المساعد الشخصي الرقمي

مشاهدة النسخة كاملة : مرمرة اسطنبول يبيع البيبسي ب 2 ريال.. والمطاعم لحقته.. والي مب عاجبه يطق راسه بالطوفة


حمد1977
10-02-2007, 02:55 AM
فطيرة الجبن كانت بريالين .. وصارت ب 3 ريال وسكتنا

فطيرة البيض كانت بريالين .. وصارت ب 3 ريال وسكتنا

الشاورما كانت ب 4 ريال .. وصارت ب 5 ريال وسكتنا

وسندويش الفلافل كان بريالين .. وصار ب 3 ريال وسكتنا

واليوم طلع علينا مطعم مرمرة اسطنبول واعلن ان علبة البيبسي عنده ب 2 ريال والي مب عاجبه يروح يشتري من البقالة بريال .. ويعاملك باسلوب كأن الريالين مب وايد عليك ولاتسير بخيل ..

ومايعرف انه في فرق بين البخل وبين الحرامي الي يخلي سعر علبة البيبسي بريالين وهي بريال في السوق

ويوم تسألهم ليش ...يقولك الايجار ارتفع

الغريب ان هناك مطاعم على طريق الشمال بدأت تلحق مرمرة وتبيع البيبسي ب 2 ريال وكأنها مؤامرة اتفقوا عليها اصحاب المطاعم ..ودوم تعودنا ان مرمرة هو اول من يرفع اسعار اي شيء عنده

والله يعينا على الغلاء الي استفحل في قطر
ورقــة أمــل
10-02-2007, 03:02 AM
هههههههههههههههههههههههههههههه

الله يعينا على ارتفاع الاسعاار

مب بس في المطاعم حتى الصالونات ارفعوا اسعارهم لي الدبل!
ابوعلي
10-02-2007, 03:11 AM
اخوي العيب فينا

احنا للأسف ما نرد حد ، واذا ارفعوا دفعنا

لا تنتظر حل من وزارة الاقتصاد - قسم مراقبة الاسعار (( واسف اني اقول حاميها حراميها ))

ولكن الحل بيدنا

التاجر الي يرفع السعر نقاطعه الا للضرورة
خاربه خاربه
10-02-2007, 04:19 AM
اخوي العيب فينا

احنا للأسف ما نرد حد ، واذا ارفعوا دفعنا

لا تنتظر حل من وزارة الاقتصاد - قسم مراقبة الاسعار (( واسف اني اقول حاميها حراميها ))

ولكن الحل بيدنا

التاجر الي يرفع السعر نقاطعه الا للضرورة



:strong :strong :strong
BURBERRY
10-02-2007, 04:32 AM
:court: كل شي ارتفع سعره ..حتى مطاعم الفاستفود

و الشي الزين ان الكرك ما ارتفع سعره :nice:

و احسن حل مقاطعتهم من يزيد السعر ..
بدوي فاهم
10-02-2007, 05:40 AM
اذا تناقشنا في الأمر نقاش بالشرع

فليس في الأمر أي حرام فمطاعم مرمرة إسطنبول تبيع البيبسي بريالين تبي تشتري حياك الله ماتبي ضف وجهك وروح البقاله واشتره بريال

في الشرع يكون حرام رفع السعر إذا كان محتكر للسلعه ولاتوجد إلا عنده .

عندنا بالكويت بعض المطاعم يبيعون البيبسي بنص دينار يعني أكثر من خمس ريالات

ياأخي ماأحد طقك على إيدك وقال لك إشتر ....عجبك السعر ياهلا ومرحبا ماعجبك فيه ألف بقاله تبيع أرخص !

إلا إذا كان مرمرة إسطنبول محتكر البيبسي في قطر فهذا له كلام ثاني !!
خبير أقتصادي
10-02-2007, 06:06 AM
الحل
روح إشتر البيبسي من البقالة و لا تعطون مجال للتجار و البياعين يلعبون بالأسعار
وبعد شهر أو شهرين بيردون السعر الأولي
تذكر يوم شركة البيبسي رفعت سعرة بريال و نص و الناس قامت تشتري البيبسي بالمكاين و ردوة بعد شهر بريال

الموضوع أكبر من بيبسي الموضوع إن الكلام الي تقولة ( حماية المستهلك ) بقائمة الأسعار طلع كلام فاضي و لازلنا نواجة نحن كمواطنيين مشكلة في معرفة الأسعار الحقيقية للسلع
ودخلنا 2007 ولازلنا نكاسر الآسيويين ( وكأننا بوسط أفريقيا ) في الكراجات و الآسواق و بدون قائمة آسعار واضحة ونحن نعرف جيدا بأن الأسعار الي يقولونها خيالية جدا ( إلي كان ب 15 صار ب 80) و المشكلة ربعنا يدفعون و يعرفون بأنة نصب ويقولون حسبي الله ونعم الوكيل و كلة بسبب إهمال حماية المستهلك لدورها الهام و يبررون هالكلام ب الإقتصاد الحر ( شدخل) يعني إقتصاد حر يبوقونا في كل سوق ليش ما تسمونها الإهمال في متابعة التجار و المحلات و ليش ما يكون لكل سلعة سعر ثابت ( و معتمد) و يتم محاسبة المحل عن طريق هذة اللزقة الورقية ويكون مكتوب عليها السعر و كلمة حماية المستهلك عشان نعرف بأنها معتمدة منكم و أنتم مسؤلين عليها.

و الدليل على فشل حماية المستهلك روح سوق العلي و شوف الإسعار ( العقل العطور .... إلخ) بتحصل مكتوب على البظاعه سعر خيالي جدا مثلا 350 و تكاسرة و يعطيك إياها ب 220 و بعدين روح سوق واقف و إسئل عن البظاعة نفسها بتشوف سعرها ب 150 ريال لاغير و بعدها روح السعودية و الشارقة بتشوف سعرها 60 ريال ..... هذا شتسونه إقتصاد حر

يا أخي أحلم باليوم إلي نتخلص من بوق التجار و يكون لكل بضاعة سعر ثابت و ملزم يتم تحديدة بين أصحاب المحلات و حماية المستهلك و هذا السعر محاسب علية أصحاب المحلات و أن لا يتجاوز سعر الفائدة التجارية للمحل نسبة معينة و لمحلات الخدمات مثل الصالونات و كراجات السيارات قائمة أسعار ثابتة لكل خدمة يرجع عليها المواطن ليحاسبهم ( شكل حضاري جدا جدا )
المارونـــي
10-02-2007, 06:38 AM
الله يعينى حمايه المستهلك وحمايه المستهلك وينها هالحمايه مادري باجر غرشة الماي يمكن تصير بعد بخمس مايسوى علينا هالاجارات
بيبي هامور
10-02-2007, 10:07 AM
الله ايعنيا على هاذا الغلا
فريق أول
10-02-2007, 10:09 AM
اخوي العيب فينا

احنا للأسف ما نرد حد ، واذا ارفعوا دفعنا

لا تنتظر حل من وزارة الاقتصاد - قسم مراقبة الاسعار (( واسف اني اقول حاميها حراميها ))

ولكن الحل بيدنا

التاجر الي يرفع السعر نقاطعه الا للضرورة

تسلم بوعلي
التيما
10-02-2007, 10:38 AM
حمايه المستهلك ماراح تسوي لنا شي اذا تم الطمع والجشع بقلوب الناس لاحول ولا قوه الا بالله
{راشد}
10-02-2007, 10:42 AM
ابشركم حتى سندويش بيض مكس صار ريالين ونص !!

وفيه اغراض واجد زادوا عليها نص اوريال ,,

ماتسوى علينا هالاسهم والزيادات في الراتب !!

ماكنهم عملوا حاجه !!
ABO MUBARAK
10-02-2007, 12:15 PM
واحنا مستانسين على زيادة الاربعين% ترا الجماعة عارفين وين بتروح!!! وبناء على ذلك لازم يتم زيادة الرواتب 100% الحمد لله دخل الدولة مرتفع وعدد السكان قليل ولا حد يقول ان الدولة تصرف المليارات على البنية التحتية كفايه ببببببببببوق,على الاقل هل قطر احق بفلوسها ورجاء حححححححححححار لاعد تطرون لنا استضافة قطر لالعاب الاولمبية. اذا عندكم فلوس وزعوها على الشعب.:anger2:
Orbit
10-02-2007, 12:20 PM
حمايه المستهلك ماراح تسوي لنا شي اذا تم الطمع والجشع بقلوب الناس لاحول ولا قوه الا بالله
عندنا لجنة لحماية المستهلك ؟ اذا عندنا فهذا خبر جديد :deal:
الحل قاطع مرمرة كم شهر وشوفو كيف بينزل الاسعار والله ياجماعة
مافي فايدة من الكلام ولاتنتظر حد يساعدك قاطع المطعم وشوف شبيصير
البانوش
10-02-2007, 12:28 PM
تذكرون مطعم ركس رفع سعر الكبدى الى 15 قاطعوة الشباب راح مثل اول12 ريال
صدقونى قاطعو المطعم شهر واحد فقط وشوفوة يرجع ولامايرجع
حنان الدنيا
10-02-2007, 12:35 PM
اذا عصير بو نص في بعض الاماكن صار برياااال

جات على البيبسي ولا على الباقي



الحمدلله مااشرب غازاااات



المشكله اذا الاجارات غاليه والاغراض غاليه يعني الواحد ايش بيشتري حق عمره ولاشى
الجني
10-02-2007, 12:53 PM
البيبسي في ماكدونالد و برغر كنج و هارديز بـ 4 ريالات من اول ما افتحوا

ليش قايمين على مرمرة اسطنبول بـ 2 و الا خايفين من عمنا بوش
الدوحة
10-02-2007, 01:52 PM
انا الي ابي اعرفه كرتون البيض ليش ارتفع من 9 ريال الى 14 ريال لا وبعضهم يقولون 15 هههههههههه من كم يوم طلبت سندويش شوارمة لحم والله يا جماعة كبر كف اليد قالي اربعه ريال يوم كلته اربع لقمات بالظبط قلتله تعال الحين اللقمة صارت بريال ولا شسالفة المهم قبل فترة رحت مطعم اليازي طلبت صحن هريس ومجبوس دجاج يوم رحت احاسب الا قالي 30 واطيح في بطنه قلتله يالنصاب الحين الدجاجة كاملة تشتريها بثمانية ريال وانت عطيتني نص دجاجة يعني قيمتها اربع ريال لانهم يشترون ارخص انواع الدجاج مب دجاج سعودي ولا قطري ويمكن بعد بو سيعه ريال كيف تقولي 15 على نص دجاجة وعيش بريالين وصحن الهريس والله مايكلفه حتى ريالين يعني المجموع نص دجاجة 4 ريال + عيش 2 + هريس 2 = 8 ريال خلونا نقول 10 ريال عشان مايزعل لكن قالي 30:anger2: وازيدكم من الشعر بيت صندوق البرتقال 70 ريال وكيلو التفاح 6 ريال يعني التفاحة بريال هههههههههههههههه والله سالفه
لا والي يبي يشوف العجب يروح السوق العباية يشترونها من الصين بعشرة ريال مع الشحن ويبيعونها لنا بميتين ريال ههههههههههه مع الخصم يقولك 170 ؟؟؟؟؟؟؟؟؟ والله سالفة صج التجار فجار الى من رحم ربي بس مب منهم يا جماعة هم لو عليهم بيبيعون باغلى واغلى لكن المشكلة حماية المستهلك كل ماقنا شي قالوا عرض وطلب زين عرض وطلب لازم السوق يكون مفتوح بالكامل ونسبة الاحتكار صفر وتكون فيه اسواق كبيرة في كل مكان للخضرة والملابس واللحم وتكون فيه منافسه بعدين نقول عرض وطلب والله سالفة المهم بقولكم اخر شي مطعم بيروت يبيع صحن الفول بسته ريال وكان بخمسه ريال قلتله انت الحين تشتري علبة الفول بريال ونص وتسوي منها عشره صحون يعني خمسه ريال كنت تربح يمكن اكثر من شركة التويوتا الحين ليش ترفع ريال بعد ولا مع الخيل ياشقرا ههههههههههههه ولا بياعين السمج كان كيلو الشعري بسته ريال الحين كيلو الشعري بعشره ريال مع اني ماكل شعري بس اشوف مكتوب عشره ريال واحيانا 11 ريال انا اشوف لو وزارة البلدية تمنع تصدير الاسماك برا يكون احسن لان اهل البلد اولى بس انا ملاحظ قبل كانت 15 الف تكفي الواحد الحين احسن انها ماتسوي شي خصوصا اذا عندك اربع اولاد الله يخليهم
الزبده كل واحد يحط السعر الي يبيه وذا قلنا شي قالوا عرض وطلب زين الحين المشكلة الي يدفعون اجارات بعد ماقول الا الله يكون في عونهم من هالتجار الطماعين والمشكلة تجار العقارات هم السبب لانهم رفعوا الاجارات والحين كل شي ارتفع بسبب الاجارات مافيه الا البورصة طايح حظها الله يرحمنا برحمته
عزوز المضارب
10-02-2007, 02:31 PM
فعلا الاسعار غاليه ..رحت من يومين على مندرين اكيد تعرفونه طلبت كوكتيل كالعاده من حوالي شهر ونصف كنت اجهز 10 ريال واعطيه اياه من يومين يعني المده شهر فقط تقريبا قالي الكوكتيل يا بو الشباب صار 12 ريال:dance قلت له ليش.. قالي.تم رفع الرواتب عندنا يعني عندهم :dance .المه ما اطول عليكم قالي كل شي زاد عندنا من 15% الى 20 % زياده :dance .

وشكرا اخوي حمد على موضوعك الذي يحكي الواقع .
BURBERRY
10-02-2007, 03:16 PM
فعلا الاسعار غاليه ..رحت من يومين على مندرين اكيد تعرفونه طلبت كوكتيل كالعاده من حوالي شهر ونصف كنت اجهز 10 ريال واعطيه اياه من يومين يعني المده شهر فقط تقريبا قالي الكوكتيل يا بو الشباب صار 12 ريال:dance قلت له ليش.. قالي.تم رفع الرواتب عندنا يعني عندهم :dance .المه ما اطول عليكم قالي كل شي زاد عندنا من 15% الى 20 % زياده :dance .

وشكرا اخوي حمد على موضوعك الذي يحكي الواقع .

اي من عصاير مندرين بالحجم الكبير كانت تنباع ب 9 ريالات و بعدين صارت 10 ريال و بعدين زات ريال و الحين وقفت على 12 ريال و الزياده مستمره ... :court:
Orbit
10-02-2007, 03:19 PM
اي من عصاير مندرين بالحجم الكبير كانت تنباع ب 9 ريالات و بعدين صارت 10 ريال و بعدين زات ريال و الحين وقفت على 12 ريال و الزياده مستمره ... :court:
مندرين كم مرة اغلق من البلدية ؟
عزوز المضارب
10-02-2007, 03:19 PM
اي من عصاير مندرين بالحجم الكبير كانت تنباع ب 9 ريالات و بعدين صارت 10 ريال و بعدين زات ريال و الحين وقفت على 12 ريال و الزياده مستمره ... :court:


الحجم المتوسط اللي 12 ريال صار ابشرك :dance
الاسهم بلشة
10-02-2007, 03:27 PM
اخوي
الشاورما في مطعم الورد صارت ابكم؟؟؟؟
لولوتي
10-02-2007, 03:49 PM
بعض مطاعم السد والنصر قاموا يبيعون البيبسي بــ3 ريالات.

وانصدمت امس يوم طلبت((تبوله)) من المطعم طلع القوطي الاصغير كلش وهو مخيرني بين القوطي بو 7 او 15 وقلت كفايه بو7 و:confused: يكفي شخصين لكن الصدمه في البيت كانت كبيره...
وطبعا غير اسعار المطاعم الثانيه اللي كنا ندفع فيها للشخص تقريبا 100 ريال صارت التكلفه قريب الضعف مثل لي فرانس
لولوتي
10-02-2007, 03:50 PM
اخوي
الشاورما في مطعم الورد صارت ابكم؟؟؟؟

الى الان نفس السعر
M O 7 A M M E D
10-02-2007, 04:17 PM
حليب المراعي كان 8 ونص ريال الحين 10 ريال ..

والقائمة تطول ..
مستثمر تحت التعليم
10-02-2007, 06:16 PM
عصير الكوكتيل في الي فرانس اربع وعشرين ريال و البيبسي بثمان ريال . و ساندويش الشاورما في المجلس بعشره ريال
مقيم
10-02-2007, 06:40 PM
يرحم الله ايام زمان
كنت تاكل وتشرب وتشبع ... وانت مرتاح ماديا وصحيا
الان .. تاكل ... ماتشبع .. وانت موجوع ماديا وصحيا
ورقــة أمــل
10-02-2007, 07:09 PM
اكلووا ببيوتكم احسن وانظف وارخص :deal:
أغلى البـشر
10-02-2007, 11:34 PM
فعلا الاسعار غاليه ..رحت من أسبوع محل يبيع صابون في الستي أسمه خان الصابون
ومتعود من أول ما فتح أخذ منه صابون الصابونه بـ 15 ريال بس تفاجأت لما جيت بدفع قالي بـ 20 ريال ؟؟
قلتله ليش 20 ريال ؟؟
قالي: رفعوا الأجارات
قلتله: اللي أعرفه أن الستي ما رفعوا الإجارات
قالي: لا مارفعوا بس رفعوا على محلنا اللي في اللاند ولازم تكون اسعارنا وحده

*ونفس الصابون من نفس المحل كنت آخذه من لبنان بـ 2.5 دولار يعني سعرها عندنا 200%

ما أعتقد أن في لجنه لحماية المستهلك عندنا
ولا لو ما لاحظنا هالأرتفاع

لو ياخذون هالزياده الـ 40% وأيرجعون الأسعار والإجارات نفس ما كانت أحسن برأيي

وشكرا اخوي حمد على الموضوع