الخبر الرسمي لتخصيص ناقلات !!!

[قطر]

1233 فقط

مبرووووووووووووووك


وعقبها نسبه وتناسب

اعتقد 1.7%

بس بكم ماثبتت

فمان الله

[إنتعاش]

هلا فيك اخوي قطر

تسلم على الخبر

توني باكتبه

الاتصالات تشعللت الحين بشكل رهيييييييييب لكل واحد فينا


والخبر يقووووووول 1200 سهم


لكن ماجابو طاري النسبه والتناسب

ناس تقول 2.5% وناس تقول 1.7% يعني ما يندرى

بنشوف شنو تسفر عنه

ويااااارب سترك

[Qatary]

توني جاي اعدل موضوعي

الله كريم

[sulai6i]

ما ينعرف لكم والله

كل ساعه حاطين لنا رقم

[sulai6i]

اييييي والله اكمه حطوووووو في التلفزيون

[سوبر سهم]

هلا مشكور ياقطر


انتعاش

في التلفزيون فر عليه بتلقاه

النسبة صح

[الموفق]

ممكن استعلام انا اشوف وايد من المشاركين يكتبون نسبه في المائة مع اني سمعت العطيه ويوسف كمال ينفوها نفي قاطع اقصد النسبه والتناسب مدري يعني هم بعد نفيهم بينو شي

[إنتعاش]

اي والله


الخبر الرسمي

1233 سهم

و 1.7 % نسبه وتناسب

[sulai6i]

انزين .. يمكن يسوون مثل ما سوو في صناعات

عقب كم يوم تطلع المكرمة الأميرية

قولوا آآآآآآمين

[سوبر سهم]

الموفق

التخصيص لناس ثابت
1233

واللي شرا اكثر

بيكون نسبة وتناسب


بعد مايعطونه 1233 ايسون له نسبة وتناسب

:)

[جمال النعيمي]

السلام عليكم

التخصيص 1233 سهم + 1,7 % نسبة

والحمد لله

[sulai6i]

الحمدالله يارب

نعمة من رب العالمين


تسلم Jkf

[الغشمري]

الحمدالله يارب
يا شباب الحين الي دافع حق 5000 كم راح يطلع له :(

[عضو المنتدى]

الغشمري



إذا دفعت 5000 سهم


يعطونك 1233 سهم


5000 * 0.017=85 سهم

المجموع = 1233+ 85 = 1318 سهم



أعتقد والله أعلم

[سوبر سهم]

1297 سهم فقط لاغير

قولوا الحمدلله :)

[qatari1]

وين الشباب اللي قالوا 2000 و 3000 و 5000 سهم؟؟؟؟؟؟!!!!!!!
ماأدري شنو موقفهم ألحين قدام أعضاء المنتدى؟؟؟
ومصداقيتهم اللي أصبحت في مهب الريح؟؟؟

والله عيب عليهم اللي سووه...

ومبروك علينا 1233 سهم لكل بطاقة، وجزى الله بومشعل خيراًً

[قـطـريـه]

الحمدلله نعمه من الله

بس خساره الحين مافي اشاعات والله كانت مونستنا :D ,,,,,,,,,,,

[عسولة1]

تحية طيبة وبعد
أنا اكتتبت 50.000 ألف في بطاقة أي 10.000 سهم
ارجوا من الأخوان يحسب النسبة لي
ولكم جزيل الشكر
عسولة1

[إنتعاش]

عسوله

هلا فيج اختي

الاكتتاب مالج اذا كان في بطاقة وحده فقط يصير كالآتي :


1382 سهم

فقط

[بوسـ3ـود]

الحمدالله على كل حال .....

وترى ياناس محد خسر شي ...

بس اهم شي الواحد يحمد ربه ....

[Business Man]

شبـــــاب الخبــــر أكييييييييد و لا كل عااااده أشاعه ...


والى بيقـــول لنا اكيـــد ... يثبت لنــا انه صحيح

تحياتي

[mE mYself & i]

الخبر صحيح
من شوي وصلني من أكثر من مصدر

التخصيص 1233
النسبه 1.7%

[سوبر سهم]

آمين ياواحد في حاله:)

بس ماشكرت اخوي قطر

بيزعل ترى خصوصا قلت ماينعرف لكم ههههههههههههه


بوسعود

هلا اخوي اهم شي القناعه

وانهم يحمدون ربهم

:)

[قطر]

شبـــــاب الخبــــر أكييييييييد و لا كل عااااده أشاعه ...


والى بيقـــول لنا اكيـــد ... يثبت لنــا انه صحيح

تحياتي


شوف التلفزيون اخوي واعتقد ماحطيت شي من فراغ
اخواني واللي ايشككون

الموضوع لو مب صحيح كان ماتثبت من الاداريين

:mad:

[مافيا قطر]

الحمد لله على كل حال و1200 سهم نعمه نصيحه محد يبيع ياشباب لان راح يوصل 100 ريال لاتنسون ان

هناك اجانب داشين فى البورصه ومعاهم خلجين هوامير حسب ما الواحد يشوفه البورصه كل يوم


وان شاء الله سمو الامير طال الله فى عمره ماراح ينسانا نفس ما حصل فى الصناعات راح يحصل


فىالناقلات لكن مش اليوم يبيلها ايام معدوده والبشاره راح تسمعونها بعد كم يوم ان شاء الله

[mE mYself & i]

الكل يتأمل خير
ويحمد ربه

[الشقيان]

:D لا تصدقووووون هاذي اشااااااااااااااااعه :D

[Miss:Network]

مرحبا

ايه يا ناس يا هو خصصوا ...............


1233 سهم لكل بطاقة
و 1.07 للباقي من سعر الشراء على كل بطاقة



الواحد يقول الحمدلله ................ بس جد تحطمت .......... كنت بانية امال كثيرة فيها خير لي و لعائلتي .. بس للاسف ما الله راد ......................... :(

و الحمدلله على كل شي .......... و ان شاء الله اميرنا بو مشعل ما يقصر .................. و يفرحنا



و الحمد لله في الاول و الاخير .................

بس يا نااس يا هوووووووووووووو لا تبيعوووووووووون .. لانه راح توصل 100 ريال للسهم ............

فقللوا البيع عشان يثقل السعر ................


و حياكم

[فلان]

الحمدالله على كل شي

يعني بكره بيرجعون الفلوس الزايده؟ ولاّ بتاخذ يوم او يومين ؟

[قطر]

اللي في بنك قطر الوطني بيرجعون لهم الفلوس اعتقد بكره


لكن الباقي على اسبوع


:)

[مهره]

اول شي احب اقول السلام على الجميع
ثانيا الحمدلله
ثالثا والله حرام كنا متوقعين على الاقل 1500 او 2000 لكن الله كريم ويعوض علينا خير ,,,

[ملك الناقلات]

من وين مصدر الخبر
شكرا

[mE mYself & i]

موضوع أخوي قطر

http://www.qatarshares.com/vb/showthread.php?t=850

[Business Man]

أخــــوي قطــــر .. أول شي أنا واحد مب وحده فديت خشمك ...


والشي الثاني يالغالى .. أنا أدرس في أمريكــا و ماعندي قناة الجزيره و لا قناة قطر على شان أتأكد .. وحتى موقع الجزيره مانزل الخبر بالموقع ..

وياخي احنا نبي نتأكد لا اكثر ماشككناك .. وخاصة بعد ملايين الاشاعات الى اطلعت مؤخرا ...

تقبل تحياتي

[Le7dan-Qatar]

السلام عليكم

ومشكورين على النقل السريع للموضووع


والحمدلله على كل حال

بلتوفيق للجميع

[ضايق الصدر]

الحمد لله
والتوفيق للجميع
وياليتني متزوج وعندي 15 ولد
صدقوني بابيع الاسهم والاب توب
ومش شايفين نكي في المنتدى
هههه

[ضايق الصدر]

ثانكس اخوي قطر



شباب خبر اكيد ( اقصد اشاعة اكيدة )

التخصيص 5000سهم

وينهم الشباب اهل الاشاعات

[مستثمر طموح]

1233 سهم لكل بطاقة بـــــــــس


صج مهــــــــــــــــــــــــــــزلــة :mad:

[Le7dan-Qatar]

اخوي Business Man

خخخخخبر اكيد(من التلفزيون)

1233+1.7(.017)

ولك تحياتي يالغالي

[ضايق الصدر]

يا مستثمر طموح قول الحمد لله
واشكر ربك
ترى غيرك يتمنى نصها وما ايحصلها

[سهم طايش]

وين الاشاعات و اللي يقول 3000 سهم و اللي يقول ويحلف ان 2500 سهم بيخصصون

ارجعوا حق المشاركات السابقه اللي من يومين بتشوفون اصحاب الاشاعات من !!!

1233 سهم صدمه كبيره

بس الحمدلله على كل حال

و الله يعيين اللي تسلفوا

[ضايق الصدر]

سهم طايش رجاء لا اتجيب طاري السلف
لاني واحد منهم
وخليتني الحين اضرب اخماس في اسداس

[قطر]

اخوي بزنز مان اسمح لي وحصل خير :)

لحدان
ضايق الصدر

هلا فيكم ومبروكين

مستثمر طموح

قول الحمدلله وانا اخوك

:) غيرك القوا الاكتتاب عنهم
وغيرك ماقدر يكتتب

ومبروكين

[قطر]

سهم طايش الله ايعين الجميع

:)

وهلا فيك

[مستثمر طموح]

حمد للة وشكر بس يا ضا يق هم اللي عشمووونا بنشوف 1233 تخصيص نهائي ولا بعد فيها د زة


ولكل حادث حديث

ضاعت امالكم يا اهل قطر :(

[ضايق الصدر]

يمكن الله يرزقك يا مستثمر طموح
في الناقلات
او غيرها
ويمكن ايوصل سعر السهم 150 ريال وايعوضك بدل عدد الاسهم<---- لا احد ايطلع سوالف انا اتفائل
وسبحان الله ما تدري انت
ان الله يرزق من يشاء

[إنتعاش]

السلام عليكم ورحمة الله وبركاته


الاخوان الكرام المشاركين

احيطكم علما ً بدمج كافة اخبار تخصيص اسهم ناقلات في هذا الموضوع

لتجنب التكرار وشكرا ً لكم

:)

[qatar_moon]

لاحول والله تضايقت علشانكم

يالله قولوا الحمدلله على كل حال وهذا الي ربي اكتبه لنا من هالشركه

[سهم طايش]

الله يعينك اخوي ضايق الصدر و محد ياخذ الا رزقه

و هذا رزق مكتوب

و احسبها عدل قبل لا تبيع اسهمك علشان تطلع باقل الخسائر و اتمنى ما تكون هناك خسائر لك

لا تستعجل في البيع اول الايام

و الحمدلله على كل حال

(( و يا ضايق الصدر بالله وسع الخاطر 000 دنياك يا زين ما تستاهل الضيقه ))

[محمد]

شسالفه ؟ جالسين انطر كل واحد حاط رد قولوا الحمدلله و قولوا الحمدلله
حامدين ربنا من قبل ما ندش بالاسهم والحمدلله على كل حال ..
لكن هذا ما ينفي ان الي صار مهزله بصراحة وخاصه لصغار المستثمرين و الي باعوا الي حولهم عشان هالاسهم الي الكل ينطرها من سنه .. وهالنقطه لحد يحاول يقنع نفسه بعكسها الا الي حاط ملايين وينطر النسبه و التناسب .. طبعا ما راح يستفيد الا الهوامير .. حالها حال المواشي ..

تحياتي

[بيـــزات]

بس يا جماعه
الحين يقولون اللي اكتتب له شخص ثاني
تنلغي طلباتهم.. والا شسالفه

انا برع الدوحه واكتتب لي اخوي
افيدونا قبل لا اتصل وطني الحبيب صباح الخير

[ملكة الأسهم]

الحمد لله على كل حال ألف مره

مشكورين على الخبر

[ضايق الصدر]

لا اتخاف يا سهم طايش ما بة خسارة والحمد لله تنذكر
و الخسارة وانا اخوك خسارة الروح
وما اقول الا الخيرة فيما اختارة الله
اخوي محمد اسمع النصيحة
ترى الاكثار من ذكر الله زين ويجيب لك الخير ويفتح لك ابواب كثيرة ومش خسارة اذا ذكرنا الله وحمدناة وشكرناة على كل شي حتى لو بريال فايدة وحتى لو خسرنا انقول الحمد لله على كل شي
وعن الديون ترى الكل مديون واقول الحمد لله ما فيها شي اكسب اجر

[إنتعاش]

احيط الاخوان علما ً

بفتح حلقه حواريه عن نتائج التخصيص

على الرابط التالي :

http://www.qatarshares.com/vb/showthread.php?t=849

[قطر]

لا بيزات اطمئن هذا يعتبر قريب من الدرجة الاولى ماينلغي باذن الله

:)

وهلا فيك

[eXpert*]

الحمدالله رب العالمين ولو اني ضربتني ضيقة بالاول بس معليه ربك يهونها



بس القهر انه عالم تحلف وانها واصله وتعرف باللي ورا الكواليس ....... مابي اكمل

خل معرفتكم باللي ورى الكواليس تنفعكم الحين

والله ربي يعين اللي متسلفين ,,, اشهد الله ييسر امورهم يا رب

وان شاء الله فيه مكرمة من حضرة سيدي سمو الامير الشيخ حمد بن خلفية آل ثاني - طول الله بعمره- .

يالله خيرها بغيرها ومثل ما قالوا اخوانا لاحد يبيع يا ناس والمبالغ اللي بتنرد دخلوها مره ثانيه اما في

شركات ثانيه او في ناقلات لما تنطرح .

والحمدالله على كل حال .

ودمتم

[برزان]

مبروكين يا هل قطر تستاهلون كل خير و ازود نشاء الله

[eXpert*]

وخاصه لصغار المستثمرين و الي باعوا الي حولهم عشان هالاسهم الي الكل ينطرها من سنه ..

تحياتي


والله هالشي في خاطريّ اعرف واحد داخل بـ 600.000 ريال ، تهقى من وين جابها ؟؟

سلفية على موتر على على على .

الله يعينه والله .

[سارى الليل]

الحمد للة يمكن نتفاجاء بمكرمة من ابو مشعل لاتستبعدونة ماهى بعيدة علية

[محمد]

اخوي ضايق الصدر
الف حمد وشكر هالشي مانخلتف فيه يالغالي
لكن مادري اشوف ردود
قولوا الحمدلله و قولوا الحمدلله .. جنه ننطر زكاه مو جنه كل واحد حاط حلاله !!

[بيـــزات]

مشكور اخ قطر
الله يسمع منك
ويعطيك العافيه على الرد

[المستثمر القطري]

انشالله مانتفاجئ بالحساب ولا رادين الفلوس وانشالله نقرا في الجرايد بمكرمة الامير

[بوعبدالله2005]

السلام عليكم ورحمة الله وبركاته


كل واحد في هذا المنتدي او من الشعب القطري او حتى من المقيمين يحمد ربه على النعمه

نعم هذه والله نعمه من الله

يعني كل شخص حط حوالي 6226 ريال قطري

وبكره او عقبه يحصلها 60 او 70 الف او اكثر بذمتكم هذه موب نعمه


بلا والله انها نعمه


وبعدين خلونا من الطمع

وبعدين الله وحده العالم اذا كان التخصيص اكثر من هذه النسبه ايش كان يصير في قطر الخير

[سهم قطري]

صدقنوني ياجماعه انا حاس ان في مكرمة اميرية،،،وسمو الامير وجه وقال ان ناقلات صغار المستثمرين بيستفيدون منها واكيد بيعرضون عليه التخصص اللي قالوا عنه وعقبها بتنزل مكرمه بزيادة التخصيص وان شاء الله بومشعل مابيقصر

[Angel Rose]

سهم قطر و الغشمري

السلام عليكم الاخ سهم قطر حابه اصحح اللي قلته

الللي عنده 5000 سهم
يعطونه 1233 سهم
والباقي اللي هو 3767*.0017=64
يعني المجموع
1233+64 =1297


والحمدلله على كل حال

[Business Man]

ياشبـــاب ... الله يهداكم بس ...

الى يسمعكم يقول خسرتو ... محد خسر و لا ريااال يالربع ...

انتو شريتو السهم بـ 5 ريال و بتبيعونه باكثر من 4 اضعافه .. و الفلوس الى ماتخصصت .. اشترو فيها اسهم ارخص الشركات لانها بتضرب ان شااء الله ..

وهذي تراها ارزاق من رب العالمين .. وهذي حياة السوق و الاستثمر .. مافي شي بالساهل .. الواحد يركض ورى حلاله .. و الله سبحانه و تعالى قالى (( أسعى ياعبدي و انا اسعى معاك))

والخير موجود بقطــــر .. و الواحد مايصير طماع ... كل واحد يحط جهده و مب امعين الا الى يرضيه من رب العالمين ..

تقبلو مني احلا تحيه

[قطري]

الف الف مبرك للجميع وترى 1233 حلوين
قولوا الحمد لله ونعمة من رب كريم
والخير ان شاء الله جاي في الطريق
مع تمنياتي للجميع بالتوفيق

[qatari1]

أخي الكريم راشد السليطي...
اسمح لي أختلف معاك في الرأي حول الأشخاص الذين قاموا بالاقتراض من البنوك...
أولاً: الاقتراض من البنوك الربوية حرام...
ثانياً: حتى لو كان تمويل إسلامي-بطريقة أو بأخرى- الموضوع كان واضح من البداية وأعظم المحللين توقع 1700 بحد أقصى، ونصحوا المستثمرين بألا يكتتبوا بأكثر من هذا إلا إذا كانت لديهم سيولة..وبالتالي كان الأمر واضحاً من قبل الاكتتاب... ولكنهم أصموا آذانهم واستغشوا ثيابهم وأصروا واستكبروا استكبارا للاسف، وشطح بهم الخيال للوصول إلى 3000 أو 5000 سهم مثل البعض من الأغبياء هنا الذين حلفوا بأغلظ الأيمان، والطلاق على ما يقولون، واعتمدوا على ترويج الإشاعات ظناً منهم أنها ستحدث، أي كذبوا الكذبة وصدقوها..
ثالثاً:للأسف أثبت كثير من الناس عدم رضاهم بما قسم الله لهم من رزق، ولم يحمدوا الله أو يشكروه على هذه الفرصة الخيالية التي لا يمكن أن تجدها في أي دولة بالعالم..ووصل بهم الجشع والطمع إلى الاحتيال والنصب للحصول على الأسهم بأي طريقة..
رابعاً وأخيراً: اثبتت هذه التجرية أن هناك جهلاً تاماً بالثقافة الاستثمارية، ولعل هذا الدرس يعيه المواطنون جيداً في الاكتتبات القادمة بإذن الله، وما زال في السوق خير كثير بإذن الله.

[classic2004]

الحمد لله على كل حال ..


ضايق الصدر :)

15 ولد عاد ؟؟؟

[XP.Qatar]

الحمدالله رب العالمين ولو اني ضربتني ضيقة بالاول بس معليه ربك يهونها



بس القهر انه عالم تحلف وانها واصله وتعرف باللي ورا الكواليس ....... مابي اكمل

خل معرفتكم باللي ورى الكواليس تنفعكم الحين


HaHaHa ....

That's really the problem .... and it's made a shock for who belived them ....

Finalley ... Thank godness ... for every thing ...

I think this's our Amir gift ... 1233 is good number I think ...

Thank's alot Qatar for this topic ...

Cheer's

[ولد قطــــــر]

مبروكيييييييين و تستااااااااااااهلووون 1233 الحمدلله نعمه ... لان متوقعين لها في السوق انشالله فوق ال 70 ..

وانشالله تعوضونها في الصناعات المتوسطه اللي متوقعين تنزل هالسنه انشالله .

[ام طلال]

معوضين خير ياهل بلادي الحبيبه
قطر
وان شاء الله بكرة يثولون مكرمة اميرية
ويزيدون عدد الاسهم

أطيب الأمنيات
ام طلال

[بيـــزات]

حياج الله ام صلال
ونورتي المنتدى
-------------------

ونصيحتي لا تتعشمون باكثر من الموجود

والحمد لله والشكر على جميع النعم

[keep calm]

الحمد للة على كل حال 1233 نعمة كثير من الناس زعلانين كانة ماخذيين من عندهم فلوس انصدموا با الخبر مايدرون انة كل ماقل عدد الاسهم زادت قيمتها والحمد للة الدولة الوحيدة الي تعمل تخصيص لمواطنيها اللحين ننسى ونركز على الحركة المتوقعة للبورصة في ظل هذة الظروف المجهولة المصير ز

[الفهد]

Random calculations
expecting that the price was at 50 limits
35* 1233 = 43155
40*1233 = 49320
50 * 1233= 61650
100* 1233 = 123300
150 * 1233 =184950
waiting when the Ipo shares will be listed in the marketl
but i have a question ? the pepeople who invested less than 1233 shares will get 1233 shares , but i did invest a 1233 shares so , i want the 1233 and i dont need the 1.7% shares because that harms the small investors while its working with big investors. good luck for all

[الفهد]

1233 سهماً الحد الأدني للتخصيص في أسهم ناقلات والزيادة بنسبة 7.1%
الدوحة - الراية :صرح سعادة السيد عبدالله بن حمد العطية النائب الثاني لرئيس مجلس الوزراء وزير الطاقة والصناعة ورئيس مجلس ادارة شركة قطر لنقل الغاز المحدودة ناقلات بأنه سيتم تخصيص أسهم ناقلات كما يلي: 1- جميع الأسهم المكتتب بها للمكتتبين الذين اكتتبوا في أسهم تقل عن 233.1 سهما. 2- ما نسبته 7.1% بما يزيد عن 233.1 سهما أي 17 سهما لكل ألف سهم مكتتب بها فوق 1233 سهما

[alkaabi]

الحمدلله على كل حال

1233 سهم

غيرنا شهور واخرتها 8 اسهم ولا 10

اللهم لك الحمد والشكر

[التركوازي]

الحمدلله ... 1233 نعمه ... غيرنا مب محصلها ... انشالله تقك الكربات ... وتساعد على فك الديون ... ( تراني شارد من راعي المغسلة ... مادري كم يطالبني ؟؟ هههه ) ... المهم ... كل واحد يصلي ركعتين لله ... شكر وحمد ... على هالعطايا ...

[متسلف وفي الاخير]

السلام عليكم ورحمه الله وبركاته يشرنفي ويسعدني انضمامي لهذا المنتدى والله يوفقنا انشالله وياكم

اول شي اقول الحمدلله على كل حال والله يعين كل من تدين حق اسهم ناقلات وانشالله بومشعل مراح يقصر وتفائلو

بالخير تجدوه لاتنسون انكم في منتدى قطري ويعكس واجهت البلاد الواحد يقول الحمدلله على كل حال وانشالله

العوض ولا الحريمه وبصراحه ماكنا متوقعين انه التخصيص يكون بهالطريقه مع الاسف وانا عن نفسي كنت اخطط

واتخيل اني باسدد نص سلفتي لكن للاسف الحين ماقول غير الله يرحمنا برحمته

[qatar_moon]

اخوي بقولك شي ولاتزعل

صراحه تصرفكم غلط وانا مانصح ابد بالسلفيات والمفروض الواحد يحط على قد الي عنده

ليش

لان احنا ماندري كيف الامور بتسير ومع ان كان واضح ان مستحيل يحصل كل فرد اكثر من 1500 سهم

لان ماشفتوا استعداد الناس لها

وركود سوق الاسهم قبلها

والكل تجهز لها الكبير والصغير بعكس صناعات الي محد درى عنها

[محمد بن حمد]

الاشاعات هي اللي ذبحتنا
وخاصه هني كل شوي واحد داق على صدره ويقول ابشروا بال 3000 سهم والثاني ابشروا والخبر اكيد بال 2000 سهم وليش كل هذا ما تعرفون الصج قولوا ما نعرف مب عيب ولا حرام اما تعشمون خلق الله واخرتها ياريت جبتو شي قريب من العدد الصحيح .
المهم خلها على الله العدد ما كان متوقع ابدا وبعيد عن كل التوقعات اخر شي كان الواحد ممكن انه يفكر فيه بس صدمه على الكل كانت .. الحمد لله على كل حال

[مهل]

صدقت يا بونوره فعلا الكـل اكد لنا ان التخصيص راح يكون 3000
:mad: المشكله ناس شغالين في البورصه هم اللي طلعوا هالاشاعه القويه
لكن الحمد لله بعد نعمه من ربي نحمد عليها

[النورس]

لا زال الأمل موجود ألين ترجع الأموال

والحمد لله على حال

[قطر]

:) هلا بالجميع


ويالنورس الاموال بكره راجعه لكم

التأخير كان لاتخاذ القرار بقصة بطاقات المتوفيين وقصص البيع

:)

الأمل انتهى واملك بالسعر ابتدى
شدوا حيلكم
سلالالالالالالالالالام

[ابوعلي اليافعي]

اخوي قطر اذا كان عندك فكره هل الاموال سترجع الى الحسابات الي فالبنوك المختلفه ام ان هناك شيكات يجب ان تصرف اولا ؟

[محمد بن حمد]

ابو علي بالنسبه للي دفعو من حساباتهم الفلوس راح ترد لحساباتهم اما بالنسبه للي دفعو كاش او شيكات فالفلوس راح ترد بشيكات
واذا تبي تستفسر اكثر اتصل على بنك قطر الوطني واطلب قسم الاستثمارات واسالهم
على ها الرقم 4407407
تحياتي
وعلى فكره الفلوس راح ترد يوم الاحد يعني بكره

[ابوعلي اليافعي]

مشكور اخوي بونوره على توضيح..وجزاك الله خير