من يقدر يجاوب على هالسؤال ؟؟؟؟

[شرقاوي]

كلنا سمعنا عن السماح بدخول الاجانب للسوق القطري

وكلنا نعلم انه من الحوافز القوية لازدهار السوق

لكن هناك حافز اهم مرتبط بالاحداث الحاليه

وبامكانه ان يقود السوق الى اسعار

خياليه بعد كم شهر


من يقدر يقولي ماهو هذا الحافز ؟


على فكره هالحافز لم يرد ذكره سابقا .

[جمال النعيمي]

جواب على سؤال

هو امكانية تملك الاجانب والاقامة كملاك في قطر في مشروع الؤلؤة مما يزيد عدد سكان قطر من ناحية

ومن يملك في مشروع كلؤلؤة لابد انة من اصحاب رؤس الاموال

بختصار قطر سوف تكون جاذبة لرؤس الاموال

[سوبر سهم]

Jkf

ممتاز ونقطه عجيبه ماخطرت ببالي :)

يسعد مساك

===========


شرقاوي موضوع حلو تشكر عليه

[شرقاوي]

jkf

فعلا حافز ممتاز جدا اخي الغالي

وصراحة ماخطرت في بالي

لأن اللي اقصده غير ماذكرت مع ان اللي ذكرته

لايقل اهمية عن اللي في بالي وفي الاخير الرأي لكم




ننتظر رأي بقية الاعضاء يمكن نطلع بحوافز جديده غايبه عن بالنا

مثل النقطه اللي ذكرها الاخ jkf


.

سوبر سهم

العفو ياسيدي

[eXpert*]

امكانية تملك الاجانب والاقامة كملاك في قطر





الله يستر علينا يا رب الاولى تملك وان شاء الله الاخيرة .

مانبي عقب كم سنة نوصل لمستوى يساوون فيه الاجنبي بحقوق المواطن .

مثل احدى الدول المجاورة الله يستر علينا و عليهم اذا فيك خير كلم الاجنبيّ والله يسجنّك . تخيل يسجنك وانت ابن البلد . :confused:

الله يعزنا بدينه وعزته ويبعد عنا الذل يارب العالمين .

[شرقاوي]

بايجاز:-

الحافز القوي جدا هو المستثمرين الجدد من المواطنين القطريين أنفسهم

التفصيل:-

اكبر داعم للسوق دائما هم صغار المستثمرين والهوامير يعلمون ذلك جيدا

والسبب ان صغار المستثمرين عددهم مقارنة بالهوامير يعتبر كبير جدا لذا مجموع السيوله

لدى صغار المستثمرين اكبر بكثير

والان سوف اقوم بشرح نقطتين الاولى ماسبب الزيادة المتوقعه للمستثمرين الجدد من المواطنين

والثانية ماهو تصرف الهوامير اتجاه هذه الزياده :


زيادة المستثمرين :

كلنا واكبنا احداث اكتتاب الناقلات وعلمنا ان عدد المكتتبين كبير جدا بشكل قياسي لم

يسبق له مثيل وربما يصل الى اكثر من 70% من عدد المواطنين على اقل تقدير وهذا سوف

يترتب عليه عدة امور مهمه متعلقة بسوق الاسهم وهي كالتالي:-

• سوف تقوم شريحة كبيره من المواطنين بمتابعة السوق لاختيار الوقت المناسب لبيع

اسهمهم والسوق سيكون حديث المجالس وهذا بحد ذاته يشكل دعاية كبيره للسوق ووسيلة جذب قوية.

• توفر السيولة الهائله لدى المكتتبين بعد بيع اسهم ناقلات مما يحدو بالكثير منهم الى

استثمار هذه المبالغ ؛ ولكن بسبب محدودية مجالات الاستثمار فسوف يكون لسوق الاسهم

نصيب الاسد من هذه السيوله.

• السوق القطري لايزال صغيرا ومع وجود هذه السيوله الكبيره سوف ترتفع اسعار الاسهم

الى ارقام خياليه يستفيد منها الكثير ويتضرر منها من يدخل السوق متأخرا فلا مجال للتردد هنا


كيف سيتصرف الهوامير :

المرحله الاولى : بما ان الهوامير دائما يستبقون الاحداث فمن المتوقع ان يقوم الهوامير برفع اسعار الاسهم

قبل دخول هذه الشريحه من المواطنين بالاضافه للاجانب حتى يتسنى لهم اكبر ربح ممكن بما ان هناك

سيوله كبيره قادمة للسوق وهذا هو مايحصل الان .

المرحله الثانية : بعد دخول المستثمرين الجدد من المواطنين والاجانب سيقوم الهوامير ايضا برفع

السوق مرة اخري لتصريف مالديهم من اسهم لكن موجة التصريف ستحقق قفزه نوعية كبيره جدا

لجذب المزيد من المساهمين الجدد وتصريف اكبر قدر ممكن وهذه المرحله ستكون طويله مقارنة

بالمرحله الأولى.


كلمة اخيره : لا تتردد كثيرا واحذر ان تقرر الدخول بعد ماتطير الطيور باارزاقها .

[بيـــزات]

صباحكم فل
كلامك منطقي اخوي
بس حبيت اضيف نقطة غموض

الهوامير في الوقت الحالي ما اعتقد انهم راقدين عن السوق

والمنطق هم يقول لازم تسبق (خصمك) بخطوه ......(بما ان السوق اكبر لعبه)

يعني لين الحين باقي اوراق ما انكشفت واللي بيلعب يلعب بحذر

تحياتي

[شرقاوي]

الهوامير في الوقت الحالي ما اعتقد انهم راقدين عن السوق

والمنطق هم يقول لازم تسبق (خصمك) بخطوه ......(بما ان السوق اكبر لعبه)

يعني لين الحين باقي اوراق ما انكشفت واللي بيلعب يلعب بحذر

تحياتي


بالضبط اخوي بيزات وهذا ماذكرته في حديثي :


المرحله الاولى : بما ان الهوامير دائما يستبقون الاحداث فمن المتوقع ان يقوم الهوامير برفع اسعار الاسهم

قبل دخول هذه الشريحه من المواطنين بالاضافه للاجانب حتى يتسنى لهم اكبر ربح ممكن بما ان هناك

سيوله كبيره قادمة للسوق وهذا هو مايحصل الان .


وحديثي بالنهاية قابل للصواب والخطأ

[بيـــزات]

مشكور اخوي ويعطيك العافيه

والله الموفق

[بنت قطر]

عجيب الشرقاوي والله كلامك عسل وصحيح مليون بالميه

كم مره اقول لكم البورصه اللي يحركها ويرفع وينزل اسعارها صغار المساهمين مب الكبار
العمليات الصغيره باعداد كبيره ومتنوعه هي اللي ترفع وتنزل بالسهم

حتى الكبار يتصرفون بذي الطريقه على شكل صفقات صغيره

والله يستر

يعني الحين الواحد يلحق او ما يلحق ظنكم؟

[سوبر سهم]

يلحق يابنت قطر

شرقاوي وبيزات

انا معاكم في كل شي قلتوه

بس ليت صغار المستثمرين يعرفون اهميتهم

هم اللي اينزلون السوق باندفاعهم ويرفعونه بالركض ورائه


لازم ايكون لهم قرارهم.........لازم ايعرفون ان الريال القطري الواحد يفرق عند الهوامير

لكن عند صغار المستثمرين ال 10 رياللات ماتفرق خل يصبرون


وسلامتكم

[شرقاوي]

لازم ايعرفون ان الريال القطري الواحد يفرق عند الهوامير

لكن عند صغار المستثمرين ال 10 رياللات ماتفرق



هنا المشكله الواحد من ينزل السهم ريالين راح

وباع اللي عنده يعني اذا كان اغلبية صغار المساهمين

يتعاملون بهالطريقه راح يتضرر السهم لأنهم اكثريه

ولهم تاثيرهم السلبي والإيجابي على السهم

[qatar_moon]

والله انك خطير يا Jkf

ومشكور اخوي شرقاوي على الموضوع الحلو

[بوعبدالله2005]

ماشاء الله الأخوان خبراء وانا الفقير المسكين

اهم شىء فى البورصه والأسهم هو الأرقام والواقع ومتابعة الشركات وكل جديد


موب الأشاعات والأحلام يعني بالعقل مو بالقلب

[شرقاوي]

ماشاء الله الأخوان خبراء وانا الفقير المسكين

اهم شىء فى البورصه والأسهم هو الأرقام والواقع ومتابعة الشركات وكل جديد


موب الأشاعات والأحلام يعني بالعقل مو بالقلب



:eek:


انا ماادري ليش داش عرض

بقوة وش جاب طاري الاشاعات

والاحلام في موضوعنا :confused:


وبالرغم من كلامك عن الاشاعات

وبالرغم من اني لم اذكرها في موضوعي

لكن ودي اقولك انها من اقوى مايؤثر على

حركة السهم سواءً طلوع او نزول

لكن باين عليك جديد على السوق

وبعيد كل البعد عن الواقع