السوق السوداء والغاز

[بنت قطر]

:eek: وصلني خبر ان وصل سعر الناقلات في السوق السوداء

الى 80 ريال... بس يشترون 1000 سهم على كل بطاقه مب اكثر
وانعرض علي اني ابيع ب 80 ريال 1000 سهم

:( يعني مأساة الصناعات والسوق السوداء ارجعت مره ثانيه

وفعلاً هناك عدد لا باس فيه باع بالسوق السوداء

:confused: السؤال اللي يطرح نفسه هل فعلاً راح ينزل السوق ب 80 او اقل؟

:confused: ومن اللي يشتري اجانب او قطريين؟

[شرقاوي]

80 ريال مو معقوووول ؟؟؟

[بنت قطر]

والله ذا اللي حاصل

انعرض علي بذا المبلغ
واعرف ناس باعو بذا المبلغ

[sulai6i]

ما شاااااااء الله

الله يزيد ويبارك

[شرقاوي]

انا مصدقك اختي

بس خايف لايكون الهوامير ورى هالحركة

لغرضٍ ما ؟؟

[ومن الغباء ماقتل]

الحركة مافيها لا هوامير ولا زمارير .. فيه 70 مليون سهم في الناقلات بيتذابحون عليها الاجانب .. والربحان هو الي ببيع بعد التداول .

[المستثمر القطري]

انزين اختي بنت قطر ممكن تقولين لي اشلون الناس الي تعرفينهم باعوا اسهمهم و احنا لحد الحين مانعرف كم بخصصون؟؟؟

[بنت قطر]

انا شقلت لكم؟

قلت لكم انهم يشترون على 1000 سهم كل بطاقه مب اقل ولا اكثر

يعني اضعف الأيمان بكم يطلع التخصيص اكيد فوق ال 1000 سهم

حتى عندنا في الشغل يشترون على 70 ريال و75 ريال وسمعت بعد فيه ناس تشتري على 65 ريال

بس اللي انا متاكده منه اللي ب 80 جدام اعيوني صار هذا الشي

وياخذون على كل بطاقه 1000 سهم ب 80 الف ريال

[هداف]

اولا يوجد قرار يمنع التنازل عن الاسهم الا لذوي القربى من الدرجه الاولى

عمليات البيع والشراء يجب ان تكون في سوق الاوراق الماليه بصوره رسميه

البيع والشراء في السوق السوداء ليست في صالح صغار المستثمرين لان من يجمع هذه الاسهم خارج السوق
هم الهوامير عن طريق الدلالوه تلعمون لماذا حتى لا تكون هناك مضاربات في اسعار الشراء بصوره رسميه في السوق مما يجعل السهم يستمر في الطلووع بشكل طردي على قاعدة (( الطلب اكثر من العرض )) ويؤدي ذلك الى ارتفاع سعر سهم ناقلات الى سعر خيالي في الوقت الحالي ... وهذا ما يريده اهل قطر ذوي الدخل المحدود

عمليات البيع والشراء في السوق السوداء لا ترجع با لفائده على صغار المستثمرين بل انها تضر سهم الناقلات نفسه وبكره سوف يتحكم في السوق فئه من الناس ترفعه وتنزله حسب المصالح


اتمنى ان نتحلى با لصبر وانا اجزم بل واجزم واجزم لو ان الجميع يلتزم بعدم البيع في السوق السوداء سوف يصل سعر ناقلات في البورصه الى ما فوق 100 ريال بصعود لا مثيل له

ولكن المصيبه في ان من يضع القرارت لا يعرف ان المقربين هم من يخالف هذه القرارت بل انه فوق القانون !! بصوره اوضح انتبهوا الى من يشتري الاسهم في السوق السوداء الان وسوف تعرفون ما ارمي اليه

[المسكين]

السلام عليكم


اقول يابنت قطر وين اللي يشتري ب 80 ريال للسهم تراني ادوره


كل الناس اللي سمعنا عنهم انهم يشترون 35 و 40 بس اما 80 ماسمعت


اذا حد بيشتري تعرفينه انا ببيع ولج العموله


ها اشقلتي

[المستثمر القطري]

وانا مع اخوي المسكين اذا في احد يبي يشتري ب 80 عطيني خبر ولج الحلاوه

[بنت قطر]

أخاف مكيده؟

وتبي تصيدني

اسفه امتنع
اللي اعرفهم يعني معارف واخاف عليهم وعلي
وما ابي عموله مو محتاجه ولله الحمد

ومن اللي يبيع ب 35؟
دلني عليهم علشان اشتري من عندهم ب 35 وابيعهم على 80
كم يطلع لي فايده؟
امممممممممم حوالي 45 الف والله روعه

صفقه بارزه ومبرزه وانت قاعد

هذا في الصفقه الوحده!!!؟؟

يعني لو اشتري من 5 اشخاص بذي الطريقه كم استفيد
225 اممممممممم
والله روعه 225 الف ريال في بس 5 صفقات
والله عملوها ناس ايام الصناعات يشترون برخيص ويبعون بغالي

هلا يا السوق السوداء والله ورجعت ايامج

[سوبر سهم]

والله يابنت قطر اذا حد عرض علي 80 ببيع بدون تردد

:)


ليتهم يعرضون علي بس


مايعرضون علي الا 30

وانا اشتري ب 35 للي بيبيع


لكن 80 ابيع مب مشكله ولا في اذني ماي


اذا حد ناوي يشتري ب 80 ايقول لي

:)

[بنت قطر]

اذا فيه ب 30 انا ابي اشتري تكفى

صج والله امس بس سمعت ناس يبعون على 70

انا اتوقع السعر اليوم يرتفع لأن الكمية قليله

[بوناصر1]

ياعالم الى يبي يبيع اقل من 40 يخبرني والي يبي يشتري ب85 يخبرني وانا حاضر

[بنت قطر]

تبي تشتري برخيص
وتبيع بغالي