للاخوه الخليجيين ( او غيرهم من خارج قطر ) الذين يمتلكون حتى الان أسهم الناقلات ..

[المخلب]

السلام عليكم

بالنسبه للأخوه الي يمتلكون الى الان أسهم الناقلات .. وحابين يعرفون طريقه التسديد دون المجيئ الى دوله قطر .. اليكم الحل ..

هذا الحل رقم واحد بس ترى مومضمون !

وهو أنك تكتب شيك مصرفي بالريال القطري بكامل قيمه الاسهم الي تملكها في الناقلات (( بكامل قيمه الخمس ريالات الي بتدفعها ))لأامر شركه قطر لنقل الغاز المحدوده (ناقلات ) مع طلب السداد ! على صندوق البريد 1000 -الوطني الدوحه - قطر-اداره شؤون المساهمين . بس شارطين أنها توصل قبل يوم 15 - 2 - 2007 م .. والا (( لا سمح الله )) قد تباع أسهمك في المزاد العلني ..

الحل رقم 2 وهو الافضل ..

تروح أي بنك عندك فيه حساب أو أي فرع لأي بنك يتعامل مع البنوك القطريه أو مكتب حوالات .. وتبعث تحويله الى هذا الحساب :


http://www.alb7ri.net/up-alb7ri/getimg.php?image=67 (http://www.alb7ri.net/up-alb7ri/getlink.php?id=67)

بأسم :

Swift code QNB.AQAQA

وتحط فيه البيانات التاليه :

1-(( رقم المساهم ((في الخانه المخصصه باسم المحول رقم 50 أو الخاصه بالتفاصيل رقم 72

2-((أسمــك (( مع العلم أن لكل مساهم تحويله !

3-عدد الاسهم المسدده قيمتها بــ5 ريالات بدون زياده أو نقصان

أذكر : ان لكل شخص تحويله لحاله !! يعني لاتدمج شخصين أو أكثر في تحويله واحده !!

لأي أستفسار عندكم هذا الرقم تقدرون تتصلون عليه ..

4807072

الحل رقم 3 .. وهو المضمون 100% ..

تجي حضرتك أو من ينوب عنك وتجيب كافه الأوراق الثبوتيه الي تخص اسهم الناقلات ! وشيكاتك الي كاتبها (( شيكات مصرفيه بالريال القطري )) - كلم البنك وهو بيعطيك الشيك الي يصرف خارج بلادك بس تاكد من المبلغ لكل مساهم !! وله بتتلخبط أمورك - وبحاول أسال اذا كان بأمكان أن تقومون بالدفع كاش للي حابب يجي قطر .. << أسأل وأقولكم .. !



لأي استفسار حاضر .. وان شاء الله هم بعد الاخوان بالمنتدى مايقصرون :) ..

والله يسهل على الجميع ..

[jajassim]

ما شاء الله عليك ،، مبدع

[بوحمد1]

طيب متى آخر مهلة للسداد ؟؟؟؟؟؟؟؟؟؟؟؟؟؟؟؟

[ولدالدوحه]

طيب متى آخر مهلة للسداد ؟؟؟؟؟؟؟؟؟؟؟؟؟؟؟؟
15/2/2007


عزيزي

[ولدالدوحه]

الحل رقم 3 .. وهو المضمون 100% ..

تجي حضرتك أو من ينوب عنك وتجيب كافه الأوراق الثبوتيه الي تخص اسهم الناقلات ! وشيكاتك الي كاتبها (( شيكات مصرفيه بالريال القطري )) - كلم البنك وهو بيعطيك الشيك الي يصرف خارج بلادك بس تاكد من المبلغ لكل مساهم !! وله بتتلخبط أمورك - وبحاول أسال اذا كان بأمكان أن تقومون بالدفع كاش للي حابب يجي قطر .. << أسأل وأقولكم .. !



لأي استفسار حاضر .. وان شاء الله هم بعد الاخوان بالمنتدى مايقصرون :) ..

والله يسهل على الجميع ..

عزيزي كل ما هو مطلوب رقم المساهم و صورة الجواز فقط لا غير و السيستم بيتعرف كم سهم يخص صاحب هذا الرقم و سلامتك

[مكنتوش]

مبدع يالمخلب

[المخلب]

ما شاء الله عليك ،، مبدع


تسلم يا جاسم .. حاضرين للطيبين :) ..

[المخلب]

طيب متى آخر مهلة للسداد ؟؟؟؟؟؟؟؟؟؟؟؟؟؟؟؟


هلا عزيزي أخر مهله 15-2-2007

تحياتي لك .. :)

[المخلب]

15/2/2007


عزيزي


شكرا على الرد ..

[المخلب]

مبدع يالمخلب


الابداع هو تشريفك ..

تحياتي .

[أبي أربح]

لو انا عميل قطر الوطني بس خارج الدوحة في الفترة الحالية ولا احد يمتلك اوراق ثبوتية تنوب عني في الدوحة كيف ادفع القسط ؟؟

حسابي في الوطني به فلوس تغطي القسط ..

[dark-77]

اولا مشكور على المجهود الرائع
ثانيا: انا من خارج قطر من الممكن ان اذهب الى قطر وادفع المبلغ المتبقي عن طريق البنك الوطني مباشرة فما هي الطريقة ان اعمل شيك لبنك قطر او الدفع مباشرة.

[فارس العنزي]

اولا مشكور على المجهود الرائع
ثانيا: انا من خارج قطر من الممكن ان اذهب الى قطر وادفع المبلغ المتبقي عن طريق البنك الوطني مباشرة فما هي الطريقة ان اعمل شيك لبنك قطر او الدفع مباشرة.

أنا قبل شوي واصل الكويت كنت بالدوحة البارحة واليوم مع الصبح كنت بالوطني الإسلامي إللي بجانب البورصة ومعاي فلوسي كاش ومبلغ كبير جداً ولأني مع الصبح وأول يوم توهقوا فيني وساعة ونص عمل متواصل لما الحمد لله خلصت ، والطريقة أنهم عملوا شيك بالمبلغ بإسمي وتم إيداعة بحساب ومن الحساب تم تحويل المبلغ لحساب الناقلات ، توكل على الله وراح تخلص ، الإخوان جداً متعاونين

[المخلب]

لو انا عميل قطر الوطني بس خارج الدوحة في الفترة الحالية ولا احد يمتلك اوراق ثبوتية تنوب عني في الدوحة كيف ادفع القسط ؟؟

حسابي في الوطني به فلوس تغطي القسط ..


الأوراق الثبوتيه أخوي هي فقط صوره من بطاقتك الشخصيه أو جواز السفر (( للعاديين ! )) أما القصر (( تضاف شهاده الميلاد )) .. فقط ! لا غير ..

والفورمه موجوده بالبنك أي شخص يقدر يعبيها ! ويحط رقم حسابك بالخانه الي بينسحب منه المبلغ ! ..


(( أكيد عندك أخ أو أحد من هلك هنا بقطر ! فكل الي محتاجه جهاز سكنر ! تصور فيه بطاقتك الشخصيه أو الجواز .. وتطرشها بالايميل على صاحبك الي بقطر ( او أي شخص هنا ) وهو يطبعها ويمر البنك ويكتب عنك باقي الامور وأكيد بتعطيه رقم حسابك يحطه بالخانه الموجوده وأنتهت السالفه :) .. )) ..

أن شاء الله سهلات .. وأي استفسار حاضرين ..

[المخلب]

اولا مشكور على المجهود الرائع
ثانيا: انا من خارج قطر من الممكن ان اذهب الى قطر وادفع المبلغ المتبقي عن طريق البنك الوطني مباشرة فما هي الطريقة ان اعمل شيك لبنك قطر او الدفع مباشرة.


الشكـر لله ..

:)

الأسهل الشيك ! .. لكن حاسب الله يحفظك قبل لا تكتبه !! لأن عيب الشيك المصرفي أن اي خطأ يبهدلك !! .. (( خاصه أن هذي فلوس مو لعبه )) .. تأكد من عدد الاسهم والمبلغ الي تبي تدفعه وزهب الشيكات وتوكل على الله ..

أما لو تبي تجيب الكاش ! .. اتوقع يخلصونك بس بنفس الموضوع .. بجلسون بيسوونلك شيك مصرفي بأسم الناقلات !! ..

(( وبحاول اسأل أذا كانت محلات الصرافه تسوي شيكات مصرفيه علشان تريحون بالكم ! )) ..

تحياتي لك ..

[المخلب]

أنا قبل شوي واصل الكويت كنت بالدوحة البارحة واليوم مع الصبح كنت بالوطني الإسلامي إللي بجانب البورصة ومعاي فلوسي كاش ومبلغ كبير جداً ولأني مع الصبح وأول يوم توهقوا فيني وساعة ونص عمل متواصل لما الحمد لله خلصت ، والطريقة أنهم عملوا شيك بالمبلغ بإسمي وتم إيداعة بحساب ومن الحساب تم تحويل المبلغ لحساب الناقلات ، توكل على الله وراح تخلص ، الإخوان جداً متعاونين


شكرا على الاضافه والمعلومه .. وأحييك على التجاوب ..

تحياتي لك .

[dark-77]

شكرا على تجوابكم الاكثر من الرائع ويعطيكم الف عافية

[المخلب]

شكرا على تجوابكم الاكثر من الرائع ويعطيكم الف عافية


الله يعافيك .. وحاضرين للطيبين .

[me_night]

تسسسسسلم وماقصرت

[المخلب]

الله يسلمك .