Bin Hood
11-02-2007, 01:10 PM
السلام عليكم ورحمة الله وبركاته
الكوفي شوب والمطاعم الراقية والقهاوي الراقية صارت شي يفرض نفسه هالايام وبقوة , وصارت مأوى لكثير من الشباب والشابات . وفرضت نفسه واسعارها الخيالية على المجتمعات الخليجية بشكل خاص , فكثير منهم
صار برنامجه من كوفي شوب الى مطعم 5 ستار ويختم برنامجه بقهوة راقيه علشان يكيف ويضبط راسه .
خلونه نتكلم عن الكوفي شوب , طبعا عندنا الكوفيشوبات العالمية وغيرها مثل : ستار بكس ( اللي يدعم اسرائيل) , كوستا كوفي , ليلو , كلارا , والقائمة تطول لكن لاتحضرني الاسامي لاني ما اروح وايد .
المهم خلونه نتكلم عن اسعارهم الخيالية , انا مثلا لين اروح كوستا كوفي اطلب هوت جوكلت وجيز كيك ويظر حسابي تقريبا دينارين وست ربيات ( 26 ريال قطري ) , و مادري على شنو هالمبلغ الصراحة , يعني الهوت جوكلت من صجهم يسوى دينار وشي بعد والا جيز كيك الي انا اشتري واحد اكبر واحلى منه بنص دينار ( 5 ريال )
وهمه يبعونه بدينار وشي , ولين تسأل احد من الشباب ليش هالمبالغ ؟ يقولك انت في كوستا يا حبيبي . وذاك اليوم كنت ويا واحد من الربع من الامارات في البحرين كنا في كوفي شوي تعبان حده لا عالمي ولا هم يحزنون , صاحبي طلب شاي بدينار و كرميل بدينار ونص , وانا هوت جوكبت بدينار ونص ويا جيز كيك نفس السعر ,على كل اللي طلبناه ما كلنا حتى نصه , ويم بادفع الحساب ظهر كامل 7 دينار واحنا اللي طالبينه بــ 5.5 ويا السيرفس 6 دينار , بس شلون 7 دينار انا مادري بس ماحبيت اني اكلمهم جدام رفيجي ودفعت وانا منبطه جبدي على السعر وعلى أكلهم اللي ما يسوى شي .
واذا خذنا الموضوع من زاوية اخرى , ليش الواحد يروح الكوفي شوب اصلا ؟ الصراحة اغليب الشباب بدون سبب واضح , منهم يروح حق مظهر وحتى اللي يطلبه هناك حق مظهر حسب قول احدهم لي , وبعضهم يروح حق يغازل وهناك الصراحة الصراحة بيئه خصبه جدا , وبعضهم حق يروح يسالف ويا الربع , وغيرها من الاسباب .
فبغيت اعرف منكم ليش ترحون او الناس بشكل عام تروح الكوفي شوب , وهل اسعارها تسوا بنظركم ؟؟
طبعا الي قلته ينطبق على كثير من المطاعم والقهاوي الراقية !!
ملاحظة : كتابتي حق هالموضوع مايعني اني انا ما اروح الكوفي شوبات
الكوفي شوب والمطاعم الراقية والقهاوي الراقية صارت شي يفرض نفسه هالايام وبقوة , وصارت مأوى لكثير من الشباب والشابات . وفرضت نفسه واسعارها الخيالية على المجتمعات الخليجية بشكل خاص , فكثير منهم
صار برنامجه من كوفي شوب الى مطعم 5 ستار ويختم برنامجه بقهوة راقيه علشان يكيف ويضبط راسه .
خلونه نتكلم عن الكوفي شوب , طبعا عندنا الكوفيشوبات العالمية وغيرها مثل : ستار بكس ( اللي يدعم اسرائيل) , كوستا كوفي , ليلو , كلارا , والقائمة تطول لكن لاتحضرني الاسامي لاني ما اروح وايد .
المهم خلونه نتكلم عن اسعارهم الخيالية , انا مثلا لين اروح كوستا كوفي اطلب هوت جوكلت وجيز كيك ويظر حسابي تقريبا دينارين وست ربيات ( 26 ريال قطري ) , و مادري على شنو هالمبلغ الصراحة , يعني الهوت جوكلت من صجهم يسوى دينار وشي بعد والا جيز كيك الي انا اشتري واحد اكبر واحلى منه بنص دينار ( 5 ريال )
وهمه يبعونه بدينار وشي , ولين تسأل احد من الشباب ليش هالمبالغ ؟ يقولك انت في كوستا يا حبيبي . وذاك اليوم كنت ويا واحد من الربع من الامارات في البحرين كنا في كوفي شوي تعبان حده لا عالمي ولا هم يحزنون , صاحبي طلب شاي بدينار و كرميل بدينار ونص , وانا هوت جوكبت بدينار ونص ويا جيز كيك نفس السعر ,على كل اللي طلبناه ما كلنا حتى نصه , ويم بادفع الحساب ظهر كامل 7 دينار واحنا اللي طالبينه بــ 5.5 ويا السيرفس 6 دينار , بس شلون 7 دينار انا مادري بس ماحبيت اني اكلمهم جدام رفيجي ودفعت وانا منبطه جبدي على السعر وعلى أكلهم اللي ما يسوى شي .
واذا خذنا الموضوع من زاوية اخرى , ليش الواحد يروح الكوفي شوب اصلا ؟ الصراحة اغليب الشباب بدون سبب واضح , منهم يروح حق مظهر وحتى اللي يطلبه هناك حق مظهر حسب قول احدهم لي , وبعضهم يروح حق يغازل وهناك الصراحة الصراحة بيئه خصبه جدا , وبعضهم حق يروح يسالف ويا الربع , وغيرها من الاسباب .
فبغيت اعرف منكم ليش ترحون او الناس بشكل عام تروح الكوفي شوب , وهل اسعارها تسوا بنظركم ؟؟
طبعا الي قلته ينطبق على كثير من المطاعم والقهاوي الراقية !!
ملاحظة : كتابتي حق هالموضوع مايعني اني انا ما اروح الكوفي شوبات