الا وعلى الله رزقها))) ..وانا رزقي مب مع عوار الراس ..

حمد1977

29-01-2007, 02:09 PM

..وانا رزقي مب مع عوار الراس ..

صدقت يوم سميتها عوار راس

زانط اسد

30-01-2007, 12:11 AM

إقتباس
المشاركة الأصلية بواسطة زانط اسد
الاخ حمد 1977
وبهالمناسبة السعيدة ... عندي 10 سيارات مع السائق والصيانة والديزل ... ممكن تشوف لي عقد لو سمحت ؟؟

راجعني على الخاص والعقد ابو 15 الف يكون عندك بعد يوم
وببلشا وبدون عمولة ولا رفعة خشم وتغلي على الناس

والله يا بوحمد الخوف فعلا يكون العقد
ببلشا ونبتلش به

عموما اذا على الـ15 الف ما ينفع معي لان اصلا انا عندي بـ15 الف

عموما شكرا على الخدمات المجانية وجزاك الله خير

نيساني

13-02-2007, 01:54 PM

بالتوفيق

السديم

14-02-2007, 04:27 PM

مرحبا ..

اول مره ادش واشوف الموضوع ذي ..

زين انا بصراحه وهقوني وشريت تريلا فولفو اظن موديل 2000 والصندوق موديل 2006 بس ماعرف غير هالمواصفات .. وتشتغل بس مش بعقد .. يعني بصراحه وايد عوار راس وماتسوى السالفه كلش ..
اشلون اسوي عقد .. ومع من ؟؟
العقد يكون مضمون ولا بس كلام والشيكات تكون بلا رصيد واتوهق ؟؟
الشركه اللي بتأجر بتحافظ على السيارة ولا بما انها ايجار بتعفسها لي وبتوهق اكثر من مابستفيد ؟؟
ممكن تفيدوني ..

اختكم / السديم

المارونـــي

14-02-2007, 04:38 PM

بيض الله وجهك ياحمد1977 ومشكور يازانط اسد والله يعطيكم العافيه