الشاصي .. شنو سالفته؟

[غالية ياقطر]

بغيت اعرف منكم اذا الشاصي انضرب في السيارة شيكون مصيرها ؟ تتكنسل والا تتصلح والا عادي مايأثر على شي في السيارة ؟

تكفون جاوبوني :eek3:

[الأمبراطور]

أذا قصدك كانت أمأمنه فول على طول يكنسلونها ويعضونك

أما أذا كان قصدك أنك تقدر تصلح الموتر ولا لا عادي تقدر تصلحه بس أي سياره مظروب شاصيها وقت البيعه ما تيب قيمه وحتى لي صلحتها ما ترجع نفس لول

هاي رايي الشخصي في ناس يقولون عادي ترد طبيعيه

[شقردي]

والله يا اختي اذا الشاصي مضروب في السياره حتى لو مصلح هاذا يعيب السياره
اما بالنسبه لتصليح الشاصي فيه ضربات خفيفه يعني تتصلح

[التيما]

بيعيها مكنسله او اخذي فلوووووس التأمين احسن لج نصييييييييييييحه :eek3:

[الاسهم بلشة]

أذا قصدك كانت أمأمنه فول على طول يكنسلونها ويعضونك


:confused: :confused: :confused: :confused:

لاتخاف اخوي محد بيعضك
اخوي شوف ساعات الشاصي ينعوي مثلا ومايكنسلون السيارة
يعني على قولة الفلسطينيين : ينطعج
وقتها بتحس ان السيارة لما اتسوقها دايما اتميل حق جهة معينة
يمين ولا يسار
وماراح يتصلح هالعيب كلش

[Khalid222]

يعتمد عل الضربة.. وبعدين الوكالة هم احسن ناس يقدرون يقولون لك اذا الموتر يتصلح او لا .. وهم عندهم كل تفاصيل السيارة والابعاد واالمقايس والاجهزة الي يقدرون يرجعون السيارة مثل الاول.. وبعدين المثل الي يقول الي انطعج ما يتصلح غير وارد في تصليح السيارات ..

[الاسهم بلشة]

يعتمد عل الضربة.. وبعدين الوكالة هم احسن ناس يقدرون يقولون لك اذا الموتر يتصلح او لا .. وهم عندهم كل تفاصيل السيارة والابعاد واالمقايس والاجهزة الي يقدرون يرجعون السيارة مثل الاول.. وبعدين المثل الي يقول الي انطعج ما يتصلح غير وارد في تصليح السيارات ..

؟؟؟؟
انت متاكد من كلامك اخوي؟
لان كلامي كان من واقع خبرة
يعني اذكر ان كان في واحد من الشباب سوا حادث ( بعيد عنكم ) والشاس عنده انعوى , ولما راح الوكالة ( وكانت وكالة نيسان) صلحوا له كل شي لان تامينه كان شامل , لكن الشاسي ماصلحوا له اياه وظل مطعوج , وتم الموتر ايميل يمين ااو يسار

[غالية ياقطر]

تسلمون على الردود يالطيبين ،
مب سيارتي اللي انضربت انا ناوية اشتري سيارة مستعملة وحصلت سيارة (انفوي) فل اوبشن ونظيفة ومشيها خفيف وخلاص نويت عليها لأن سعرها رخيص بالنسبة على مواصفاتها (58) (في الوكالة حسب مااذكر شفت سنة2005 بنفس المواصفات بسعر 120 ) المهم سألت ليش راعيها ببيعها مصبوغة مدعومة شفيها ، وبعد ماسألوا قالوا ان السيارة كانت مدعومة دعمة بسيطة بس الشاصي تأثر وبصراحة زعلت لأنها دشت خاطري وتمللت وانا ادور سيارة بهالسعر

علشان جذي بغيت اعرف منكم شنو تاثير الضربة على السيارة ، بس من الردود شكلي :eek3: وباكنسل

[rashid-1]

كنسلي وأنتي مغمضه لاتشترينها وحتى لو برخص التراب

والشاصي ماينضرب الا إذا جات دعمه قوية للسياره مستحيل تكون ضربة بسيطة

وإذا الشاصي عوي سيارتج تمشي على صوب ويزيد الميلان كل سنه ممكن الحين يبين شوي بس مع الإستعمال يزيد

يعني اللي يشوف سيارتج يموت من الضحك

[غالية ياقطر]

يعني اللي يشوف سيارتج يموت من الضحك

خلاص يالطيب هالجملة خلتني اغير رايي 100% من دون تردد ، حلوة هاذي بعدين اصير طماشة حق الناس :eek2:

[ANONYMOUS]

بيسير شكل السياره ..

جنها لافه .. بس تمشي سيده...

قمة الظحك

الحمدلله على كل شي

[السني 73]

سعرها غالي بالنسبة للضربة

[شقردي]

تسلمون على الردود يالطيبين ،
مب سيارتي اللي انضربت انا ناوية اشتري سيارة مستعملة وحصلت سيارة (انفوي) فل اوبشن ونظيفة ومشيها خفيف وخلاص نويت عليها لأن سعرها رخيص بالنسبة على مواصفاتها (58) (في الوكالة حسب مااذكر شفت سنة2005 بنفس المواصفات بسعر 120 ) المهم سألت ليش راعيها ببيعها مصبوغة مدعومة شفيها ، وبعد ماسألوا قالوا ان السيارة كانت مدعومة دعمة بسيطة بس الشاصي تأثر وبصراحة زعلت لأنها دشت خاطري وتمللت وانا ادور سيارة بهالسعر

علشان جذي بغيت اعرف منكم شنو تاثير الضربة على السيارة ، بس من الردود شكلي :eek3: وباكنسل

اختي اي سياره الشاصي فيها متاثر نصيحه لاتاخذينها ولو ببلاش

والله يوفقج

[الأمبراطور]

:confused: :confused: :confused: :confused:

لاتخاف اخوي محد بيعضك
اخوي شوف ساعات الشاصي ينعوي مثلا ومايكنسلون السيارة
يعني على قولة الفلسطينيين : ينطعج
وقتها بتحس ان السيارة لما اتسوقها دايما اتميل حق جهة معينة
يمين ولا يسار
وماراح يتصلح هالعيب كلش

ههههههههه

أقصد يعوضونك

خطأ مطبعي

[الأمبراطور]

تحملي تشترينها وعلى فكره سعرها وايد غالي

وأي سيارة مضروب شاصيها على طول حطي عليها أكس تحملي

[نيساني]

بالتوفيق