المساعد الشخصي الرقمي

مشاهدة النسخة كاملة : السلام تطلب زيادة رأس المال إلى 600 مليون ريال وتقترح 5 ريالات قيمة لعلاوة الإصدار



broker
01-03-2005, 02:26 PM
(01/03/2005)السلام تطلب زيادة رأس المال إلى 600 مليون ريال وتقترح 5 ريالات قيمة لعلاوة الإصدار

في خطاب موجه إلى سوق الدوحة للأوراق المالية صرحت شركة السلام العالمية بأنها قد تقدمت بطلب لوزارة الاقتصاد والتجارة للحصول على موافقتها على المقترحات التالية:

• دمج الموافقة على زيادة رأس المال نقداً مع الموافقة على زيادة رأس المال عيناً بمقدار القيمة السوقية العادلة للشركات المندمجة (شركات مجموعة السلام)، بحيث يصبح إجمالي رأس المال بعد الزيادة النقدية والعينية (600,000,000) ستمائة مليون ريال قطري مقسمة على (60,000,000) ستين مليون سهم.
• الموافقة على علاوة الإصدار المقترحة من قبل مجلس الإدارة والبالغة (5) خمسة ريالات قطرية لكل سهم جديد عيني أو نقدي.

وشددت الشركة في خطابها على أن المقترحات السابقة هي مجرد طلب لتأكيد موافقات سابقة وتخضع لموافقة إدارة الشركات بالوزارة ومن ثم لموافقة الجمعية العمومية للشركة.

eXpert*
01-03-2005, 02:49 PM
والله انا ودي اعرف شي واحد !!!! :(

انا صار لي مدة وانا اتكلم عن السلام العالمية واسهمها الخ الخ الخ ،، بس مادري ليش للحين ما خذت فيها شيّ ؟؟ والله شي غريب ؟؟

الظاهر لازم اعيد النظر في هالشي من بكره .

يعطيك العافية اخوي

قطر
01-03-2005, 04:48 PM
broker
شكرا على الخبر اللي يشرح الصدر

راشد السليطي

ليش يااخوي من موضوعاتك اذكر انك كنت ناوي تشتري:)

شد الهمه في مجال


والله ايوفقك

eXpert*
01-03-2005, 06:12 PM
قطر والله انا نفسيّ مستغرب !!!!

لأني متردد بين السلام والمواشيّ ؟


ونصيحة للجميع بكره من أول الصبح اللي عنده مبلغ ما يحتاجه يستثمره في البورصة لانه اول ما ترجع اموال اكتتاب ناقلات الغاز اتوقع راح ترتفع اسعار الاسهم .

انا بكره رايح اشتري تنصحوني السلام العالمية أو مواشيّ .

sulai6i
01-03-2005, 06:29 PM
انا صار لي مدة وانا اتكلم عن السلام العالمية واسهمها الخ الخ الخ ،، بس مادري ليش للحين ما خذت فيها شيّ ؟؟ والله شي غريب ؟؟

تصدق راشد .. من يوم الخميس لين اليوم ما تنفذ لي اوردر شراء في السلام .. دايما اللمت آب .. وما في عرض
اذا قدرت تاخذ .. محظوظ

eXpert*
01-03-2005, 06:34 PM
الله يسلمك انا ان شاء الله بكره بقدم طلب بسعر السوق أو اني باخذه على سعر الـ 35 للسهم ،،، وبنجرب ان شاء الله خير

قطر
01-03-2005, 06:50 PM
خاطري اقولك السلام ياراشد

بس اخاف تنطر مثل الباقيين وماتحصل الاوردر

كل يوم اتزيد الاوردرات

500 الف سهم واليوم اللي بعده 400 واللي بعده 600


الله يستر بس

روزانا
02-03-2005, 10:02 AM
السلام عليكم كيفكم جميعا ....

انا مساهمة في السلام .... من المكتتبين ... بس ودي اشتري اكثر شلون يعني شسوي بالضبط ووين اروح دلوني

انا غشيمة ما اعرف ..... ويقولون انهم بيزيدون الأسهم والأولوية للمكتتبين .... يعني اشكثر عندك اسهم يمكنك تشتري

اوكي بس شلون وين اروح ....

سوبر سهم
02-03-2005, 11:43 AM
روزانا مافهمت تبين تشترين الحين من السوق وتزيدي عدد اسهمك؟


ام انتي تسألي عن مسألت الاكتتاب الجديد اذا عن هذا بيوضحونها بعدين عن طريق الجرائد الرسمية



راشدددددددد

من متى واحنا انقول لحقوا على السلام من ايام العشرينات ونسيت يوم انت قلت السلام ولا مواشي

ليش متردد وانا اخوك ؟؟

اعقلها وتوكل على الله :)


والله الموفق

Bint Qatar
02-03-2005, 01:37 PM
وتقترح 5 ريالات قيمة لعلاوة الإصدار

يا جماعه ولا عليكم امر اشرحولي هذي النقطه ؟ :confused:

A S O
02-03-2005, 02:19 PM
نصيحة لا تدبسون فيها ترى الشركة صغيرة واسهمها في يد ناس محدودين واستثماراتها بتكون في الفترة القادمة في فلسطين ويا خوفي يسير لها مثل ماسار لبنك فلسطين وبعدها تعال فكك يعني اللي بيشتريها بس للمضاربة هذا رأيي شخصي قابل للصواب وقابل للخطأ