كيف نعرف ممشى الموتر ؟؟

[عبد الله عزام]

في السوق سيارات كثيرة بعضها موديلات قديمة يعني من التسعينات ومع ذلك نلقاها ماشية 70 ألف ومائة ألف بينما الموديلات الجديدة ماشية أكثر يعني موديل 2005 وماشي 80 ألف أو تسعين ألف فكيف نفسر هذه الظاهرة ؟؟
أريد أعرف كيف نميز بين الكاذب والصادق |؟؟؟؟؟
تكفون ياجماعة .

[alwahesh]

لا كذب ولا يحزنون الي يشتري من الموديلات القديمه شخص ما عنده فلوس زايده وفي نفس الوقت هو عارف ان الدواره في السياره يبي لها مصاريف مثل السفايف والتواير والبترول وقطع كثيره استهلاكيه وساعات تلقى الواحد منهم يقط سيارته ويركب باصات كروه او فر عليه

اما السيارات الغاليه وخاصه السيارات المعروفه والفوريل للسفر كل صيفيه وحتى بالشتا للقنص وطبعا مب في الدوحه ولا الدمام وفي الي يوصل روسيا وباكستان وايران وشي طبيعي السياره تمشي هالممشى

انا اعرف هندي معاي في الشغل شرى سياره اول ما وصل الدوحه في 1976 مازدا 323 وسيارته ما وصلت 100الف كم وزعلان لانه لازم يغير التواير (((للمره الثالثه))))) يعني كل 10 سنين يغير ....تحياتي