بغينا شقق في دبى اوالشارقة اسعارها معقولة للعائلات ساعدونا

[عندليب قطر]

بغينا شقق في دبى اوالشارقة اسعارها معقولة للعائلات
لاني ناوى اطلع اجازة الربيع مع العايلة اول مرة
اكون شاكر لكم

[**قطـــــر**]

صبحك الله بالخير

انا اقولك وين

فندق تاج بلس
وايد راقي ومافيهه الاشياء المحرمه
بس حاسب تتمشى بعد الساعه 8 خارج الفندق

[مواطن]

هلا أخوي أنا حجزت في تاج بالاس حق عطلة الربيع شقه غرفتين ب 1650

[عندليب قطر]

صبحك الله بالخير

انا اقولك وين

فندق تاج بلس
وايد راقي ومافيهه الاشياء المحرمه
بس حاسب تتمشى بعد الساعه 8 خارج الفندق

مشكور اخوى بس صعبة اجود اليهال مايطلعون الساعة 8

طال عمرك هذا في وين دبى او الشارقة

[عندليب قطر]

هلا أخوي أنا حجزت في تاج بالاس حق عطلة الربيع شقه غرفتين ب 1650

ممكن استفسار المدة شكثر الى حجزت فيها او هذا السعر1650 يوميا

[heez1]

اخوي في فندق جديد خلف تاج بلس اسمه جراند موف
جديد ومرتب وعائلي ولافيه ديسكو ولا بار لا فيه مشروبات كحوليه في الثلاجه
وسعره 550 درهم في الليله
ومكان الفندق شارع الرقه خلف الهوليدي ان
والله الموفق

[البانوش]

نصيحة احجز من الدوحة احسن لك ورخص

[ولـــد قطـــر]

نصيحتي لك اخوي اذا انت بتروح مع عائلة

احسن شي تاخذلك شقة بدل غرفة في فندق وبتظر تاخذ اكثر من وحده وبتطلع عليك تكاليف السفر اغلى وغير هذا الشقة فيها صالة حق اليهال تتجمعون وتتعشون فيها

تبي رائي من تجربه شخصية

شقق تشلسي بشارع الشيخ زايد، غرفتين وصالة ومطبخ والله يعزك 2حمام
الليلة بــ 900ريال حجزها من الدوحة، وبيكون جمبك الامارات مول ومجمع ابن بطوطة والسوق الصيني ومرسى دبي وواااااااااااايد محلات ومركز تسوق وترفيه

وعندق بعد شقق البستان الي بمنطقة القصيص جمب مركز البستان التجاري
شقة غرفتين ومطبخ وصالة والله يعزك 2حمام بـ 750ريال وبيكون جمبك مركز طوار والملا بلازاوايضاً محلااااااااااات كثيرة

أتمنى اكون قدرت افيدك أخوي

وللعلم الشقق الي ذكرتها جميعها عااااائلية ولاتوجد بها اي من المحرمات

[بوخالد2]

اخووى عندليب 00 عليك بشق الضيافه روعه ياالغالي

[السهم الكلاسيكي]

اخوى ممكن يفيدك هذا الرابط في كل اسعار فنادق وشقق دبي

http://www.dubai.ws/a_index.htm
.
.
.
.

[شهد]

انصحك بالبستااان

شقه تاثيثها مهب ذاك الزود
ولكن دور الاول كلها محلات ومطاعم وكنتاكي وملاهي

وسعرها معقوووول

من تدخل البنايه بتحس قطريين محتلييييييين البنايه من كثرهم ههههههه

[عضو قديم]

الله وكيلك انا حاجز في البستان شقة غرقتين لمدة 10 ايام ب 8550 ريال

[العـوا]

دبي فيها اكثر من مكان توني ياي امس وامطار خير موضوع الشقق يمكن تحجز من قطر افضل وحسب ميزانيتك

[المخلب]

أحجز من قطر ! من أي مكتب أرخص من دبي نفسها

[البانوش]

رابط لشقق المفروشة في الشارقة ممكن يساعدك

http://www.sharjah-welcome.com/ar_html/sh_aco_furnishedapratment.htm
.
.
.

[القحطاني]

نصيحة شركة اركسون تحجز لك اى مكان تبغا وسعارها مناسبة
وهذى بعض اسعارها

http://www.myrtn.com/hotels/hotelstay.asp?City_id=31

[العـوا]

تبي في الشارجة قصر الامارات شي راقي ويديد

الشقة على 500 ريال

[عالي مستواة]

عندك شقق كونكورد بعد حلوه وعائليه ولا فيها خرابيط

ومكانها مقابل مطعم صدف على الشارع الثاني ومكان هادي ولا فيه ازعاج

وعندك شقق الضيافه 3 اللي عن الستي سنتر