موضوع خاص ...

[ريم]

أرجوا من الاخوة والاخوات عدم أخذ توقعاتي بمحمل الاكيد حيث أنها مجرد توقعات مبنيه على تفكيري ونظرتي للسوق وأنا فقط ابدي رأيي لاغير ....وارجوا منكم عدم الزعل مني اذا أخطاءت لانكم والله تعنون لي الكثير ولا أرغب بأن أبتعد لفتره من المنتدى وهناك من ماخذ علي في قلبه أو بيني وبينه اي أختلاف عموما أخواني أخواتي حيبت أودعكم لفتره مايقارب الشهر وذلك لسفري خارج قطر (( بصيف في مصر :eek2: )) وأتمنى من الله يوفقكم جميعاً وأن أرجع من من سفري ولا يوجد بينكم الخسران .. وكذلك حبيت أن أشكر أستاذي الكبير والذي أكن له كل التقدير والاحترام على سعه قلبه لي ومشورتة الطيبه الأخ أبو علي اليافعي وكذلك كل الاخوة المشرفين والمراقيبن والاعضاء
... أختكم ريــــــــــــــــــــــــــــــم

[كحيلان]

الله يحفظك وترقعي لبلدك وانتي زي العسل وتكوني غسلتي هموم الاسهم هناك. سلاميلي على البهوات ومتنسيش كتري من الكشري تراه مفيد لبورصه الدوحه لشهر 9 .

[ICE]

بالسلامة ان شاء الله و لا تنسين الصوغة

[مساهمة بسFresh]

الله يحفظك وترقعي لبلدك وانتي زي العسل وتكوني غسلتي هموم الاسهم هناك. سلاميلي على البهوات ومتنسيش كتري من الكشري تراه مفيد لبورصه الدوحه لشهر 9 .
ترقعي؟؟؟؟؟

ريم رايحة مصر ان شا الله ولا التاير امبنشر عندج؟؟؟ :p :p :p ;) ;) ;)

عموما الله يحفظج وتردين لنا سالمة ان شا الله

[barod]

تروحين وتردين بالسلامه وفي حفظ الله

[سهم طايش]

تروحين و ترجعين بالسلامه

رايتج بيضا و ما شفنا منج الا كل خير

بالتوفيق ان شاء الله

[أمة الله]

نستودع الله دينكِ و أمانتكِ وخواتيم أعمالكِ

(( لا تنسينا من صالح دعائج وان شاء الله تستانسين هناك ^_^ ))

[أبو عبدالملك]

بالسلامة أختي ....




ولاتنسين الفول والطعمية في الصباح ...من عند العمدة



والغداء كشري ....في ابو شقرة ....



والعشاء ....في سمير اميس ....



والبسبوسة والكنافة بالقشطة من العبد اللي في الحلمية ....




وترجعين وتلاقين الأسهم مولعة فووووووووووق ...

[ابوعلي اليافعي]

الله وياج اختي ريم والله يوفقج في حلج وترحالج ..وترجعين بالسلامه


..في امان الله..

[بربوش]

في امان الله وتروحين وترجعين بالسلامه :eek3: :eek3: :eek3:

[دنيا الاسهم]

مع السلامة اختي ريم
وسامحينا اذا قلنا شي او اعترضنا على شي ;)
واللة يحفظك ويرعاك

[المستثمر المتواضع]

تروحين وتردين بالسلامه

[ماجد]

درب السلامة انشالله

[سهم عتيج]

تروحين وترجعين بالسلامة

[رحال]

لا تنسيين تمرين على بورامي 00 واطلبي ريش وكباب !!!

[Qtri]

[/i] من قدج ياريم بتروحين مصر بتشوفين النيل وزحمة المصريين انصحج لاتركبين تكاسيهم تراهم يفلعون :court: الواحد بكروت الدعايات خاصة فوق الكباري فليلل ولاتكلين لابط ولاحمام ولامنغه مصريه تراه يخرب الرجيم :deal: وسفره موفقه وتروحين وترجعين بالسلامه :nice:

[ريم]

:D شكرا لكم جميعاً وتبون الصج وايد مشتاقه لكم والله تبون الصج مب عارفه أشون اوزع وقتي واليوم حصلت فرصه قلت بأتطمن عليكم وبجوف شنو أخر أخباركم وعني أنا وايد طيبه والحمدالله صج وايد مستانسه ولا أيفوتكم أخر موقف :eek2: وأنا يالسه في الشقة الا أدور ولدي حمود ( 6 سنوات ) أكبر أعيالي ساعه وهو محد دروناه ودورناه الحارس أيقول مايدري وماجافه قلت بس خلاص :con2: أحين بتتصل العصابه وبيطلبون فدوه :eek3: طبعاً هاي العصابه الي باقت ولدي شنو الحل ياااااااريم :con2: شكلج بتبيعين أسهمج :eek3: وبخسارة :eek3: :eek3: :eek3: ولدج ولاا الاسهم طبعا :con2: ولدي
أشوي ولاجرس باب الشقة أيرن :con2: توقعوا من حمود ولدي وجارنا إلي تحتنا ابدور طبعاً قطرين وتوهم من يومين واصلين الا أيقول ولدكم يالس يلعب معا بنتنا ولا أتخافون عليه :D خذت حمود منهم وجان اوقوله تبي تلعب نادها تلعب معاك أهني :D وأرتاح قلبي طبعاً :D وهاي سالفه وحده من سوالفنا الي صارت أهناك طبعا مافي وقت معين الوقت كله تمشية ودواره ووالله وايد الجو حلوووو (( :eek2: رفيجتي أتقول الجو عندكم رطوبه وحر )) الله ايعينكم ياااااااااارب وربي أيوفقكم أنشالله أختكم
ريــــــــــــــــــــــــــــــــم

[ابوعلي اليافعي]

:D (( :eek2: رفيجتي أتقول الجو عندكم رطوبه وحر )) الله ايعينكم ياااااااااارب


هلا اختي ريم..

بالنسبه لرفيقتج ماعليج منها بالعكس الجو روووعه وبارد ومنعش جدا..


http://www.asmilies.com/smiliespic/3dsmilies/36_1_47[1].gif

[أبو عبدالملك]

[COLOR=Red] :D شكرا لكم جميعاً وتبون الصج وايد مشتاقه لكم والله تبون الصج مب عارفه أشون اوزع وقتي واليوم حصلت فرصه قلت بأتطمن عليكم وبجوف شنو أخر أخباركم وعني أنا وايد طيبه والحمدالله صج وايد مستانسه ولا أيفوتكم أخر موقف :eek2: وأنا يالسه في الشقة الا أدور ولدي حمود ( 6 سنوات ) أكبر أعيالي ساعه وهو محد دروناه ودورناه الحارس أيقول مايدري وماجافه قلت بس خلاص :con2: أحين بتتصل العصابه وبيطلبون فدوه :eek3: طبعاً هاي العصابه الي باقت ولدي شنو الحل ياااااااريم :con2: شكلج بتبيعين أسهمج :eek3: وبخسارة :eek3: :eek3: :eek3: ولدج ولاا الاسهم طبعا :con2: ولدي

/COLOR]




والله عقلك بالأسهم ....حتى في هاللحظة الحرجة .....




ماأقول الا .....









































الله يخاااااااارجنا ....