عندي اقترااح يرضي الشعب ....

[فهد]

السلام عليكم ياجمااعة الخير

بعطيكم رايي في التخصيص بالنسبه للناقلات وانا اشووف ان الناقلات فرصه للصغار المستثمرين اللي يبون يحسنون اوضاعهم الاقتصاديه

انا اشووف ان من الظلم ان اللي عنده اسهم في الصناااعات وبكثره ان يعطى اسهم كثيره في الناقلات لان عندكم خبر ان الصناعات فرصه ندم عليها الكثير وتباكا عليها الكثير لانها فااااتت على جزء كبير من الشعب والمتتبع للسعر الصناعات يرى كيف قفزت هذي الاسهم لمبالغ خياليه وكيف استفاد المساهمين فيها

واقتراحي هو ان المكتتبين في الناقلات واللتي لاتوجد لديهم اسهم في الصناعات هم الاحق بالنصيب الاعلى في الناقلات ويجب ان يعطون القسم الاكبر في اسهم الناقلات

بتقولون كيف وبقولكم

اذا راجعو حسااابات اي مكتتب في الناقلات ووجدو له نصيب كبير في الصناعات فيجب انهم يعطونه القليل المرضي من الاسهم لان لديه اسهم في الصناعات

اما اللذي اذا راجعو حساباته في الصناعات ولم يجدو لديه اي اسهم فهذا هو اللذي يستحق اسهم الناقلات اكثر من غيره

وهذا راايي واتمنى انكم ماتزعلون مني ياللي عندكم اسهم في الصناعات لان الناقلات هي للصغار المستثمرين فقط


وشكرا لكم


وسلامتكم

[سهم أب]

السلام عليكم ورحمة الله وبركاته....

اشدعوة، انت جد تتكلم ولا تمزح؟؟؟

يا اخوي، اللي عنده صناعات اليوم غير اللي اكتتب فيها...... وفيه كثير من اللي اكتتبوا في الصناعات باعوا برخيص....

وبعدين يا اخوي محد منع حد انه يحط في صناعات..... إذا فيه ناس جبنت انها تحط في صناعات هذا مب ذنب الباقي......

أنا واحد من صغار المستثمرين، لكن اللي تقوله فعلاً غير منطقي أخوي...... والسموحة....

[sulai6i]

اسمح لي اقول لك كلامك غير منطقي

[qatar_moon]

اخوي اقتراحك غير منطقي بالمره

اكيد بتقول هذي عندها اسهم كثيره بالصناعات لا والله بيعت اسهمي وبسعر رخيص وماعندي الا شي قليل جدا منها

تبي رايي بدون زعل في الكلام الي قريته كأنه حسد للي شروا في صناعات :eek:

الله يوفق الجميع ولاتزعل من رايي

[إنتعاش]

هلا فيك اخوي

مع احترامي لرايك اللي اشوفه غير صحيح ابدا ً

لأن هاذي فرص والشاطر من يستغلها بحلال

من غير طرق غير مشروعه من بطاقات او غيره

فيعني اشوف ان التوزيع العادل للاسهم يجب يكون على مقدار المبلغ المكتتب به

يعني انا حاط مليون ؟ اخذ 2000 سهم ؟

واللي حاط 20 الف ريال ياخذ 2000 سهم ؟

لكن ممكن ينسكت عنها لأنها للجميع والاعداد زادت

لكن بنفس الوقت فكر في اللي حاط مبالغ ويبي يكون عدد من الاسهم اللي توازي مبلغه !

لازم يكون فيه عداله بارك الله فيك

وصدقني والله

لو ان الناس ما تبيع بطاقاتها كان الكل خذ حقه بكل عداله و إنصاف

[ومن الغباء ماقتل]

الله يهديكم .. الحين تقولون بعتوا صناعات برخيص ها؟؟؟؟ .. مب كأنكم بعتوها ب 5 اضعاف قيمة الاكتتاب :) .. يلا عاد بسكم طمع!!

[qatar_moon]

لاحول اخوي اشفيك اقصد اني بعتها بسعر 54

وفرق طبعا عن السعر الي وصل له صناعات الحين

والي يقصده الاخ

[سهم أب]

يا أخوي الصناعات انباعت منها كميات هائلة بثلاثينات وأربعينات وخمسينات والسعر مقارنة باليوم ومقارنة بالمرحلة الجاية لا يقارن.......

الظاهر بعض الأخوة هنا قلوبهم محترقة انهم جبنوا يكتتبون في صناعات وخشوا فلوسهم تحت البلاطة واليوم يعضون أصابع ندم ويتنقزون في المواضيع انهم المظلومين......

تحياتي للجميع،،

[حمد]

صدقت انتعاش ....
لو مايبيعون لو الامور طيبه

بس الحمدلله على كل حال..

حمد

[قـطـريـه]

وش دخل صناعات بناقلات

[ابوعلي اليافعي]

انا اقترح على الحكومه ان ترجع الى طريقة النسبه والتناسب يعني كل واحد ياخذ على قد فلوسه....وسبب هالاقتراح اني اشوف الناس كل مازادت لفلوس عندها كل مازاد الحسد وطلب المزيد...ياخوي قول الحمدلله وخل كل واحد ياخذ الي كتبه الله له ومحد راح ياخذ اكثر من المكتوب والله لو اربعنات..صدقوني في ناس عندها ملايين في البورصه وصار لها سنين وهي ولا شافتها ولا تمتعت فيها وماتوا والي ستانس الورثه ليش لانه مب مكتوبه لهم..وفي ناس اربحوا ملايين وخلال ايام اخسروها او اخسروا بعضها ليش لان مب مكتوبه لهم..الخلاصه خلوا القافله تسير وكل بياخذ المقسوم له ..وتحياتي

[ضايق الصدر]

:confused: :confused:
:confused: :confused:
غير منطقي جدا جدا

[المسكين]

وانتي ياقطرية اشدخلج بالموضوع









يازينج ساكته

[eXpert*]

لاحول اخوي اشفيك اقصد اني بعتها بسعر 54

وفرق طبعا عن السعر الي وصل له صناعات الحين

والي يقصده الاخ


بعد كسبانه اختي qatar_moon 3 اضعاف تقريباُ

واذا بعتي بـ54 وفرق عن السعر اللي وصله السهم اليوم ترى أقول غلطة الشاطر بألف !!

ودمتم ...

[eXpert*]

السلام عليكم ياجمااعة الخير

بعطيكم رايي في التخصيص بالنسبه للناقلات وانا اشووف ان الناقلات فرصه للصغار المستثمرين اللي يبون يحسنون اوضاعهم الاقتصاديه

انا اشووف ان من الظلم ان اللي عنده اسهم في الصناااعات وبكثره ان يعطى اسهم كثيره في الناقلات لان عندكم خبر ان الصناعات فرصه ندم عليها الكثير وتباكا عليها الكثير لانها فااااتت على جزء كبير من الشعب والمتتبع للسعر الصناعات يرى كيف قفزت هذي الاسهم لمبالغ خياليه وكيف استفاد المساهمين فيها

واقتراحي هو ان المكتتبين في الناقلات واللتي لاتوجد لديهم اسهم في الصناعات هم الاحق بالنصيب الاعلى في الناقلات ويجب ان يعطون القسم الاكبر في اسهم الناقلات

بتقولون كيف وبقولكم

اذا راجعو حسااابات اي مكتتب في الناقلات ووجدو له نصيب كبير في الصناعات فيجب انهم يعطونه القليل المرضي من الاسهم لان لديه اسهم في الصناعات

اما اللذي اذا راجعو حساباته في الصناعات ولم يجدو لديه اي اسهم فهذا هو اللذي يستحق اسهم الناقلات اكثر من غيره

وهذا راايي واتمنى انكم ماتزعلون مني ياللي عندكم اسهم في الصناعات لان الناقلات هي للصغار المستثمرين فقط


وشكرا لكم


وسلامتكم



عزيزي :

اذا الانسان ماعنده ثقافه اقتصادية في هذا العصر انا بصراحة اقول له مشكلته ؟؟

انا بختصر اللي كنت بقوله في جملة وحده اخوي !!

حط نفسك واحد من اللي اكتتبوا في الصناعات بمبلغ وقدره ،،،،،،،،، ريال قطري ( مبلغ محترم )

بترضى انك لما تجي تكتتب بناقلات الغاز ما يعطونك حقك !! طبعاً لأ .

ورسولنا الكريم - صلى الله عليه وسلم - قال ( أحب لأخيك ماتحبه لنفسك ) صدق رسول الله .

ودمتم ..

[الفهد]

فهد والناس الي عقبنا الي بيكتتبون حق الصناعات المتوسطه بيقولو نفس الشي على نا قلات الدنيا قعده تمشي اقول طير بس طير :d

[قطر]

فهد اسمح لي كلامك غير منطقي

انا من الناس اللي ماكتتبوا بصناعات بس الوالد كان مكتتب باسمي

وحاليا مااملك فيها ولا سهم ولا افكر بعد


لكن بعد اشوف ان هذا التصرف غير عادل؟؟

لو انت شاري في صناعات بمبلغ محترم بتقول هذا الكلام؟
او اذا طبقوه بترضى طبعا لا!!


فأحب يااخوي لأخوك المسلم ماتحب لنفسك
ومحد بياخذ غير رزقه المكتوب له

واذكر توقيع واحد من الاعضاء

لو جريت جري الوحوش غير رزقك ماتحوش


فمان الله

[فهد]

السلام عليكم ياجماعة الخير مره ثااانيه

اشكركم على تجاوبكم للموضوع اللي طرحته وادري انه ماعجبكم كلامي لكن مومشكله .......



ياجماعة الخير انا قصدي الحين اللي عنده اسهم في الصناعات وهو شاريها بـــ 16 ريال والا خمسين ريال والا 100 ريال هذا هو يجني ارباحها والصناعات كل يووم ترتفع والمشكله انهم نفسهم حاطين فلووووس طااائله في الناااقلات وماكلين حق صغااار المستثمرين اللي وصى عليهم سيدي حضرة صاحب السمو الشيخ حمد حفظه الله وزود على اللي عندهم لازالو يطمعون في الاكثر ولازالو يلعبون في حسبة النااس اللي يبون يحسنون دخلهم يعني الحين بعد ماصار الفاائض اللي في الناااقلات من اللي بيتأثر اللي عنده اسهم في الصناعات وسعرها بيوووصل 300 بالراااحه والا اللي اساسا ماعنده اسهم

اما بالنسبه للي يقوول ان فيه نااس شرو في الصناعات وباعو برخيص انا موقصدي الاشخاااص هذي انا قصدي اللي الحين في حساابه 10 الاف سهم في الصناعات موحرام يااخذ حق اللي محتاااج الاسهم في الناقلات .. وبالنسبه للصناعات انا فيه وااحد اشترى باسمي اسهم والله يرزقه ويباارك فيه بس انا قصدي اللي الحين في رصيده اسهم كثيره في الصناعات المفرووض يخصصون له القليل من الناقلات لانها مكرمه اميريه للصغار المستثمرين

صغار المستثمرين فقط


ودمتم

والله يحفظ لنا الشيخ حمد

[سهم أب]

السلام عليكم ورحمة الله وبركاته......

يا أخوي يا فهد، ما يصير..... الكلام اللي تقوله...... تخيل أنا عندي بحسابي عشر مليارات وانت عندك مئتين ألف..... واختلفنا على أرض احنا الاثنين شرايين.... منو راح يشتريها؟؟ أكيد اللي بيعرض فلوس أكثر وهذا حقي، لا هو طمع ولا هو حرام ومن حق كل شخص انه يستثمر باللي عنده......

بكرة ان شاء الله ربك بيرزقك وبتصير من أصحاب رؤوس الأموال القوية وتكون عندك 10000 أسهم ناقلات، هل ترضى انهم يضيقون عليك في الشركات الجديدة اللي بتنزل الاكتتاب؟؟؟

يا أخوي ارضى بالمقسوم وصدقني ان القناعة كنز لا يفنى........ وياما ناس عندها مليارات ما عرفت تشتري سعادة فقير مسكين.......

والحمدلله على نعمته على كل حال....

[sulai6i]

والمشكله انهم نفسهم حاطين فلووووس طااائله في الناااقلات وماكلين حق صغااار المستثمرين اللي وصى عليهم سيدي حضرة صاحب السمو الشيخ حمد حفظه الله وزود على اللي عندهم لازالو يطمعون في الاكثر ولازالو يلعبون في حسبة النااس اللي يبون يحسنون دخلهم

ياخي كلنا صغار مستثمرين
وكلنا نبي انحسن اوضاعنا .. والمكرمة الأميرية شملتنا كلنا .. لكن الذكي هو اللي يستغل الفرص ..
الحين سويت اللي بيكتتب في ناقلات ( طماع ) ...
احب اقول لك شغله .. بتكلم عن نفسي وبدون اي احراج .. انا قبل لا يطرحون الشركات للإكتتاب مثل الفحص الفني ووقود والصناعات والمواشي وغيرهم .. كنت على الله وعلى راتبي .. وكانت علي سلفيات .. وراس مالي قطعة ارض
وبفضل الله ومنته .. وعقب ما بو مشعل الله يحفظه طرح لنا اكتتاب ورى اكتتاب تعدل وضعي .. سددت كل ديوني وكونت لي مبلغ محترم


صار الحين تعديل الوضع _ ( طمع ) ؟


الله يهديك ... اتمنى انك تفكر بمنطق ولا تاخذك العواطف

[سوبر سهم]

ووووووووووووووووووسعووووووا صدوركم


انتهى النقاش الى هنا تم التخصيص :)

ومايحتاج اتقولون لو لو او اقتراحات


ومشكورين


:d