تعالي اعلمك السحر ( يا زوجتــــــي )

[لولوتي]

تعالي أعلمك السحر ( يا زوجتــــــي ) :shy:

السحر هو أمر يستحوذ على الحواس فيقودها في اتجاه آخر ..

لكل من تود أن تسحر زوجها سحر لا يمكن فكه ولا حله ..

هذه طريقة فعالة ..

جربوها ولن تندمــوا ..


1. زوجك ليس ندا لك ..

زوجك رجل ..

له كرامة وكيان وشخصية تمتلئ بالشموخ والكرامة وعزة النفس ..

فلا تكوني ندا له ..... وين المشكلة؟؟!!


2. بيتك جنة .. وأطفالك هم عصافير الجنة ..

فلا تجعليهم غربان تحوم حول الزوج حين يحتاج للهدوء ..

الانسحاب أحيانا مفيد جدا ,, وين المشكلة؟؟!!

3. خليه يفتح موضوع جدي معاك ..

اتركيه يناقش حتى النهاية..

إذا قرب يخلص فاجئيه بالعبارة التالية : بس في نقطة مهمة نسيتها ..

راح ينتبه لك ..

وأكيد راح يسأل : وش هي ؟؟!! ,, قولي: إنا أموت فيك .. وين المشكلة؟؟!!

4. كل الأمور تحلينها أنتي؟؟!! برررررااااااااافو ..

كفو والله وعساك عالقوة ..

بس مو ضروري تعيرينه..

دعي له مساحة يتحرك فيها ..

شاركيه بالقرارات ...

ارجعي له دائما ..

حتى في الأمور المحسومة سلفا ..

خليه يحس إن له دور مهم مو سبير طايح .. وين المشكلة؟؟!!


5. دائما دعيه يشعر انه القوة الكاملة في البيت ..

دعيه يشعر انك ضعيفة لكن مو بشخصيتك ..

بل بجسمك ,, الجئي له مثل الأطفال ..

حتى لو إصبعك انجرح ... عطيه بلاستر وخليه يلف إصبعك .. وين المشكلة؟؟!!

6. خليه دايما يحس انك بحاجته ..

وان عداداتك وبوصلاتك ما تشتغل إلا بوجوده .. وين المشكلة؟؟!!



7. أشعريه إن شخصيته هي الأقوى..

حتى لو كنتي كونداليزا رايس .. وين المشكلة؟؟!!

8. العطور الســحر كلــه ..

اجعلي بيتك مريحا للأعصاب ودايما استبدلي عبق البصل والثوم اللي تحوووووووووس في البيت ..

برائحة معطر الجو إير ويك برائحة الورد << دعاية مدفوعة الثمن خخخخخ

حواس الأنف مفتاح الدماغ ..

راقبي وجهك إذا مريتي عند زبالة صار لها سنة مقطوطة ..

حتى لو كنتي في قمة سعادتك بتنقلب مزاجاتك ..

شلون يقدر يعصب والدنيا ربيع والجو بديع ..

وقفلي على كل المواضيع .. وين المشكلة ؟؟!!

9. يقولون الرجل طفل كبيـر ..

أنا أقول الرجل جنين وليس طفل ..

الطفل ممكن ينزف ... ينطق ..

بس الجنين محمي بحنان رباني و بعالم هادئ بتدليل أمومي ..

الرجل مهما لقى من صفات رائعة في زوجته ..

دائما يبحث عن حنان أمه فيها ..

والحنان يلين الصخر .. وين المشكلة؟؟!!

10. كوني له أمة يكن لك عبدا .. نعــم لا تسـتغربيــن !!!

صيري صديقته وقت الضيق ..

أخته وقت الفزعة و أمه وقت الدمعة ..

حبيبته لما كل الدنيا تخليه وزوجته لما يضيع ..

و بنته لما يحتاج يحس بالألفة ..

كوني له كل نساء الأرض .. وين المشكلة؟؟!!

11. علمي أولادك أن يقبلوا رأسه كلما رأوه ...

لا تقولين الزمن تغير وما عاد أحد يبوس راس أحد ..

كل شي ممكن يتطور ..

بس يبقى احترام الأب هو الجهل الوحيد اللي لازم نزرعه بقلوب أولادنا ..

وباستماته .. وين المشكلة؟؟!!

12. نسى هدية العيد لولده أو بنته ..

::×:: عادي ::×::

اشتري هدية وحطي عليها أسمه وجهزيها له ..

أو إذا انشغل قدميها باسمه فنتيجة انتماء الطفل لأبويه انتو الاثنين راح تحصدونها ..

مو بس هو ..

بس لا تنسين ترسلي له مسج تعلمينه بالهدية ..

لا يصير مثل الأطرش بالزفة .. وين المشكلة؟؟!!

13. أحــــذري من عبارة أبوك لاهي عنك ..

شدعوه داري عنك و ليش وينه أبوكم ,, أبوك مو فاضي لك ..

الطفل ما ينسى قومي انتي بالمهمة ..

أو على الأقل لاقي عذر مناسب يكبر الأب بعين عياله ..

مو يكرهونه .. وين المشكلة ؟؟!!

14. تتضايقين من نظراته لمذيعات القنوات اللبنانية وهيفاء وهبي؟؟!!

قـــــهــــــر موووو ؟؟!! غلــطـــــــانه ..

اسألي نفسك سؤال واحد هي امرأة وانتي مو امرأة؟؟!!

ليش تخليــنه يطالع برا وأنتي موجودة ؟؟!!

ايش ناقصك ؟؟!!

ليش ما تصيرين انتي لبنانية بنكهة الدرابيل والهيل ..

يعني خليجية النكهة ..

ايش محتــاج المــوضــوع أممممممممم ..

قصة شعر؟؟!!

رجيم ؟؟!!

صبغة حلوة ؟؟!!

ابتسامة جميله ؟؟!!

تدليع ؟؟!!

وين المشكلة؟؟!!

15. دلعيه ثم دلعيه ثم دلعيه ..

حبيبي ,, قلبي ,, حياتي ,, مافي منك ,, مشكور عساك عالقوة ..

صباح الحب ,, مساء الورد ,, تصبح على حب ,, عيوني لك ,, انت تامر ..

ومن هالحجي .. وراح تشوفين كيف راح تضيع علومـه ..

اعتبريه موضوع تعبير لازم تكتبينه في المدرسة ويتوقف عليه تخرجك ... وين المشكلة؟؟!!

16. يووووووووووووووووه

ليش ما جبت الطماط ...... إنا لله ... أنا كل ما أوصيك على شي تنساه !!!!!!

والله لو رايحه أنا أبرك !!!!!

ليش ليش سواق هو؟؟!!


شوي شوي ..

صحيح مهمته وشغلته وواجب عليه ندري ..

بس كان ممكن لما تكتشفين النقص تقولين الآتي مع ابتسامه ناااعمه ..

عادي حبيبي ولا يهمك يعطيك العافية يا قلبي ..

روح انت الحين وأنا أسوي لك كوكتيل عالسريع ..

حرااااام يتعب وما ندلعه !!!! ما يصير ..

حتى لو أكلتك كلها تعتمد على الطماط وخير يا طير ,, تتدبر..

لو تفكرين شوي راح تعرفين إنها تتدبر .. وين المشكلة؟؟!!

17. لا تنتقدينه أبدا ..

حتى لو كان من راسه لساسه عيوب ..

حتى لو كان صباااااااااااار كله شوك ..

الصبار ترى داخله مويه وعلشان توصلين للمويه لازم تشيلين الشوك وجربي شيليه بسرعه ومره واحده ..

ما تجنين إلا الألم ..

بالحب والحنيه والصبر كل شي يصير ..

حتى لو طولتي تشيلين الشوك ..

راح يجي وقت تلاقينه هو يشيل معاك .. من كيفه .. وين المشكلة؟؟!!

18 . إياكي وإياكي أن تظهري عيبه أمام الآخرين الرجل ما ينسى ..

والشعور بالإحراج يخليه يدفن بقلبه ضيق عليك ما يروح بسهوله وخليكي ستر وغطا على عيوبه ..

حتى لو تافهة وعادية .. وين المشكلة؟؟!!


19. خلي ايدك بإيده ..

خليه يحس انك مستانسة لوجوده جنبك ..

مو تنتظرين الساعة اللي يروح فيها برا ... وين المشكلة؟؟!!

20. طلعي الشغاله برا أظن الدوام الجزئي كافي ..crazy

هذي مملكتك لا تتنازلين عنها ...

وين المشكلة ؟؟!!

الواحدة منا إذا حبت شغلها تكرف فيه بدون حساب ..

وبابتسامة .... مو بيتك أدوم لك؟؟!! وين المشكلة؟؟!!


21. عطيه حريته وخليه يسافر لوحده إذا يبي ..

خليه يطلع استراحة أو طلعه مع الشباب ..

خليه يتنفس ..

وراح يرجع لك مشتاق وممنون ... وين المشكلة ؟؟!!



22. تعلمي الإبداع بالطبخ ..

نوعي بأكلاتك ..

حسسيه إن ذوقه مهم عندك... وين المشكلة؟؟!!


23. جددي بنفسك وخليك أنيقة وكشخة .. وين المشكلة؟؟!!



24. تذكريه برسالة على الجوال مو لا تنسى العيال ولا مر البقاله ..

قولي له كلمة واحدة بس ..

اشتقتلك .. وين المشكلة؟؟!!


25. لا تخالفينه قدام عيالك خلي رايك من رايه وعيالك لازم يفهمون هالشي ..انك معاه مو ضده..

ولا تعاندين ..

لو شلتي ايدك من ثقب السفينه عناد ..

راح تغرق السفيـنـه فيكم كلكم .. وهنا المشكلة !!!!

:shy: عجبني الكلام ونقلته:shy:

[الراقية]

الله يعطيج العافية يالمبدعة


بس تعالي الحين الرجاجيل بيستانسوووووون على هالحجي

عطيه حريته وخليه يسافر لوحده إذا يبي ..

خليه يطلع استراحة أو طلعه مع الشباب ..

خليه يتنفس ..:funny:
وراح يرجع لك مشتاق وممنون ... وين المشكلة ؟؟!!

[لولوتي]

الله يعطيج العافية يالمبدعة


بس تعالي الحين الرجاجيل بيستانسوووووون على هالحجي

عطيه حريته وخليه يسافر لوحده إذا يبي ..

خليه يطلع استراحة أو طلعه مع الشباب ..

خليه يتنفس ..:funny:
وراح يرجع لك مشتاق وممنون ... وين المشكلة ؟؟!!




هلا بام الخير
صدقتي اخاف حريم المنتدى يقومون الحرب عليّ من هالجمله:eek2:

[ROSE]

الزوج يحتاج الى الراحة والزوجه كذلك

فيه سؤال دايما يروادني اذا الزوج انعطى الراحة اللي يبيها والاجازه اللي دوم يسعى

لها من الحياة الزوجية طبعا اما بيسافر مع اصدقائه او يطلع في رحلة والزوجة

تقعد تنطره مع عيالها في البيت ،،، طبعا مافيه مشكله

لكن السؤال اللي يطرح نفسه اذا الزوجه بغت اجازة من بيمسك الاولاد وهل الزوج راح يعطيها

هالاجازة ؟ :con2:

[الراقية]

الزوج يحتاج الى الراحة والزوجه كذلك

فيه سؤال دايما يروادني اذا الزوج انعطى الراحة اللي يبيها والاجازه اللي دوم يسعى

لها من الحياة الزوجية طبعا اما بيسافر مع اصدقائه او يطلع في رحلة والزوجة

تقعد تنطره مع عيالها في البيت ،،، طبعا مافيه مشكله

لكن السؤال اللي يطرح نفسه اذا الزوجه بغت اجازة من بيمسك الاولاد وهل الزوج راح يعطيها

هالاجازة ؟ :con2:

:nice: :nice: :nice: حلوة روز يالله ردوا يا متزوجين :nice: :nice:

[<<روز>>]

جزاج الله خير على الموضوع القيم والمفروض اللحين تحطين للرجال السحر الحلال لحريمهم

[خاربه خاربه]

omen omen omen

[بوخالد2]

الزوج يحتاج الى الراحة والزوجه كذلك

فيه سؤال دايما يروادني اذا الزوج انعطى الراحة اللي يبيها والاجازه اللي دوم يسعى

لها من الحياة الزوجية طبعا اما بيسافر مع اصدقائه او يطلع في رحلة والزوجة

تقعد تنطره مع عيالها في البيت ،،، طبعا مافيه مشكله

لكن السؤال اللي يطرح نفسه اذا الزوجه بغت اجازة من بيمسك الاولاد وهل الزوج راح يعطيها

هالاجازة ؟ :con2:

كلام جميل ولكن هل الزوجه مساافره الى الاهل ام الى السياحه فقط ؟؟؟

اذا للاهل مايفرق عنده شي بعضهم عااادي والبعض الاخر لا يرغب في ذالك لازم محرم اما اذا السياحه فانا اشووف انه مالاداعي كلش السفر --- وليش السفر بدون محرم ماصارت الا عند العائلات المتفتحه والعلمانيه فقط :deal: الله لا يبليناا


يعطيج العافيه اختى لولوتي

[مشغولة البال]

يعطيج العافيه اختي بس بغيت اسال ليش المراه تسوي وتسوي الرجال مايسوي؟؟ الحرمه وش تبي من الرجال اكثر من الاهتمام والدلع؟؟ وانه يحسسها انها ملكة قلبه :) صدقيني والله مانبي اكثر من جذي وكلمه تودينا وكلمه تجيبنا والله يوفقك الجميع..

[abo rashid]

الله يعطيج العافية يالمبدعة


بس تعالي الحين الرجاجيل بيستانسوووووون على هالحجي

عطيه حريته وخليه يسافر لوحده إذا يبي ..

خليه يطلع استراحة أو طلعه مع الشباب ..

خليه يتنفس ..:funny:
وراح يرجع لك مشتاق وممنون ... وين المشكلة ؟؟!!



وين المشكله

عطونا تايم اوت

شكرا لج اختي

[حورية]

شكرا اختي على هذا الموضوع بس اختي معقولة لو المرأة قامت بكل هذا الريال راح ايقدر هذا الشي بالعكس راح يعتمد عليها بكل شي وغير هذا بعد ايشوف له وحدة خراج البيت صديقة ولا يشتكي من زوجته انا اشوف المرأة الي ما اتسوي شي هي الحين الي تنحط على الراس.

[ابوالجازي]

الزوج يحتاج الى الراحة والزوجه كذلك

فيه سؤال دايما يروادني اذا الزوج انعطى الراحة اللي يبيها والاجازه اللي دوم يسعى

لها من الحياة الزوجية طبعا اما بيسافر مع اصدقائه او يطلع في رحلة والزوجة

تقعد تنطره مع عيالها في البيت ،،، طبعا مافيه مشكله

لكن السؤال اللي يطرح نفسه اذا الزوجه بغت اجازة من بيمسك الاولاد وهل الزوج راح يعطيها

هالاجازة ؟ :con2:

اول شي راح اجاوب على اجازة الزوجه اي عادي مافيها شي لو هي بتسافر مع اهلها او اهلي ماعندي مشكله واكثر من مره زوجتي تروح مع اهلي او مع اهلها واليهال يكونون عندي وحتى ما اتصل لها وايد عشان تحس انها مسافره صج .

بس لما الزوج يسافر تلاقين الزوجه كل دقيقه متصل على فكره مش مشتاقه :mad: لا عشان تعرف ايش قاعد يسوي مع من :anger2: يعني مسافر مع ربعي بقعد مع من يعني والمشكله اذا قلت لها ترى الخميس مسافر تلاقينها على طول الويه مكشر تقولين قايل لها بكره عرسي .

الزوجه لازم تعرف ان في شي اسمه اجازه زوجيه وانا دايما اقول لازم الزوج ياخذ اجازه والزوجه تاخذ اجازه وبعدين لازم الاثنين ياخذون اجازه ويغيرون المكان اللى هم فيه يعني يروحون فندق او يسافرون يوم يومين المهم تغيير بس لا حياة لمن تنادي :(

تسلمين اختي على الموضوع اللى يعور البطن :court:

[الجني]

الله يعطيج العافية يالمبدعة


بس تعالي الحين الرجاجيل بيستانسوووووون على هالحجي

عطيه حريته وخليه يسافر لوحده إذا يبي ..

خليه يطلع استراحة أو طلعه مع الشباب ..

خليه يتنفس ..:funny:
وراح يرجع لك مشتاق وممنون ... وين المشكلة ؟؟!!



هذا كلام صحيح و ينقصة شيء واحد بس

خليه يتزوج و بعد سنه زوجيه الثالثة و ماتكتمل الفرحة الا لما تزوجينة الرابعة و كل وحدة تصرف عليه من فلوسها و تقنعين باقي الزوجات بأنه يسافر بروحه و تعطونه مصروف.

بهذه الطريقة تملك الزوجة قلب زوجها للأبد

[khaldoon]

يعطيكي الف عافيه اخت لولوتي

نصائح ولا اروع

يا ريت تنفذها كل زوجه وكل زوج ايضا

بارك الله فيكي ما قصرتي

[لولوتي]

الزوج يحتاج الى الراحة والزوجه كذلك

فيه سؤال دايما يروادني اذا الزوج انعطى الراحة اللي يبيها والاجازه اللي دوم يسعى

لها من الحياة الزوجية طبعا اما بيسافر مع اصدقائه او يطلع في رحلة والزوجة

تقعد تنطره مع عيالها في البيت ،،، طبعا مافيه مشكله

لكن السؤال اللي يطرح نفسه اذا الزوجه بغت اجازة من بيمسك الاولاد وهل الزوج راح يعطيها

هالاجازة ؟ :con2:

جني اسمع ولا ذي صدى الصوت بالجمله المعهوده((المره مالها الا البيت والاعيال)):confused:

بس الله يعيين الحريم عزيزتي
وشاكره لج

[لولوتي]

جزاج الله خير على الموضوع القيم والمفروض اللحين تحطين للرجال السحر الحلال لحريمهم

وجزاج كل خير
وان شاء الله بدور لج:shy:

[لولوتي]

omen omen omen

شاكره مرورج خاربه خاربه

[لولوتي]

كلام جميل ولكن هل الزوجه مساافره الى الاهل ام الى السياحه فقط ؟؟؟

اذا للاهل مايفرق عنده شي بعضهم عااادي والبعض الاخر لا يرغب في ذالك لازم محرم اما اذا السياحه فانا اشووف انه مالاداعي كلش السفر --- وليش السفر بدون محرم ماصارت الا عند العائلات المتفتحه والعلمانيه فقط :deal: الله لا يبليناا


يعطيج العافيه اختى لولوتي

الله يعافيك بوخالد2 وشاكره مرورك.. وتوضيح وجهة نظرك:nice:

[لولوتي]

يعطيج العافيه اختي بس بغيت اسال ليش المراه تسوي وتسوي الرجال مايسوي؟؟ الحرمه وش تبي من الرجال اكثر من الاهتمام والدلع؟؟ وانه يحسسها انها ملكة قلبه :) صدقيني والله مانبي اكثر من جذي وكلمه تودينا وكلمه تجيبنا والله يوفقك الجميع..

الله يعافيج عزيزتي

اكيد اختي الكل عليه واجبات والتزامات وإذا كانت المرأه تسوي وتسوي كل شي بعد الرجال عليه مسؤوليات كبيره وواجبات مالها اول من اخر
والدلع والاهتمام :shy: ماأدري عنه:shy:

[ورقــة أمــل]

يعني كلشي انا اسووووووووووووويه

ادلعه واكله واشربه واربي عياله واربــــــــــــــــيه معاهم

يعني وهو شيسوووووي؟؟؟

انا ابي حد يدلعني بعد

وابي اخذ اجازة عشان اشتاق له

وابي ياخذ عياله ويفكني منهم شوي ....... كل يوم يهال وعوار راس وسنداره

وصراحه مابيه ينتقدني في لبسي وطباخي ومكياجي......

ابي احس انه محتاج لي....

ولايجي لي من دوامه معرق.... ماقدر استحمل الريحه.... اهم شي يعطر نفسه ويتسبح كل يوم...

بعد لا يخليني اطالع تاركان ووائل كفوري في التلفزيون.... المفروض يغريني وماطالع غيره...

دوام الدريول نص نهار كافي..... بعدين لو بطلع هو يوديني...... هذي ممــــــــــــلكتنا الخاصــــه..

ولما اتكلم رجاءا لا يقاطعني......ز عقب ما خلص كلامي يقولي حبيبتي مكن؟ اقوله خير نعم.... يقولي اموت فيج هههههههه

[لولوتي]

اشكر الجميع على المرور والمشاركه وابداء الراي:D