يا اعضاء منتدى القسم الـــــعـــــــــام

[مكنتوش]

كل مادخل القسم العام لازم اشوف هواش وينقلب مسار الموضوع 900 درجة مب 180
ياجماعة ياخوان يااحباب يالربع شفيكم دوم تتهاوشون وتفهمون بعض غلط

الملاحظة على القسم العام في الفترة الاخيرة

مواضيع اجتماعية حساسة جدا تسبب تنافر وبغض من الاراء بين الاعضاء
وين الخلل من الاعضاء ولا من المواضيع
يامشرف قسم العام ( صديقي ) شوف لنا حل الله يخليك

ياعضاء قسم العام خفو شوي من المواضيع الاجتماعية الحساسة ( اللي تسبب هواش ) والله اني ادخل بس
انفس نفسي واتمتع بالقراءة بعد جلسات الاسهم

قسم العام = مواضيع مفيدة وتبادل الاراء بعيدا عن البغض ( والهواش ) المفروض
قسم الاسهم = عوار راس وقراءة دقيقة للمواضيع ورد وهواش مع المشككين والمطلبين :p وصداقة مع المحللين :deal:

[ROSE]

وربي انك جبتها ،، تم تثبيت الموضوع

ولي عوده

[الالكترونى]

وربي انك جبتها ،، تم تثبيت الموضوع

ولي عوده


:nice: :nice: :nice:

[ابوالجازي]

اولا :- الله يعطيك الف عافيه اخوي على طرح هالموضوع الهام .

ثانيا :- تسلمين اختي روز على التثبيت .

ثالثا :- المنتدى العام المفروض يكون فيه كل المواضيع اللى تحتاج نقاش والمفروض تكون المواضيع اجتماعيه وماعتقد فيها شي لو كان الموضوع حساس بس مادري ليش بعض الاعضاء يستخفون دمهم وايد وزياده عن الازم في الرد اعتقد ( وارح اتكلم عن نفسي ) لما ادخل موضوع واشوف ان الموضوع مايعجبني مارد ولا اقول اي كلمه عشان ماكون جاملت صاحب الموضوع حتى لو كان عضو ارتاح له وايد ولا اني اغلط عليه او ارد برد ثقيل وبالطريقه هذي اعتقد مازعلت صاحب الموضوع ولا اني جاملته . وفي رايي هذي هو الحل :nice:

واسف لاني وايد هذرت وعورت روسكم :looking:

[مكنتوش]

اشكرج جدا اختي روز على التثبيت ابوالجازي الله يعافيك

[الجني]

اتفق معك اخي
انا طول عمري صوب منتدى الأسهم
توني مفتر صوب المنتدى العام
هناك الشباب وايد اركد

[الراقية]

يعطيك العافية يا مكنتوش

ولكن المنتدى العام هو منتدى النقاشات والمناقشات الجادة.. والنقاش احيانا ياخذ مساره من الجدل وغيره فهو ( مجلسنا للحديث عن ما يدور على الساحة المحلية والعربية والدولية والدنيوية والدينية )
يعني هو متنفس للجميع ومنه نعرف افكار بعضنا ونكتشف شخصيات الهادئ من سريع الغضب ومن المثقف ألى الجاهل ومن الخلوق الى الغير خلوق وهكذا .

ولكن اشد.. يدي ...على يدك يجب ان لايخرج مسار النقاش من حدوداللباقة والدبلوماسية الى حدود البغض والكراهية والتراشق بالكلمات الجارحة

يعطيك العافية وتسلم لنا يمناك

ونشكر روز على التثبيت

ويا جماعة ترى كل قسم له عوار راس مش بس العام
تقبلوا تحياتي

[التيما]

الهواش ملح الحيااااااه :nice: :nice: :nice: يسلمووووووووو

[ضوى]

.
المنتدى العام المفروض يكون فيه كل المواضيع اللى تحتاج نقاش والمفروض تكون المواضيع اجتماعيه وماعتقد فيها شي لو كان الموضوع حساس بس مادري ليش بعض الاعضاء يستخفون دمهم وايد وزياده عن الازم في الرد اعتقد ( وارح اتكلم عن نفسي ) لما ادخل موضوع واشوف ان الموضوع مايعجبني مارد ولا اقول اي كلمه عشان ماكون جاملت صاحب الموضوع حتى لو كان عضو ارتاح له وايد ولا اني اغلط عليه او ارد برد ثقيل وبالطريقه هذي اعتقد مازعلت صاحب الموضوع ولا اني جاملته . وفي رايي هذي هو الحل :nice:

بالضبط اخوي بو الجازي انت جبتها صح
منتدى عام ليش ما يكون فيها مناقشات في امور الحياة العام وين العيب ووين الحرام ، اللي ما يقدر على المناقشة الجادة ولا على النقد البناء لا يدخل ولا يجرح ويقط كلام سخيف ما يدل الا عاى نفسية صاحبة الغير سوية
المواضيع الحساسة هي حياتنا ننام ونصحى عليها بكل جزء فينا وبحياتنا ليش نخاف نتكلم فيها ، ليش نعتبر هالمواضيع من المحرمات والمحضورات اللي ممنوع الاقتراب منها ؟
عالعموم اكيد ادارة المنتدى لها دور كبير بهالشئ فهي الوحيدة اللي من حقها تمنع او تسمح بهالشئ ، ويجب ان يكون حدود للحرية وحدود للطرح

الف شكر اخوي مكنتوش

[كحيلان]

مره من المرات قراءت موضوع عن شخص مشهور لا أريد ذكر أسمه لعدم فتح الموضوع مره اخرى . . وكنت أقول وجهة نظري عن هذا الشخص وكان الكثير ينتقدني ..
نعم كلامي عن هذا الشخص كان شديد جدا لاني أعرف عنه حقائق جعلتني انتقده بشده ..

انا انتقده لاني اعرف حقيقته والكثير لايعرف عنه اي شيء .. اذن لما الزعل؟؟؟؟

[المارونـــي]

مصران البطن اتعارك بس الاهم
انه انكون دايمً اخوان

[خاربه خاربه]

يعطيك العافيه يارب :strong

وكلام سليم وانا مرات اشوف موضوع اجي ارد عليه والا اشوفهم يتهاوشون

بس ناقص السكاكين والا كل واحد يكط كلام على الثاني ياأخي ليش تكط كلام

عندك الخاص اسأل ليش الاخ او الاخت كاتب الموضوع او السبب كل واحد له وجهة نظر

وبعدين خفوا على بعض انتوا حد يفهمكم غلط شنو بتسووون هـــا وبعدين بيعطونك باند

ويتسكر الموضوع شنو الفايده يعني

اي صح وفي شي ثاني في مواضيع ماتستاهل بصراحه وتنقلب شات

موضوع بسيط يصير 10 صفحات ليش :con2:

:looking:

طولت انزين آسفه خلاص شكرا لك:shy: :looking:

[مكنتوش]

شكرا لجميع الاعضاء على التفاعل مع الموضوع وابدا الرأي الصائب

وان شاءالله نشاهدكم بمواضيع جديدة من دون:anger2: