للوقايه من الحوادث في قطر ( دخلو و عطوني رايكم)

[ولد الديره]

مرحبا جميعا.. تحيه طيبه و بعد/

انا قعدت افكر شلون نوقف من الحوادث اللي تؤدي الى ضياع الشباب ؟؟ هل السبب هو الازدحام المروري؟؟ ام عدم الالتزام بالقوانين المروريه ؟؟ ام ان لا توجد توعيه من قبل المرور للوقايه من الحوادث؟؟
** خلونا من اللغه العربيه شوي:strong يا ناس فكرت في اختراع لو يسونه و يتطبق في قطر راح نفتك من ان نسمع فلان انتقل الى رحمة الله ....crazy اسمحولي شباب بس لازم اقول ادري صعبه عليكم :strong بس بتساعدنا كلنا...

** الاختراع ان اي سياره تتسجل فالمرور لازم يتركب عليها جهاز , هالجهاز يكون موصل بالمرور مباشره عن طريق الاقمار الصناعيه و اذا كان الشارع محددله سرعه 100 اذا زادة السياره عن سرعة 100 اوتوماتيكيا تتحول المخالفه بدون لا رادارات ول مراقبة الدوريال و بنفس الطريقه الاماكن الممنوع فيها الوقوف تتحدد بالبرنامج من عند المرور و تنصاد عل طوووول.

** بهالطريقه المرور يوفرون عل نفوسهم 1-التعب 2-اللتزام المروري 3-المحافضه عل سلامة الركاب و سلاوة الطريق 4-احترام السائق لقوانين الطريق


و سلامتكم و اللي يأيدني او مايأيدني ارجو انه يفيدني ويفيد اللي متطلعين عل الموضوع و سلامتكم

تحيات ولد الديره..:D

[حمد1977]

هذا النظام موجود بالفعل في قطر

حيث تقوم شركات اجنبية بوضع جهاز للتحكم بالسرعة والبريك في كل سياراتها

وكل شهر يقوم المختصون باخذ تقرير عن كل سيارة لصالح الشركة فقط (وليس المرور)

ويتم محاسبة كل موظف متهور في القيادة بالانذار

اما المرور .. فاغسل يدك منهم لان ماعندهم بارد يفكرون ويبتكرون

يبون شاي كرك ومكتب وبس

مافي الا الوزير هو الي شغال عدل عندهم

من يوم ماجاء واحنا نشوف كبار الضباط ينزلون الشارع

وقبل نايمين في العسل

[JSSC]

الموت حق يا بوالشباب ... وانا ادري ان قصدك تخفيف استنزاف ارواح الشباب ...

رجال المرور ليسوا بأغبياء ليستنزفوا اموال الدوله على هذا الجهاز ( طبعاً في نظري )
انت قلت ( الاختراع ان اي سياره تتسجل فالمرور لازم يتركب عليها جهاز , هالجهاز يكون موصل بالمرور مباشره عن طريق الاقمار الصناعيه ) :con2:

وانا اقول اذا طلعت السياره من المرور في اللي يفصل الجهاز ونرجع مره ثانيه للبدايه ( ممكن تعطيني حل في هذه الحاله ؟! ) :con2: لاتقول ما تشتغل السياره او تفصل او ما تمشي واحنا شفنا شباب وايد يتلاعبون في هالامور والموضوع عادي :nice:

وبعدين شفنا شباب وايد يمشون في حالهم لكن الخطأ المتسبب في قتله ( تريلا قاطعه الشارع وهو دخل تحتها ) من السبب ؟! ( ماشي على طريق الشمال وهندي يمشي وقاطع الشارع جدامه ولف عنه وانقلب بالسياره ومات والهندي كمّل وراح العزبه ) من السبب ؟! ( ماشي على طريق الشحانيه وبعض الناس ... اللي ما تهمه ارواح الناس والشباب ... يخلي الجمال تطلع من الريس وتقطع الشارع وفي الاخير تندعم وتموت عائله او يموت شاب وعلى فكره كان بيموت واحد من ربعي بسبب هالموضوع وراعي الناقه حلف في المحكمه انها مب له شوف الذمه واحكم على راحتك ) من السبب في نظرك (الناقه) ؟!

الله يرحمهم ويرحم جميع اموات المسلمين ويرحمنا اجمعين ويحسن لنا خاتمتنا في الدنيا ( امين )

مشكور اخوي على الموضوع وتقبل احترامي وتقديري

[الفقهاء]

الموت حق يا بوالشباب ... وانا ادري ان قصدك تخفيف استنزاف ارواح الشباب ...

رجال المرور ليسوا بأغبياء ليستنزفوا اموال الدوله على هذا الجهاز ( طبعاً في نظري )
انت قلت ( الاختراع ان اي سياره تتسجل فالمرور لازم يتركب عليها جهاز , هالجهاز يكون موصل بالمرور مباشره عن طريق الاقمار الصناعيه ) :con2:

وانا اقول اذا طلعت السياره من المرور في اللي يفصل الجهاز ونرجع مره ثانيه للبدايه ( ممكن تعطيني حل في هذه الحاله ؟! ) :con2: لاتقول ما تشتغل السياره او تفصل او ما تمشي واحنا شفنا شباب وايد يتلاعبون في هالامور والموضوع عادي :nice:

وبعدين شفنا شباب وايد يمشون في حالهم لكن الخطأ المتسبب في قتله ( تريلا قاطعه الشارع وهو دخل تحتها ) من السبب ؟! ( ماشي على طريق الشمال وهندي يمشي وقاطع الشارع جدامه ولف عنه وانقلب بالسياره ومات والهندي كمّل وراح العزبه ) من السبب ؟! ( ماشي على طريق الشحانيه وبعض الناس ... اللي ما تهمه ارواح الناس والشباب ... يخلي الجمال تطلع من الريس وتقطع الشارع وفي الاخير تندعم وتموت عائله او يموت شاب وعلى فكره كان بيموت واحد من ربعي بسبب هالموضوع وراعي الناقه حلف في المحكمه انها مب له شوف الذمه واحكم على راحتك ) من السبب في نظرك (الناقه) ؟!

الله يرحمهم ويرحم جميع اموات المسلمين ويرحمنا اجمعين ويحسن لنا خاتمتنا في الدنيا ( امين )

مشكور اخوي على الموضوع وتقبل احترامي وتقديري

بسيطة أخوي ممكن يقومون بتطوير البرنامج إلى إنه كل سيارة تفصل الجهاز يبين عندهم على قائمة في الكمبيوتر انه صاحب رقم هاي السيارة موبمركب الجهاز وخلصت :) مافي شي صعب اللي قدر يسوي هل جهاز أكيد بيقدر يسوي هاي الميزة فيه ;) والحين هل أجهزة بالذات قاعدة تتطور ..نظام التيترا يفي بالغرض...والمسؤول عن هاي النظام في البلد شركة الخليج المتحدة ...تروح على كيوتل يحولونك عليهم ...وأنا أشجع أي فكرة زينة لتقليل الحوادث وشكرا للأخ المقترح للفكرة

[ولد الديره]

بسيطة أخوي ممكن يقومون بتطوير البرنامج إلى إنه كل سيارة تفصل الجهاز يبين عندهم على قائمة في الكمبيوتر انه صاحب رقم هاي السيارة موبمركب الجهاز وخلصت :) مافي شي صعب اللي قدر يسوي هل جهاز أكيد بيقدر يسوي هاي الميزة فيه ;) والحين هل أجهزة بالذات قاعدة تتطور ..نظام التيترا يفي بالغرض...والمسؤول عن هاي النظام في البلد شركة الخليج المتحدة ...تروح على كيوتل يحولونك عليهم ...وأنا أشجع أي فكرة زينة لتقليل الحوادث وشكرا للأخ المقترح للفكرة


بالضبط هاي الحل نفس برنامج التحكم بالنت ورك لو تعرفونه لو عندك 200 كمبيوتر موصلين بشبكةانصال و واحد فصل الشبكه بيبين رقم الكمبيوتر اللي فاصل..

و انا احترم وجهة نضركم و مثل ماقلت كل واحد يفكر من ناحيه...تحياتي

[كاسبر]

هالجهاز يكلف على الدوله مبالغ كثيره .. وهذي المبالغ الشعب أولى فيها..

في أشياء كثيره .. تحرج الشباب وتمنعهم من التهور ويحس انه طفل .. مثال : حينما يخالف

الشخص يتم خروجه من مركز الشرطه بكفالة والدته .. ليحس بالأحراج وان هذا الطريق طريق

جهاله وأطفال .. وهذا بالنسبه للمتهور في الشوارع العامه .. (مع احترامنا لأمهاتنا) ..

أما بالنسبه للشوارع الطويله .. مثل خط الشمال نشوف حوادث أغلبيتها أخطاء مش من الشباب

ولكن الشاب نفسه مايخاف من الموت احنا انعرف ناس وايد تروح شمال وترجع مسرعه وماصار لهم شي . . ليش؟؟!!

أكيد أن الله حافظهم .. ولكن الله ماحفظ اللى ماتوا مسرعين ؟؟؟!!! بالعكس الله ما يظلم حد ؟..

لكن الواحد لازم ينتبه ويخاف من التريلات والبياكم القديمه لأن هذي ظاهرة خط الشمال ..

الواحد لازم ينتبه ويتوقع أشياء مثال السياره اللى جدامه ممكن انها اتلف عليه يعني يخفف

شوي من السرعه لان في كثير من الناس افرطوا من الحوادث لو أنهم ماخففوا كانوا ادعموا

بس اسلموا من الحادث .. يعني الواحد لازم ينتبه ينتبه ينتبه ينتبه ينتبه ينتبه ينتبه ينتبه ينتبه

[ولد الديره]

اخوي العزيز ..

بخصوص احراج الشباب انا بالنسبة لي و لأهلي انحرج ول يقولونلي الله يرحمه .. وبعدين ليي يردون مسرعين من خط الشمال و الله حافظهم فا هاي مايفكر ول عنده عقل (مع احترامي لكل الشباب)شنو المشكله اذا وصلت 20 دقيقه متأخر شنو المشكله اذا مشيت 100 احنا مانقولك 60 يعني شباب لازم الواحد يفكر بالعقل .. و بعدين ان يكلف عل الحكومه مبالغ جامده نعم و احنا اولى فيها لاكن اذا خسرنا حنا شعب قطر فلوس ول نخسر ارواح الشباب اللي عل 20 سنه توه في زهرة شباب .. انا ماقول الا ان الله يرحم موتانا و موتا الامه الاسلاميه و يحفظنا برحمته..ولا حول ولا قوة الا بالله

[la-3yonk]

فلوس الدنيا تروح بس انحافظ على اخوانا الشباب وعلى عائلاتنا ... وانا اايد هذي الفكره
وااااايد حلوه ترى الدوله هي الكسبانه عبالكم اذا صار حادث مافي خسائر
احسبو الخسائر وشوفو كم تساوي قدام هالفكره

مشكور اخوي ولد الديره على فكرتك الحلوه

[التـسـعـة]

مهما سوّو المرور مايقدرون يمنعون الشباب من السرعة وهالسوالف

لأن بعض شباب الدوحة يحبون العناد (مو كلهم):D

وهالشي معرووووووف عندنا (كل ممنوع مرغوب)

أوكي حتى لو منعهم من السرعة في استعراض وشيل :dance

[قمرهم كلهم.]

وهالشي معرووووووف عندنا (كل ممنوع مرغوب)

أوكي حتى لو منعهم من السرعة في استعراض وشيل :dance


شيل ولا عبايات هههههههههههههههههههههه:funny: :funny: :funny: :funny: :funny:

[hamoor4ever]

ماشاء الله .. افكار جهنميه ..

ابروحهم المرور يدورون اي سبه علشان يمصون رواتبنا ..

انا اقول بعد مايسوون الجهاز يفتحون شركه علشان تركب لك الجهاز بمبلغ وقدره وعلشان انت تستفيد من الجهاز ادفع عليه اشتراك سنوي ،، رواتب حق الموظفين ولا تنسى تدفع بدل صيانه سنوي

واذا انقطع الجهاز لازم اتزورهم بأسرع وقت وتصلحه علشان مايحطون لك مخالفه كبيره
وبعد سنتين راح يطورون جهاز ثاني روح واشتر اليديد

وهلم جرى .. احنا مشكلتنا نكون مرتاحين ونروح ندور لنا على مشاكل
فتحت عيونهم الحين على جهاز استثماري خطير

الله عطانا العقل علشان مانرمي روحنا بالتهلكه
ومانسرع وياليت ان احنا نشوف شلون الناس في الدول المتقدمه تحترم القانون من غير اجهزه ولا رادارات

وشكرا

[khaleel]

مرحبا جميعا.. تحيه طيبه و بعد/

انا قعدت افكر شلون نوقف من الحوادث اللي تؤدي الى ضياع الشباب ؟؟ هل السبب هو الازدحام المروري؟؟ ام عدم الالتزام بالقوانين المروريه ؟؟ ام ان لا توجد توعيه من قبل المرور للوقايه من الحوادث؟؟
** خلونا من اللغه العربيه شوي:strong يا ناس فكرت في اختراع لو يسونه و يتطبق في قطر راح نفتك من ان نسمع فلان انتقل الى رحمة الله ....crazy اسمحولي شباب بس لازم اقول ادري صعبه عليكم :strong بس بتساعدنا كلنا...

** الاختراع ان اي سياره تتسجل فالمرور لازم يتركب عليها جهاز , هالجهاز يكون موصل بالمرور مباشره عن طريق الاقمار الصناعيه و اذا كان الشارع محددله سرعه 100 اذا زادة السياره عن سرعة 100 اوتوماتيكيا تتحول المخالفه بدون لا رادارات ول مراقبة الدوريال و بنفس الطريقه الاماكن الممنوع فيها الوقوف تتحدد بالبرنامج من عند المرور و تنصاد عل طوووول.

** بهالطريقه المرور يوفرون عل نفوسهم 1-التعب 2-اللتزام المروري 3-المحافضه عل سلامة الركاب و سلاوة الطريق 4-احترام السائق لقوانين الطريق


و سلامتكم و اللي يأيدني او مايأيدني ارجو انه يفيدني ويفيد اللي متطلعين عل الموضوع و سلامتكم

تحيات ولد الديره..:D


اخوي تراك بتبهدلنا:mad: ..... احنا كم رادار ونروح كل تجديد استماره ندفع لنا الف ولا الفين :eek3: .......... وبعدين ايش فايدة السيارات ليش تجي السرعه فوق 200 خلهم يربطونها على 120 ويفكونا :anger2: ............ بس تعرف شكلك بتصير رجل مهم في الدوله :strong ....... يدورون هالافكار :app:

[حمد خالد]

كلااااااااااااااام سليم مشكور اخوي

[كاسبر]

ياولد الديره

تخيل انك تمشي 120 ونت ماشي في حالك

طلعلك سرلنكي توه ايسوق يمشي 40

لوتحسبها وتفكر فيها بتكون دعمعه خطره

مثل ما القانون يمنع السرعه فوق ال120 بعد يمنع الناس الي تمشي بشوي شو

يعني يخالفون الي يمشي اقل من 100 في الخطوط الطويله

بعدين اخوي انا معاك ان الشباب يستاهلون ان ادوله تخسر بس اهم شي ارواحهم

بس في اشياء وايد احسن ايكثرون التحريات كيمرات مراقبه في الشورع

ايحطون كل يوم في الوسيط وفي الشوارع رقم مكتب التحريات اشطونا على ان انبلق

ايصكون كراجات التخريب وسلامتك اخوي من كل شر اوخساير

[انسان حساسي]

والله انا من وجهه نظري امشي مع اللي يقول

((((كثر الضغط يولد الانفجار )))))

قالوا للشباب مافي مخفي ومخالفات من 200 وطااالع وكل ما يمشي اشوي خالفوه ...وقف رصيف خالفوه (وماراح نفتح موضوع ( على ناس وناس) )...وهذا غير حجز المواتر

انا اشوف ان المرور متشددين زياده عن الازم ...


هههههههه بس ضحكني الاخ اللي قال خلهم يقفلون المواتر على سرعه 120 وخلاص ههههههههه

اي والله تر الصراحه وااااااااااااااااااايد شادين المرور والله يعين من الجاي شكلها مخالفه السرعه راح توصل 2000 ريال وانت تضحك

[ولد الديره]

احترم رايكم وتسلمون ...

[M O 7 A M M E D]

الفكره حلووه بس صعب تطبيقها .. :deal:

بعطيك مثال بسيط ..

اذا عندك حد ينزف لا سمح الله او فيه اية اصابة بالغة وقول انه ما في اسعاف قريب .. :looking:

تضطر انك توديه بروحك المستشفى والرجال ينزف دم وتم انت تمشي 100 ولا 120 .. ! ! !

وتسلم على اختراعك العجيب .. :eek2:

[وطن]

بغض النظر عن تكلفة هالجهاز
مو في كل الأوقات الواحد يقدر يلتزم بالسرعه
احيانا الواحد يكون في ظرف ما يستحمل التأخير
ولا عنده مجال يخفف سرعته خصوصا لو الشارع فاضي وكبير !!

واللي متهور ومايفرق معاه الموت لو ركبنا له الف جهاز ما بيفرق معاه
وبيسرع