تدري وش معنى .. المحال ؟؟ [الأرشيف] - منتديات شبكة الأسهم القطرية

بدوي

19-02-2007, 12:51 AM

كلمات كانت تجول في خاطر

مع ان ميولي تتجه للشعر النبطي

لكن سامحوني اذا فيها قصور .. هذي ثاني خاطره لي :o

وكلي أمل انها تنال على رضاكم

اترككم لها :

شفني اناديلك تعال

أرجوك ، جاوب هالسؤال

بس ابغي شي واحد

قول .. وش معنى المحال ؟؟

------

تدري ؟؟

؟؟؟

او اوضح لك بعد ؟؟

عن معاني كلمتي

آآآآآآه لو جرحي ضمد

ما كان بحت بقصتي

------

تدري وش معنى المحال ؟؟

اني اعشق هالجبال

ولا بغيت ارقى قممها

ضاع مني الاحتمال

------

مشيت بك دربٍ طويل

وعرفت وش معنى المسافه

ولمست في وصلك بخيل

يرفض وصالي .. حسافه

------

تدري وش معنى المحال ؟؟

يوم تنظر للرمال

وانت تدري في مصيرك

بس ماعندك مجال

------

وش فيك متغلي علّي

نسيت .. انك من تراب ؟؟

قبل اشوفك كل شي

والحين في عيني .. سراب

------

تدري وش معنى المحال ؟؟

يوم انوي الارتحال

وابدا بالخطوه جنوب

واكتشف انها شمال

------

لاتلمح لي نعود

ولاتزيد ولا تعيد

ارسم لنفسك حدود

وفارق عيوني بعيد

------

تدري ليه ..

انوي لـ رتحال ؟؟

وليه اكرر هالسؤال ؟؟

ولو تظن اني (( أحـبـــك ))

للأسف هذا محال

------

أرجوك ..

افهمها عدل !!

هذا هو معنى (المحال)

وسلامتكم

0