راحت علينا مع التداول الالكتروني !!!!!!

[مساهمة بسFresh]

بسم الله الرحمن الرحيم

تدرون ان كثير من الموظفين راح يتوهقون مع التداول الالكتروني !!!!!!!!
تدرون ليش؟؟ لسببين :
الاول : ان بعض الجاهات امنعت الانترنت عن موظفينها
الثاني بعض الجهات اساسا لم يكن بها انترنت ( مثل المكان اللي اشتغل فيه ) :(

وانتوا عارفين ان التداول يكون بين التاسعة الى الاحدعش ونص , اقصد يعني ان السوق شغال في هالفترة وهاذي فترة الذروة للتداول , يعني راحت على الموظفين اللي ماعندهم انترنت

انا مااقول ان التداول الالكتروني شي سلبي بالعكس , احسن من الاتصال لان صعب اتصيد خط مع اي من شركات الوساطة الا باليالله , بس شيسوي اللي ماعنده انترنت ؟؟؟

الله يستر بس :confused: :confused:



اختكم مساهمة

[ابوعلي اليافعي]

اختي مساهمه..بالنسبه للتداول الاكتروني ان تم تفعيله فانه لن يلغي التداول عن طريق الهاتف او عن طريق تعبة الطلبات لان هناك عدد كبير من المستثمرين لايجيدون استخدام هذه الطريقه او استخدام الكمبيوتر من الاصل وهناك من يكون في مواقع عمل لايوجدفيها هذه الخاصيه لذلك ستبقى جميع طرق التداول مفتوحه للجميع والتنويع سيخفف الضغط على الهاتف والازدحام الذي يحدث في مكاتب الوساطه...

[كويتي فهمان]

مراحب
مشكورين على هالموضوع

التداول الاكتروني راح يسهل الطريقه على المساهمين
مو كلهم بس خلنا نقول الاغلبيه منهم
على الاقل احنا الي برا يفكنا من الاتصالات والوسيط الي تحب الارض 30 مره يالله تلقا الي يرد عليك
او يعبرك وبعدي انا اقول الطرق الاخري لا تلغي مثل التعبئه النماذج او الهواتف



ودمتم

[qatar_moon]

لحظه هذا متى بيصير

متى يعني بيطبقونه

[سوبرمان]

لحظه هذا متى بيصير

متى يعني بيطبقونه


قولي إن شاء الله قريب

تعبنا وحنا نسمع ماندري متى يطبق بس نقول قريب يارب

[qatar_moon]

مشكور اخوي سوبرمان على ردك

يعني قريب ان شاء الله بتفرج

مابغوا :court:

الحين العالم بيخترعون تداول عن طريق شي ثاني :D

وهم توهم بيطبقونه

[سهم عتيج]

لحظه هذا متى بيصير

متى يعني بيطبقونه


مع بداية السنة القادمة مثلما صرح مصدر مسئول بلجنة السوق..

بالنسبة للتداول الكتروني فهو ليس شرطا ان يضع الشخص طلباته أثناء الدوام الرسمي للبورصة,, فممكن يحط الطلب قبل يوم أو أي وقت مادام انه في حدود اللمت أب وداون المسموح به على حسب علمي

أعتقد ان لكل حادث حديث عندما يتم تطبيق التداول الالكتروني

والله يوفق الجميع

[qatar_moon]

مشكور اخوي سهم عتيج

ان شاء الله مايتأخر

[ماجد]

انا مادري ليش انتي مستاءه من الموضوع ؟؟؟؟؟

بالعكس اللي اشوفة ان التداول الالكتروني راح يسهل ويبسط اشياء كثيرة وراح يلغي امور سلبية كثيرة

ناهيك عن حجم التداولات اللي متوقع له زيادة كبيرة وخصوصا من الاجانب او من الاخوة الخليجيين

واللي راح يكون له تاثير ايجابي على السوق بشكل عام .

اما بالنسبة للبيع والشراء عن طريق الهاتف ما اظن انهم يلغونه !!!!!!!!!!!!!!!!!

[مساهمة بسFresh]

انا مادري ليش انتي مستاءه من الموضوع ؟؟؟؟؟



بالعكس والله انا مش مستاءه لاني عارفة ان التداول الالكتروني اسهل بكثير وراح يحل مشاكل كثيرة ان شا الله لكن كنت مفكرة انهم يلغون التداول عن طريق التلفون :confused: :confused:

بس الاخوان ماقصروا وقالوا انه ماراح ينلغي :app: :app: :app: :app:

اتمنى لكم التوفيق باذن الله


اختكم مساهمة

[qatarilover]

مع التداول الالكتروني يجب أن تقل عمولة الوسيط بشكل كبير. العمولة الحالية أصلا ضرب من الخيال.

[ميمون]

وجه نظري انا اقول لو يعملون طريقه sms حق تنفيذ الاوامر البيع او الشراء يكون افظل مو جذي

[محمد]

مالج الا تاخذين سوني اركسون p910i ولا imate وتشبكين النت منهم بالgrps <<< يكون حليتها يعني

[jassim]

مشكور على الخبر

[qnet]

السلام عليكم

بالعكس أخوي راح يسهل على الجميع

في جهاز موبايل أسمة أي ميت راح يسهل لك عملية الدخول الى الانترنت
وهو عباره عن جهاز كمبيوتر متكامل

وتدخل من خلاله الانترنت ويسهل عليك اكثر ووتنقل فيه اي مكان تحب
في السياره في البيت في الشغل الوقت قاتل يعني وهذا الي يهمك فيه

وسعره 2500 ريال ولا شي مع شتراك شهري 20 ريال حق الانترنت من كيوتل