قيادة الفتاة للسيارة.. ضرورة أم ترف؟

[<<روز>>]

السلام عليكم ورحمة الله وبركاته

أردت أن أنشر هذا الموضوع لشدة اهتمامي فيه ولانه يستحق المناقشة...

مازالت بعض الأسر تعارض قيادة الفتاة للسيارة معتبرة ذلك خروجا عن العادات و التقاليد فيما يسمحون لبناتهم في المقابل بالخروج مع السائق لتوصيلها الى الاماكن المختلفة و يبررون ذلك بأن وجودها مع الاخير سيحميها ولن يعرضها للمواقف!

الاعتراض يبرز أكثر من قبل الاشقاء ربما بحكم خروجهم المستمر وادراكهم بما يدور من احاديث الشباب حول الفتيات..

والان اخواني و اخواتي اود ان استطلع آرائكم حول هذا الموضوع و اسباب الاعتراضات

ولكم فائق احترامي

[طالب علم]

هل حرم على نساء المسلمين ركوب الخيل؟ وهل السائق أحرص على الفتاة من نفسها؟ وهل إذا أرادت الفتاة أن تفعل شيء هل يستطيع منعها السائق أو أي أحد؟
أنا أقول أن العالم يناقش في كيفية الإنتقال إلى المجرات الأخرى ونحن لا زلنا نناقش قيادة الفتاة.

رأي يحتمل الصواب والخطأ

[ymohamed]

قيادة الفتاة للسيارة ضرورية احسن ما تركب مع السائق.

[الراقية]

مساج الله بالخير أختي روز


أنا مع سياقة الفتاة للسيارة أذا لها ضرورة

اما اذا ترف فأنا من أشد المعارضات للسياقة

[أبوتركي]

السلام عليكم ورحمة الله وبركاته

أردت أن أنشر هذا الموضوع لشدة اهتمامي فيه ولانه يستحق المناقشة...

مازالت بعض الأسر تعارض قيادة الفتاة للسيارة معتبرة ذلك خروجا عن العادات و التقاليد فيما يسمحون لبناتهم في المقابل بالخروج مع السائق لتوصيلها الى الاماكن المختلفة و يبررون ذلك بأن وجودها مع الاخير سيحميها ولن يعرضها للمواقف!

الاعتراض يبرز أكثر من قبل الاشقاء ربما بحكم خروجهم المستمر وادراكهم بما يدور من احاديث الشباب حول الفتيات..

والان اخواني و اخواتي اود ان استطلع آرائكم حول هذا الموضوع و اسباب الاعتراضات

ولكم فائق احترامي



الجواب: يعتمــــــــد على موديـــل السيـــــارة

[ورقــة أمــل]

احسن لها تسوق

من انها تروح مع سايق او خدامه

اذا كانت تعرف تسوق عدل مب كل يوم داعمة بالسياره

[سيف قطر]

اختي الكريمة ..قيادة المراة للسيارة ... تعتمد على
1- الحاجة 2- المكان 3- والزمان

وهناك فتاوي اجازت .. وفتاوي منعت ...حسب الظروف السابقة ...
تقبلي تحياتي

[N7eEeS]

بالنسبه لي اذا متزوجه تسوق واذا انسه ماتسوق ابرك لها :)

[أبوتركي]

..................

اذا كانت تعرف تسوق عدل مب كل يوم داعمة بالسياره


:D :D :D :D

[أبو راكان]

أنا وبكل صراحه أرفض قيادة المرأه للسياره جملة وتفصيلا ومهما كانت الظروف

[سيف قطر]

احسن لها تسوق

من انها تروح مع سايق او خدامه

اذا كانت تعرف تسوق عدل مب كل يوم داعمة بالسياره
:deal: :strong :funny: :funny: :nice: :nice: :nice: :nice: :nice: :nice: :eek: :eek: :eek:

[أبوتركي]

يا جماعة .... والله تو المدام مطلعة سيارة جديدة اليـــوم .. لا توهقونا معاها..... :court:

[سيف قطر]

يا جماعة .... والله تو المدام مطلعة سيارة جديدة اليـــوم .. لا توهقونا معاها..... :court:
اذا ... حسب نوع السيارة ...........:strong :strong :funny: ..ههههههه

[أبوتركي]

اذا ... حسب نوع السيارة ...........:strong :strong :funny: ..ههههههه

مطلعه باث فايندر 2007 ... يعني حق العيـــال .... ها ؟ شلون هاذي وكي ولا لأ ؟؟؟؟!!! :mad:

[falamarzi]

ضرورة جدا جدا .... وخلونا نشوف الأسباب المنطقيه :
1. هل تفضل ان تذهب محارمك مع رجل غريب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أبي المشايخ الدين يردون علي فيها
2. لو حصل طارئ كان في البيت وانت غير موجود ما هو الحل ؟؟؟؟ هل ينتظرون حتى تأتيهم وطبعا مع الزحمه مافيه امل
3. آمن للبلد وأوفر للعائله البلد سوف توفر راتب السائق داخل البلد ... والعائله سوف توفر راتب السائق ... ,وآمن للبلد حيث انه يقل عدد الاجانب المستهلكين الغير منتجين
4. توفير الضغط على مرافق الدوله من خدمات .

[التيما]

انا اسوق مع اني ماعندي ليسن خخخخخخ بس عادي شفيها والصج انا ما اايد السواقه للبنت ولا دريول خلي اللي اسمه اخوها يوديها

[التيما]

احسن لها تسوق

من انها تروح مع سايق او خدامه

اذا كانت تعرف تسوق عدل مب كل يوم داعمة بالسياره
:funny: :funny:

[ابوالجازي]

الله يعطيج الف عافيه اختي على هالموضوع الطيب

هالموضوع يعتمد على عدة اشياء

اذا كانت تقدر تجيب سايق فاعتقد السايق احسن ( على قولة بعض الاخوان تسوق احسن من السايق ) لو بنشر التاير - الحوادث ( ادري الحوادث ماتعرف اسيق او من غير سايق ) - اختربت السياره - اذا السياره تحتاج تصليح من بيوديها - وغيرها من الاسباب .

بس انا مارضى زوجتي تسوق لان في من يوديها ويجيبها

[بدور]

السواقه للمرأه انا اشوفه افضل وللضرورات فقط

اما الدلع وتمشي ولفت النظر ما يصلح تسوق المرأه

السواقه ضروري للمرأه والسائق اليوم عندنا وبكره مسافر

يعني محتاجه أسوق لاخلص اموري

[الزاجل]

متى ما ساقت المرة

بتشوفونها
عند مدارس العيال
عند الخباز
عند الخياط
عند المكتبة
عند الدوبي
عند الحلاق
عند الصالون
عند قاعات الأفراح
عند اندية الترفيه للعيال

لكن لو انها بنت
بتحصلها
اتودي خواتها المول والمجمعات
او بتزور ربعها
او انها متمللة وتبي تطلع اتدور بسيارتها ...

والرجال وينه ؟

مع ربعه
في القهاوي
راقد في البيت
ماله بارض
قاعد مع اليهال يلعب سوني

[سيف قطر]

مطلعه باث فايندر 2007 ... يعني حق العيـــال .... ها ؟ شلون هاذي وكي ولا لأ ؟؟؟؟!!! :mad:
الف الف 1000 مبروك اخوي بو تركي ... انا استعمل باثفيندر ..سيارة عجيبة
اول ما تشوف الطعس على طول السيارة لمت اب ....ههههههههههه

[سيف قطر]

متى ما ساقت المرة

بتشوفونها
عند مدارس العيال
عند الخباز
عند الخياط
عند المكتبة
عند الدوبي
عند الحلاق
عند الصالون
عند قاعات الأفراح
عند اندية الترفيه للعيال

لكن لو انها بنت
بتحصلها
اتودي خواتها المول والمجمعات
او بتزور ربعها
او انها متمللة وتبي تطلع اتدور بسيارتها ...

والرجال وينه ؟

مع ربعه
في القهاوي
راقد في البيت
ماله بارض
قاعد مع اليهال يلعب سوني

تعجبني ............:eek2: :eek2: :nice: :nice: :cool: :cool: :cool: :cool: :cool: :cool: :cool: :cool: :rolleyes: :rolleyes: :rolleyes:

[الذيـــب]

السلام عليكم

انا بقول شي واحد صار معاي وهو انه ام عيالي مدرسة ومدرستها تبعد عن البيت تقريباً 600 متر بس اول سنة من الزواج تلعوزت كنت اتاخر على شغلي علشان اوديها واطلع بدري علشان اجيبها من المدرسة بعدين زهك مني المسؤول وقال لي دبر عمرك فرحت سألت واحد من الربع كبير في السن وعقله ما شاء الله عليه قلت له ويش تأيد اخليها تسوق ولا اجيب ديول رد علي بكلمه وحدة صعقتني قال لي اذا ترضى على نفسك تكون ديوث جيب ديول وخل اهلك يروحون ويجون معه بدون محرم .

[الزاجل]

تعجبني ............:eek2: :eek2: :nice: :nice: :cool: :cool: :cool: :cool: :cool: :cool: :cool: :cool: :rolleyes: :rolleyes: :rolleyes:
شكرا..;)

[ورقــة أمــل]

السلام عليكم

انا بقول شي واحد صار معاي وهو انه ام عيالي مدرسة ومدرستها تبعد عن البيت تقريباً 600 متر بس اول سنة من الزواج تلعوزت كنت اتاخر على شغلي علشان اوديها واطلع بدري علشان اجيبها من المدرسة بعدين زهك مني المسؤول وقال لي دبر عمرك فرحت سألت واحد من الربع كبير في السن وعقله ما شاء الله عليه قلت له ويش تأيد اخليها تسوق ولا اجيب ديول رد علي بكلمه وحدة صعقتني قال لي اذا ترضى على نفسك تكون ديوث جيب ديول وخل اهلك يروحون ويجون معه بدون محرم .

بــــــــل

انزين عندي بعض الحلول بدال المره تسوق

تروح مع خدامه...... مسيحيه :p

اوكي خالها هندي.. تشغله دريول عندهم :app:

او يحطون لها خدامة ودريول تو ان ون...... يعني مره تسوق وهي بنفس الوقت خدامة :deal:

[<<روز>>]

اشكرجميع اللي مروا وجميع اللي قالوا رايهم بالموضوع

[<<روز>>]

انا ضد سواقه المرأه مهما كانت ضروفها والرأي الاقرب لرايي هو رأي اخوي راكان


أنا وبكل صراحه أرفض قيادة المرأه للسياره جملة وتفصيلا ومهما كانت الظروف

[السفير العربي]

إن قــدرت المنـــافع أكـــبر من الأضرار حينئذ تصبح القيادة ضرورة ملّحة
وإن كان العكـــس فالأولى أن يقضـي أولياء الأمور حوائج بناتهن

[style]

أنا وبكل صراحه أرفض قيادة المرأه للسياره جملة وتفصيلا ومهما كانت الظروف
تعجبني واللّة ...خير الكلام ماقل ودل

شكرا....

[PoBox]

الف الف 1000 مبروك اخوي بو تركي ... انا استعمل باثفيندر ..سيارة عجيبة
اول ما تشوف الطعس على طول السيارة لمت اب ....ههههههههههه

خخخخخخخخخخخخخ :funny: :funny:

قلنا سواقة الحريم في الشارع بس

مانبي سواقة في سيلين والعديد بعد
كفاية سواقة الدراجات في سيلين والعباية مثل السوبرمان
:strong :strong :D

[ضوى]

اختي روز
شكرا لج طرح هالموضوع
تدرين اشكثر انا اعاني من اني ما اسوق مترددة اني اتعلم وايد خايفة من اي موقف ممكن يصير معاي ، بس بالفعل مضطرة جدا تدرين ليش

زوجي عسكري 5.30 يطلع من البيت
عندي 3 عيال كل واحد مدرسته بصوب
انا شغلي 7.15 وملتزمة اكون موجودة بهالوقت بالدوام

حالياً بنتي وولدي بباص يروحون ويجون وما اودي الا ولدي العود نطلع انا وهو مع السايق يوصلني بدري الدوام وبعدها هويروح مدرسته
من السنة الجاية بنتي اسم الله عليها تنتقل مرحلة ثانية ومدرسة بعيدة عن البيت وما في باصات للمنطقة
ولدي الصغير وولدي العود نفس الشئ مدارس غير وما في امكانية الباصات يعني اذا الله احيانا بذاك الوقت لازم انا اللي اوديهم واجيبهم شنو العمل
فكرت اسوق اودي بنتي وولدي الصغير وولدي العود مع السايق هذا هو الحل الوحيد يعني بس للعمل فقط وهذا الشئ اصلا انا متعودة عليه السايق ما نطلع معاه الا لشغلنا ومدارسنا اما بعد الظهر فتنتهي صلاحيته بالنسبة للبيت كامل ويكون بو عيالي متكفل فينا من الألف للياء وراح تكون نفس الشئ اذا سقت

بس والله مترددة والله يساعدني ، وبنفس الوقت ما ابي اضغط على بو عيالي واحمله اكثر من طاقته هو يكد ويتعب علشان يريحنا وما اقدر كل يوم حنه على راسه عشان ياخذ اجازة او يتأخر عن دوامه

هذي المشكلة باختصار شديد واللي يعارض يقول ليه واللي يااييد يقول ليه


شكرا مرة اخرى

[السهم الذهبي 2007]

عاداتنا وتقاليدنا لا تسمح لها بالسياقه وانا مع هذه التقاليد اجمالا وتفصيلا وشكر

[<<روز>>]

اختي روز
شكرا لج طرح هالموضوع
تدرين اشكثر انا اعاني من اني ما اسوق مترددة اني اتعلم وايد خايفة من اي موقف ممكن يصير معاي ، بس بالفعل مضطرة جدا تدرين ليش

زوجي عسكري 5.30 يطلع من البيت
عندي 3 عيال كل واحد مدرسته بصوب
انا شغلي 7.15 وملتزمة اكون موجودة بهالوقت بالدوام

حالياً بنتي وولدي بباص يروحون ويجون وما اودي الا ولدي العود نطلع انا وهو مع السايق يوصلني بدري الدوام وبعدها هويروح مدرسته
من السنة الجاية بنتي اسم الله عليها تنتقل مرحلة ثانية ومدرسة بعيدة عن البيت وما في باصات للمنطقة
ولدي الصغير وولدي العود نفس الشئ مدارس غير وما في امكانية الباصات يعني اذا الله احيانا بذاك الوقت لازم انا اللي اوديهم واجيبهم شنو العمل
فكرت اسوق اودي بنتي وولدي الصغير وولدي العود مع السايق هذا هو الحل الوحيد يعني بس للعمل فقط وهذا الشئ اصلا انا متعودة عليه السايق ما نطلع معاه الا لشغلنا ومدارسنا اما بعد الظهر فتنتهي صلاحيته بالنسبة للبيت كامل ويكون بو عيالي متكفل فينا من الألف للياء وراح تكون نفس الشئ اذا سقت

بس والله مترددة والله يساعدني ، وبنفس الوقت ما ابي اضغط على بو عيالي واحمله اكثر من طاقته هو يكد ويتعب علشان يريحنا وما اقدر كل يوم حنه على راسه عشان ياخذ اجازة او يتأخر عن دوامه

هذي المشكلة باختصار شديد واللي يعارض يقول ليه واللي يااييد يقول ليه


شكرا مرة اخرى
اختي انا افضل انج ماتسوقين وتنسقين الوقت وتجدمين ربع ساعه افضل لان السواقه راح تجر اشياء كثيره وراها تخلي الرجال يتخلى عن مسؤليات كثيره من مسؤلياته وتعود المرأه على كثرة الطلعات الضروريه واللي مالها معنى.
والسواقه تعلم المرأه الجرأه مع احترامي للي يسوقون:)
هذا راي وانتي طبعا لج حرية الاختيار

[السهم الذهبي 1]

كل واحد وحاجتة