حلقة حواريه ( نتائج تخصيص ناقلات )

[إنتعاش]

اعلن المسؤولين بشكل رسمي

نسبة التخصيص لناقلالالالالات


1233 سهم

+

1.7 % نسبة وتناسب


حول هذه النسبة والتخصيص

وآراؤكم


ونظرتكم للتخصيص ولمستقبل السهم عند الطرح

وغيره وغيره


نريدها هنا

تفضلوا بآرائكم

[sulai6i]

اول شي احب ابارك لكل شعب قطر

بالنسبة لي التخصيص الحمدالله راضي عنه لأنه فيه فايدة .. لله الحمد والشكر

ونأمل في مكرمة أميرية بعد كم يوم مثل ما حدث في صناعات


وتوقعاتي للسهم عند طرحه انه يكون سعره من 70 وطالع


ومبروووووووك لشعب قطر

[الغشمري]

نقول الحمدلله شي احسن من ولا شي

ولكم السؤال الي يطرح نفسة الان كيف يتم حساب
1.7 % نسبة وتناسب

مثلا انا دافع حق عدد 5000 سهم

وان شالله في انتظار مكرمة أميرية :)

[سوبر سهم]

الغشمري عطيتك الحسبه الله ايسلمك

استثني 1233 سهم من مجموع الاسهم

وعقب اضرب الباقي في 0.017

وبيطلع لك الناتج


انتعااااااااااااااااااش


انا راضي والحمدلله كل الرضى

لاني مب من النوع اللي سيل اسهمه او اقترض

ولو اتشوف ردودي كانت دائما بين 1300-1500 سهم (توقعاتي) وقلت لهم
اذا عطوكم 1300 قولوا الحمدلله لان هذا شي واقعي ماعليك الا انك تحسب والارقام ماتخطئ باذن الله



:) فمبروك لكم ياشعب قطر

ويسلم لنا بومشعل

[جمال النعيمي]

السلام عليكم

مبرك لكم ولنا

واخيراً خلاصنا والحمدلله

بس انتعاش رد على ايميل

سلام

[الشقيان]

نقول الحمدلله على كل حاااااااااااااااااال

[سراب الامل]

مبروك لكم ياشعب قطر والحمدالله على اللي خصصوه لنا

ياريتكم تساعدوني بالحسبه انا حطيت 6000 سهم للبطاقه الوحده مش عارفه كم بتطلع لي بعد النسبه والتناسب
هاذي اذا كان فيه نسبه وتناسب

[ضايق الصدر]

الحمد لله

بس يا شباب تتوقعون ان التداول بكرة بيتاثر

[Le7dan-Qatar]

هلا اخوي انتعاش

اولا الحمدلله على كل حال وحكوتنا ماقصرت وانا راضي

بسسسسسس سسسسسسسين سؤال اخوي انتعاش انت وباقي الاعضاء الاعزاء؟؟

من المسسسستفيد :-

صصصصصصغار المستثمرين نفس ماقالوا المسؤلين؟

او او او او

ككككككككبار المستثمرين نفس ماحنا نشوف قدامنا؟

وانشالله اشوف تفاعل اخواني العضاء؟

ولك جزيل الشكر اخوي

[Le7dan-Qatar]

اخخخخخخت سراب الدوووحه


1314 سهم وبالتوفيق

[قـطـريـه]

الناس صابتهم صدمه بعد ماسمعو االخبر
مشكلتهم صدقوا الاشاعه

تجربه ناقلات يجب ان يتعلم منها الجميع الدرس
حتى في المستقبل يتعلم ان يبني استثماراته
على ارقام وحسابات رقميه
وليس على وهم واشاعات واحلام
الكثير تدين والان عليه ان يسدد الفوائد
الي بتاخذ جزء كبيره نصيبه في النقالات,,,
والحمدلله ما حطيت ناقلات في حساباتي
كتبت نبسه قليله والي جاني نعمه من الله
ويسلم لنا ابو مشعل,,,,,,,

[بيـــزات]

مبروك للشعب القطري

وهاردك حق المتحطمين..بس قولوا الحمد لله

لو تجري جري الوحوش غير رزقك ما تحوش

[ضايق الصدر]

والله صادق يا
بيزات
وكثر الله من امثالك :)
والامثال الي اتقولها :d

[Le7dan-Qatar]

لو تجري جري الوحوش غير رزقك ما تحوش

صصصصصصصصصصدقت اخوي :) ;)

[بيـــزات]

ضايق الصدر العفو
شكلك ملاحظ اني احب اضرب امثال :p

اخ لحدان مشكور اخوي ويعطيك العافيه


والله يوفق الجميع :)

[بيـــزات]

بس يا جماعه
الحين يقولون اللي اكتتب له شخص ثاني
تنلغي طلباتهم.. والا شسالفه

انا برع الدوحه واكتتب لي اخوي
افيدونا قبل لا اتصل وطني الحبيب صباح الخير

[qatar_moon]

والله انا مش متضايقه الا من هالاشاعات الي منتنا وخلتنا نحلم

بس الحمدلله على كل حال


خاطري اعرف من ورى هالاشاعات

ومن المستفيد منها

صدقوني هالاشاعات الي اطلعت وراها شي

من الله واعلم :confused:

حشا صرت المحقق كونان :cool:

[sulai6i]

من شوي كنا انسولف مجموعة شباب

قلت لهم يمكن في مكرمة بعد كم يوم

واحد منهم قال لي شي سكتني ... قال : ( اذا رجعت الفلوس انسى ان في مكرمة .. لأنها خلاص رجعت وما اعتقد بيصير اكتتاب ثاني .. لكن اذا ما ردوا الفلوس .. يجوز في مكرمة )

كلامه صحيح ( الحين انا اللي اتكلم ) .. كنت متأمل في مكرمة بس ما حطيت هالنقطة في بالي

يعني اللي حاط في باله انه ممكن تصير مكرمة .. وردّت له فلوسه .. ينسى احسن له

[وكراوي]

السلام عليكم

اخوي بيزات انا وضعي نفس وضعك انا ادرس برع وخليت اخوي يكتتب لي

الله يستر

تحياتي

[سهم الصناعات]

الحمدلله على كل حال

وانا توقعت اقل من 1000

واتوقع انه راح ينطرح في السووق بسعر 25 الى 35 .. تقريبا .. :rolleyes:

[qatar_moon]

عيل انا شقول الا اكتتب لنا واحد من اهلنا بعد ياريت اخوي

والله بصيح

[waham]

السلام عليكم ورحمة الله وبركاته
مبروك لكم ولنا والي سمعته عن النسبه والتناسب ان 17سهم حق كل 1000سهم يعني اذا انت طالب 6000سهم راح يجيك 102 سهم

[المستثمر القطري]

بسم الله الرحمن الرحيم

بعد حمدالله والثناء عليه احب اقولكم لحد يتضايق من الي صار والحمدلله على كل حال عالاقل 1233 احسن من ماميش وبعدين هالشي كان متوقع بس احب اقول انه صج انه المسؤولين صرحوا بس لين الحين ماسمعانا مكرمة الامير

واذا مافي مكرمه بعد الحمدلله

وانشالله تنزل السوق ب 100

[qatari1]

السلام عليكم ورحمة الله وبركاته....
الحمد لله رب العالمين والصلاة والسلام على رسول الله، وآله وأصحابه الطيبين الطاهرين....
أما بعد....

1- لله الحمد والمنة على ما تحقق من إنجاز في تخصيص الناقلات، والتخصيص كان عادلاً بدرجة كبيرة جداً...
ولا عزاء لمن وضع على ظهره ديوناً أكثر من طاقته وقد كان الأمر محسوباً من البداية...
أن أقصى ما يمكن الحصول عليه هو 1500-1700 سهم....
ولكن نقول الحمد لله فـ 1233 سهم لكل بطاقة تعني الكثير للعئلات القطرية...
وكلما زاد عدد أفراد الأسرة كلما زادت عدد لأسهم المخصصة...فلتحمدوا الله ولتشكروه فانظرو حولكم وانظروا ما جرى مثلاً في اكتتاب(اتحاد اتصالات) في السعودية منذ بضعة أشهر...
ولكم أن تتخيلوا أنه لكل 1000 سهم حصل المكتتب على 2.5 سهم لاغير!!!!!
وقارنوا بين من اكتتب بـ 1000 سهم في ناقلات ، وحصل عليها....
فاحمدوا الله واشكروه فلعمري أن تجدون مثل ذلك في أي دولة في العالم...
ولكن هو الجشع الذي يعمي بصيرة الإنسان فلا يعرف لله حمداً ولا لربه شكراً....

2- من نتائج التخصيص وحسب حساباتي المتواضعة المبنية على بعض الأخبار، وقد تصيب وقد تخطىء...ولكن حسبي أنني اجتهدت فإن أخطأت فلي أجر وإن أصبت فلي أجران بإذن الله..
فقد بلغ عدد المكتتبين بعد الدمج والتدقيق 193 ألف مواطن قطري...
واستأثر صغار المستثمرين على 85% من الأسهم مما يعني انحياز الدولة رعاها الله لصغار المستثمرين كما أعلنت من قبل... أي حصل صغار المستثمرين على 238 مليون سهماً فكانت النسبة التي ذكرنا...1233 سهم للبطاقة..
هذا ما سمح به الوقت لهذه الليلة، دمتم في رعاية الله وحفظه وألقاكم في حلقتنا النقاشية التالية..

[وكراوي]

السلام عليكم


الحمدلله على كل شي

محد بياخذ اكثر من رزقه

تحياتي

[سهم طايش]

هههههههههههههههههه

كانكم تعزون بعض

الحمدلله على كل حال

[اللورد]

من اكتتب في 2000 سهم يطلع له 1246

من اكتتب في 3000 سهم يطلع له 1263

من اكتتب في 4000 سهم يطلع له 1280

من اكتتب في 5000 سهم يطلع له 1297

من اكتتب في 6000 سهم يطلع له 1314

من اكتتب في 7000 سهم يطلع له 1331

من اكتتب في 8000 سهم يطلع له 1348

من اكتتب في 9000 سهم يطلع له 1365

من اكتتب في 10,000 سهم يطلع له 1382

[سهم قطري]

اذا كانت انحياز حق صغار المستثمرين مب المفروض يكون التخصيص اكثر على الاقل 2000 والباقي 50 % من عدد الاسهم الباقية

مثلا واحد اكتتب بــ 5000 سهم ،،،خصصوا 2000 والباقي 50% يعني 1500 ويكون التخصيص 3500 لكن 1233 والنسبة 1.7% انا اشوفها شوي وان شاء الله في مكرمة ،،،

[ابوعلي اليافعي]

اخواني الاعزاء فالبدايه نبارك لكم التخصيص والحمد لله رب العالمين..المكرمه التي يتحدث عنها الاخوان هي في الانحياز لصغار المستثمرين والتي ادت الى حصول الفرد على 1233سهم..وايضا لكبار المستثمرين الحق في الحصول على نسبه وان كانت بسيطه 1.7ولكن مع المبلغ الكبير تتحقق منها الفايده فمثلا الي شرا مليون سهم راح يحصر على 17000سهم تقريبا..اذا الفايده والخير عم الجميع...والخير انشالله قدام والجايات اكثر..والمطلوب الان من المساهمين ان يعرفوا كيف يستغلوا هذه الاسهم وعدم التفريط فيها باي سعر خاصه وان النسبه بسيطه فلو افترضنا ان السهم كان يباع ب50ريال على ان اساس ان المتوقع ان يحصل المساهم على3000سهم فان السهم الان يجب ان لا تقل قيمته عن ال100ريال خاصه وان السهم اصبح عزيز لان الكميه اصبحت بسيطه لكل مساهم..والصبر مفتاح الفرج وخير مثال لنا سهم الصناعات والوقود..............

[هداف]

لله الحمد والشكر

ونقول رب ضاره نافعه

بهذا القدر القليل من التخصيص على كل بطاقه سوف يكون في صالح سعر السهم لان الطلب بزيد عليه
بشكل هستيري من قبل كبار التجار وغيرهم من المغمورين .... ولو كان التخصيص فوق 3000 سهم يؤدي الى فتور
في الشراء والمزايده في اسعار الشراء وهذا شيء طبيعي

ولكن الحذر من البيع في السوق السوداء واتمنى الاحتفاظ با الاسهم حتى تنزل السوق وبعدها تكون المزايده في
اسعار الشراء رسميه وترجع با لفائده على الجميع ....

[قناص قطر]

السلام عليكم

الحمدلله رب العالمين على النعمه

اشكر جميع من سأل عني اثناء فترة غيابي

وبخصوص التخصيص نحمدالله على كل حال

توقعات شخصية :

مثل صدمة التخصيص 1233 سهم لكل بطاقة

اتمنى ماتكون هناك صدمه جديده بسعر السهم اذا كانت الارباح 2009م

اتمنى ينصب غضب صغار المستثمرين على البورصه على الاسهم القديمه

وفيها الخير ان شاء الله

هناك فائده كبيره بالاستثمار خلال الفترة القادمه

واتمنى من الجميع قراءة كتاب الاكثر مبيعا

(( لاتحزن )) عايض القرني

وبالله التوفيق

[رحال]

الحمد لله على كل حال :

طبعا الا نحياز واضح بنسبة 85 % لصغار المستثمرين

وبنسبة 15 % لكبار المستثمرين

لأ ن نسبة 1.7 % لا تذكر بالنسبة لمجموع الا سهم

ولضخامة أعداد المكتتبين البالغ عددهم 192000

تفيد التجربة للمرات القادمة :

أن من بقي على أ سهمه في السوق هو الكسبان ، ومن سيل اسهمه او عقاراته فهو

الخسران ، لا ن الا كتتاب ليس بحاجة أ كثر من 6165 ريال قطري فقط ، لكن التكرار يعلم

الشطار ، والذكي من ستوعب الدرس

وبما أ ن الا كتتاب كانت نسبته ضئيله على الفئتين كبار وصغار

المستثمرين لذا سيكون السهم عزيز وقوي منذ اليوم الا ول وسيشهد ارتفاع

قوي ومدعوم للطلب الزايد عليه ، وعلى اعتبار أن الا سهم الموجوده في السوق

مضاعفة أكثر من قيمتها ستكون الا نظار على اسهم ناقلات الغاز أكثر طلب

واتمنى من الجميع الصبر والتريث وعدم بيع هذا السهم لا نه سهم قوي جدا

والمستقبل له لأ ن عقوده طويلة الا جل وانصح من لديه سيوله شرائه من اليوم

الا ول والا حتفاظ به وأتوقع نزوله في السوق من اليوم الاول بسعر 80 ريال

[الجوري]

السلام عليكم



ومبروك عليكم ونقول الحمدلله رب العالمين


ابي اعرف كيف الحسبه بالتفصيل وجزاكم الله خير

[قناص قطر]

من اكتتب في 2000 سهم يطلع له 1246

من اكتتب في 3000 سهم يطلع له 1263

من اكتتب في 4000 سهم يطلع له 1280

من اكتتب في 5000 سهم يطلع له 1297

من اكتتب في 6000 سهم يطلع له 1314

من اكتتب في 7000 سهم يطلع له 1331

من اكتتب في 8000 سهم يطلع له 1348

من اكتتب في 9000 سهم يطلع له 1365

من اكتتب في 10,000 سهم يطلع له 1382

[qatari1]

الأخت الجوري....
قولي لنا كم عدد الأسهم التي اكتتبت بها، ونحسب لك التخصيص والنسبة إن شاء الله..

[qatar_moon]

بليز مانبي توقعات بعد عن سعر ناقلات اول ماتنزل السوق كفايه صدمات :mad:

الحين انقول ثمانين ونقعد نحلم واخرتها

بتنزل السوق ب 20 :(

خلنا ننتظر ونشوف

[سيف]

الحمد اللة والف مبروك علينا جميعا!!!

[المستثمر القطري]

ره مافي مكرمه واليوم بيبتدورن برد الاموال الفائضه

[بنت قطر]

ما قصر معانا ابونا بو مشعل

كفاية وقفته مع عامة الشعب
وان يكون 85% من الأكتتاب حق صغار المستثمرين
شي حلو وايد
واللي شرؤ بطاقات بعد ما اظن انهم خسرو

بعد ترى ذي النسبه القليله من الأسهم ممكن تأثر بالأيجاب على سعر السهم
لأن فيه ناس واجد تبي السهم وتبي تشتريه بكميه اكبر ومنهم انا طبعا
يعني نسبه قليله وطلب كبير .. فذا بيأثر تأثير ايجابي وايد..
لو فرضنا وزعو 3000 سهم
بينزل السوق مثالاً 35 ريال..(لأن فيه كميات كبيره فيكون سعره اقل)..ام
اذا وزعو 1000 سهم بس
بينزلونه السوق 100
او اكثر او اقل(بس بيكون عليه الطلب كبير لأن كمية الأسهم قليله)..بس
المشكله اذا بدؤ الناس يبعون في السوق السوداء بعمليات ارخيصه
يعني الحين كبار المستثمرين بيحاولون يلمون اكثر في السوق السوداء

اتمنى صراحه ما حد يبيع والكل يحتفظ بالأسهم اللي عنده

[شرقاوي]

طلع مثل ماتوقعت بين 1000 الى 1500 + النسبه


في موضوع توقعات التخصيص


اما الاشاعات رميتها في البحر

[بنت قطر]

بس صراحه اللي باعو اسهمهم بداية الأكتتاب في الشركات الأخر
هم اللي انضربو

مع اني حذرت ناس كثير من عدم بيع اسهمهم في بداية الأكتتاب لكن ما كان حد يسمع
الحمدالله لا بعت ولا شي..
لو انهم باعو في اخر ايام الأكتتاب كان ممكن اتكون خسارتهم اقل

بس ذا درس لهم

وحتى اللي اقترضو من البنك قرض الأسهم
مب خسران شي لأن باقي المبلغ بيرجع للبنك
والشخص ملزوم بس يرد باقي المبلغ ال1233 يبيع اي كميه بسيطه
وبعدها يكون حر من البنك
او انه يسددها لأنها ما تطلع وايد حول 6000 ريال وشي

ام اللي اقترضو عن طريق طرق اخر من البنوك
يقدرون ايسددون قروضهم بعد رجوع المبلغ الزائد
ويزدون عليها المبلغ الناقص
ويسددون اديونهم
او انهم يسددون المبلغ الزائدوالباقي يسددونه بعدين

وفي حال اخر لهم انهم ينتظرون لين تنزل الأسهم ويبعون المحتاجين له
ويضفونه للمبلغ الزائد ويسددون اديونهم على طول

يعني ما فيه حد خسران في السالفه

أهم شي القناعه علشان الله يوفقنا

واللي يبي يشتري في الأسهم اذا انزلت يبرز فلوسه وسيوفه

[أسد الاسلام]

السلام عليكم ورحمة الله وبركاته
هلا بأخوانى : اولآ مبارك عليكم الأسهم ، واتمنى من الله التوفيق بها لكم ولنا ، ولكن المشكله اللى متسلف وديةن ةين يودى ، نفسه من هذى الأشياء التى كان متوقع انها تظرب السعر الفلانى والشئ الفلانى ..............
الله كريم للجميع هذيلا اقول ناس متسلفين مساكين الله كريم ولكــــــــــــــــن المشكله والتى اظن فيها لعبه كم شعب قطر والأسهم كم هى مليارين وثلاثة مائه الف وين التوصيه على الصغار وين المكرمه وين الأجتماعات الظاهر ان فيها لعبه السالفه كلها ما اقول الا الله كريم

[بورصة مان]

السلام عليكم ورحمة الله وبركاتة


الحمدلله رب العالمين
وجزا سمو الامير خيرا عنا


الكل استفاد ولله الحمد


بس فيه فئة كبيره


تدينت مبالغ طائلة وهم نسبى كبيره


وباعت بيوت
وسيارات والسيارات معليش


بس بيت اهلك عايشين فيه؟

او 250 الف لبطاقتين بلكثير اذا ما كان لبطاقه
والبنوك ماشاء الله شتغلت عدل على الدعاية

والمواطن الفقير توهق

والله اعرف كثير عليهم ديون وسلفوهم البنوك اكثر المدت 8 سنوات
والاخير والله مدري شو بصير في حالهم والله المستعان


تدرون ليش ؟؟؟


يجماعة مشكلتنا الاشاعة


كل واحد يقول مصدر موثوق مصدر مقرب مصدر مصدر ايش هدفك من الاشاعه علشان يقولون والله واصل انت فلبلد ترى وهقت ناس واجد حرام ...وشكرا

[سلطان]

بين الفين وثلاثة الشايعات


الف وميتين وخرده صفيت

كلن ايدينه تطق الحاسبات


من مصاريفه يحسب كيت وكيت


ليتها ترجع ليالي ماضيات

طارت اسعار السلام ومادريت

[qatari1]

أسد الإسلام....
تعوذ من ابليس، واذكر الله يا خوي....
أي لعبة اللي تتكلم عنها؟؟
ألحين عطوك 1233 سهم دفعت فيهم 6626.65 ريال، وبتبيعهم في أسوأ الأحوال بـ 30 ريال يطلع لك حول 37 ألف ريال، وتقول لعبة؟؟؟
المكرمة الأميرية السامية واضحة جداً، وزعوا الأسهم على الناس بكل عدالة، وتجي تقول وين الانحياز لصغار المستثمرين؟؟
تدري لو وزعوها كل على قد فلوسه، ما يطلع لك 500 سهم؟؟؟
وقالوا لكم من البداية يا جماعة 2000 سهم لكل بطاقة يعني 10000 ريال، انتوا اللي ركضتوا وراء الإشاعات ووراء كلام بو حمود وبوعبود وحطيتوا سلفيات على ظهوركم، وألحين تتشكون؟؟
كم تبي يعطونك 5000 سهم؟؟؟؟
وإذا تبي الحسبة عندك 280 مليون سهم، وعدد المواطنين 193 ألف...
لو وزعناهم بدون نسبة وتناسب بيطلع 1450 سهم...
فرقت شوي عن 1233 سهم علشان النسبة والتناسب..
الصغار حصلوا على 85% من الأسهم يعني 238 مليون سهم من أصل 280 مليون سهم...
والنسبة من حق الكبار، ومن حقهم هم اللي يحركون السوق ويرفعون الأسعار علشان أن أو انت أو أي حد من الصغر يبيع سهمه عليه بالغالي...
وش تبون أكثر من كذا؟؟
احمدوا الله عز وجل، وادعوا لسمو الأمير إن الله يحفظه ويخليه ذخر لشعبه...
ولو في بلد ثانية كان طلعلك 5 وللا 10 أسهم....
واسمح لي أخوي على كلامي بس صراحة كلامك استفزني...

[qatar_moon]

انا الي مستغربته شي واحد

الطلبات قالوا 200 الف وشوي

وبعد الدمج صار 193

وقسموا الاسهم على هالاشخاص

اوكي وين الطلبات الملغيه والي تحولت للنيابه وسالفة بيع البطاقات

اكيد كل هذا بينقص من الطلبات

جابوا على سؤالي

[qatari1]

عدد الطلبات الملغية والمزورة لا يشكل إلا نسبة بسيطة....
فما راح تتغير النسبة والله أعلم...
وننتظر الأخبار الأكيدة من مصادر موثوقة مب إشاعات بعض أعضاء المنتدى، وللا إشاعات الجيران أو الحريم..

[بوعبدالله2005]

يا اخوان الله يحفظكم جميعا ويبارك فيكم

خلاص خلالالالالالالالالالالالاص انتهى موضوع اسهم ناقلات الغاز والحمد لله وتروا الكل ربحان

واعوووووووووود واقوووووووول كفاية طمع

[الوهم]

صادق يا بوعبدالله بسكم طمع

انسوو ناقلات الغاز .. وفكرو في اللي جااي :)

ويعطيكم الف عافيه

[إنتعاش]

اهلا بالجميع

شاكر لكم هذا التفاعل الرااااااااائع بروعة حضوركم


وآخر الكلام

( لم يكن بالإمكان افضل مما كان )

ومبروك علينا كلنا :)

[alqalei]

الكل انشاء الله مستفيد

بس السوأل الاهم

((( كيف يتم تحديد نوعية المستثمر وعلى اي اساس يتم التقييم )))

حــد ايجاوبني بسسسسسسسسسسس

[شرقاوي]

الكل انشاء الله مستفيد

بس السوأل الاهم

((( كيف يتم تحديد نوعية المستثمر وعلى اي اساس يتم التقييم )))

حــد ايجاوبني بسسسسسسسسسسس


ممكن توضح سؤالك اكثر