المساعد الشخصي الرقمي

مشاهدة النسخة كاملة : عملاء الأهلي للوساطة لو سمحتم



BO KHLIFA
06-07-2005, 01:58 PM
أنا قررت افتح حساب تداول في الأهلي فاللي يتعامل مع الأهلي عندي كم سؤال ياليت يبينها لي مشكورا ..

هل هناك ضغط على الخطوط مثل المجموعة ؟
هل يتم تنفيذ أمرك وانت معاه على الخط قبل مايسكر هذي نقطه مهمه لأن المجموعه ايقولن لك اتصل بعيدن وشيك ..؟

هل عمليات البيع والشراء ترسل كرسالة (مسج) على الجوال؟
هل معاملاتهم جيده ؟

واخيرا اذا في سلبيات ياليت اتوضحونها لو تكرمتم

عزيز
06-07-2005, 09:15 PM
أؤيدك الرأي أخوي وبأنتظار الأخوان ألي يعرفون وشكرا :)

إنتعاش
06-07-2005, 09:27 PM
هل هناك ضغط على الخطوط مثل المجموعة ؟

تقريبا من اول خمس رنات يردون عليك


هل يتم تنفيذ أمرك وانت معاه على الخط قبل مايسكر هذي نقطه مهمه
لأن المجموعه ايقولن لك اتصل بعيدن وشيك ..؟

نعم اعقد صفقات البيع والشراء ( اون لاين )
يعني وانا وياه على الخط . .

هل عمليات البيع والشراء ترسل كرسالة (مسج) على الجوال؟

نعم ترسل لك كـ مسج على الجوال بعد ربع ساعه تقريبا من التنفيذ
وبعض الاحيان بعده على طول


هل معاملاتهم جيده ؟

والله الصراحه كبيع وشراء نعم ممتازين وانا مجربهم
ولكن اي شي ثاني انسى !!
يعني اسهم عندك في التسجيل المركزي
او يعني من هالامور لا تحاول يخلصهم لك !
يعني الا بشرطين : 1- مبالغك كبيره
2- تعرفه شخصيا ً
ويعني يمكن الترتيب افضل لنا ولهم
لو انا مرتب بيكون شغله لي اسهل
وهكذا

واخيرا اذا في سلبيات ياليت اتوضحونها لو تكرمتم
فيه سلبيه مدري فيهم فقط والا في كل النظام الالكتروني مال البورصه
لما تبي تشتري بعض الاحيان يشتري لك
بعض الاحيان يقبل فقط 3000 سهم من الاوردر والباقي يرده
حاولت مره اكمل في وقود 10.000 سهم ما قدرت
وصلت 9000
ابي اشتري 1000 . . يقول لي السستم يرفض
انت اكيد عندك 1000 سهم بمكان ثاني !
احلف له والله ماعندي
يقول السستم يقول جذيه
فيعني زهقت من وقود كل ابوها وصفقتها

وعندك مره الملاحه ابي ابيع
يبيع لي منها النص تقريبا
وين الباقي ؟
يا الحبيب ؟
يقول مب مبينين عندي بالسستم !
اروح اطرش حد يراجع كشوفات البورصه
يقولون : موجوده لدى الاهلي للاوراق الماليه !

يعني اقصد السستم بصفه عامه
مادري اذا يخبط فقط عندهم او في كل الشركات
وهاي حاله عامه والله مادري

لأني ما جربت الا هم فقط حاليا ً

وطلعت منهم شوي ورجعت للخليجيه للاستثمارات الخليجيه
وهاذاني حاليا ً بين الاثنين شويه منيه شويه منيه
اذا رد هاي نفذنا واذا رد هاي نفذنا

لا تحاول ترتبط في شخص واحد . . او مكتب واحد وتتورط

وحياك ياغالي

BO KHLIFA
06-07-2005, 09:50 PM
تسلم أخوي انا مرتبط مع المجموعه ولا راح اتركها لكن قلت بفتح عند وسيط ثاني لان المجموعه اوقات ايصير فيها ضغط رهيب مانلقى خط .. والسبب المهم مايعملون لك العملية اونلاين بسبب الضغط ايقولك اتصل بعدين وشيك وعاد انطر اذا في ضغط اتحصل خط مره ثانية ..

مستثمر طموح
06-07-2005, 10:22 PM
الاهلي تعاملتهم ممتازة وما عليهم كلام

بس اخوي انتعاش قال انة يردون من اول 5 رنات اظن اللي يرد من اول 5 رنات هم قسم الاستثمار

بالمكتب وانا جربتهم فترة وكانوا سريعين الرد وبعد فترة قالوا لي ما عاد نستقبل طلبات :anger1:

طبعا قسم الاستثمار يختلف عن ال 4 خطوط المخصصة لاستقبال طلبات العملاء بالتلفون

ما ادري ايش يفرق قسم الاستثمار عن باقي نشاطات مكتب الاهلي :confused:

بس انا مجربهم عاد وحظي مرة يردون عقب 10 دقائق او ربع ساعة او نص ساعة حسب

لانة المشكلة عندهم 4 خطوط وتتصل فيهم يرنون ولكن لا حياة لمن تنادي لانة مستقبل التلفون

ا>ا فاضي بيرد عليك وا>ا ما رد عليك اعرف انة مشغول في ادخال الطلبات من العملاء المتواجدين بالمكتب


واللة الموفق

cappuccino
07-07-2005, 05:40 PM
انا اتعامل مع البنك الاهلي متعبيني في الشرى والبيع :| لما رحت ابي اشتري سهم اشوفه على الشاشه عندهم 0.55 يقولي انا شريت لك على 0.57 اوقله ليش يقولي الي في الشضاشه يتاخر 15 ثانيه مع العلم اني اعرف ان الي في الشاشه نفس البروكر الي عندهم وعلى فكره ام طرشولي مسج في عمليه البيع والشرى :\