المساعد الشخصي الرقمي

مشاهدة النسخة كاملة : ياجماعه متى يفتحون الزواج من اجنبيات في قطر ملينا واحنا ننطر


مليت
20-02-2007, 09:33 AM
لازم يحطون حل للموضوع ترا شبابنا ما يقدرون على القطريه افقر وحده تقولك ابي 80 الف وبس لاتنسى كليك الصاله وعليك وعليك وعليك وعليك وعليك تطلع عيونه 300 الف ويالله تسد وياه لين يعدل غرفته ومكانه اسف قلت غرفته الحين ما يبون غرفته يبون بيته
حتى مافي تقدير للمسكين انه يروح عقب الزواج يقدم على ارض وقرض
انا اشوف الحل الوحيد فتح الزواج من الاجنبيات
وفي عربيات دين واصل ونعم فيهم اليمن والعراق وسوريا والاردن وكثير من الدول
طبعاً يا شباب ترا هذا كله في مصلحتكم من ناحيه يقل مهر القطريه وانا اقصد طبعاً ولي البنت يبتدي يخف على المتقدم للزواج
ومن ناحيه ثانيه @@ تستانسون شوي وتاكلون من يد غير الخدامه مافي داعي اكمل انتو عارفين الباقي
وتحياتي
حمد1977
20-02-2007, 09:44 AM
لازم يحطون حل للموضوع ترا شبابنا ما يقدرون على القطريه افقر وحده تقولك ابي 80 الف وبس لاتنسى كليك الصاله وعليك وعليك وعليك وعليك وعليك تطلع عيونه 300 الف ويالله تسد وياه لين يعدل غرفته ومكانه اسف قلت غرفته الحين ما يبون غرفته يبون بيته
حتى مافي تقدير للمسكين انه يروح عقب الزواج يقدم على ارض وقرض
انا اشوف الحل الوحيد فتح الزواج من الاجنبيات
وفي عربيات دين واصل ونعم فيهم اليمن والعراق وسوريا والاردن وكثير من الدول
طبعاً يا شباب ترا هذا كله في مصلحتكم من ناحيه يقل مهر القطريه وانا اقصد طبعاً ولي البنت يبتدي يخف على المتقدم للزواج
ومن ناحيه ثانيه @@ تستانسون شوي وتاكلون من يد غير الخدامه مافي داعي اكمل انتو عارفين الباقي
وتحياتي

انا اعرف 3 تزجوا من اجنبيات

هناك مكتب في السد لاعطاء رخصة للزواج من الاجنبيات ولكن بشروط

كأن يكون راتبك ضعيف (يعني اذا انت مهندس او موظف وراتب 10 الاف او 13 الف فانسى يعطونك تصريح)

او ان لايوجد من يقبل بك زوجاً

او غير ذلك

التصاريح مفتوحة بس بشروط
مليت
20-02-2007, 09:56 AM
اخوي حمد الله يبشرك بالخير وبنسبه للشروط ما يهمك اهم ش افتحو وبشرك الله بالخير
ممكن العنوان معليك امر
حمد1977
20-02-2007, 10:00 AM
اخوي حمد الله يبشرك بالخير وبنسبه للشروط ما يهمك اهم ش افتحو وبشرك الله بالخير
ممكن العنوان معليك امر

ما اعرف العنوان

بس الربع الي تزوجوا قالوا انه في السد .. وان ماخاننتي الذاكرة صوب بنك قطر الوطني

وواحد منهم شفته يتصل على 180 عشان ياخذ عنوان قسم تصاريح الزواج من الاجنبيات

وهو متزوج

وزوجته ماطلبت خدامة ولا طلبت سيارة ولا طلبت كشته في لندن

وهو مرتاح ولله الحمد
مليت
20-02-2007, 10:03 AM
حمد ترا لك لبشاره دوحه الاردن دوحه درجه اولى وذاك المنسف الي كل ثلاث ساعات يجيك
بس جيب وياك سيف حق العرضه
حمد1977
20-02-2007, 10:06 AM
حمد ترا لك لبشاره دوحه الاردن دوحه درجه اولى وذاك المنسف الي كل ثلاث ساعات يجيك
بس جيب وياك سيف حق العرضه

:nice:

:nice:

:nice:

اهم شيء تعزم اعضاء المنتدى على العرس :D
khalid1975
20-02-2007, 10:10 AM
بصراحه انا ضد فكرة الزواج من الخارج ... لسببين::
أول شي:
حياتهم ونشاتهم غير عن حياتنا ونشأتنا ... وهذا الشي راح تحسه لو انك تزوجت من الخارج ... حتى لو البنت بنت عمك!! ( وأسأل مجرب!!!).
ثاني شي:
لو كل واحد بتزوج من برع ايش صار في بنات البلد!!!
أمس قرأت في الجريدة ..أن في السعودية مليون عانس !!! برأيك ايش يكون مصيرهم !!!
.
.
.
يا خوي (( مليت ))
لا تحكم على وحده واثنتين او على السمع ان مهور القطرييات عاليه... في كثير من البنات يبون الستر ومهورهم بسيطه ( ويمكن بعد يساعدونك!!!) ... دور واكيد انك بتحصل ..( نصيحه.. لا دور في السوق!!) .
والنصيحه الاهم .... أخلص النيه!!!
Chambray
20-02-2007, 10:14 AM
لازم يحطون حل للموضوع ترا شبابنا ما يقدرون على القطريه افقر وحده تقولك ابي 80 الف وبس لاتنسى كليك الصاله وعليك وعليك وعليك وعليك وعليك تطلع عيونه 300 الف ويالله تسد وياه لين يعدل غرفته ومكانه اسف قلت غرفته الحين ما يبون غرفته يبون بيته
حتى مافي تقدير للمسكين انه يروح عقب الزواج يقدم على ارض وقرض
انا اشوف الحل الوحيد فتح الزواج من الاجنبيات
وفي عربيات دين واصل ونعم فيهم اليمن والعراق وسوريا والاردن وكثير من الدول
طبعاً يا شباب ترا هذا كله في مصلحتكم من ناحيه يقل مهر القطريه وانا اقصد طبعاً ولي البنت يبتدي يخف على المتقدم للزواج
ومن ناحيه ثانيه @@ تستانسون شوي وتاكلون من يد غير الخدامه مافي داعي اكمل انتو عارفين الباقي
وتحياتي
والله كلامك منطقي جداً ..
ودعوه للناس لتقليل المهور .. ولتسهيل امور الزواج .. لتقليل العنوسه في الدولة الي بدت تزيد وبدت توضح .. وبدت آثارها تبان على الملأ
rashid-1
20-02-2007, 10:17 AM
قبل كنت الوم اللي يتزوجون من برا وخصوصا اللي يتزوج من دول الخليج وأقول ليش يخلون بنت البلد ويروحون لبرا

لكن أن عرف السبب بطل العجب

أولا : الواحد ييأس من كثر مايدور على البيوت يدور فتاة أحلامة ( كله مردود )

ثانيا : غلاء المهور أنا أبي أعرف شنهو بيضر البنت لو خذت 40 الف ريال مهر

ثالثا: السكن أغلب القطريات يبون سكن مستقل وهذا صعب على المواطن بالوقت الحالي

لكن بالنهاية مالنا غنى عن المواطنات فهم المستقبل لنا ولأبنائنا أما الأجنبية يكون مستقبلها غامض يمكن تسعدك سنه أو سنتين أو ثلاث لكن بعدين لاتستغرب إذا خذت العيال وهربت لبلدها

وأدعوا لي الله يوفقني بمواطنه
ولد الجزيرة
20-02-2007, 10:21 AM
لازم يحطون حل للموضوع ترا شبابنا ما يقدرون على القطريه افقر وحده تقولك ابي 80 الف وبس لاتنسى كليك الصاله وعليك وعليك وعليك وعليك وعليك تطلع عيونه 300 الف ويالله تسد وياه لين يعدل غرفته ومكانه اسف قلت غرفته الحين ما يبون غرفته يبون بيته
حتى مافي تقدير للمسكين انه يروح عقب الزواج يقدم على ارض وقرض
انا اشوف الحل الوحيد فتح الزواج من الاجنبيات
وفي عربيات دين واصل ونعم فيهم اليمن والعراق وسوريا والاردن وكثير من الدول
طبعاً يا شباب ترا هذا كله في مصلحتكم من ناحيه يقل مهر القطريه وانا اقصد طبعاً ولي البنت يبتدي يخف على المتقدم للزواج
ومن ناحيه ثانيه @@ تستانسون شوي وتاكلون من يد غير الخدامه مافي داعي اكمل انتو عارفين الباقي
وتحياتي

ان شاء الله يسمحون باسرع وقت
فعلا الواحد مل من أكل الخدامه والمطاعم
مليت
20-02-2007, 10:24 AM
خلاص كيفهم
الحين البنت تقول 100 الف ما تسوي شي طيب هو بيدفع غير 100 الف 300 عشان بس يمشي الامور مثل الناس
احنا ما نقول ان المتقدم عطوه بنتكم ببلاش ولكن نقول هي مش سلعه وتسعيره
وكلامي للبنات بعد يعني لازم يقعد وياج عشر سنين يسدد ليلة زواجج ما يسوى عليه والله
ليلة وحده تكلفه عشر سنين يا عساها ماجات اليله هذي وعلى فكره الزوج لو اقترض وتزوج بدين عشان حضرتج تكشخين واقصد الزبو الزايد في الكشخه بيصير مدمن سلفيات وكل يوم وثاني راز الويه في لبنك ومن الخسران ؟؟ انتي وبيتج لا ويمكن هو بعد كم شهر ولا كم سنه لا سمح الله تصيده حاله نفسه و يشوف انكم ما تصلحون حق بعض
_QTR_
20-02-2007, 10:29 AM
واهم شيء عرضة ههههههههههههههههههههه


الله يوفقك ياخووووووي

بس اللي انا اعرفه انك تقدر تتزوج من اجنبيه اذا في صلة قرابة من طرف الاب او الام
الراقية
20-02-2007, 10:33 AM
يعطيك العافية يا مليت على هالطرح الرائع
مع تمنياتي لكم بالزواج من الاجنبيات والهناء معهم اينما كنتم
ولكن بصفتنا كقطريات نطالب ايضا بمساواتنا بكم أي أسوة باخوتنا الرجال
ويسمح للقطرية بالزواج بمن تريد بدون قيود ولا ضوابط
وان يمنح ابناء القطرية جوازات السفر مثل ابناء القطري المتزوج من اجنبية وان يعامل ابناء الاجنبي معاملة القطري
ونعم هناك شباب من فيهم الخير وكفوا ويحترمون المراءة من اخوانا اليمينين و المصريين والمغاربة والايرانين وغيرهم مواليد قطر وغيرهم من الجنسيات الأخرى
تحياتي لك وعلى طرحك الرائع
لان القطرية ايضا تنظر للزواج من اجنبي اذا في حالة اطلقنا على المسلم العربي اجنبي
نعم فهو تقليل للعنوسة ...وكذلك لمتطلبات الشباب القطري ..الذي عندما يريد الزواج يريدها فل اوبشن

تقبل تعليقي في موضوعك
اختك الراقية
khalid1975
20-02-2007, 10:44 AM
عجبتني كلمة فووووول اوبشن



صراحه انا معاك اختي الراقيه في اللي تقولينه وفي طرحك
وعساك على القوه
حمد1977
20-02-2007, 10:51 AM
يعطيك العافية يا مليت على هالطرح الرائع
مع تمنياتي لكم بالزواج من الاجنبيات والهناء معهم اينما كنتم
ولكن بصفتنا كقطريات نطالب ايضا بمساواتنا بكم أي أسوة باخوتنا الرجال
ويسمح للقطرية بالزواج بمن تريد بدون قيود ولا ضوابط
وان يمنح ابناء القطرية جوازات السفر مثل ابناء القطري المتزوج من اجنبية وان يعامل ابناء الاجنبي معاملة القطري
ونعم هناك شباب من فيهم الخير وكفوا ويحترمون المراءة من اخوانا اليمينين و المصريين والمغاربة والايرانين وغيرهم مواليد قطر وغيرهم من الجنسيات الأخرى
تحياتي لك وعلى طرحك الرائع
لان القطرية ايضا تنظر للزواج من اجنبي اذا في حالة اطلقنا على المسلم العربي اجنبي
نعم فهو تقليل للعنوسة ...وكذلك لمتطلبات الشباب القطري ..الذي عندما يريد الزواج يريدها فل اوبشن

تقبل تعليقي في موضوعك
اختك الراقية


اتمنى لك التوفيق

ولكن سيتزجونك طمعاً في تأشيرة

او فتح محل لبيع تأشيرات

او قروض من البنك ثم يتركك ويهرب

او للحصول على الجواز القطري

واسالي مايحدث في بريطانيا عن الزواج من بريطانيات ان كنتي لاتعلمين

وفي الختام

اتمنى لك زوجاً صالحاً
مليت
20-02-2007, 10:56 AM
يسعدني مرورج اختي الراقية بنسبه للبنات لهم ولي امر وهو ادرى
وبعدين الاجنبي بيدفع المبالغ الضخمه هذي ولو دفع الكل فيهم يقدر؟
وبعدين للغريب بيرخصون المهر ويمكن يتزوج على حساب البنت نفسها والقطري لا
احنا ما شفنا في بناتنا القطريات عيب لكن الامور مبالغ فيها وهذي المشكله بنسبه لنا وبخصوص لقب الاجانب هذا معمول به ف الدوله ولكنا عرب وحياج الله واتمنى لكل قطرية ان توفق بزوج طلبيه خاصه اي ام جي يقدر الحياه الزوجيه ويكون من احسن معلمين الفطاير او الحلاقين ان كانو يطمحون للزواج من اجنبي
صقر بلادي
20-02-2007, 11:05 AM
والله لو بيدي كان حطيت قانون ينص على:

إعطاء كل قطري للزواج أول مره فقط((يكون اول مره متزوج بسس) 250 ألف ريال ليكمل نص دينه

والله العظيم 250 الف بسيطه في دولتنا وشبابنا اشوي مو وايد
حمد1977
20-02-2007, 11:07 AM
والله لو بيدي كان حطيت قانون ينص على:

إعطاء كل قطري للزواج أول مره فقط((يكون اول مره متزوج بسس) 250 ألف ريال ليكمل نص دينه

والله العظيم 250 الف بسيطه في دولتنا وشبابنا اشوي مو وايد

كلام جميل

وبعد كم سنة بتلاقي المهر اصبح ب 650 الف

احنا مشكلتنا في المظاهر والبذخ والتفاخر

مرض منتشر في مجتمعنا
بـ فيصل ـو
20-02-2007, 11:09 AM
حتى في الزواج صار فيه كبار وصغار الموظفين (تفرقه)

طيب يمكن الواحد من كبار الموظفين -أو تاجر كبير -أو- .. -أو-.. الخ .. ومايريد من بنات بلاده = يروح وياخذ بالحرام !! ترى الحرام صار موجود في بلاده ومالها لازمه السفر للخارج !!

وين الحريه الشخصيه في إختيار بنت الحلال للزواج !!؟
ولايمكن الإسلام يحرم الزواج من بنات الخارج!!

يا ناس .. كل ممنوع مرغوب .. فإذا فتحتوا المجال ممكن يصير العكس .. واللبيب بالإشارة يفهم ..
مليت
20-02-2007, 11:15 AM
ما نقول فلبينيات او غير مسلمات نقوووووووووووول بنات عرب فيهم الدين والاصل
وبعدين من كثرنا احنا كفايه كل يوم يموتون عندنا شباب من 18 لين 25 حوادث وغيره ترا بننقرض لازم انتكاثر مثل الارانب ولا بيسون لنا مثل دب البانده بيحطونا في محميات خاصه
الموضوع كبير ولازم نعبر عن الي في داخلنا مانبي الحرام وما ينتج عنه من غضب الله سبحانه واثره على المجتمع نبي نكمل نص الدين ونستر على بنات المسلمين الي مب مهم عندهم كم بتدفع تبي الستر وتاكل لقمه هنيه وبس
أبوتركي
20-02-2007, 11:36 AM
حــــل عنوســــــــة بنات البلد هو فتــــــح المجــــــال لزواج الشبــــاب من البنــــات العربيـــــات.

بهذه الطريقــــــــــــة الآبــــــــاء سيعلمـــون أن هنـاك خيـارات أخرى للشــــاب.

الســـوق عــرض وطلـــــــــب في كـل شي في الحيــــــاة ، حتى في مسائـــل الزواج.

سترى أن المؤشـــــــــر العــــام لمهـــــور القطريــات لمــــت داوووون ....

ويا هنيالكــم يا شبـــاب.
_QTR_
20-02-2007, 11:37 AM
والله يالربع انا ما كنت ابي اتكلم

بس بخصوص الزواج من القطريات على عيني وراسي

بس ليش ما يكون في قانون مثلا انا سمعت عن عمان ان المهر محدد من السلطان قابوس

مثلا القبيلية يكزن مهرها 30 الف قطري وبنات الناس اللي قبايلهم مش مذكورها انها من قبايل البلاد يكون مهرها 20 الف (( آسف على هذا التعبير))

وبهذي الطريقة العرس كله ما بكلف 100 الف


والموضوع الثاني بخصوص زواج القطريات من الاجانب اعتقد انكم بتعاملونهم معاملة ثانية يعني المهر غير والعرس مب لازم يكون في الانتر او الريدز او الشيرتون يعني عرس الاجنبي من القطرية اذا كلف 60 او 70 الف هذا بيكون ندمان انه تزوج


بصراحة لو الزواج بكلف 100 الف قلنا خير ونعمة والحمد الله اني تزوجت من سبع سنين

بصراحة يعطيك العافية اخووووووووووووي على التعبير الطيب
المخلب
20-02-2007, 11:39 AM
اتمنى لك التوفيق

ولكن سيتزجونك طمعاً في تأشيرة

او فتح محل لبيع تأشيرات

او قروض من البنك ثم يتركك ويهرب

او للحصول على الجواز القطري

واسالي مايحدث في بريطانيا عن الزواج من بريطانيات ان كنتي لاتعلمين

وفي الختام

اتمنى لك زوجاً صالحاً

قد لا أتفق معك في أمور كثيره ! .. ولكن ردك هذا هو أفضل رد شفته بهذا الموضوع ..

( مع أحترامي للكل .. ) .. تحياتي لكم ..
بودندن
20-02-2007, 11:42 AM
حلات الثوب رقعتة منه وفيه موضوع طرح الزواج من اجنبيات ما منه فايدة لان الاجنبية غير حريصة على الزوج الا على تحسين معيشتها والهروب من المشاكل الاقتصادية في بلدها وليس على ان تحافظ على عادتننا وتقاليدنا المتعارف عليها في قطر انظرو الى بعض دول المنطقة التي سمح الزواج من اجنبيات شنو صار فيهم اما عن الزواج من القطريات وأن تكاليف الزواج مرتفعة في قطر فهذه حجة
أما عن مهور البنات مرتفعة اقول لكم يا اخوان وحق الخوات في المنتدى ان القطريات يستحقون هذه المهور وبالعافية عليهم وهذه حياتهم وخلهم يطلبون اللي يطلبونه من مهروالوحد اذا في خاطرة موتر راح الوكالة وحط ديون على ظهرة ولكن القطرية اذا طلع مهرها غالي صارو حجة للشباب وهذا كلام الشباب بعضهم مو الكل
بـ فيصل ـو
20-02-2007, 11:43 AM
على فكره .. ترى في بنات يريدون الستر والزوج الصالح إللي يخاف ربه (ويا كثرهم بالديره للي جاد بالزواج ويدور على بنت الحلال بصدق) .. وأغلب الشباب يتحججون بالمهر وخلافه (يظهر إن الشباب يدورون على أميرات ذات ثروات)

لحد يظن إني أقول كلام منقول من الناس وإني ادافع عن الحريم .. وإنما هي من واقع الحياة إللي نعيشها ..

وأضرب لكم مثال (السالفه من فتره ماهي بعيده) بنت قطريه .. بيضاء وعلى خلق .. مهرها مهب أكثر عن 40 وباقي مشاغل العرس على ماتقدر يامعرس (ناس تشتري رجال) تقدمت وماصار نصيب لأسباب خاصة فيني = وأكرر السبب كان مني آنه (والإعتراف بالحق فضيله مهب عيب دام إنه يظهر الحق من الباطل)

الخلاصه:
ياشباب .. خافوا الله .. ليش دايماً تعتقدون إن البنت القطريه هي السبب .. ترى الاهل والمجتمع هم السبب الرئيسي ..
أبوتركي
20-02-2007, 11:43 AM
عنــدي إحســاس غـــريب ان هالموضـــوع مصيـــره لاحقــاً الإغـــلاق من المشـــرفين.
المخلب
20-02-2007, 11:48 AM
ما نقول فلبينيات او غير مسلمات نقوووووووووووول بنات عرب فيهم الدين والاصل
وبعدين من كثرنا احنا كفايه كل يوم يموتون عندنا شباب من 18 لين 25 حوادث وغيره ترا بننقرض لازم انتكاثر مثل الارانب ولا بيسون لنا مثل دب البانده بيحطونا في محميات خاصه
الموضوع كبير ولازم نعبر عن الي في داخلنا مانبي الحرام وما ينتج عنه من غضب الله سبحانه واثره على المجتمع نبي نكمل نص الدين ونستر على بنات المسلمين الي مب مهم عندهم كم بتدفع تبي الستر وتاكل لقمه هنيه وبس


حلوه هذي التكاثر مثل الارانب :D ..

شف عزيزي لو تلف صوب الامارات لا تلاقي الرجال فيهم عنده 20 ولد وبنت براحه ! ..
(( يعني كثره النسل )) ..

لان الله يسلمك الشيخ زايد - الله يرحمه - عرف ان شعب الامارات قليل جدا ( على كبر مساحه الامارات ) .. فحط قانون ان على كل ولد اماراتي 2500 درهم ( اذا ماخاب ضني ) فقاموا الاماراتيه يجيبون عيال منها للفلوس ! ومنها علشان يكثرون النسل ! .. فتستغرب يوم تشوف قبايل هناك كلهم أخوان بعض :strong .. ( طبعا للي يتزوج اماراتيه ويحرم منها الي يتزوج من برع )

يقال : ( الله اعلم ان كان صج وله اشاعه ان هناك نيه لتطبيق مثل هذا القانون في قطر ! ) ..

وكل هذي امور تفيد المجتمع بالاول بالاخير .. وتحياتي لك .
بـ فيصل ـو
20-02-2007, 11:48 AM
ترى الزواج من أجنبيات مهب عيب ولا حرام ولا مستحيل (أعرف ناس متزوجين من الفلبين ومصر وألمانيا وغيرها من البلدان مرتاحين ومتهنين) وهذول المتزوجين صار لهم فقو الـ 10 سنين وبينهم عيال ..

وإنت ياللي تريد تتزوج من الاجنبيه أكيد راح تسأل وتستخير قبل لا تاخذ العروس إللي تناسبك = ليه الخوف !!!
ضوى
20-02-2007, 11:52 AM
لازم يحطون حل للموضوع ترا شبابنا ما يقدرون على القطريه افقر وحده تقولك ابي 80 الف وبس لاتنسى كليك الصاله وعليك وعليك وعليك وعليك وعليك تطلع عيونه 300 الف ويالله تسد وياه لين يعدل غرفته ومكانه اسف قلت غرفته الحين ما يبون غرفته يبون بيته
حتى مافي تقدير للمسكين انه يروح عقب الزواج يقدم على ارض وقرض
انا اشوف الحل الوحيد فتح الزواج من الاجنبيات
وفي عربيات دين واصل ونعم فيهم اليمن والعراق وسوريا والاردن وكثير من الدول
طبعاً يا شباب ترا هذا كله في مصلحتكم من ناحيه يقل مهر القطريه وانا اقصد طبعاً ولي البنت يبتدي يخف على المتقدم للزواج
ومن ناحيه ثانيه @@ تستانسون شوي وتاكلون من يد غير الخدامه مافي داعي اكمل انتو عارفين الباقي
وتحياتي

اسمح لي بتعليق بسيط وبعض الاستفسارات اتمنى احصل اجابة عليها
أولا :-
300 الف انت تحطها بسارة ويمكن بعد اكثر ليش تستكثرها على بنت بلادك اللي كل شئ بتقطه عليها راح تشوفه وتستمتع فيه وراح يكون لك بالنهاية سواء الماس والا ذهب والا لبس والا اكسسوارات للبيت ؟؟
ثانياً :-
ليش لما تيي تسافر بره تدفع مبالغ وقدرها في سبيل غرفة والا شقة سبع نجوم وتتفشخر جدام ربعك وانت اللي تدفع في حين تستخسر في نفسك وفي زوجتك الخصوصية والهنا في بيت جميل وراقي ؟؟
ثالثاً:-
من قال لك كل الازواج ياكلون من المطاعم او من ايدي الخدامات ؟؟؟؟
رابعاً :-
لما انت او غيرك بتتزوجون من بره من ياخذ بنت البلد ؟؟؟ يعني جذي تعاقبون البنت وابوها ؟؟؟

اتمنى محد يفهم من كلامي اني معارضة لفكرة زواجكم من العربيات بالعكس ، والحمد لله انا ما عندي هالعنصرية ولا هالتمييز ولكن احقاقاً للحق والعدالة بنات البلد اولى بخير قطر ، يعني العربية فلوس القطري كلها بتروح لاهلها يعني استثمار خارج البلد يعني قطر ما راح تستفيد شئ على عكس الزواج من قطرية راح تساعده وتوقف وياه وتسانده وهذا شئ لا انا ولا انت تقدر ننكره ، والقطرية بنت اصول لا عمرها بتعاييرك ولا بتتمنن عليك انها ساعدتك ووقفت معاك

الف شكر واتمنى القى اجابة على اسئلتي
ابن ادم
20-02-2007, 11:56 AM
يا سوريا حنا جايين
السديم
20-02-2007, 11:59 AM
اخوي مليت .. اشكر لك طرحك للمواضيع اللي تحمل طابع الشغب دائما ..

تروحون وترجعون على غلاء المهور وماشوفكم تشتكون من ارتفاع اسعار السيارات الكشخه !!!
وبعدين قبل لا نطالب بفتح المجال للزواج من الخارج .. ليش ما نناقش المشكله اول ونحاول ايجاد حلول بديله !!
يعني مثلا نطالب الحكومه بالراقبة الصارمه على قاعات الزواج والفنادق وتحديد سقف السعر لكن مانخليها جذي عشوائيه مثل اللي صاير هالايام .. يعني قبل كم سنة فندق الشيراتون والريتز الشخص ب 120 واليوم الشخص يكلفك 200 !!
نطالب بمنح كل مواطن يتزوج من مواطنه ولأول مره هبة قيمتها 200 ال 250 الف ريال واظنها بتخفف من عبء المهر بشكل كبير ..
نطالب بايجاد وحدات سكنيه بايجارات مخفضه للمقبلين على الزواج من المواطنين ..

وغير وغير من الحلول ..

نأتي اللحين للزواج من الخارج .. ترا حتى لو يربطنا الاسلام والعروبه .. العادات تختلف التقاليد تختلف حتى اللهجه المحليه تختلف !! والام هي اللي تربي يعني فكر بعيالك قبل لاتفكر في نفسك ووناستك !
بتفقرك كل يومين تبي تزور اهلها هذا غير فواتير كيوتل اللي بتكسر ظهرك مكالمات خارجيه ولاتنسى بعد الصوغه وهي رايحه !!
دار مره بيني وبين ام مصريه عندها بنات فقلت لها انتو تحبون ان بناتكم يتزوجون خليجين ليش ؟؟ ردت قالت لا مش الكل .. احنا مانغرب بناتنا ونعطيهم لخليجين الا العوائل الفقيرة والمحتاجه لكن ميسورين الحال مايزوجون بناتهم .. تخيل وحده تتزوجك طمعا في مالك !!

ترا يا اخوي الكلام سهل لكن يوم تعيش الواقع بتشوف السلبيات بنفسك ..

وانا اتفق مع اختي الراقيه انه اذا تم السماح للقطري الزواج من اجنبية انه يتم لنا احنا بعد كقطريات ويمنحون عيالنا الجنسية ولهم كل الحقوق .. مب احنا في زمن المساواه :D

على فكرة اخ مليت اعرف الكثير من العوائل يبون الستر حق بناتهم ويشترون الريال وتلقى اهل البنت هم اللي يساعدون في مصاريف الزواج وصارت مثل هالامور جدامي يعني محد قالي ..
سوري وايد طولت بس موضوعك يحر شويونه :strong

تحياتي لك ..

اختك / السديم
سيف قطر
20-02-2007, 12:04 PM
عنــدي إحســاس غـــريب ان هالموضـــوع مصيـــره لاحقــاً الإغـــلاق من المشـــرفين.

نفس الاحساس .............:nice:
أبوتركي
20-02-2007, 12:06 PM
يا سوريا حنا جايين

خـذني معـــــــاك :D
سيف قطر
20-02-2007, 12:07 PM
حــــل عنوســــــــة بنات البلد هو فتــــــح المجــــــال لزواج الشبــــاب من البنــــات العربيـــــات.

بهذه الطريقــــــــــــة الآبــــــــاء سيعلمـــون أن هنـاك خيـارات أخرى للشــــاب.

الســـوق عــرض وطلـــــــــب في كـل شي في الحيــــــاة ، حتى في مسائـــل الزواج.

سترى أن المؤشـــــــــر العــــام لمهـــــور القطريــات لمــــت داوووون ....

ويا هنيالكــم يا شبـــاب.




:app: :app: :app: :app: :app: :app: :app: :app:

في هذة الحالة سوف ادخل....برأس المال كاملا .....:nice:
سيف قطر
20-02-2007, 12:10 PM
يا سوريا حنا جايين

معااااااااااك .......:nice: :)
المخلب
20-02-2007, 12:14 PM
خـذني معـــــــاك :D


:court: :court: خذني معاك هذي اغنيه .. :D :D

بوتركي والله لو تركوا الناس لشفتهم ماخذوا سوريات ! خذوا روسيات ! ..

وكل ماقربنا صوب الثلج زادت الحلاوه ..

لكن ماتعزك الا الخليجيه .. ويمكن بالذات القطريه :shy: :funny:
السديم
20-02-2007, 12:14 PM
روحو كلكم :anger2:

اجرو باص كروة عشان يكفيكم :D

احنا بنروح لبنان شبابهم حلوين بعد :strong
رياني1212
20-02-2007, 12:15 PM
حلات الثوب رقعته منه وفيه ومشاكل الزواج من الاجنبيات كثيره0 ما سمعت الاغنية اللي تقول بنت بلادي زينه 0
حنان الدنيا
20-02-2007, 12:27 PM
يعطيك العافية يا مليت على هالطرح الرائع
مع تمنياتي لكم بالزواج من الاجنبيات والهناء معهم اينما كنتم
ولكن بصفتنا كقطريات نطالب ايضا بمساواتنا بكم أي أسوة باخوتنا الرجال
ويسمح للقطرية بالزواج بمن تريد بدون قيود ولا ضوابط
وان يمنح ابناء القطرية جوازات السفر مثل ابناء القطري المتزوج من اجنبية وان يعامل ابناء الاجنبي معاملة القطري
ونعم هناك شباب من فيهم الخير وكفوا ويحترمون المراءة من اخوانا اليمينين و المصريين والمغاربة والايرانين وغيرهم مواليد قطر وغيرهم من الجنسيات الأخرى
تحياتي لك وعلى طرحك الرائع
لان القطرية ايضا تنظر للزواج من اجنبي اذا في حالة اطلقنا على المسلم العربي اجنبي
نعم فهو تقليل للعنوسة ...وكذلك لمتطلبات الشباب القطري ..الذي عندما يريد الزواج يريدها فل اوبشن

تقبل تعليقي في موضوعك
اختك الراقية








:court: وانا اضم صوتي لصوتك يالراقيه ..... تسلم ايدج يالغاليه :court:
مليت
20-02-2007, 12:29 PM
برد بخصوص ان الواحد يدفع في سياره ولا يدفع في زوجه
من فينا يستخسر راحة باله وزواج نص الدين لكن السياره لو تسلفت وخذتها مب مشكله بترول وباكيت زقاير وفلوس فاتوره وانتهاء لكن الزوجه الي قبل لا خذها راتبي 10000 ريال وعقب ما خذتها وتسلفت بسبب التكاليف +الرياء +الزبو + خدامه+ سياره لها +و+و+
احنا مب طماعين بس السياره بتصبر وبتنباع في اي لحظه لكن الزوجه لا لها الحشمه والكرامه ولازم اني اعطيها ولا ابخل عليها لكن الي يدفع الي قدامه ووراه عشان يتزوج؟؟؟ وبقى من راتبه بعد الزواج 3000 ريال؟؟؟ تدرون الحين الجمعيه لو بتشرى شوية اغراض تطلع دافع 1500 وانت تضحك هذا وانت بروحك؟
اتمنى الراسله وصلت
وانا ما ستكثر في بنت بلادي لفلوس لو عندي مليون عطيتها لكن خلونا انتكلم في الواقع كم شخص اجل زواجه بسبب البورصه وكم شخص فصخ خطبته بسبب البورصه وليش دخل البورصه عشان يقدر يتزوج ويعدل حاله ؟ لكن للاسف عانده الحظ
على العموم
لو في تذكره ثالثه حق سوريا لا تنسون اخوكم مليت
_QTR_
20-02-2007, 12:34 PM
روحو كلكم :anger2:

اجرو باص كروة عشان يكفيكم :D

احنا بنروح لبنان شبابهم حلوين بعد :strong



بصراحة هذا احلى تعليق وبالنسبة لي انا .... اقووووول ان مالك غير بنت بلادك هي سندك وهي غطاك وانسباك هم فزعتك لو طحت وما لقيت حد يشيلك
http://www.lakii.com/vb/smile/17_24.gif (http://www.lakii.com/vb/uploader/smilies.php)


وبعدين خيتو السديم انا بروح لبنان وخصوصا بورمانه و جونيا و عالاي


ها تخاويني امر عليج http://www.lakii.com/vb/smile/17_14.gif (http://www.lakii.com/vb/uploader/smilies.php) بنوصل اسرع من رحلة سوريا




وللعلم ويش فيها سوريا هذي اللي كلكم بتروحونها مافيها الا الزبداني












رووووووووووووووووووووووووووووووووووووووووووووووووو وووووح







بروووووح وبدم نفديك يا لبنان http://www.lakii.com/vb/smile/17_28.gif (http://www.lakii.com/vb/uploader/smilies.php)
مليت
20-02-2007, 12:48 PM
اتمنىمن الله سبحانه ان يرزق الجميع واتمنى حل الموضوع او ايجاد الحل للاسف لم يتم طرح حل مقنع فا الى دمشق جميع
وبخصوص اغلاق الموضوع معاد يعنيني ذالك المهم عندي كان راي الموجودين والحمدالله
95% مع الفكره
وانا مب فرحان لذالك بلعكس كان ودي اشوف البديل مش لي انا لكل الي يمرون بظروف هذي وبنت البلاد من هي ؟؟ اكيد انها اختي وبنت عمي
وبنت الجيران ومني وفيني انا بس حبيت اعرف الحلول المناسبه وسلامتكم
nooora
20-02-2007, 12:57 PM
عندك واسطه تقدر وبعدين هذا جهل ما يسمحون، ولو سمحوا اجنبي يتزوج قطريه ما شوفنا العنوسه في مجتماعتنا :d
ضوى
20-02-2007, 12:59 PM
اتمنىمن الله سبحانه ان يرزق الجميع واتمنى حل الموضوع او ايجاد الحل للاسف لم يتم طرح حل مقنع فا الى دمشق جميع
وبخصوص اغلاق الموضوع معاد يعنيني ذالك المهم عندي كان راي الموجودين والحمدالله
95% مع الفكره
وانا مب فرحان لذالك بلعكس كان ودي اشوف البديل مش لي انا لكل الي يمرون بظروف هذي وبنت البلاد من هي ؟؟ اكيد انها اختي وبنت عمي
وبنت الجيران ومني وفيني انا بس حبيت اعرف الحلول المناسبه وسلامتكم


اتمنى قبل لا تطلب حلول ترجع فوق شوي وتجاوب على اسئلتي :con2:
السديم
20-02-2007, 01:13 PM
بصراحة هذا احلى تعليق وبالنسبة لي انا .... اقووووول ان مالك غير بنت بلادك هي سندك وهي غطاك وانسباك هم فزعتك لو طحت وما لقيت حد يشيلك
http://www.lakii.com/vb/smile/17_24.gif (http://www.lakii.com/vb/uploader/smilies.php)


وبعدين خيتو السديم انا بروح لبنان وخصوصا بورمانه و جونيا و عالاي


ها تخاويني امر عليج http://www.lakii.com/vb/smile/17_14.gif (http://www.lakii.com/vb/uploader/smilies.php) بنوصل اسرع من رحلة سوريا




وللعلم ويش فيها سوريا هذي اللي كلكم بتروحونها مافيها الا الزبداني












رووووووووووووووووووووووووووووووووووووووووووووووووو وووووح







بروووووح وبدم نفديك يا لبنان http://www.lakii.com/vb/smile/17_28.gif (http://www.lakii.com/vb/uploader/smilies.php)


يالله جدام .. بس ياختي مادري ليش غير القطري ومن بعده الخليجي هم اللي يدشون الراس :D
ROSE
20-02-2007, 01:14 PM
اتمنى قبل لا تطلب حلول ترجع فوق شوي وتجاوب على اسئلتي :con2:

ماراح يرد ياضوى تدرين ليش


كل ( ن) يغني على ليلاه :deal:


وكل (ن) يدلل على بناته الظاهر ان العربيات طايحين في جبود اهاليهم وقاموا يدللون لهم

:strong :strong :strong
ROSE
20-02-2007, 01:15 PM
يالله جدام .. بس ياختي مادري ليش غير القطري ومن بعده الخليجي هم اللي يدشون الراس :D


ههههههههههههههههه:deal:

لانهم ارقى بوايد من الناس اللي ردوا في هالموضوع
سوبرقطري
20-02-2007, 01:43 PM
ههههههههههههههههه:deal:

لانهم ارقى بوايد من الناس اللي ردوا في هالموضوع
والتجربة خير برهان... والواقع واضح ...وضوح الشمس..من غير برهان
M.D.Luffy
20-02-2007, 01:45 PM
قاااااااااااااااااااال سوريا قال يعني انتوا مب شايفنهم يرفعون الضغط والله لو اش تزوجت

وبعدين اش فيها حياة العزوبيه ولا احلى
سوبرقطري
20-02-2007, 01:47 PM
اسمح لي بتعليق بسيط وبعض الاستفسارات اتمنى احصل اجابة عليها
أولا :-
300 الف انت تحطها بسارة ويمكن بعد اكثر ليش تستكثرها على بنت بلادك اللي كل شئ بتقطه عليها راح تشوفه وتستمتع فيه وراح يكون لك بالنهاية سواء الماس والا ذهب والا لبس والا اكسسوارات للبيت ؟؟
ثانياً :-
ليش لما تيي تسافر بره تدفع مبالغ وقدرها في سبيل غرفة والا شقة سبع نجوم وتتفشخر جدام ربعك وانت اللي تدفع في حين تستخسر في نفسك وفي زوجتك الخصوصية والهنا في بيت جميل وراقي ؟؟
ثالثاً:-
من قال لك كل الازواج ياكلون من المطاعم او من ايدي الخدامات ؟؟؟؟
رابعاً :-
لما انت او غيرك بتتزوجون من بره من ياخذ بنت البلد ؟؟؟ يعني جذي تعاقبون البنت وابوها ؟؟؟

اتمنى محد يفهم من كلامي اني معارضة لفكرة زواجكم من العربيات بالعكس ، والحمد لله انا ما عندي هالعنصرية ولا هالتمييز ولكن احقاقاً للحق والعدالة بنات البلد اولى بخير قطر ، يعني العربية فلوس القطري كلها بتروح لاهلها يعني استثمار خارج البلد يعني قطر ما راح تستفيد شئ على عكس الزواج من قطرية راح تساعده وتوقف وياه وتسانده وهذا شئ لا انا ولا انت تقدر ننكره ، والقطرية بنت اصول لا عمرها بتعاييرك ولا بتتمنن عليك انها ساعدتك ووقفت معاك

الف شكر واتمنى القى اجابة على اسئلتي
اقلهن صداق ..خيرهن بركة...والشاطر يفهم
أبوتركي
20-02-2007, 01:47 PM
ههههههههههههههههه:deal:

لانهم ارقى بوايد من الناس اللي ردوا في هالموضوع

شقصدج أخـــت روووز .... خليج واضحــــــــــه :confused:
ROSE
20-02-2007, 01:52 PM
اقلهن صداق ..خيرهن بركة...والشاطر يفهم
تبي تفهمني ياخوي ان في قطر مافيه بنات يرضون بالمهر القليل

حجه وعذر اقبح من كل اللي انذكر


الزواج بالعربيه نعم مهرها قليل ولكن التوابع كثيره

منها

بيت حقها في بلادها تضمن فيه مستقبلها ( لانها داخله على طمع)

بيت حق اهلها مساكين ماعندهم يسكنون

فيزا حق اخوها وولد عمها وولد خالة ولد جد جدها ماعندهم يشتغلون هناك شغلهم هني

غير الزيارات والسفرات النصف والربع سنويه والهدايا اللي تترس الطياره

انا يااخوان مش ضد الزواج من اي كائن كان اذا انبنى على حب وتفاهم

ولكن ضد هالاسلوب في الطرح والطريقة في الردود اللي شفتها

وكأن البنت الخليجة صارت تقارن بالمال

قدرنا عالي ولله الحمد واعلى من انكم تقارنونا بغيرنا
خشوف
20-02-2007, 01:52 PM
مب كل القطريات يتشرطون واجد .. وفي ناس اهاليهم مايطالبون مهور كبيره

من ناحيه ابوي:mad: زوج اختي 50 الف وانا 40 الف ... وكل شي على الرجال

لو كان عندي امكانيه اني اساعد خطيبي كنت ساعدته في العرس والبيت لو كان عادي ما اسوي عرس ماسويت ... لانه الي بنظر عقب ما ابي اعيش بديون !

بس حكم القوي على الضعيف :strong

بالعربي في بنات يساعدون ازواجهم رفيقتي عرس البنات عليها...


وبعدين من المفروض ماتلومون البنت ... قطر صارت غاليه انا مهري ماكفاني بشي :mad: كل شي نار من بعد مازادو 40% ايجار فستان عرس ب5000الف الى 10 الف :( ....


----------
ومثل ماقالوا الاخون مفروض يعطون الشباب على الاقل او يخلون مهر البنت 50 الف والقاعه على حساب الحكومه مثل قاعه زايد بالامارات مجانا
المخلب
20-02-2007, 01:52 PM
شقصدج أخـــت روووز .... خليج واضحــــــــــه :confused:

:rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes:

انا الصراحه خذتها بحسن نيه .. يمكن تقصد : راقيين ( يعني مستواهم المادي عالي ! ) ..

وان شاء الله هذا قصدها .. :) :rolleyes:
ROSE
20-02-2007, 01:52 PM
شقصدج أخـــت روووز .... خليج واضحــــــــــه :confused:
انا واضحه وصريحه اخوي ابوتركي

وكلامي واضح وضوح الشمس

مايبي لها فهم
أبوتركي
20-02-2007, 01:55 PM
اقلهن صداق ..خيرهن بركة...والشاطر يفهم


كلام سليـــــــــــــم أخوي ..... بس وين تحصـــــــل اللي تفهــــــــم هذه الأيـام .... نادر وجودهن.
المخلب
20-02-2007, 01:57 PM
كلام سليـــــــــــــم أخوي ..... بس وين تحصـــــــل اللي تفهــــــــم هذه الأيـام .... نادر وجودهن.


انت بس عزم ! وانا اجيبلك :D
{راشد}
20-02-2007, 01:57 PM
الزواج من اجنبيه تعب ووجع رااس !!

والزواج من قطريه فقر وحذف ورى الترباس !!

ايــــــــــن الحـــــــــــل ؟؟



لك ماتستحق ع الموضوع
ROSE
20-02-2007, 01:57 PM
:rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes:

انا الصراحه خذتها بحسن نيه .. يمكن تقصد : راقيين ( يعني مستواهم المادي عالي ! ) ..

وان شاء الله هذا قصدها .. :) :rolleyes:

ليش تزعلون كا انتوا ماخليتوا قدر للبنت الخليجيه بردودكم ،،

وليش مايكونون ارقى من الشباب اللي وقفوا مع هالموضوع وهم قاعدين يدللون حق بناتهم

وحافظين قدرهم ،، بناتهم في عينهم فوق كل البنات ومافيه منهم وانتوا بس تحطون من قدر خواتكم، يعني تبون تفهموني الحين ان اذا الواحد تقدم حق خواتكم راح تطلبون عليه

100 ريال ولا 40 الف مهر
السديم
20-02-2007, 02:00 PM
يا جماعه استهدو بالله :D

اللي يبي يتزوج عربيه يروح حياه الله واللي يبي بنت البلاد بعد يا هلا فيه ..

بس الواحد لازم مايفكر في اللحظة اللي هو بيتزوج فيها لا !! لازم يفكر في تبعات هذا الزواج والسلبيات اللي بتترتب عليه !!

اما بالنسبة للمهور والله في قبايل وعوائل اصل وفصل ودين وخلق ويزوجون بناتهم بمهور ميسرة وان حبو يسوون عرس كشخه هم يتحملون مصاريف العرس ..

يعني اللي يبي يتزوج لا يقعد يقول المهور غاليه والبنات مادري اشفيهم ..؟؟

ولا مايعرفون يطبخون !! هذي بصراحه حجج واهيه وانتقاص من الزوجه القطريه ؟؟

ترا اللحين البنات فاهمات دارسات واعيات يدشون النت ويقرون كتب ويعرفون شالمطلوب منهم وشاللي يحبه الزوج وشاللي لازم تسويه ؟؟

ومانبي الموضوع ياخذ مسار او اتجاه ثاني وياريت يخدم الهدف اللي من اجله انطرح هذا الموضوع :)

لحد يعصب بس ماقلنا شي سوريا لكم ولبنان لنا :app: :app:
المخلب
20-02-2007, 02:06 PM
ليش تزعلون كا انتوا ماخليتوا قدر للبنت الخليجيه بردودكم ،،

وليش مايكونون ارقى من الشباب اللي وقفوا مع هالموضوع وهم قاعدين يدللون حق بناتهم

ويحافظين قدرهم ،، بناتهم في عينهم فوق كل البنات ومافيه منهم وانتوا بس تحطون من قدر خواتكم، يعني تبون تفهموني الحين ان اذا الواحد تقدم حق خواتكم راح تطلبون عليه

100 ريال ولا 40 الف مهر


هلا والله بالقاطعه روز .. وينج ماتبينين هل اليومين :D .. شحال دبي بس :D

الله يسلمك انا اقولك .. شوفي .. تدرين لو افتحوا باب الزواج من الاجنبيات كان بنشوف الويلات ! .. اقولك الحين بالسعوديه معانين من هل المشكله .. ناس اعرفهم ماخذين من سوريا ! بس شنو هواش على كيف كيفك ! .. والمشكله لين جات تشرطت ! وهي العالم الله في بلادها تعنس وله تموت ولا من درى عنها ! ويمكن حتى شحاته ! .. واهلها يبون الفكه منها زوجوها سعودي ! ...

تخيلي ( ذاك ماخذها زوجه ثانيه - ضره - على مرته السعوديه ) وياهي ويله !! الرجال شايب عايب ! لكن السوريه فرخت منه عن كل سنه ولد وبنت ! ( يعني متزوج قطو مو حرمه :funny: ) .. خايفه خوف انه يموت وماتلم من ورثه شئ ! ..

وبكل صراحه ناهبته في الروحه والرده ! .. تقوله قم نصيف بسوريا ( منها تشوف اهلها منها تصرف صرف ! ) وهذا غير التذاكر والشقق الي شاريها لها ولاخوانها ! .. وغير المحلات والتجاره ! .. الله يكافي الشر ..

( مع العلم ان السعوديه مسيكينه ( تصغير مسكينه ) ماطلبت طول حياتها كثر الي طلبته السوريه ! ) ..

يعني بالعربي : وين ما تطقها عوجه ! .. :court:

:) .. والحكمه تقول : خليجنا واحد وشعبنا واحد .. :D

تحياتي للمس ..
ريم قطر
20-02-2007, 02:14 PM
انا بعد اخذوني معاكم خاطري اخذ شامي يسمعني الكلام الحلو:dance
سوبرقطري
20-02-2007, 02:20 PM
تبي تفهمني ياخوي ان في قطر مافيه بنات يرضون بالمهر القليل

حجه وعذر اقبح من كل اللي انذكر


الزواج بالعربيه نعم مهرها قليل ولكن التوابع كثيره

منها

بيت حقها في بلادها تضمن فيه مستقبلها ( لانها داخله على طمع)

بيت حق اهلها مساكين ماعندهم يسكنون

فيزا حق اخوها وولد عمها وولد خالة ولد جد جدها ماعندهم يشتغلون هناك شغلهم هني

غير الزيارات والسفرات النصف والربع سنويه والهدايا اللي تترس الطياره

انا يااخوان مش ضد الزواج من اي كائن كان اذا انبنى على حب وتفاهم

ولكن ضد هالاسلوب في الطرح والطريقة في الردود اللي شفتها

وكأن البنت الخليجة صارت تقارن بالمال

قدرنا عالي ولله الحمد واعلى من انكم تقارنونا بغيرنا
ما اعتقد اختي الفاضلة انك فهمتي قصدي
وردك كان بعيد جدا عن الواقع
وبنت البلاد على الراس والعين
لكن الى تراعي الزواج ..!!!
تراعي نفسها في البداية
وتراعي الى يتزوجها
والي بتزوجها ...!!
بحطها على راسه....
ROSE
20-02-2007, 02:20 PM
هلا والله بالقاطعه روز .. وينج ماتبينين هل اليومين :D .. شحال دبي بس :D

الله يسلمك انا اقولك .. شوفي .. تدرين لو افتحوا باب الزواج من الاجنبيات كان بنشوف الويلات ! .. اقولك الحين بالسعوديه معانين من هل المشكله .. ناس اعرفهم ماخذين من سوريا ! بس شنو هواش على كيف كيفك ! .. والمشكله لين جات تشرطت ! وهي العالم الله في بلادها تعنس وله تموت ولا من درى عنها ! ويمكن حتى شحاته ! .. واهلها يبون الفكه منها زوجوها سعودي ! ...

تخيلي ( ذاك ماخذها زوجه ثانيه - ضره - على مرته السعوديه ) وياهي ويله !! الرجال شايب عايب ! لكن السوريه فرخت منه عن كل سنه ولد وبنت ! ( يعني متزوج قطو مو حرمه :funny: ) .. خايفه خوف انه يموت وماتلم من ورثه شئ ! ..

وبكل صراحه ناهبته في الروحه والرده ! .. تقوله قم نصيف بسوريا ( منها تشوف اهلها منها تصرف صرف ! ) وهذا غير التذاكر والشقق الي شاريها لها ولاخوانها ! .. وغير المحلات والتجاره ! .. الله يكافي الشر ..

( مع العلم ان السعوديه مسيكينه ( تصغير مسكينه ) ماطلبت طول حياتها كثر الي طلبته السوريه ! ) ..

يعني بالعربي : وين ما تطقها عوجه ! .. :court:

:) .. والحكمه تقول : خليجنا واحد وشعبنا واحد .. :D

تحياتي للمس ..


هلا والله بالمخلب :strong دار الحي يسلم عليك ;)


وهذي دليل حي للي اقوله خلهم يتزوجون ولحد يشتكي بعدين :deal:
ROSE
20-02-2007, 02:21 PM
انا بعد اخذوني معاكم خاطري اخذ شامي يسمعني الكلام الحلو:dance
:funny: :funny: :funny:


احلى شي كلامهم يجنن :D
Khalid222
20-02-2007, 02:21 PM
هل المهر .. فعلا مشكلة المشاكل .. او تكاليف الزواج.. ياخي اذا اهلينا هم الي يصرون على مصاريف الزواج اكثر من اهل البنت .. الحسنة الوحيدة يوم اتزوج اجنبية ان الاهل متفشلين منك ويقولون لك سو العرس بسكات..
بزنس ومن
20-02-2007, 02:22 PM
ليش في مصلحتهم الزواج من اجنبيات هذا بدال ماتشجع على الزواج من بنات البلد الي هم خواتك وغيرهم بعدين المهر في ام عيالك مستقبلا مو خساره بس شكلك مو قطري اصل وحلات الثوب رقعته منه وفيه ونا اختك والاجنبيه لاعادتها عاداتنا ولا تقاليدها وتاثر في المستقبل على تربية عيالنا .
أبوتركي
20-02-2007, 02:23 PM
انا واضحه وصريحه اخوي ابوتركي

وكلامي واضح وضوح الشمس

مايبي لها فهم


الصراحة أنا ما فهمت .... ؟؟؟ ممكن تفهمين البطيئين الفهم اللي مثلي؟؟؟
ريم قطر
20-02-2007, 02:27 PM
ليش في مصلحتهم الزواج من اجنبيات هذا بدال ماتشجع على الزواج من بنات البلد الي هم خواتك وغيرهم بعدين المهر في ام عيالك مستقبلا مو خساره بس شكلك مو قطري اصل وحلات الثوب رقعته منه وفيه ونا اختك والاجنبيه لاعادتها عاداتنا ولا تقاليدها وتاثر في المستقبل على تربية عيالنا .
:app: :app: :app: :app:
بوحمد1
20-02-2007, 02:27 PM
الله ياكثر البنات القطريات اللي يبون الستر
ROSE
20-02-2007, 02:28 PM
هل المهر .. فعلا مشكلة المشاكل .. او تكاليف الزواج.. ياخي اذا اهلينا هم الي يصرون على مصاريف الزواج اكثر من اهل البنت .. الحسنة الوحيدة يوم اتزوج اجنبية ان الاهل متفشلين منك ويقولون لك سو العرس بسكات..
:nice: :nice: :nice:
ROSE
20-02-2007, 02:30 PM
الصراحة أنا ما فهمت .... ؟؟؟ ممكن تفهمين البطيئين الفهم اللي مثلي؟؟؟
ولا يهمك بوتركي

بالشرح المبسط والبطئ عشان تفهم

اللبناني اللي يحافظ على اخته او بنته او السوري او الشامي او المصري او السوداني او اي عربي

اللي يحاول يرفع من قدر هله ارقى وافضل لي من اي قطري او خليجي يحاول ينزل من مستواي

ها فهمت الحين :D
ROSE
20-02-2007, 02:31 PM
الله ياكثر البنات القطريات اللي يبون الستر
عذرهم اقبح من ذنبهم اخوي بوحمد1

دايما العذر في المهر وتشوفهم يصرفون اكثر بكثير من الملبغ اللي يتكلمون عنه
سوبرقطري
20-02-2007, 02:34 PM
الله ياكثر البنات القطريات اللي يبون الستر
معاك حق اخوي
سوبرقطري
20-02-2007, 02:36 PM
عذرهم اقبح من ذنبهم اخوي بوحمد1

دايما العذر في المهر وتشوفهم يصرفون اكثر بكثير من الملبغ اللي يتكلمون عنه
هجووووووووووووووووووم قاسي
ريم قطر
20-02-2007, 02:36 PM
عذرهم اقبح من ذنبهم اخوي بوحمد1

دايما العذر في المهر وتشوفهم يصرفون اكثر بكثير من الملبغ اللي يتكلمون عنه
:app: :app: :app:
PoBox
20-02-2007, 02:42 PM
فاصل اعلاني ونعود
































عدنا :nice:


يقولك مايحك جلدك إلا ظفرك
مهما كان ظفرك يشمخ اثناء الحك :app: :app:

يبقى ظفرك قطعة منك
السهم الذهبي 2007
20-02-2007, 02:45 PM
كل في قلبه شقا الليل
وانا في قلبي شقا بلادي
ايه يالمسكين بتدفع مهر قليل ولكن السؤال بعد الزواج لمل تتمكن فيك
الله يعينك على
مزانيه السفر لاهلها
وصوايق لاهلها
شراء بيت عند امي
وبعدين تقول لك باباي يا حبيبي
بعدين تلعن اليوم الا تزوجت فيه
لا يصح الا الصحيح
حلاه الثوب رقعته منه وفيه
يعطيك العافيه
عزوز المضارب
20-02-2007, 02:48 PM
اشكرك اخي الكريم على هذا الطرح القيم

اول شئ بالنسبة لنا نحن كعرب لا يجدر بنا ان نقول على بعضنا أجــــــانــب
لاننا على دين واحد وهو الاسلام ونقول جميعا اشهد ان لا اله الا الله وان محمدا رسول الله
ولنا لغة واحدة وهي اللغة العربية لغة القران الكريم الذي هو كتابنا

نختلف فقط في العادات والتقاليد وهذا من صنع البشر ليس الا .
سادخل في صلب الموضوع وارجو ان اوفق في تشخيص الاسباب :


الزواج اول شئ قسمة ونصيب ينبني على التفاهم. اذا تم التفاهم بين اثنين

سواء كان الزوج من الخليج أو كانت المراة من شمال افريقيا

فان اول شئ يجمع بينهما النصيب وبعدها ياتي التفاهم والارتياح والحب

فيتم الزواج، دون ان يفكر كل واحد منهما انه سيتعرض يوما الى مشاكل او الى الطلاق

لان هذه الخلافات تاتي مع مرور الوقت سواء اذا كانا من نفس البلد او كان كل فرد منهما من

بلد اخر


الظاهرة المنتشرة حاليا والتي كان للانترنيت والفضائيات دور كبير فيها هو الاغراء

سواء الاغراء المادي او المعنوي او الجسدي

فقد اصبح التعارف في الانترنيت والحديث عبر المسنجر يقرب بين الافراد خصوصا بين رجال

الخليج و بنات العرب

كل له هدفه وله مبتغاه،

الرجل يبحث عن الرومانسية وعن الحب والغنج

والفتاة ترغب في الاستقرار مع رجل غني حتى لو كان مسن مقابل مبلغ او اي شئ مادي

فكل منهما يسعى الى ما ينقصه في الاخر دون التفكير في شئ

وكما اعتقد ان بنات الخليج فيهم صفه الخجل و تحفظهن هو ما يجعل الرجل يتزوج من خارج

بلده


فعلا هذا سبب كافي لان يبحث الزوج عن اخرى وان تكون ردة فعله هو ضرب زوجته لانه يريد شيئا

لا يتوجب عليه ان يطلب من زوجته كلمة حب او لمسة حنان وفعلا عنده حق

كيف سيقول لها قولي لي احبك فهو هنا يطلب كلمة ومن الممكن ان تقولها لكن لن يشعر بها

لانه هو من طلب لو تفوهت بها المراة من نفسها سيكون لها شكل خاص واثر كبير على نفسية

الزوج

لكن الخجل والبخل في المشاعر

هذا يولد نفور وفتور في العلاقات الزوجية

وبما ان المجتمع له بيئة خاصة وتقاليد خاصة وتربية خاصة فلابد للرجل ان يجتهد لجعل زوجته

قريبة منه

ان يحاورها في اول ايام الزواج ان يقول لها كيف يريد ان يعيش معها كيف يريد ان تكون

علاقتهماا

كي تستوعب الامر من البداية وتكون على بينة


اكرر شكري

واسف على هذه النقاط المبعثرة وسامحوني على الاسلوب في الطرح والتعبير

تحياتي
ابن ادم
20-02-2007, 02:49 PM
الرد مكرر
PoBox
20-02-2007, 02:53 PM
ودي أعرف منهو الرزيل اللي معرض الصفحة بهالدرجة بتوقيعة او كلامة
:court: :court: :court: :court: :court:
الراقية
20-02-2007, 02:55 PM
اتمنى لك التوفيق

ولكن سيتزجونك طمعاً في تأشيرة

او فتح محل لبيع تأشيرات

او قروض من البنك ثم يتركك ويهرب

او للحصول على الجواز القطري

واسالي مايحدث في بريطانيا عن الزواج من بريطانيات ان كنتي لاتعلمين

وفي الختام

اتمنى لك زوجاً صالحاً

اخي الفاضل حمد كم أحب اطروحاتك ومنازلاتك على المنتدى العام وجرأتك
وكم اتمنى ان املك قلم جرئ مثلك

شكرا على تعليقك على ردي

ولكني اريد أن اعرف زواج الاجنبية سواء مغربية او لبنانية او اردنية من قطري
هل هو حبا في الرجل الخليجي ولن اقول القطري

أم طمعا في الحصول على الامتيازات التي ستحصل عليها من الزواج من قطري لو خليجي

اخي الفاضل

لا اعتقد ان الاجنبية لو حصلت واحد من طينتها وجلدها وديانتها وبلدها في مستوى معيشي ممتاز ويرغب في الارتباط فيها سوف تفضل عليه الخليجي

اعلم اخي اننا في الهواء سواء كلنا نتعرض للطمع شاب او شابة خليجية
وانا معك فيما طرحته
واردت من هنا ان اعقب فقط على الزواج من اجنبيات

اذا كان ولد البلد راح ياخذ اجنبية لانها راح تخدمة وذات مهر قليل

فالقطرية هل تمنع نفسها من الزواج من اجنبي لانه طمعان فيها وهل القطرية هي من وضعت

المهر وحددته ام ان العادات والتقاليد ما زالت تحكمنا جميعا رضينا ام ابينا

وهل اختك عفوا اسمح لي ان اضرب المثل باقرب الناس الى قلبك ونحن في قطر كم سيكون

مهرها وحفلة زواجها لا علم لي ولكني معكم قلبا وقالبا في كل موضوع

احبكم في الله واتمنى ان تحصلوا على ما تريدون مثلما امنياتي ان احصل على ما اريد

وشكرا على دعوتك الغالية بالحصول على زوج صالح

ولكني ما زلت مقيدة باغلال العادات والتقاليد وغارقة من راسي حتى اخمص قدمي وحتى لو رضوا اهلي بالاجنبي لن ارضى أنا

ولكني حبيت ادلوا بدلوي معكم وهو غيض من فيض
تقبل تحياتي
وتقبل تعليقي بصدرك الرحب الذي تعودت عليه
اختك الراقية
الراقية
20-02-2007, 03:07 PM
يسعدني مرورج اختي الراقية بنسبه للبنات لهم ولي امر وهو ادرى
وبعدين الاجنبي بيدفع المبالغ الضخمه هذي ولو دفع الكل فيهم يقدر؟
وبعدين للغريب بيرخصون المهر ويمكن يتزوج على حساب البنت نفسها والقطري لا
احنا ما شفنا في بناتنا القطريات عيب لكن الامور مبالغ فيها وهذي المشكله بنسبه لنا وبخصوص لقب الاجانب هذا معمول به ف الدوله ولكنا عرب وحياج الله واتمنى لكل قطرية ان توفق بزوج طلبيه خاصه اي ام جي يقدر الحياه الزوجيه ويكون من احسن معلمين الفطاير او الحلاقين ان كانو يطمحون للزواج من اجنبي
اشكرك اخوي على ردك الرائع
ليش مش يمكن يكون الاجنبي ...دكتور او مدرس جامعي او مهندس من حملة الشهادات العليا
فالقطريين فيهم حملة الشهادات الاعدادية والابتدائية والجامعي والماجستير والدكتوراة
ليش ربطت الاجنبي فقط
بمعلم فطاير او حلاق او بياع
هل يعقل انت لما تتزوج من اجنبية راح تختار وحدة تشتغل بصالون نسائي او بمحل بيع اقمشة او شايفها بمطعم نادلة او تعمل بمكان ليلي

او سوف يكون هناك اختيار من قبلك راح تكون ذات دين وجمال ومستوى تعليمي راقي
رد علي بارك الله فيك

وانا معجبة جدا بطرحك الرائع
ابن ادم
20-02-2007, 03:16 PM
خـذني معـــــــاك :D

ابشرررررررررررر
ابوعلي اليافعي
20-02-2007, 03:17 PM
في البدايه اعتقد ان اساس المشكله الي طلب الاخ مليت بسببها فتح الزواج من غير القطريات هو المهر ولكن اعتقد ان هذه المشكله قديمه وكانت في الماضي لما كانت الاربعين والاميه والميتين الف تعتبر مبلغ كبير اما اليوم فبصراحه هذا المبلغ حتى مايشتري لك سياره فشلون ونت بتاخذ بنت ناس وبتكون حلالك ..

النقطه الثانيه بدال مايتم فتح المجال للزواج من غير القطريات ليش ماتبحث عن حلول منطقيه اكثر مثل رفع عينية الزواج الى 100الف ..عمل صندوق تكافل لكل قبيله ومن خلاله يتم مساعدت المقدمين على الزواج..توفير قاعات زواج برسوم رمزيه وتكون مدعومه من الوزارات المعنيه ومن المجلس الاعلى لشؤن الاسره...

في موضوع اخر في المنتدى يذكر ان عدد العوانس في السعوديه وصل مليون عانس وكان السبب الرئيسي هو الزواج من الاجنبيات ..فكيف ترضى ان تكون اختك وبنت عمك وابنتك اسيرة العنوسه وانت مستمتع بحياتك ...

هناك الكثير من العوائل الي يدورون الستر لبناتهم ويطمنون عليهم والجاد في مثل هالامور راح يحصل بدل البنت عشر ...

عالعموم موضوع شيق واتمنى ان يبقى الحوار هادف ..ويعطيكم العافيه
ابن ادم
20-02-2007, 03:18 PM
معااااااااااك .......:nice: :)

من عيوني :o
بوحمد1
20-02-2007, 04:13 PM
الموضوع جميل جداً ............. بس يكفيه مناقشة ...... التوفيق من الله واللي يبي عياله منه وفيه وخوالهم من بلاده ياخذ ميد إن قطر واللي يبي شو ماشو الله يكون في عونه مسرع بيمل منها وبيندم بس ماينفع الندم وقتها ........... وبعدين كل واحد يتعذر بالمهر أحب أقوله شمعنى الزواج مايستاهل والرنج بو 300000 ألف يستاهل ؟؟؟؟؟؟؟؟؟؟؟.
ابو ضاري
20-02-2007, 04:20 PM
في موضوع اخر في المنتدى يذكر ان عدد العوانس في السعوديه وصل مليون عانس وكان السبب الرئيسي هو الزواج من الاجنبيات ..


الله يعطيك العافية اخوي أبو على اليافعي على المتابعة بارك الله فيك يالغالي لكن عندي تعقيب بسيط السبب الرئيسي في العنوسة في المملكة العربية السعودية زيادة عدد الإناث بالنسبة للذكور حيث الذكر يقابله 2 او 3 من الإنات ونشرت الأحصائية الخاصة بالتعداد السكاني في الممكلة في الصحف السعودية وبينت كل منطقة ونسبة الأناث للذكور حيث وصلت الذكر يقابله 3 او 2 من الاناث والزواج من خارج الممكلة ليس سبب رئيسي في العنوسة لكن من احد الاسباب الفرعية في هذا الموضوع ويبقى مليون عانس من 17 مليون نسمة امر مقبول من حيث النسبة والتناسب وبارك الله فيك لكن أردت اوضح هذه النقطة لا اكثر ولا اقل والله يعطيك العافية



ولا اريد التكلم في بخصوص موضوع العنوسة في قطر او مسالة الأجنبيات لأني لا امتلك المعلومات الكافية واخاف اظلم طبقة اجتماعية من هنا وهناك وايضا اترك القطريين يناقشون شؤونهم الخاصة في هذا الموضوع تحياتي لك والله يعطيك العافية


فمان الكريم
alanood
20-02-2007, 05:10 PM
السلام عليكم...
بصراحة الموضوع مهم و لم استطع قراءة كل الصفحات ال9..
ولكن...اتوقع رايي موجود بين هذه الصفحات...
سبحان الله...
اللي ربي قاسمة من عربية ام اجنبية ام بنت البلد لولد البلد بيصير...
ولا تعلم اين الخيرة..
ولكن..
ان جينا للحق..
يا اخواني بكرة ان عيّلتوا من بتزوجون بناتكم؟
ما ادري ايش بتكون الاجابة...
ولكن هل نحن نزين لانفسنا امر الزواج من الأجانب لان القالب الخارجي مغري..
والطبخ و غيره؟
هل عواقب هذه الزيجة ستثمر ولن تكون له اي من السلبيات...؟؟
هل الامر ظاهريّا كما هو جذّاب و انتقصنا من ايجابيّات بناتنا..ارتأينا سلباتهم ايجابيات غيرهم و لم نرى ايجابياتهم التي هي سلبيات غيرهم؟
هل بنت البلد هي من تبحث عن الغلاء؟وانتم لا تحبّونه؟....موبايلاتكم؟سيّاراتكم؟كشتاتكم؟سفراتكم؟ا لخ الخ؟
اذا ما تتغلى على ولد بلدها على من تتغلى؟
ولا أقول....خلينا نصف بعيد....ونتفرّج على عواقب هذه الظاهره!!...
وهنيئا لكم اخواني ببنات غيرنا...انشالله يكون فيهم خير...أكيد هذا ما نتمناه من قلبنا لأننا ننتمي لنفس البلد ونفس العادات و التقاليد واالي فيه خير لكم فيه خير لنا...وماهي الحياة؟الا فانية...والزواج ليس هو المستقر هو رضا الله قبل كل أمر..
وان كان علي أنا فلله الحمد...توفقت في أحد ابناء بلدي...
و دعاء الوالدين جزاهم الله خير الجزاء وفقني بخيرة الرجال..
فأتمنى لبنات بلدي أن يحظوا بهكذا نصيب...
و شكرا لك اخي عالطرح...
والاختلاف في الرأي لا يفسد للود قضية...
ابوعلي اليافعي
20-02-2007, 06:13 PM
الله يعطيك العافية اخوي أبو على اليافعي على المتابعة بارك الله فيك يالغالي لكن عندي تعقيب بسيط السبب الرئيسي في العنوسة في المملكة العربية السعودية زيادة عدد الإناث بالنسبة للذكور حيث الذكر يقابله 2 او 3 من الإنات ونشرت الأحصائية الخاصة بالتعداد السكاني في الممكلة في الصحف السعودية وبينت كل منطقة ونسبة الأناث للذكور حيث وصلت الذكر يقابله 3 او 2 من الاناث والزواج من خارج الممكلة ليس سبب رئيسي في العنوسة لكن من احد الاسباب الفرعية في هذا الموضوع ويبقى مليون عانس من 17 مليون نسمة امر مقبول من حيث النسبة والتناسب وبارك الله فيك لكن أردت اوضح هذه النقطة لا اكثر ولا اقل والله يعطيك العافية


فمان الكريم


حياك الله بوضاري وفعلا انا في الموضوع الاخر ذكرت سبب ارتفاع عدد الاناث بالنسبه للذكور وهنا اقصد ان الزواج من غير المواطنات احد الاسباب وليس السبب الرئيسي لزيادة عدد العوانس في السعوديه.. جزاك الله خير وعزيز وغالي يابو ضاري
خبير البورصه
20-02-2007, 07:06 PM
مع احترامي لجميع الاراء رسولنا الكريم (ص) حث على الزواج ممن ترضون دينه
ورقــة أمــل
20-02-2007, 07:21 PM
صديقتي اجنبيه مش عربيه بعد
وتزوجت من شاب قطري... طبعا مش براضاها
خذته عشان تحصل جواز وتامن مستقبل
اخوانها وامها وابوها عشان يعيشون بالدوحة
وهي بعد تعيش مرتاحه
وللعلم مافي تاكفؤ لا ثقافي ولا دراسي ولا حتى شكلي صراحه بين الاثنين
وزواجها كان مثل زواج اي قطريه
تزوجت بالفورسيزن وجايبين احسن طقاقه واحسن كوشه ومهرها 75 الف
حطتهم بمخباها..
وباقي المصاريف كانت على المعرس...
وحطت شروط..ملحق بروحها وتبي تشتغل وتبي وخدامه
يعني شالفرق بينها وبين القطريه؟؟؟؟
الفرق ان وحده يبيلها تجيب موافقه والثانيه بدون موافقه..
المشكله مب في مهر القطريه وبس.. ترى الدوحة غاليه وكلشي تشتريه غالي
وبعدين الفندق غالي حتى الخرفان غلووو... يعني لو مهر الوحده 60 الف
الفندق والخيمه والخرابيط كلها مش اقل من 150 الف....
لو في مراقبه على قاعات الافراح واسعار الذبايح والخيام جان العرس كله مايكلف 150 الف
بس للاسف لا مراقبه من الدولة... ولا فيه عينية تملي عين الواحد وتشجعه عالزواج...ولا فيه مكافاة او زياده بالراتب لو الواحد ياب ياهل كتشجيع له ويكثر نسله.. وحتى المتزوج لو بيقدم على ارض او بيت ما يحصله الا يوم عياله يصيرون طوله...الا اذا بواسطه... احين الواسطه بكل مكان...حتى لو بتحجز بقاعه معينة وتعرف راعيها.. يخليك تعرس بها ببلاش!
نصيحه للشباب لو بتتزوج... تعرف على راعي محل تصميم افراح ومحل حلويات وتعرف على صاحب القاعه اللي بتعرس فيها، وعلى خيرية، وحتى على اللي يبيع خرفان بسوق الغنم.. اضمن لكم العرس كله ببلاش بس ادفع مهر..
صقر بلادي
20-02-2007, 07:52 PM
أقول روح تزوج اجنبيه وبعدين بتعرف قدر بنت بلادك

بنت بلادك منك وفيك وعيالك حولك مو بعيد

عمري ماسمعت أجنبيه مو داشه على طمع

الحمد لله بنت بلادي في خير ونعمه مو طمعانه مثل الاجنبيه

ياخوي لاتفكر الحين فكر بعدين في المستقبل تذاكر وهدايه ومصاريف اهناك كل سنه حسبها

على الاقل المصاريف مراح تروح بعيد كلها عليك وعليها حتى لو مليون المهر

بتغلي المليون على مرتك
rashid-1
20-02-2007, 08:14 PM
يا سوريا حنا جايين


الله يعينك على ريحة الثوم
بيبي هامور
20-02-2007, 08:42 PM
مع احترامي لجميع الاراء رسولنا الكريم (ص) حث على الزواج ممن ترضون دينه

صح للسانك يالخبير
امل الحب
20-02-2007, 08:46 PM
الله يعينكم ياشباب ويصبركم على طلبات البنات...

<<< بنت بس بطلبات خاصة :)
halcrow
20-02-2007, 08:56 PM
بالنسبه للموضوع

صدقوني كثير من القبائل والعايلات في قطر ماتطلب مهر عالي وهالشي من الواقع ...لكن في ناس تتزبى وتقول ان فلانه طلبت مهر عالي من باب الفشخره ولكن في الحقيقه والواقع غير ...
ياشباب خلونا نكون واقعييين وصريحين .... هالاعذار شبعنا منها ( المهر العالي )

بعض الشباب يتعذر في المهر...لكن في الحقيقه في اشياء ثانيه شاغلته :-

بعض الشباب مو مستعجل عالمسؤوليه

وبعضهم يحب الكشخه والرزه وماخذ له الموتر الفلاني...وكل ماتقوله متى بتتزوج ...يقولك ياريال خلنا نستانس وتو الناس...وجواله مايسكت وفواتيره الله العالم فيها

وبعضهم عايش قصه حب مع حبيبته والمشكله انه يضيع وقته معاها ويدري انه مب ماخذها

وغيره يقولك انه مستانس وصك عمره ال33 وهو من ديره لديره ....وعايش دور المتزوج بالحرام ...الله يستر على المسلمين ,وهو يظن انه عايش ...مايدري انه يغضب ربه وان الزواج فيه الراحه والسكينه

وبعضهم لف حول ( هله وجماعته ومن كل صوب ) ومالقى الي تملى عينه مثل الي يشوفهم في القنوات الفضائيه .....المسكين تعب نفسيا......ومن شيشه لشيشه...ويفكر انه بيتزوج اجنبيه
مليت
20-02-2007, 09:05 PM
الحمدالله رب العالمين على التفاعل هذا الي راح يفيد الجميع وينبه الجميع في امور الزواج
وشكراً لكل من قال انني غير قطري واني دلال على؟...................
والف شكر لمن تفهم طرحي وعرف اين المشكله والحل كيف يكون
1 تتهمونا بشراء السيارات الغاليه ونقول السياره تنشري بدين وتصبر عليك لكن الزوجه لها حقق وما تصبر وان صبرت انت عيب عليك ما توفر الامور الاساسية للبيت والعيال وطبعاً ليلة عرسها سبب معاناه للزواج على الاقل عشر سنين لين يفتك من الدين هذا ان ماحنت عليه عشان يجدد الاقرض
2-قلنا عربية ترا اليمن فيها قبايل ويمكن ما يزوجون الخليجي لو انه مليونير والاردن كذالك وكثير من الدول العربية
3-لو دخلت بطمع ترا الي تصرفه القطرية في الستي يكفي الغير قطرية ويكفي بيتهم وبيت جيرانهم لو في السنه مره يعني تاخذها وتقول طمعانه وتقصر فيها لا غلط
4-قلنا متى بيسمحون الزواج من الغير قطريات ولا تزعلون
5-بعض الاخوان للاسف يجامل وانا قلت البعض والحقيقه الي في داخله يتمنى ان لم يسمحو بزواج من الغير قطرية ان يخفو شويه على المتقدم للزواج من التكاليف
6-بعض الخوات العنس ما عجبهم كلامي واردو ان يكيلو بمكيالين وانا اعتذر عن ذالك اسف يا اختي العانس نحنوووو رجال وان تزوجنا بغير القطرية راح يبقون عيالنا قطرين ترا مافي مقارنة لكن انتو العكس
7-الاخت ........ لو عندنا من يعطينا التوصيات في ..............................االدوحه
كان ما قلنا التكاليف غاليه علينا
لكن خبرج مالنا في التضليل وتطبيل
والسلام ختام
السديم
20-02-2007, 09:16 PM
للأسف اخ مليت تطرح موضوع للنقاش وتريد كل من يناقش اما ان يتفق معك ويصفق ويزمر لنادائتك التافهه ويؤيدك في رأيك الشاذ أو ستنعته بالنفاق و ارضاء الجنس الاخر !!!!!!!!!!

كذلك وصفك لبنات بلادك بالعوانس امر معيب ترا ومعيب في حقك قبل لايكون في حق البنات .. اظن كتبت ردك وانت مستعجل او انك تحب الكلام الزايد واللي ما وراه فايده !!!!!!

اظن اغلب بنات المنتدى هني كبار ومتزوجات وعندهم عيال .. بس وضحو لك وجهة نظرهم حبو يناقشونك ويبينون لك رايهم .. لكن بردك ذي الصراحه حتى فقدت الموضوع حلاوته وخفة دمه اللي الجميع خذها بروح رياضيه بالاضافه للفائدة ..

للأسف نعم للأسف لما يكون بعض من شباب بلادي هذا تفكيرهم ..

الله يسهل اموركم ويفتحون لكم الزواج من جميع بلدان العالم .. واعلم ان القطريه ماتبي واحد تفكيره مثل تفكيرك .. الا بالعكس تبي واحد يحبها ويصونها ويحطها على راسه ..

نصيحة اخت .. لاتتهور في كتاباتك بزيادة .. اركد وتعقل وعقب ناقش واكتب :)
أمة الله
20-02-2007, 09:20 PM
أشكرك على طرح الموضوع والاختلاف في الرأي لا يفسد للوّد قضية

غلاء المهور والتكاليف والطلبات كلها شمّاعه يعلقون عليها الشباب سبب رغبتهم الزواج من غير القطريات لأن مثل ما يقولون ( اللقمه الغريبه حلوه ).....والله اللي في نيته يآخذ من بنات بلاده لو في مليون سبب بيتخطاهم لأن التيسير في مثل هالأمر من رب العالمين واللي أصلاً عينه على بنات البلادين الثانيه لأسباب في نفس يعقوب بيظهرون ألف علّه وعلّه في بنات البلاد......فالنهايه الله يعطي كل واحد على قد نيته وأتمنى ان بعدين محد يجي يفتح مواضيع عن الطلاق بسبب اختلاف العادات وإلاّ أخذ العيال والهرب بهم لبلاد الأم وإلاّ تكاليف السفر كل فتره وثانيه وفواتير التلفونات وإلاّ عن كيفية إظهار الفيزا لفريج الزوجه ويمكن الفريج اللي احذا فريجها بعد!
مليت
20-02-2007, 09:22 PM
معذوره اختي وانا قلت بعض العنس واسف على لمس الجرح والله يوفقج
والموضوع خذ كفايته في النقاش واتمنى اغلاقه
ورقــة أمــل
20-02-2007, 09:42 PM
2-قلنا عربية ترا اليمن فيها قبايل ويمكن ما يزوجون الخليجي لو انه مليونير والاردن كذالك وكثير من الدول العربية

اول مرة اسمع بهيك سالفه :con2:

3-لو دخلت بطمع ترا الي تصرفه القطرية في الستي يكفي الغير قطرية ويكفي بيتهم وبيت جيرانهم لو في السنه مره يعني تاخذها وتقول طمعانه وتقصر فيها لا غلط

لا من يقول... انا اشوف البنات العربيات يتكشخون ازيد من القطريه.. جنزات وبناطلين وحاله.. وكلشي عندهم ماركات ودلع ولا عاد الشاميات..وخر عنهم
وماعندهم لا عادات قطرية ولا تقاليد... حتى العباية ان لبسوها تطلع عليهم غير شكل..

5-بعض الاخوان للاسف يجامل وانا قلت البعض والحقيقه الي في داخله يتمنى ان لم يسمحو بزواج من الغير قطرية ان يخفو شويه على المتقدم للزواج من التكاليف

شلون عرفت انه يجامل يعني من ورا الشاشة؟؟ :con2:

6-بعض الخوات العنس ما عجبهم كلامي واردو ان يكيلو بمكيالين وانا اعتذر عن ذالك اسف يا اختي العانس نحنوووو رجال وان تزوجنا بغير القطرية راح يبقون عيالنا قطرين ترا مافي مقارنة لكن انتو العكس

عيالكم قطريين بجواز قطري اوكيه.. بس تفكيرهم غير قطري ولا شكلهم قطري.. ولا عاد اذا امه هنديه ولا لبنانيه يطلع يتحجى لك هندي او لبناني وعيونه خضر... بيفشلنا ويسود وجهنا.. والله اشوفك تفكر بنفسك تفكر بالخساير اكثر من مستقبل عيالك وتنشئتهم تنشئه قطريه.. اللي يسمعك يقول بنات قطر كلهم غلايا ولا في قطري ياخذ قطرية..وفتح المجال للزواج من غير القطريه تراه حل وراه ستين مضره قبل المنفعه :court:

7-الاخت ........ لو عندنا من يعطينا التوصيات في ..............................االدوحه

اكمل الفراغ... ماعرفت اكمله :con2:

كان ما قلنا التكاليف غاليه علينا
لكن خبرج مالنا في التضليل وتطبيل
والسلام ختام

:) :) :) :)
أبوتركي
20-02-2007, 10:14 PM
لحد يعصب بس ماقلنا شي سوريا لكم ولبنان لنا :app: :app:

لا يا أختي ........ سوريــــا ولبنــــــــان لنـــــــا .... انتوا لكم الأردن ......:D :D :D
أبوتركي
20-02-2007, 10:27 PM
:app: :app: :app: :app: :app: :app: :app: :app:

في هذة الحالة سوف ادخل....برأس المال كاملا .....:nice:

لا أخوي ... انصحك تدخل بثلث راس المال ... وتخلي الباقي احتياط..... يمكن يتغير القانون وتتوهق...:D
ابن الوطن
20-02-2007, 10:43 PM
لا أخوي ... انصحك تدخل بثلث راس المال ... وتخلي الباقي احتياط..... يمكن يتغير القانون وتتوهق...:D





لا يا أختي ........ سوريــــا ولبنــــــــان لنـــــــا .... انتوا لكم الأردن ......:D :D :D


شكرا لك ابو تركي
هههههههههههه
اطلعة على الردود كلها وكنت زعلان من بعضها
وكنت حاب ارد على الموضوع .
بس شفت اخذ اكثر من حقه
يعطيك العافيه مليت
ومثل ما قلت ياريت اغلاق الموضوع
قطر
20-02-2007, 11:09 PM
السلام عليكم

أولا بتكلم بخصوص ان الاب يشرط مهر يكون 100 الف او ماادري كم

ماعمري سمعت ان الاب يشرط خصوصا في قطر دوم هل القبايل تلقاه يقول
نشتري الرجال ومايهمنا المهر

ودوم المهر يكون من تحديد المعرس واهله..

هذا اللي حاصل عندنا مادري عن غيرنا

وتسجيل المهر في ورقة الزواج 1000 ريال فقط

ومافي مؤخر (( بعد الطلاق لاسمح الله ))
وهذا انا ماأأيده لكن هذه الامور من عاداتنا وتقاليدنا...


بخصوص غلاء امور ومستلزمات العرس
في نظام متبع في البحرين والكويت

وحاليا بدى يسري في قطر

وهو ان الواحد يقدم مهر وشبكة

ويملج ويسافر مع زوجته يوم الملجة

ولي رجعوا سووا لها عشاء عباره عن حفل استقبال (( لافشاء خبر الزواج))


ومااعتقد يكلف هالعشا كثير

وكان الله غفورا رحيما

لكن وين اللي يطبق :anger1:
مكنتوش
20-02-2007, 11:11 PM
اعرف واحد راح يخطب الاب رفض الولد فقط عشان 15000ريال :eek2:

يعني الاب طلب 90000 مهر والولد قال ماعندي الا 75000 ها شرايكم هذا غير مصاريف العرس ها شقلتو ؟ لا يابابا ماعندنا بنات ب75 الف

عشان 15000 يالظالم وبنتك الحين طق باب ال 30 سنة

احدا ث القصة في عام 2006

حلاة الثوب رقعته منه وفيه

تغير جو شوي

ارعص هنية للاستماع بتنزيل السريع (http://dl9.ohshare.com/d/6065399/1172004530/hamad.amr)
alanood
20-02-2007, 11:17 PM
السلام عليكم

أولا بتكلم بخصوص ان الاب يشرط مهر يكون 100 الف او ماادري كم

ماعمري سمعت ان الاب يشرط خصوصا في قطر دوم هل القبايل تلقاه يقول
نشتري الرجال ومايهمنا المهر

ودوم المهر يكون من تحديد المعرس واهله..

هذا اللي حاصل عندنا مادري عن غيرنا

وتسجيل المهر في ورقة الزواج 1000 ريال فقط

ومافي مؤخر (( بعد الطلاق لاسمح الله ))
وهذا انا ماأأيده لكن هذه الامور من عاداتنا وتقاليدنا...
بخصوص غلاء امور ومستلزمات العرس
في نظام متبع في البحرين والكويت
وحاليا بدى يسري في قطر
وهو ان الواحد يقدم مهر وشبكة
ويملج ويسافر مع زوجته يوم الملجة
ولي رجعوا سووا لها عشاء عباره عن حفل استقبال (( لافشاء خبر الزواج))
ومااعتقد يكلف هالعشا كثير
وكان الله غفورا رحيما
لكن وين اللي يطبق :anger1:
:nice: :nice: :nice:
هم عندنا!
مليت
20-02-2007, 11:20 PM
اعرف واحد راح يخطب الاب رفض الولد فقط عشان 15000ريال :eek2:

يعني الاب طلب 90000 مهر والولد قال ماعندي الا 75000 ها شرايكم هذا غير مصاريف العرس ها شقلتو ؟ لا يابابا ماعندنا بنات ب75 الف

عشان 15000 يالظالم وبنتك الحين طق باب ال 30 سنة

احدا ث القصة في عام 2006

حلاة الثوب رقعته منه وفيه

تغير جو شوي

ارعص هنية للاستماع بعد التنزيل السريع (http://dl9.ohshare.com/d/6065399/1172004530/hamad.amr)
والكثير عندهم نفس السالفه بس للاسف مستحين يسردون الحكايات الغريبه والعجيبه