تعالو و شوفو و سيط الاهلى

[هتلر]

بسم الله الرحمن الرحيم

ياجماعه الخير انا الى قاعد ايصير معاى مب طبيعى اعطى الوسيط اودر بيع و يبيع بسعر الى ابيه و يجينى مسج على نفس السعر الى انا عارضه بس اذا رجعت حق كشف الحساب القاه غير يعنى انا من كم يوم عطت الوسيط اودر شراء الناقلات على 33.90 لقيته شاريلى على 43.04
وغيره و غيره واذا سالت الوسيط ايقولى هذى عمولتنا و كذالك مع المتحد بقلتله بيع على 16.40 حصلت في الكشف 16.15
هل كل الى ايتعاملون مع الاهلى يحصل لهم الى يحصلى و هل هذى فعلا عموله اااااااارجو الافاده
مع الشكر

[اللورد]

100% هذه عموله
وتحصل في جميع المكاتب
وهي اضافة العموله على قيمة السهم إن كان شراء وطرح العموله من قيمة السهم عند البيع

[هتلر]

اشكرك ياخوى للورد

[RO7QATAR]

بل ليش عمولته كم ؟


انا اعرف انه من حق الوسيط 8%

[اللورد]

عمولة الوسيط 0.004 (اربعه في الألف) للبيع أو الشراء

[LIMIT^UP]

العموله ثابته 4 في الالف عند البيع و4 في الالف عند الشراء

يعني السهم الذي يشترى ب 33.9 يصبح قيمته بعد اضافة العموله 34.04

[كويتي فهمان]

عمولة الوسيط 0.004 (اربعه في الألف) للبيع أو الشراء

كلامك صح
عشت يا اللورد

عمولتهم 4 على الالف

:d :d :d :d :d :d

[ahmed jasim]

اودر شراء الناقلات على 33.90 لقيته شاريلى على 43.04
و كذالك مع المتحد بقلتله بيع على 16.40 حصلت في الكشف 16.15


أرقامك ما تركب على بعض..

للشراء 33.9*1.004=34.04
للبيع 16.4*0.996=16.33

[عزيز]

أخوي هتلر صح النوم !!

ساكت عنهم ليش الله يهديك ؟ معقوله عموله هالكثر؟ شدعوه ليكون خام لك السوق كامل وأنا مادري!!

لازم تروح لهم وتاخذ كشف الحساب وتجيب الموظف تقعده معاك ويحسب معاك كل شي خطوه بخطوه وأذا فيه أي فلوس زياده خذوها عليك تطالبهم يكتبون كتاب لأداره البنك يردونها بحسابك ((صارت لي لما شريت أسهم البنك البريطاني الأسلامي )) بس ماتسكت عنهم وتكتب بالمنتدي الله يهديك شوف رزقك ومحد بينفعك لا أنا ولا غيري شيل نفسك بنفسك يالغالي

أخوي أسمع روح علي واحد أسمه سامر والله طيب وحبوب وماراح يقصر عنك وأذا تبي توصيه بعد حاضرين يالغالي ;)

أتمني تروح لهم وتخلص أمورك وياهم بأسرع وقت علشان مايقولون ليش تأخرت وخلاص ألي صار صار وكذا وكذا وتروح عليك فلوسك !!

مادري متي يفتحون الصبح بس هم يسكرون ثلاث العصر((قسم الأستثمار بس))

وأن شاء الله خير يالغالي ولاتنسي تخبرنا شصار معاك وبالتوفيق أن شاء الله :)

[Qtri]

صدقت ياهتلر :) لازم ادقق وراهم انا بالذات احصلت وياي اخظاء كثيره لما اراجع الوسيط يقولي عندنا ناس جداد بصراحه اسبوعيا اراجع الكشف مره شرولي سهم الاهلي بدون لااطلب من الوسيط ومره اشتريت وقود ب77 ومالقيت اسهمي خير شر راحت على رقم ان اخصمو االمبلغ لكن بن عمك صاحي :anger2: طلعت حقي منهم وردولي فلوسي ماقول الا الله يعين وتدقيق الحسابات مب شي سهل يبيلك تستاجر طلال بوغزاله :deal: ادقق لك ويا البنك الاهلي :p هههههه اضحك طبعا لكن لاتسكت عن حققك ومتى الواحد يشتري ويبيع بالنت بنفسه ويفتك شنسوي محتدين الحين نبيع عن طريق الوسيط ونتعب وندقق لريال مايجي الا بطلعت روح :(

[هتلر]

بارك الله فيكم و اشكرك اخوى عزيز على المرور الطيب و انشاء الله بكره من الصبح انا عندهم
و اشكر كل من شارك

[عزيز]

العفو أخوي :) وأهم شي حلالك ماتخليه والله يوفقك أن شاء الله وياهلااا :)

[cappuccino]

هذول سوو فيني نفس الشي انبطت جبدي منهم شكلهم يشترون ويبيعون حق نفسهم مو عموله

[فقط قطر]

الاستاذ: هتلر...
بالامكان مقاضاة الشركة اذا نتج عنها تصرف يضر بمصلحتك..او انها خالفت اوامرك...
فشركات الوساطة عليها ان تلتزم بالانظمة التي تضع من قبل سوق الاوراق المالية( البورصة) وبالامكان ان تتقدم بشكوى الى الشئون القانونية بالسوق موضحاً الاخطاء التي ارتكبت في حقك...ومدى الضرر الواقع عليك..كما اود ان اؤكد ان لك الحق في تعويض مادي و أدبي عن تلك الاضرار التي تسبب فيها الوسيط.

[رجاءاً من غير ليش]

بسم الله الرحمن الرحيم

ياجماعه الخير انا الى قاعد ايصير معاى مب طبيعى اعطى الوسيط اودر بيع و يبيع بسعر الى ابيه و يجينى مسج على نفس السعر الى انا عارضه بس اذا رجعت حق كشف الحساب القاه غير يعنى انا من كم يوم عطت الوسيط اودر شراء الناقلات على 33.90 لقيته شاريلى على 43.04
وغيره و غيره واذا سالت الوسيط ايقولى هذى عمولتنا و كذالك مع المتحد بقلتله بيع على 16.40 حصلت في الكشف 16.15
هل كل الى ايتعاملون مع الاهلى يحصل لهم الى يحصلى و هل هذى فعلا عموله اااااااارجو الافاده
مع الشكر

في سوء فهم اخوي لا تتسرع ...

اولا السعر الموجود في الفاتوره هو السعر الصحيح ... اما السعر الموجود في كشف الحساب كخدمه من شركات الوساطه ... يعطونك شي اسمه(( معدل السعر)) يعني سعر التكلفه لديك بعد دفع العموله ليس الا .... يعني منفذين لك على نفس اللي طلبته لكن بعد دفع العموله يعطونك تكلفتك عالسهم كم بالضبط ...

وسلامتكم

[بـوصـالـح]

انا معاهم سمن على عسل ولله الحمد

واعتقد ان هذي العموله ( الاربعه بالالف ) يعتمد على كمية الاسهم الي ماخذها