لا تحتـــــار .. مثلي .. ادخل واختـــــار ..!!!!

[سـهـم دايـخ]

.
.
.
.
.
.
.

بسم الله الرحمن الرحيم

مرحبا شباب ..

اخباركم ..

الموضوع وما فيه اني ناوي اشتريلي سياره .. ومحتار .. وابي نصيحتكم لي ..

1) مرسيدس 350s موديل 2005 يعني الشكل القديم
2) لكزس 430ls موديل 2006 يعني الشكل القديم مو الجديد اللي توه نازل
3) بي ام دبليو 730il موديل 2006 او 2007 نفس الشي ما يفرقون بشي

انتظر ردودكم .. واتمنى انكم تنصحوني لاني فعلا محتار .. وليش اخترتوا هالسياره اللي بتنصحوني بها

تحياتي لكم

[شاعر القبيله]

اخوي اذا بغيت بي ام دبليو 730li موديل 2006 واحد من الشباب عنده وحده للبيع وعليها رنقات ال740 الاصليه ، اكتب لي ايميلك حتى اطرش لك مواصفات السياره كامله اذا لك خاطر فيها ، وترا الرجال بيبيع الموتر لأنه حاجز له السبورت الجديد ...
انتظر ردك اخوي

[JSC]

لو بغيت سيارة ما تصب فيها إلا بترول وتبدل آيل
(( اللكزس ))
ايا كان نوعها

أما البي أم طول ماعندك الضمان اوكي
اذا خلص الضمان (( الله يعينك ))

[سـهـم دايـخ]

اخوي اذا بغيت بي ام دبليو 730li موديل 2006 واحد من الشباب عنده وحده للبيع وعليها رنقات ال740 الاصليه ، اكتب لي ايميلك حتى اطرش لك مواصفات السياره كامله اذا لك خاطر فيها ، وترا الرجال بيبيع الموتر لأنه حاجز له السبورت الجديد ...
انتظر ردك اخوي


تسلم يالغاللي على هالخدمة .. ولكني ما زلت في طور الاختيار .. واوعدك ان نويت بطرش لك ايميلي ولا يصير خاطرك الا طيب ;)

[سـهـم دايـخ]

لو بغيت سيارة ما تصب فيها إلا بترول وتبدل آيل
(( اللكزس ))
ايا كان نوعها

أما البي أم طول ماعندك الضمان اوكي
اذا خلص الضمان (( الله يعينك ))


مشكور يالغالي على هالنصيحه الغالية .. لا هنت ولا هانت يمينك .. وننتظر باقي اراء الاعضاء ... وما خاب من استشار :nice:

تحياتي لك

[المنسى]

اخوى سهم البى ام اذا انت راعى كشخات لان المرسيدس والكزس على قولتك الشكل الاولى بس انصحك لا تاخذ سياره الى على الضمان وبالتوفيق

[ولد الديره]

اخوي اذا تبي نصيحتي عليك بال Lexus Gs430 تر سعرها وايد علو و فيها كل شي و سياره وااااايد مريحه و ماتتلعوز مع التجييك راااااااحه و الموتر عندي و مرتاحله

تحياتي

[سـهـم دايـخ]

اخوى سهم البى ام اذا انت راعى كشخات لان المرسيدس والكزس على قولتك الشكل الاولى بس انصحك لا تاخذ سياره الى على الضمان وبالتوفيق

مشكووووووووووور اخوي على النصيحه اللي راح تكون من اول اولوياتي :)

[سـهـم دايـخ]

اخوي اذا تبي نصيحتي عليك بال Lexus Gs430 تر سعرها وايد علو و فيها كل شي و سياره وااااايد مريحه و ماتتلعوز مع التجييك راااااااحه و الموتر عندي و مرتاحله

تحياتي

شاكر لك يالغالي على هالنصيحه ... ولكن مشكلة الناس تشوف اللكزس فئة 3 يعني مستوى ثالث ودايما اي حد يقولك اللكزس سياره عاديه وتجي بعد المرسدس والبي ام .. ودايما ينصحوني اذا بدفع هالمبالغ ادفعها احسن لي في المرسدس او البي ام .. اما في اللكزس فحرام اني ادفعها في سياره فئه ثالثه

تحياتي لك والف شكر على نصيحتك

[alwahesh]

انا انصحك تاخذ مرسيديس رزه وترتاح من مشاكل الصيانه وغلا قطع الغيار وفرع اللاند مارك
خدمتهم سريعه وممتازه
وحتى لو تاخذ E350 بوعيون مع بصمه وشاشه بس ولا تنسى ان السياره هذي غيرك يحلم
يركبها واحنا انشوفها بطرف عين ونتعزز

واخيرا اقول ابعد عن اللكزز وغني له ؟؟؟؟؟؟؟؟؟؟؟

[شقردي]

اخوي انا الصراحه افضل البايم لانها للحين متغير شكلها وذمانها خمس سنوات

والله يوفقك

[شقردي]

اخوي اذا بغيت بي ام دبليو 730li موديل 2006 واحد من الشباب عنده وحده للبيع وعليها رنقات ال740 الاصليه ، اكتب لي ايميلك حتى اطرش لك مواصفات السياره كامله اذا لك خاطر فيها ، وترا الرجال بيبيع الموتر لأنه حاجز له السبورت الجديد ...
انتظر ردك اخوي


اخوي شاعر القبليه ممكن تدزلي معلومات عن السياره لونها ومواصفاتها وكم ماشيه وكم طالب فيها

وسمحلي اذا ثقلت عليك تحياتي
ssssaleh@hotmail.com

[سـهـم دايـخ]

انا انصحك تاخذ مرسيديس رزه وترتاح من مشاكل الصيانه وغلا قطع الغيار وفرع اللاند مارك
خدمتهم سريعه وممتازه
وحتى لو تاخذ E350 بوعيون مع بصمه وشاشه بس ولا تنسى ان السياره هذي غيرك يحلم
يركبها واحنا انشوفها بطرف عين ونتعزز


كلامك صحيح اخوي .. وفعلا كثير اشياء نتعزز عليها ونشوفها بطرف عين وغيرنا يتمناها ويحلم فيها .. ولكن اخوي انا مو من هذا النوع .. على فكره انا حبيت شكل المرسدس الصغير فئة ال E ولكن فيه اشياء تمنعني اخذه .. اشياء احب اني احتفظ فيها لنفسي :eek3:


واخيرا اقول ابعد عن اللكزز وغني له ؟؟؟؟؟؟؟؟؟؟؟

اول واحد يقولي هذي الجمله وبهالطريقه :con2: .. يا ترى ليش شفيها اللكزس .. ياليت توضح كلامك اخوي ..

الف شكر على تعاونك اخوي واهتمامك باستفساري

[سـهـم دايـخ]

اخوي انا الصراحه افضل البايم لانها للحين متغير شكلها وذمانها خمس سنوات

والله يوفقك


اخوي شقردي .. يعطيك الف عافيه على المرور والمشاركه .. ولكن اخوي الشي الوحيد اللي مخليني اتردد في البي ام هو انه الشكل الجديد راح ينزل في 7/2008 يعني بعد سنه ونص .. وبعدها ما راح القى لها شراي ولا حتى بنص قيمتها .. يعني بتطيح في جبدي

اتمنى اخوي اني وضحت لك وجهة نظري .. واذا انك تخالفني فيها .. انتظر منك توضيح اكثر

تحياتي

[شقردي]

اخوي شقردي .. يعطيك الف عافيه على المرور والمشاركه .. ولكن اخوي الشي الوحيد اللي مخليني اتردد في البي ام هو انه الشكل الجديد راح ينزل في 7/2008 يعني بعد سنه ونص .. وبعدها ما راح القى لها شراي ولا حتى بنص قيمتها .. يعني بتطيح في جبدي

اتمنى اخوي اني وضحت لك وجهة نظري .. واذا انك تخالفني فيها .. انتظر منك توضيح اكثر

تحياتي

في هاذا معاك حق لكن سنه ونص تقدر تكشخ فيها وعقبر تبيعها وبتحصل لها سعر انشاله

[قناص قطر]

خذ الالماني

خذ مرسدس وانت الربحان

شكل ورزة وسيارة قيمتها برزتها

ما عليك من الياباني

اطلع من عالم اليابان وانت الربحان

[BU_7MD]

اخوي اذا لك خاطر انا عندي S350
موديل 2003 ماشي 46000
احمر من داخل مجنولي
فل فل اوبشن
روعه ماشاء الله عليه اذا لك خاطر عطني خبر
وهاي صوره للموتر
http://www.moq3.com/pics/up/g_15_10_06/52656f4b0d.jpg

[شاعر القبيله]

مرحبا اخوي شقردي ، شيك على ايميلك حطيت لك مواصفات الموتر ، ومافي اي ازعاج او ثقل الله يسلمك

[الهيل]

تبي نصيحتي .. ابتعد عن المرسدس والبي ام

صحيح في الضمان راح يكون ماعندك مشكله بس بتتوهق بعد الضمان

اللكزس ماراح يتعبك ابدا .. وفي نفس الوقت راح يعجبك

[ريال قطري]

ال بي ام دبليو وروح لهلك

سياره عجيبه وبعد هي عليها ثلاث سنوات ضمان وخمس سنوات تشيك يعني خذ وانت مرتاح وبعدين من الي اتم عنده سياره خمس سنوات الحين الشباب حدهم ثلاث سنوات ويغير اذا مب كل سنتين

[_QTR_]

والله عليك بالــــــ Bmw ماعليه كلام دام عليه الضمان وانا اخوك

[العنان]

مرحبا اخوي انا كانت عندي Bmw 2006 بصراحه موتر ماعليه كلام بس بعتها لأني مليت من الصالون وخذت رنج سبورت ، وماعليك من اللي يقول خراب انا استعملتها سنه ونص والحمد لله لاخراب ولاشي ، الموتر اذا حشمته بيحشمك ..

[SCROOGE]

لو بغيت سيارة ما تصب فيها إلا بترول وتبدل آيل
(( اللكزس ))
ايا كان نوعها

أما البي أم طول ماعندك الضمان اوكي
اذا خلص الضمان (( الله يعينك )) كلام صحيح و انا معاك