سؤال ,, مش عارف شسوي!!!!!!!!!! [الأرشيف] - منتديات شبكة الأسهم القطرية

مشاهدة النسخة كاملة : سؤال ,, مش عارف شسوي!!!!!!!!!!

باريس

01-07-2005, 11:12 AM

إلى الأخ العزيز فارس نجد وباقي أخواني في منتدانا الكريم...عندي مبلغ 156000الف.....أبي نصيحتكم ما هي الأسهم اللي تنصحوني اشتري فيها.....ومتى التوقيت...أنا أخايف اشتري أسهم سعرها عالي وطيح في كبدي>>>>أموت وأعرف الأسهم متى تنزل القاع واشتري فيها بقلب مطمن
باريس

فزعـــــ قطر ـــــة

01-07-2005, 12:01 PM

لا تحاتي أخوي

أنا أنصحك باالأستثمار المتوسط لغاية 6 أشهر

وأنصحك بأقوى الاسهم المصرف طبعا أشترة ونت مطمن بس أصبر علية بيصير الدبل السنة الجاية وفلوسك بتصير

دوبل .... يعني حط في بطنك بطيخة صيفي وارقد وآمن

باريس

01-07-2005, 12:44 PM

مشكور على الرد أخوي فزعة قطر بس ياريتك تقولي متى وبسعر كم اشتري الله يسلمك

سهيم بن سهم آل بورصة

01-07-2005, 12:57 PM

شوووف الاسهم اللي عليها ربح مجزي ::: زيادة راس مال ::: او عليها تحليل اساسي وفني بانها راح تطلع على فوق مثل ما قال فزعه قطر المصرف

والله اعلم

باريس

01-07-2005, 01:09 PM

سهيم بن سهم آل بورصة

01-07-2005, 01:31 PM

هلا أخوي سهيم بن سهم آل بورصة.....مشكور على المشاركة ...لكن أنت وفزعة قطر ما قلتوا لي بسعر كم أشتري تقريبا أخوكم أكبر غشيم في البورصة ومابي اشتري بارتفاع لأني أنلدغت من نكسة العام وحابب أعرف السعر المناسب اللي أشتري في المصرف وبخلية لين شهر 3

اخووووي باريس ::: سوف ارد عليك وبتوكل على الله من باب فعل الخير :: ونيابة عن كبار المنتدى برد عليك من كلامهم ::: وهذا لايعني انه كلامي او كلامهم 100% صحيح ::: القرار يرجع لك والرزق عند الله

المصرف هدفه باذن الله 400 لكن متى العلم عند الله بيوصل لها نفس ما قال اخونا فزعة قطر ::: والمصرف من كلام المحلل بوخليفه سهمه له نقاط دعم ماراح ينزل عنها تحت ظروف السوق الطبيعيه طبعا :::(واذا نزل سيكون له دعم عند 293 و 288 و277) تشتريه باي سعر فوق نقاط الدعم او حولها وهدفه 400 هذا واضح انه فيه ربح باذن الله

صناعات هدفها 242 ريال تقريبا ان شاء الله من كلام المحلل بوخليفه ايضا وسعره الحين على المتوسط ب 187 ::: وهذا ايضا واضح انه فيه خير ان شاء الله

التخصصي عنده زياده ضعفين راس مال وعنده نقاط دعم حول ال 70 و 90 و 110
واكتتاب خااااص ب 15 ريال وفيه احتماليه حسابيه بانه ان شاء الله بيوصل حول ال 150 او 160 والعلم عند الله

هذا اللي عندي وهذي تخصصاتي هالثلاااااث شركات والباااقي علمهاعند الله ربي وربك ورب البورصه

والله يرزقنا جميعا بالرزق الحلال والبتوفيق اخوووي

shared

01-07-2005, 01:38 PM

انتظر الاسبوع القادم يحدد اذا نزل السوق اصبر عليه ولاتشتري علشان تكون ربحان 100%.
اعتقد ان شهر 7 فيه نزول في معظم الشركات انتظر واشتر برخيص و بيع بغالي و الله الموفق ........

باريس

01-07-2005, 01:49 PM

مشكور أخوي شارد على المشاركة وجزاك الله خير

ahmed jasim

01-07-2005, 02:13 PM

ومابي اشتري بارتفاع لأني أنلدغت من نكسة العام وحابب أعرف السعر المناسب اللي أشتري في المصرف وبخلية لين شهر 3

أقسم المبلغ على 3
أشتر المصرف بالثلث الأول
و أشتر صناعات بالثلث الثانى
أشتر لين السوق أحمر غامج

بعدين النكسة كانت من شهرين مب العام و مابتتكرر السنة
بس مادام أنلدغت من قبل يود الثلث الأخير أحتياط

بوخالد2

01-07-2005, 02:22 PM

السلام عليكم

اخوى اذا كنت من الى يشترى ويخزن لين مدى بعيد انصحك بالمصرف والدولى والاجاره

واذا كنت تبي ربح سريع شوف الشركات الصغار وضارب وطلع الفائده

واتنمى لك الربح والزياده

بو عبد الرحمن

01-07-2005, 05:03 PM

سلام عليكم باريس. أعتقد المتحدة للتنمية من أفضل الشركات على المدى المتوسط والقصير نظرا لمشروعاتها الاخطبوطية في قطر ودول مجلس التعاون. كما أن أرباحها في الربع الأول 2005 بلغ حوالي 12 ضعف أربحاها في الربع الاول 2004. إطلع على تقريرها السنوي إذا حبيت على موقع الشركة. ممكن الحصول عليه من موقع سوق الدوحة. dsm.com.qa

قطريه فديتني

01-07-2005, 08:36 PM

:deal: افضل الشركات القويه المصرف اذا صدته ب 350 انا اشوفه معقول ((وجهة نظري ))

الصناعات شركه قويه وماعليها خوف وسعرها ممتاز

الوقود كذلك قسم المبلغ على 3 او 4 شركات والله يوفقك

باريس

02-07-2005, 04:39 PM

أخواني احمد جاسم وبوخالد2 وبوعبد الرحمن وأختي مس قطر مشكورين على مساعدتكم لي وجزأكم مني ألف خير......أخوي فارس نجد وينك ابي رأيك