المساعد الشخصي الرقمي

مشاهدة النسخة كاملة : استفسار بخصوص كروزر دفع رباعي


Small Investor
15-02-2007, 12:28 PM
السلام عليكم

اكيد كلنا سمعنا عن الكروزر الدفع الرباعي والي اعرفه منه ان السياره تسير على قوة الدفع الرباعي الى سرعة 80 ثم ينفصل الدفع الرباعي ويتحول الى دفع خلفي فقط

طيب اسفساري هو انه يوجد زر للدبل وجير صغير للدبل ممكن حد يوضح لي الفكره والفرق بينهم وذلك بوجود قوة الدقع الرباعي ؟؟

يمكن سؤال غبي بس انا متاكد انه في ناس كثير ماتعرف لاني سالت ومحد فادني فياليت حد يفيدني

وشكرا
جنيه ذهب
15-02-2007, 01:00 PM
اخووي بخصوص الزر الي على الطبلون وتحديدا تحت زر رفع الاريل هذا فايدته انه يعتبر الدبل السنقل يعني الخفيف مثال اذا دخلت رمله بسيطه وتتمشى سلولي اكبس على الزر وتمشى اما اذا غرزت وطبنت في رباظه وسخه مو مطلعك الا الدبل الثقيل الي هو تحت ( القير ) فهمت اخوي يعني باختصار الزر هو دبل خفيف والقير الدبل الثقيل ...

وتحياتي لك ،،،
alwahesh
15-02-2007, 02:13 PM
جزاك الله الف خير يا جنيه ذهب يا كيلو ذهب
Small Investor
15-02-2007, 03:45 PM
اخووي بخصوص الزر الي على الطبلون وتحديدا تحت زر رفع الاريل هذا فايدته انه يعتبر الدبل السنقل يعني الخفيف مثال اذا دخلت رمله بسيطه وتتمشى سلولي اكبس على الزر وتمشى اما اذا غرزت وطبنت في رباظه وسخه مو مطلعك الا الدبل الثقيل الي هو تحت ( القير ) فهمت اخوي يعني باختصار الزر هو دبل خفيف والقير الدبل الثقيل ...

وتحياتي لك ،،،


السلام عليكم

اخي جنية ذهب يعطيك العافيه على الشرح المبسط ... لكن المشكله انه انا اعرف انه هالدبل هو الصغير والي تحت هو الدبل العوود ...... بس انا استفساري بخصوص اذا السياره دفع رباعي لين 80 وعقب بتفصل .
لانه اذا في رمله سرعة ثمانين وايد يعني الدبل مب فاصل تحت الثمانين .... فا شالفايده من الدبل الصغير في حالة الدفع الرباعي
سمو انسان
15-02-2007, 03:54 PM
يالطيب الدبل اللي يجي من الوكاله من وكالة عبدالغني هدفه واحد وهو ان يمنع الشباب من الاستعراض واذا فصلته يطيح الضمان
hamoor4ever
15-02-2007, 04:00 PM
اعتقد انه يخلي الدبل الصغير شغال على طول حتى فوق الثمانين .. او اخوي يمكن انه يزيد قوه الدفع الامامي عن بدون ماتضغط الزر ..

لان الدبل الصغير فكرته انه يكون الدفع الامامي اقل قوه من الدفع الخلفي ع سبيل المثال
الامامي يكون مثلا 25% والخلفي 75%

اما الدبل العود يخلي الدفع متساوي بنسبه 50% للامامي و 50% للخلفي

وشكرا
Small Investor
17-02-2007, 12:36 AM
السلام عليكم

اولا شكرا على سرعة تجاوبكم .... لكن المشكله انه محد رد على سؤالي وهو

مافائدة الدبل الصغير ( السنجل ) في حالة انه السياره تكون دفع رباعي الى سرعة ثمانين
لاني جربته وماعتقد انه كان في اي فرق
سعادة الوزير
17-02-2007, 02:55 AM
اعتقد انه يخلي الدبل الصغير شغال على طول حتى فوق الثمانين .. او اخوي يمكن انه يزيد قوه الدفع الامامي عن بدون ماتضغط الزر ..

لان الدبل الصغير فكرته انه يكون الدفع الامامي اقل قوه من الدفع الخلفي ع سبيل المثال
الامامي يكون مثلا 25% والخلفي 75%

اما الدبل العود يخلي الدفع متساوي بنسبه 50% للامامي و 50% للخلفي

وشكرا

هذا الكلام السليم.

هالسيارات فيها ترس تفاضلي وسطي، او الي يسمونها كارونه، وهي تشبك الدفريشن الامامي مع الخلفي وتمنع ان التروس تتكسر اذا مشيت على القار والدبل شغال، لذلك هالترس الوسطي موجود في السيارات الي الدبل شغال على طول. لذلك وظيفته انه يغير اتجاه العزم بحسب شكثر التواير ماسكة في الارض، اذا التواير الخلفيه تدور على الفاضي فهو يوجه القوه للتواير الامامية عشان تطلع السيارة، والعكس صحيح.

الزر الي في الطبلون وظيفته انه يقفل هالترس ويخلي القوه تتوزع 50 و 50 بين قدام وورا مثل ماقال اخونا هامور.

وعلى فكرة، ترى سالفة ان الدبل يفصل بعد ال 80 هاذي غير صحيحة بالمرة، الدبل مايفصل حتى لو سرعة 200 كيلو، بس الترس الوسطي هو الي يتحكم في توزيع العزم. والي يشتغلون في الوكالات ويقولون هالكلام اسمحولي اقول عنهم انهم "ثيران" ولا يفهمون شي اكثر من هل قطر الي يروحون لهم ويسئلونهم!!
hamoor4ever
17-02-2007, 03:58 PM
هذا الكلام السليم.

هالسيارات فيها ترس تفاضلي وسطي، او الي يسمونها كارونه، وهي تشبك الدفريشن الامامي مع الخلفي وتمنع ان التروس تتكسر اذا مشيت على القار والدبل شغال، لذلك هالترس الوسطي موجود في السيارات الي الدبل شغال على طول. لذلك وظيفته انه يغير اتجاه العزم بحسب شكثر التواير ماسكة في الارض، اذا التواير الخلفيه تدور على الفاضي فهو يوجه القوه للتواير الامامية عشان تطلع السيارة، والعكس صحيح.

الزر الي في الطبلون وظيفته انه يقفل هالترس ويخلي القوه تتوزع 50 و 50 بين قدام وورا مثل ماقال اخونا هامور.

وعلى فكرة، ترى سالفة ان الدبل يفصل بعد ال 80 هاذي غير صحيحة بالمرة، الدبل مايفصل حتى لو سرعة 200 كيلو، بس الترس الوسطي هو الي يتحكم في توزيع العزم. والي يشتغلون في الوكالات ويقولون هالكلام اسمحولي اقول عنهم انهم "ثيران" ولا يفهمون شي اكثر من هل قطر الي يروحون لهم ويسئلونهم!!


كفيت ووفيت اخوي
Qa6ar
17-02-2007, 09:03 PM
يعطيك العافيه

اخوي تبي الفايده منه روح النقيان وادعس على الموتر اتحص يطلع صوت بالكارونه قدام

لأن الدفع الامامي من الوكاله يمكن بقوه تقريبا 10 في الميه وتسعين للدفع الخلفي

او 15 الى عشرين بالميه بس اذا شغلت الدبل اللي في الطابلون يكون الدفع متناصف من القير

يعني بقوه خمسين في الميه وراء وامام لكن الدبل الكبير اذا الموتر مغرز حده فأنه مايتحرك

واذا حركته طلعت ريحت الكلتش اذا كان الدفع عادي او اوتاماتيك

فلذلك وجب التنويه ومن واقع خبره سواء في الجي اكس او الجي اكس او الفي اكسر:)

الكل سواسيه بهذه الانظمه