محل مانجو..يحب الboyfriend!!!واعجبي!!!

[alanood]

البارحة كنت مع احدى اعز صديقاتي و التي تدرس في بلد اخرى و تأتي في الاجازات بلدها الدوحه..
و عز عليها ما رات..
تقول لي:alanoood يا الله...انا في قطر؟؟ما غبت عنها وايد!!
شللي صار..
شافت وجيه و كشيش ملونه..
انصدمت..
و زحمة و اشياء انتوا تعرفونها..
بس احنا غلطنا رحنا الساعه 7..
ولكن لانها جات فترة جدا بسيطة و اضطرت تجيب اغراض من المجمّع اللي رحنا له..
دخلنا مانجو....
توها ما خلصت من شكوتها الا و تي شيرت اسود و قلب احمر عليه مكتوب:
I LOVE MY BOYFRIEND!! تعرفونها ما يبي لها ترجمه!
و اتوقع اليوم اللي بيروح ما بيعينها اكيد خلصت من السوق..
مسكينه ماشية فاتحه حلجها من هول الصدمه اكلمها..تقول معقولة...غزو بهالطريقة يبون بناتنا يلبسون هالعبارات...لا وانا اضحك اقول لها ماشفتي شي..
بصراحة ما احب اكبر الموضوع وايد...بس لانها غابت فترة عن الدوحة تفاجئت...
بس ف هالبلوزه!!معاها حق..

[الراقية]

لا حول ولا قوة الا بالله
على الاقل هالكلمة معروفة وممكن الواحد يتجنبها ....بس في عبارات الله يرحمنا ويلبسونها وهم ماعندهم خلفية عن المكتوب عليها

تحياتي لك يالعنود وتسلم يمناك

[alanood]

لا حول ولا قوة الا بالله
على الاقل هالكلمة معروفة وممكن الواحد يتجنبها ....بس في عبارات الله يرحمنا ويلبسونها وهم ماعندهم خلفية عن المكتوب عليها

تحياتي لك يالعنود وتسلم يمناك
اي والله صدقتي يالراقية...
اضافة رائعه منك اختي في عبارات الواحد يجهلها..ويلبسها دون توقع لما تخفيه من معنى

[بوخالد2]

لاحول ولاقوه الابالله

تونا في الحمد الغزوووو مستمر crazy

[السديم]

وما خفي كان اعظم ..

شاكرة لج اختي العنود ..

[ابوعلي]

نرجع ونقول للأسف الضعف في الرقابة من قبل الجهات المختصة

وايضا الرقابه والحذر من رب الاسره

ويعطيج العافية اختي على الموضوع

[البركان]

على قول الاخت الراقيه

هالجمله معروفه والكل يعرفها

لكن المشكله عندنا فى الكويت شئ لايوصف

فى بنات يلبسون ملابس ويتركون البطن ماعليه شئ ويسمى الكت

وفى جمل على التى شيرت مثلا

تعال بوسنى

تعال احضنى

شفايفى عجيبه مع صور شفايف


وصور وكلام ماادرى اهلهم يدرون عنهم والا لا

اللى عندكم يااهل قطر شئ لايوصف من اللى عندنا


لكن الامر لايتعدى ان يكون حريه شخصيه يجب على الكل احترام اراء الاخرين


الزين والشين فى كل بلد

[khaldoon]

لا حول ولا قوة الا بالله

يمكن الرقابة ضعيفه على مثل هذه البضائع

بس وين رقابة الاهل و الرقابة الذاتيه اللي المفروض تكون موجوده عند البنات اللي يلبسون هذه الثياب

اللي تتعذر بالجهل وحسن النيه فعذرها اقبح من ذنب

واصنع ما شئت فانك مجزي به

[مغروور قطر]

موضوع رائع بالفعل الكلمه سهله ومفهومه ولكن هناك الكثير يشتري تي شيرتات وعليها بعض الكلمات التي لا يفهمها او مايدقق فيها وهم خاصه ملابس الاطفال هو تفكيرهم غزو اطفال المسلمين علينا قبل الشروع في الشراء ان نقراء ونفهم مايكتب على الملابس شكرا لج اختي العنود

[غزلان]

حسبي الله عليهم

شكرا

[الالكترونى]

هذا اخر الزمان

الله يرحمنا برحمته

[هاجر]

والله العيب يالعنود لا بالمحلات ولا باللي يصدرون لنا هذي الأشياء العيب في البنت اللي تروح وبكل وقاحه عشان تشتري تي شيرت مكتوب عليه هالعبارة الماجنة الوقحة عبارات الكفار وماأظن اللي بتشتريه غافله وإلا مسكينه ماقرأته عدل ناسيه النظارة بالبيت ، والله العظيم عيب الرقابه لازم تكون من داخل الشخص نفسه وأعتقد اهلنا الله يرحمهم ويرحم امة محمد - صلى الله عليه وسلم - ماقصروا ربونا أحسن تربيه وينتظرون منا نرد لهم الجميل بالمعروف والخلق الحسن مو بقلة الحيا والمصخره




الله يعطيج العافيه العنود شيء يقهر وينرفز ويضيق الخلق

[أمة الله]

لا حول ولا قوة إلاّ بالله

( كلكم راع وكلكم مسؤول عن رعيته )
ألوم الجهات المسؤولة عن رقابة الوارد بشكل رئيسي ومن ثم اللي يشترون

[ضوى]

ما الوم المحلات اصلا هم شئ عادي عندهم ولا حرج في ذلك

العيب في البنت نفسها وتقليدها الاعمى لكل ما هو غربي

المشكلة مو بهاي العبارة بس الا بعبارات اشد فحشاً وبذاءة

الف شكر لج اختي عنوووود

[Bo 3li 212]

الله يستر علينا من الأيام الجايه

ومشكوره أختي العنود على النقطه اللي لازم الكل يلتفت لها

ويعطيج العافيه

[alanood]

اشكر جميع المرور على ما تفضلوا به من اضافات رائعه..
ولفت انتباهي اضافة الكويت للموضوع الرائعه...والمتمثلة في البركان:)
اخوي احنا نروح الكويت دايم و الله عن نفسي شفت الكويت الاول و الحين فرق كبير افضل من الاول...
بس مثل ما تكرّمت فيه الزين و الشين فكل مكان..
لكن ما قصدته هو ان الدوحة جديد عليها هالشي..
و كل ما جدّ من جديد..كان سريع الوقوع..
وكل تغير يأخذ بعض الوقت عندنا لأ...سريع جدا مع العمالة الوافدة و الاجانب و انكل سام...
خخخخخخخخخ تعرفونه!
بس اضحك من شر البلية..لو ان الموضوع ما يضحك...
شكرا لكم جميعا...

[المخلب]

مسكينه .. توها ماشافت شئ .. كل ما زاد الطلب على هل الامور زادت البلاوي ! .. لو محد شرى كان ماجابوها ..

الله يكون بالعون .

[alanood]

اشكرك عالمرور اخوي المخلب..

[بيبي هامور]

لا حول ولا قوة الا بالله

الله يستر من القادم

شكرا لك أختي العنود

[alanood]

شكرا لك بيبي بدور:)

[شاهيناز]

هي جات على الكلمه

مره رحت مانجو شفت ملبسين العارضه ملابس غير محتشمه

ولابسه عقد مكتوب عليه( الله)

راحت وحده من هلي وتمت معاهم لين شالو العقد

بس الشرهه على الرقابه الي تاركتهم على كيفهم كلمات وصور محرمه على التي شيرتات

ولا حد يقدر يتكلم

وتسلمين اختي

[شـــوق]

الله يرحمنا برحمته احنا في زمن الفتن
اللهم ثبتني وإياهم،،آمين
مشكوره على الطرح عنوووودي

[BODYGUARD]

انا شفت وحده لابسه تي شيرت مكتوب فيه
:anger2: NO BOYFRIEND NO PROBLEM

[alanood]

شكري لكل من مر و اضاف اضافته المثرية للموضوع...
شكرا لكم..

[خفايا الروووح]

العنود ترى هالشي مب الحين من زمان ترى واهم يخبصون ف هالشغلات لا حسيب ولا رقيب.. واللي يروح فيها اللي مايعرف انجليزي ..اخبر مره ولد خالتي لبس تي شيرت مكتوب عليه ولد الحرام وهو مايعرف طبعا ً انجليزي وجان لفتت نظري الكلمه وع طول رحت انبش لاني توني كنت صغيره ماعرف انجليزي عدل بس طلعت الكلمه من القاموس وقلت له عن معناها جان ع طول فصخها ولبس تي شيرت ثاني من عند اخوي ...



عاد شوفي عقب اشصار :looking:

جاء يقولي انتي اشعرفج ب هالكلمه ها :anger2:


هاوشني اعمل خيراً ووووو..... اكملي الفراغ :o

[alanood]

هههههههههه...
حمّالة الاسية...
مو بس انتي يختي كل البنات..
اللي فيه حرّه يحطها فبنات البيت لاحول ولا قوة...:eek3: :eek3:

[امل الحب]

لاحول ولاقوة الا بالله..

اعتقد ان الواحد منا ماعاد صغير ينتظر توجيه الاسرة له..

[خاربه خاربه]

لاحول ولاقوه الابالله

crazy crazy crazy crazy

:eek3: واصيح على اللي يشترون مثل هاي القمصان والعبيcrazy :eek3:

[alanood]

لاحول ولاقوة الا بالله..

اعتقد ان الواحد منا ماعاد صغير ينتظر توجيه الاسرة له..

شكرا عالمرور اختي:)

[alanood]

لاحول ولاقوه الابالله

crazy crazy crazy crazy

:eek3: واصيح على اللي يشترون مثل هاي القمصان والعبيcrazy :eek3:
....لا تصيحين...
ادعي لهم بالهداية...
والله يحفظنا والله الواحد ما يدري شللي جاي...

[{راشد}]

يعطيج العافيه,

لج ودي

[alanood]

الله يعافيك أخوي

[قمرهم كلهم.]

ما اقول غير
اللهم لا تؤاخذنا بما فعل السفهاء منا