سوال الى بوعلى وانتعاش واهل الراى

[مافيا قطر]

ايش هو تحليلكم لشهر 7 و8 هل فيه نزول او طلوع واسعار الشركات فى الوقت الحالى مغريه للشراء


وايش رايكم للمواشى وعلى سعرها الحالى ومخازن وناقلات ممكن تشهد ان سعرها يوصل لين سعر

معين من قبل المحافظ الاستثماريه والهوامير الكبار وشكرا لك بوعلى على تحليلك الحلوه انت وانتعاش

واهل الخبره

[إنتعاش]

هلا وغلا فيك اخوي الكريم

اشكرك اولا ً على السؤال

وان شاءالله اقدر افيدك على الرغم من خبراتي القليله الحقيقه

وهناك من اهو افهم بكثير :)

عموما ً بالنسبة للسوق في شهر 7 و 8 السواد الاعظم من الناس يتوقع الهدوء فيها

على ان يتم انتعاش السوق من جديد بداية 9 . . . ولكن لا ندري هل تصدق هذه التوقعات ؟

نظرتي تقول ان السوق سيكون كما هو الآن . . اقصد مستوى التداول ولا اقصد النزول هاليومين :)


بالنسبة للاسهم الي سألت عنها

مواشي = والله ياخوي المحللين والخبراء في المؤشرات اذكر قالو انه جيد للشراء حاليا ً
ولكنني لا اخفيك انني لم اشتري فيه :)

المخازن : هاذي صح الاخوان كثير يشيرون على ان السهم قد اعطى اشارات دخول
والله اعلم . . اعتقد انه زين . . بس يبيله صبر لأنه شوي وزنه ثقيل وحركته مب سريعه . .

ناقلات : والله ذهب . . انا اليوم ما حضرت التداولات ولكن شفته بعدين في الشاشه
مكتوب سعره 33.9 !! .. بطلت عيوني :) . . ما صدقت !! . .
الصراحه انا اشوفه زين . . لكن بعد يمكن ينزل اكثر مادري .
عموما اذا انت باغي تشتري سو الحل الاعقل والاكثر منطقيه
انك تشتري على دفعات على ايام متفاوته
تجزء مبلغك وتدخل شوي شوي . . مب مره وحده
عشان السهم كانه نزل تقدر تلم فيه اكثر ويتعدل المتوسط اكثر واكثر

الله يوفقك ياخوي . .

وان شاءالله الاخوان بيفيدونك اكثر مني :)

[ابوعلي اليافعي]

الاخ مافيا قطر ..

اخوي انتعاش كفى ووفى فالرد وخاصه على وضع المواشي والمخازن والناقلات..

بالنسبه لوضع السوق اعتقد ان السوق سيشهد ارتفاعات بسيطه تميل الى الاستقرار حتى اعلان نتائج الربع الثاني وحينها اتوقع ارتفاع اقوى لمده قصيره بتأثير الاعلانات ثم يعاود السوق مع شهر 8الى النزول البسيط المائل الى الاستقرار حتى شهر 9ليبداء التداول يشتد مع قرب اعلانات النتائج وتسرب الشائعات عن اعلانات الشركات وتوزيعات اخر العام..

الاسعار مغريه هذه الايام وخاصه للمستثمر حتى نهاية العام وخاصه فالشركات القويه وبعض الشركات التي لم تشهد ارتفاعات حتى الان..والله اعلم..ويعطيك العافيه