مشاهدة النسخة كاملة : متى يفتحون الزواج من الأجنبيات في قطـــر ؟؟؟
أبوتركي
21-02-2007, 09:53 PM
السلام عليكم ورحمــــة الله وبركاته
أولاً أشكــر الأخ مليت على موافقتـــه لفتح الموضوع للنقاش مرة أخرى بعــد أن كان قد طلب من مشرف القسم إغلاق الموضوع ....
لم يمـــر على الموضوع الأصلي سوى 16 ساعة من النقاش وكان بالـــود سماع أراء أكبر شريحـــة من الأعضــــاء وترك حريـــة إبداء الرأي للجميــــع ولا سيمــــا الرجــــال قبـــل النســــاء.
الكــــل يعلم أن هذا الموضــــوع مهم وحساس جدا ولذا أرجوا أن يكون حوارنــــــا منطقيـــاً وبــــدون التجريـــح لشخص أو آخـــر.
هنــــــــــــا اقتباس من الموضوع الأصلي المغلق:
ياجماعه متى يفتحون الزواج من اجنبيات في قطر ملينا واحنا ننطر
لازم يحطون حل للموضوع ترا شبابنا ما يقدرون على القطريه افقر وحده تقولك ابي 80 الف وبس لاتنسى كليك الصاله وعليك وعليك وعليك وعليك وعليك تطلع عيونه 300 الف ويالله تسد وياه لين يعدل غرفته ومكانه اسف قلت غرفته الحين ما يبون غرفته يبون بيته
حتى مافي تقدير للمسكين انه يروح عقب الزواج يقدم على ارض وقرض
انا اشوف الحل الوحيد فتح الزواج من الاجنبيات
وفي عربيات دين واصل ونعم فيهم اليمن والعراق وسوريا والاردن وكثير من الدول
طبعاً يا شباب ترا هذا كله في مصلحتكم من ناحيه يقل مهر القطريه وانا اقصد طبعاً ولي البنت يبتدي يخف على المتقدم للزواج ومن ناحيه ثانيه @@ تستانسون شوي وتاكلون من يد غير الخدامه مافي داعي اكمل انتو عارفين الباقي
وتحياتي
وهنا الرابط للموضوع الأصلي: http://www.qatarshares.com/vb/showthread.php?t=86244
أتمنى من الجميــــــــــع تكملــــــــة النقاش.
خاربه خاربه
21-02-2007, 10:11 PM
:looking: :looking: :looking:
وانا بعد انطركم وموضوع رائع ومهم بالفعل :strong
صقر بلادي
21-02-2007, 10:14 PM
عندي طلب واحد بسس للحكومتنا الحكيمه واتمنى يوصل هل الكلام
اتمنى تخصيص لكل مواطن قطري((يتزوج اول مره فقط)) 250 ألف ريال واحنا شوي يا حكومه عددنا قليل
والحد من ارتفاع الاسعار من قاعات وتكاليف الزواج الاخره
ابوعلي
21-02-2007, 10:29 PM
عندي طلب واحد بسس للحكومتنا الحكيمه واتمنى يوصل هل الكلام
اتمنى تخصيص لكل مواطن قطري((يتزوج اول مره فقط)) 250 ألف ريال واحنا شوي يا حكومه عددنا قليل
والحد من ارتفاع الاسعار من قاعات وتكاليف الزواج الاخره
جزاك الله خير اخوي بوتركي على فتح الموضوع
اخوي صقر وليش نطلب من الحكومه تخصيص 250 الف ريال للمتزوج لأول مرة اذا الحكومة
قامت بتخصيص المبلغ فالمهور والاسعار الاخرى تزيد
ولكن نبي حل نقضي على الغلاء الفاحش في المهور وفي كل متطلبات الحياة
ونطالب الحكومة بتحديد المهور ومعاقبة كل من يخالف ذلك (( واعتقد ان تم تحديد المهور في عمان ))
لن في النهاية نقضي على العنوسه (( اهم مشكلة ))
ونحمي الشباب من الانحراف
وايضا نحمي حديثي الزواج من الديون
وبصراحه انا ضد الزواج من الاجنبية (( وحلاة الثوب رقعته منه وفيه ))
خاربه خاربه
21-02-2007, 10:31 PM
:looking:
المشكله إن لين التجار ارفعوا الاسعار محد يقول لا وليش
لا بس يحنون شوي وبعدين يشترون الشي وهو غالي
لو الواحد قال خلاص مابي بيطيح الغرض بجبدهم بس احنا مانسوي
جي احنا ناخذ الغرض غالي ونتفشخر فيه للاسف
والكل يعرف ان نفس مستوى القاعات بالدول الثانيه بس اسعارها ولاشي
بالنسبه لأسعارنا
والسبب ان في ناس تدفع وتبي تدفع وتبي تتفشخر crazy
وبالنسبه للزواج باجنبيه مو مشكله وفي وايد متزوجين اجنبيات اول والحين
واللي يكلف الزواج وبصراحه ولحد يطقني من البنات البنت نفسها هي اللي تبي وتبي
وبعض الاباء بس هم اللي ياخذون المهر لهمcrazy
والبنات يبون يرون وبس والبنت هاي الايام ماناقصها شي ابد عشان تشتري
اغراضها لان ماشاء الله لكل شي صاروا يشترون اطقم حتى لحفله شاي
تلاقيها جنها رايحه عرس:court:
وارد واقول في ناس تدفع وماتقول لا:nice:
وايد تكلمت آسفه:looking:
صقر بلادي
21-02-2007, 10:48 PM
أخوي بوتركي انا طلبت لنه هذا واجب الحكومه مساعدت كل شاب قطري
وطلبت الحــــــــــــــــــد من ارتفاع الاسعار اللي صاير
قولي كم شاب قطري يقدر يتزوج بدون قروض ودين ؟
والله حاله
انا مصيبتي عكس مصيبتكم
عندي بنات يبون الستر ومايبون شئ
اي شئ يجيبه رجااااال موافقين عليه
ولكن متوسطات جماال ولكن ما شاء الله عليهم اخلاق ودين
ومتغطيااااااات
تعالوا شوفوا شباب اللى عندي عققققققققققققققققققققد
ان جبتله بيضه قالي مهب قبيليه
وان جبته بيضه وقبيليه قالي مهب مخلصه جامعه
وان جبتله بيضه وقبيليه ومخلصه جامعه
قالي كبيره 25 سنه ابي
اقل من 20
بلله في وحده اقل من 20 مخلصه جامعه !!!!!!
وان جبتله بيضه وكل الموصفااااااات
لاااااااااااااا ماحب هذا الاستااااااااايل
عيونها مهب واسعه
ابي مثل عيون زينب العسكري ههههههههه !!!!!!!!!!!
وان جبتله بيضه وقبيليه ومخلصه جامعه
وطالبه 80 الف مهر
ول ليش هي من ذهب ولا الماس
وايد 80 ومااادري ويش
ترى اللى اكلمكم عنه
ماعنده شهاده ولا راتب مثل الناس ولا يقدر يفتح بيت
ويمكن لو تزوج مايقدر يصرف عليها
وبتشررررررررررررررررررط
والله قهر
بناتنا يبووووووووون ويبوووووووون
وشبابنا مانخلص من مواصفاتهم وشروووطهم
البركان
22-02-2007, 03:07 AM
بسم الله الرحمن الرحيم
بداااااااايه
اتذكر الان ماكان يحدث من مناقشات ومحاورات فى دولة الكويت فى التسعينيات عن غلاء تكاليف الزواج واسعاره الباهظه
وقرر امراء القبائل مايلى
1) المهر لايتجاوز 5000 الالاف دينار
2) حفل العشاء فقط يوم الزواج ويكون عشاء فقط ولايوجد قبله شئ ولابعده شئ
3) لايوجد ذهب وماغيره من طلبات الزوجه (فقط هالخمس الالاف وتحمد ربها بعد)
الدوله تدخلت من خلال رفع الجمرك عن اثاث المنازل
الدوله تقدم مبلغ 4000 الالاف دينار للمتزوج الكويتيه
الدوله وفرت صالات افراح الايجار اليومى 100 دينار فقط والبوفيه تقريبا يكلف 1000 دينار
يعنى حفلة الزواج تكلف فقط 1100 للرجال و1100 للنساء
يعنى فى ايامنا هذى مستحيل ينفق الزوج اكثر من 11000 الف دينار على زواجه
واتمنى منكم تحديد المهور اولا
الداعي
22-02-2007, 09:02 PM
كلامكم صح يا اخوان وانا اقولكم ياجماعه ياما شباب اعرفهم احجمو عن فكرة الشباب بسبب هالشي.. وانا منهم.. انا الحمدلله وضعي على قد حالي واقدر اصرف على المره اللي آخذها لكن تكاليف الزواج ماقدر عليها ويبيلي وقت مو قصير علشان اقدر عليها.. واعرف حاليا 3 نفس الحاله.. فمابالكم باللي ماعرفهم؟
اعتقد لازم يكون في حل.. الغلاء خرب على كل شي.. والناس ماصارت تقدر تتزوج ولا حتى تبني نفسها..
الله المستعان والله يفرجها يارب
المخلب
22-02-2007, 09:15 PM
القانون المطلوب !
2500 ريال قطري ! على كل راس ولد يجيبه الرجال من قطريه ! .. (( يصرف شهريا للأب من السنه الاولى حتى يدخل الولد الجامعه ! )) ..
بوتركي ! يا حبك للهواش خخخخخخ
ملاحظه ثانيه :
المواصفات شئ أساسي للزواج ! .. يعني أكيد الي بقول لامي خطبيها لي ! تكون مطابقه للمواصفات المطلوبه ! .. وهذا مطلب أساسي ! ..
وترى المواصفات الي انا طالبها بسيطه ! غيري طالب بلاوي ! .. انا على قدي :) ..
أبوتركي
22-02-2007, 10:37 PM
اذا ما رأيكم يا شبـــاب في ما قيــل هنـــا وهو مقال نشـــر في جريدة الوطن:
لاتركـــز على العنـــوان بل ركـــز على الكتابة باللون الأحمـــر في الموضوع التي تخص الشباب فقط.
عبدالعزيز الأنصاري: دور العجزة ستمتلىء بـ «العوانس»
الدوحة - الوطن والمواطن 2006 05 21
حذر السيد عبدالعزيز الانصاري مدير عام مكتب تنظيم الزواج من تفاقم مشكلة تأخر سن الزواج خصوصا لدى الفتيات.
وقال الانصاري الذي يدير هذا العمل التطوعي منذ 5 سنوات بهدف المشاركة في ايجاد حل لهذه المشكلة: انني احذر من ان دور العجزة ستمتلىء بالعوانس بعد 8 سنوات اذا لم يتم التحرك لاحتواء هذه المشكلة وايجاد حلول اجتماعية لها. مضيفا في حديث لـ الوطن انه لا يملك احصاء محددا عن عدد اللاتي بلغن سن الزواج ولم يتزوجن لكن من خلال احتكاكه بالعديد من الدوائر والجهد الشخصي قال ان نصف من هن في عمر الزواج لم يتزوجن بعد.
واضاف الانصاري انه يؤيد فتح باب الزواج امام القطريات من غير القطريين وتحديدا من المقيمين العرب ومنهم الكثير من مواليد قطر أو ممن قضوا عشرات السنوات داخل قطر، مشيرا الى انه لا يوافق على العكس ويدعو لتضييق فرص زواج القطريين من غير القطريات حيث ان السبب الرئيسي للمشكلة هو احجام الشباب وعدم اقبالهم على الزواج.
وأكد الانصاري ان مشكلة غلاء المهور التي يتعلل بها البعض من الشباب للهروب من الزواج انما هي مشكلة مفتعلة شارك الاعلام في تضخيمها وان المرأة هي المظلومة في هذه القضية مشددا على ان الرجال والشباب هم المسؤولون عن تفشي ظاهرة العنوسة.
وأكد الانصاري في حديثه ان تعدد الزوجات يعد احد اهم الحلول العملية لهذه المشكلة وان الله سبحانه شرّع التعدد لخدمة المرأة وليس الرجل.. ودافع الانصاري عن دعوته للتعدد لحل الظاهرة نافيا ان ذلك من شأنه ان يسهم في «عنوسة الشباب» وقال ان الشباب هم الذين يؤخرون سن زواجهم بأيديهم بسبب كثرة الاسفار والعلاقات خارج اطار الزوجية اضافة الى عدم رغبتهم في تحمل المسؤولية.
وقال: لنفترض ان هناك 100 فتاة و50 رجلا فقط راغبون في الزواج اليس الافضل ان يتزوج كل رجل فتاتين من ان تترك 50% عوانس.
الواعد
22-02-2007, 10:50 PM
والله حاله
انا مصيبتي عكس مصيبتكم
عندي بنات يبون الستر ومايبون شئ
اي شئ يجيبه رجااااال موافقين عليه
ولكن متوسطات جماال ولكن ما شاء الله عليهم اخلاق ودين
ومتغطيااااااات
مرحبا أختي
ممكن اتقدم ؟ :)
أبوتركي
22-02-2007, 11:01 PM
مرحبا أختي
ممكن اتقدم ؟ :)
لازم مشاركاتك توصل 100 ... أول شي !!! :eek2: ;) ;)
مكنتوش
22-02-2007, 11:08 PM
ساستمتع بمشاهدة الاراء فقط بعد مداخلتي في الموضوع الاول
اتمنى ان مايجي عضو ويطالب من المشرف باغلاق الموضوع والموضوع في الاساس لشخص اخر كما تعوت ان اشاهد في كذا موضوع ان ياتي شخص من خارج الموضوع
ويطالب باالاغلاق
أبوتركي
22-02-2007, 11:14 PM
أخوي بوتركي انا طلبت لنه هذا واجب الحكومه مساعدت كل شاب قطري
وطلبت الحــــــــــــــــــد من ارتفاع الاسعار اللي صاير
قولي كم شاب قطري يقدر يتزوج بدون قروض ودين ؟
أخوي نادر تحصـــل شاب يتزوج بدون قــروض أو ديـــون .. هذا هو أساس المشكلة ...
المشكلة ليست موضوع دين أو جمال أو نسب أو علم ... فبناتنا فيهم من كل هذا وزود ... بس العلّة في المتطلبات.
أبوتركي
22-02-2007, 11:20 PM
كلامكم صح يا اخوان وانا اقولكم ياجماعه ياما شباب اعرفهم احجمو عن فكرة الشباب بسبب هالشي.. وانا منهم.. انا الحمدلله وضعي على قد حالي واقدر اصرف على المره اللي آخذها لكن تكاليف الزواج ماقدر عليها ويبيلي وقت مو قصير علشان اقدر عليها.. واعرف حاليا 3 نفس الحاله.. فمابالكم باللي ماعرفهم؟
اعتقد لازم يكون في حل.. الغلاء خرب على كل شي.. والناس ماصارت تقدر تتزوج ولا حتى تبني نفسها..
الله المستعان والله يفرجها يارب
أخوي ما دام انت واحد من الشباب اللي يفكر في الزواج ليش ما تفيدنا وتعطينا الميزانية التقريبية اللي حاطها في بالك من تكاليف زفاف ومهر وغيـــره؟
الله يفرجهـــا يارب
العيبان
22-02-2007, 11:47 PM
ياجماعه الخير ترى بنت البلد مالها الا لد البلد
العيب فى الار اللى تبيع بناتها على عيال الناس
اسمحوا لى على هالتعبير
المفروض الكل يبدى بتحديد الاسعار لايظلم البنت ولايجهد ويكسر ظهر المعرس
تحديد المهووووووووور اى الاساس اما الاجنبيه مو حل بالعكس الاجنبيه تخرب العادات والتقليد
انظروا الدول المجاورة سوف تجد اى البيوت تغيرت والعادات اندثرت ومع مرور الوقت
تصبح القيم الاجتماعيه مالها اى قيمه
اكثر دليل انظروا الى الامارات والكويت عندما تدخل اى مجمع تجارى ماتعرف الكويتى من الاجنبى
هذا كله بسبب الزواج من اجنبيه
حنان الدنيا
23-02-2007, 12:19 AM
:court: مشكور ابو تركي لفتحك الموضوع
انا اشوف ان لازم يتحدد المهر وانا كبنت اشوف 60000 مهر مناسب
وسؤالي متى بيفتحون الزواج من اجانب في قطر ؟؟؟؟
وسؤالي الثاني ليش الحكومه ماتحدد المهر وين دورهاااا ؟؟؟؟:court:
انا بعطيكم التكلفه
120000 الف مهر 70000 الف الصاله بعد الخصم وحب الخشوم
60000 الف عقدين وساعه
25000 ليلة الحنا والخطوبة
50000 تعديل مش بناء غرفتين وتكرم حمام وصالة هذا في بيتكم القديم طبعاً
35000 لك انت بدون عرضة طبعاً شوية خرفان وبيبسي اقصد عرس الرجال
25000 سفره ثاني او ثالث يوم ولا عيب ترا الحين لو ما تسافر حتى لو كنت مطوع ودها العمره
طبعاً انا جبتها من الاخر وممكن تنقص بعض الاشياء الغير ضرورية او تطلع لك بعض الاشياء الضرورية
(بس 325000) فقط تخيل عاد هذا مب فايف ستار ترا عادي لا ويمكن تقط عليك نقزات انهم في ورطة قبل ليلة الزواج
على فكره في طريقة سهله عشان تجيب المهر هذا
شوف خذ 325000 وقسمها على 2000 ريال تخشها كل شهر عشان تقدر تتزوج
وانشاء الله او ل ما يصير عمرك
لحظه نحسبها
نقول اشتغلت عمرك 18 وراتبك 8000 ريال هذا لو كنت في مكان عدل المهم
عشان التزوج طال عمرك
نقسم 325000 على 2000 ريال = تقدر التزوج طال عمرك بظبط بعد @@ 162 شهر
يعني يكون عمر الي بتاخذها حوالي 32 سنه وانت نفس الشي
بس نسيت اقولك ما حسبنا السياره والخدامه والجمعية وكيوتل والمدارس والبترول والاقامات
والاعراس والعزايم اسمحلي لازم اسكر الموضوع ولا احتمال يوصل عمرك 400 وانت عزابي
تحياتي
بوخالد2
23-02-2007, 02:09 AM
ياااااااااازين بنت بلادي او الخليجيه 00 احسن من برع وخرابيطهم يامكثرهم بمشاكلهم يجيك رجل مسنم وياخذ وحده صغير 18 سنه او غيره ومايوفي معاها هو يمكن في 60 او اقل والبنت توها اصغيره 00 والله الله يستر على واحد في الفريج اذكر كان متزوج وحده نفس ماقتلكم من الدول المجاوره العربيه والله لين نام الشيبه اقرب مجلس في الفريج سهره معا الشباب ولعب اورقه 00هذوول الانفتاح عادي عندم مافي تعظي يامره او شي غير يعني جينز وخرابيطه يازين لين جات لابسه النقااب والشيله او الدفه يازين الخليجيه احسسن من الى اجسامهم عوره لغير زوجهااا00 اتمنى ان الله يهدي الجميع ويفكرون في العنس الى في قطر وغيره نت الدول الخليجيه (( حلاة الثوب رقعته منه وفيه )) ايش جاب الخليجي على الشامي :deal:
اتقوا الله يااوايااء الامور خفضوا في المهوور 00 لاتطيح في كبدك بنتك بس ويطوفها القطااار :court:
الحمدالله انا عن جماعتنا وقبيلتنا ككل 70الف المهر 000 والمطلقه 50الف ريال الحمدالله على كل حااال (( يمكن في ناس بتعرف القبيله هذى ))
البركان
23-02-2007, 02:18 AM
انا بعطيكم التكلفه
120000 الف مهر 70000 الف الصاله بعد الخصم وحب الخشوم
60000 الف عقدين وساعه
25000 ليلة الحنا والخطوبة
50000 تعديل مش بناء غرفتين وتكرم حمام وصالة هذا في بيتكم القديم طبعاً
35000 لك انت بدون عرضة طبعاً شوية خرفان وبيبسي اقصد عرس الرجال
25000 سفره ثاني او ثالث يوم ولا عيب ترا الحين لو ما تسافر حتى لو كنت مطوع ودها العمره
باااااااااااااااااااااااااااااااااااااااال
بس مهما كان الزواج من بنت البلد افضل بكثير من الزواج من الاجنبيه
المميزات الموجوده فى بنت البلد تجعل سعرها مهما غلا يكون رخيص
باااااااااااااااااااااااااااااااااااااااال
بس مهما كان الزواج من بنت البلد افضل بكثير من الزواج من الاجنبيه
المميزات الموجوده فى بنت البلد تجعل سعرها مهما غلا يكون رخيص
على طاري المميزات ممكن فتحه وسبير علاق
:dance شخبارك بس
بوخالد2
23-02-2007, 02:24 AM
:dance شخبارك بس
:funny: :funny: :funny:
أبوتركي
23-02-2007, 02:27 AM
على طاري المميزات ممكن فتحه وسبير علاق
:dance شخبارك بس
خخخخخخخخخخخخخ :D :D :D :D :D :D .....
هدوووء هدوووء هدوووء هدوووء هدوووء هدوووء هدوووء
:anger2: :anger2: :anger2: :anger2: :anger2:
ترى يبون أي عذر عشـــان يقفلون الموضوع .... سالفوا وضحكوا بشويش لا يسمعونكم
:looking:
خخخخخخخخخخخخخ :D :D :D :D :D :D .....
هدوووء هدوووء هدوووء هدوووء هدوووء هدوووء هدوووء
:anger2: :anger2: :anger2: :anger2: :anger2:
ترى يبون أي عذر عشـــان يقفلون الموضوع .... سالفوا وضحكوا بشويش لا يسمعونكم
ألماسه
23-02-2007, 03:58 AM
يا شباب
ترى في بنات وايد يبون الستر
أنا ما اقول كلهم ،، صج في بنات تفكيرهم سطحي وتبي واحد يصرف الملايين على عرسها
وتقعد عنده 6 شهور وترد بيت أهلها مطلقة
والأهل لهم دور بعد
أنا صديقتي تقدم لها واحد أقل منها من كل النواحي ماديا واجتماعيا وثقافيا وهي موافقه بس الام مب راضيه عشان برستيج العايله وهي مب عارفه شتسوي
وأعرف بنت تشتغل وتحط على نفسها سلفيات عشان زوجها يكشخ وهي حالتها حاله
ترى الزواج مشاركة مب كم تدفع وهالسوالف الماصخة
انا عن نفسي أشوف سالفة حفلة العرس مالها داعي يبا عشا بسيط للأهل وشهر العسل اسبوع في اي مكان
واصلا أنا كل صديقاتي انصحهم انهم مايشترون اغراض وايد حق العرس لان نصها مب لابيسنها ياموديلها بيروح او البنت ممكن تحمل وتقط هالثياب
والشبكة ألحين في محلات وايد تسوي أشياء ناعمه وأسعارها ماتتجاوز ال 15000
أما السكن في البداية يسكنون عند أهل الزوج لين يرتبون أمورهم بالعكس الا أحسن لهم وأونس
وبس فالسالفه مشربكة والمتهم فيها أكثر من طرف
بس الحسبة المفروض كلها ماتتعدى 100000
أما سالفة الاجنبيه فأنا أرفضها لاتعرف عاداتنا ولا تقاليدنا
وشلون تربي العيال على هالعادات كفاية اللهجة اللي ماادري ايش بتطلع
واسمحوا لي اذا كنت غلطانه في شي
يا شباب
ترى في بنات وايد يبون الستر
أنا ما اقول كلهم ،، صج في بنات تفكيرهم سطحي وتبي واحد يصرف الملايين على عرسها
وتقعد عنده 6 شهور وترد بيت أهلها مطلقة
والأهل لهم دور بعد
أنا صديقتي تقدم لها واحد أقل منها من كل النواحي ماديا واجتماعيا وثقافيا وهي موافقه بس الام مب راضيه عشان برستيج العايله وهي مب عارفه شتسوي
وأعرف بنت تشتغل وتحط على نفسها سلفيات عشان زوجها يكشخ وهي حالتها حاله
ترى الزواج مشاركة مب كم تدفع وهالسوالف الماصخة
انا عن نفسي أشوف سالفة حفلة العرس مالها داعي يبا عشا بسيط للأهل وشهر العسل اسبوع في اي مكان
واصلا أنا كل صديقاتي انصحهم انهم مايشترون اغراض وايد حق العرس لان نصها مب لابيسنها ياموديلها بيروح او البنت ممكن تحمل وتقط هالثياب
والشبكة ألحين في محلات وايد تسوي أشياء ناعمه وأسعارها ماتتجاوز ال 15000
أما السكن في البداية يسكنون عند أهل الزوج لين يرتبون أمورهم بالعكس الا أحسن لهم وأونس
وبس فالسالفه مشربكة والمتهم فيها أكثر من طرف
بس الحسبة المفروض كلها ماتتعدى 100000
أما سالفة الاجنبيه فأنا أرفضها لاتعرف عاداتنا ولا تقاليدنا
وشلون تربي العيال على هالعادات كفاية اللهجة اللي ماادري ايش بتطلع
واسمحوا لي اذا كنت غلطانه في شي
بلعكس اختي كلامج كله صح في صح بس سؤال بخصوص الكلام الي حطيت عليه الون الحمر :D
ألماسه
23-02-2007, 09:54 AM
بلعكس اختي كلامج كله صح في صح بس سؤال بخصوص الكلام الي حطيت عليه الون الحمر :D
بس الحسبة المفروض كلها ماتتعدى 100000
اخوي خل نحسبها
اذا شرى للمرة شبكة ب 15000
وضبط له غرفة في بيت أهله ب 10000
عشا النسوان والرياييل كلف 10000
وحوالي 15000 تكاليف شهر العسل ومب شرط شهر يروحون اسبوع
والباقي يكون المهر 50000
وعلى فكرة الرجال تجيه مساعدات من أهله ومن ربعه في هالفترة مني 5000 مناك 10000
والمرة نفس الشي أهلها وصديقاتها يجيبون لها هدايا وأغلبها تكون مجوهرات
يعني ربك يسهلها من حيث لاتعلم
واذا كان الرجال على خلق ودين.... يستاهل المرة تتنازل عن ماديات مالها داعي عشان يكون هالرجال زوجها
والا شرايك؟؟
بس الحسبة المفروض كلها ماتتعدى 100000
اخوي خل نحسبها
اذا شرى للمرة شبكة ب 15000
وضبط له غرفة في بيت أهله ب 10000
عشا النسوان والرياييل كلف 10000
وحوالي 15000 تكاليف شهر العسل ومب شرط شهر يروحون اسبوع
والباقي يكون المهر 50000
وعلى فكرة الرجال تجيه مساعدات من أهله ومن ربعه في هالفترة مني 5000 مناك 10000
والمرة نفس الشي أهلها وصديقاتها يجيبون لها هدايا وأغلبها تكون مجوهرات
يعني ربك يسهلها من حيث لاتعلم
واذا كان الرجال على خلق ودين.... يستاهل المرة تتنازل عن ماديات مالها داعي عشان يكون هالرجال زوجها
والا شرايك؟؟
بارك الله فيج وودي احط الموضوع في خبر عاجل
تصدق اولا تصددددددددددددددددددددددددق
المهر 50000 الف
صدقيني ماتم بنت في بيت اهلها
وتحياتي
ألماسه
23-02-2007, 10:20 AM
بارك الله فيج وودي احط الموضوع في خبر عاجل
تصدق اولا تصددددددددددددددددددددددددق
المهر 50000 الف
صدقيني ماتم بنت في بيت اهلها
وتحياتي
ليش لا ياأخوي الفلوس تجي وتروح لكن الرجال اللي فيه خير مايتعوض
أنا وحده من صديقاتي
كان مهرها 400000
تدري اشسوت فيه
100000 بناء مسجد
حوالي 50000 وزعتها على خواتها واخوانها
100000 لأمها وأبوها
وجهزت بجزء من المبلغ
قالت حرام أقطها كلها في ثياب وكلام فاضي ،،
مب كل البنات يفكرون نفس التفكير ،،
سيف قطر
23-02-2007, 10:33 AM
ليش لا ياأخوي الفلوس تجي وتروح لكن الرجال اللي فيه خير مايتعوض
أنا وحده من صديقاتي
كان مهرها 400000
تدري اشسوت فيه
100000 بناء مسجد
حوالي 50000 وزعتها على خواتها واخوانها
100000 لأمها وأبوها
وجهزت بجزء من المبلغ
قالت حرام أقطها كلها في ثياب وكلام فاضي ،،
مب كل البنات يفكرون نفس التفكير ،،
:eek: :eek: :eek: :eek: :eek: :eek: :eek: :eek: :eek:
:eek3: :eek3: :eek3: :eek3: :eek3: :eek3: :eek3: :eek3:
يعطيكي العافية اختي الماسة
ألماسه
23-02-2007, 10:38 AM
:eek: :eek: :eek: :eek: :eek: :eek: :eek: :eek: :eek:
:eek3: :eek3: :eek3: :eek3: :eek3: :eek3: :eek3: :eek3:
يعطيكي العافية اختي الماسة
الله يعافيك ويسلمك
الاسهم بلشة
23-02-2007, 10:41 AM
الزواج من الاجنبيات
ابوعلي
23-02-2007, 10:42 AM
ليش لا ياأخوي الفلوس تجي وتروح لكن الرجال اللي فيه خير مايتعوض
أنا وحده من صديقاتي
كان مهرها 400000
تدري اشسوت فيه
100000 بناء مسجد
حوالي 50000 وزعتها على خواتها واخوانها
100000 لأمها وأبوها
وجهزت بجزء من المبلغ
قالت حرام أقطها كلها في ثياب وكلام فاضي ،،
مب كل البنات يفكرون نفس التفكير ،،
اختي اذا كان الرجل الي فيه الخير ما يتعوض فالمفروض نشتريه مش نحط عليه ديون تكسر الظهر بسبب المهر
والاخت الي مهرها 400000 ريال ، وقامت وزعت مهرها لبنا مسجد وعلى اخوانها واخواتها وامها وابوها (( ايش موقف زوجها لما يعرف انها وزعت مهرها وهو تحمل الديون عشان يقدم لها هالمهر ))
ولو انها قدرت الرجل الي بياخذها وخذت مهر بسيط ، اول شي بتكبر هي في عين زوجها
وثاني شي زوجها بيوفر لها حياة سعيده اكثر (( لأنه بيكون من غير ديون ))
الاسهم بلشة
23-02-2007, 10:46 AM
اختي اذا كان الرجل الي فيه الخير ما يتعوض فالمفروض نشتريه مش نحط عليه ديون تكسر الظهر بسبب المهر
والاخت الي مهرها 400000 ريال ، وقامت وزعت مهرها لبنا مسجد وعلى اخوانها واخواتها وامها وابوها (( ايش موقف زوجها لما يعرف انها وزعت مهرها وهو تحمل الديون عشان يقدم لها هالمهر ))
ولو انها قدرت الرجل الي بياخذها وخذت مهر بسيط ، اول شي بتكبر هي في عين زوجها
وثاني شي زوجها بيوفر لها حياة سعيده اكثر (( لأنه بيكون من غير ديون ))
يااخوان تراكم تتكلمون عني الحين
ألماسه
23-02-2007, 10:54 AM
اختي اذا كان الرجل الي فيه الخير ما يتعوض فالمفروض نشتريه مش نحط عليه ديون تكسر الظهر بسبب المهر
والاخت الي مهرها 400000 ريال ، وقامت وزعت مهرها لبنا مسجد وعلى اخوانها واخواتها وامها وابوها (( ايش موقف زوجها لما يعرف انها وزعت مهرها وهو تحمل الديون عشان يقدم لها هالمهر ))
ولو انها قدرت الرجل الي بياخذها وخذت مهر بسيط ، اول شي بتكبر هي في عين زوجها
وثاني شي زوجها بيوفر لها حياة سعيده اكثر (( لأنه بيكون من غير ديون ))
ياأخوي الرجال اللي دفع 400000 مهر دفع من خاطره هم مااطلبوا منه ريال ولاحددوا
الرجال هذا ماتسلف ،، هذا عنده في رصيده مالايقل عن 300 مليون
بس انا يوم قلت هالسالفة حبيت أوضح انه في بنات مايفكرون كم المهر ساعات يكون هذا تفكير الرجال
يحب انه الناس يقولون والله عطاها هالكثر
وبالمقابل البنت حست انها مب محتاجه لكل هالمبلغ فوزعته بالطريقة اللي ذكرتها
والرجال لين عطى المرة مهمرها ماله شغل ايش تسوي فيه انشالله تحرقه
أذا انا غلطانه في شي ارجو انك تفيدني ..
ألماسه
23-02-2007, 10:56 AM
يااخوان تراكم تتكلمون عني الحين
عيل أكيد المدام صديقتي:D
ابوعلي
23-02-2007, 10:56 AM
ليش لا ياأخوي الفلوس تجي وتروح لكن الرجال اللي فيه خير مايتعوض
أنا وحده من صديقاتي
كان مهرها 400000
تدري اشسوت فيه
100000 بناء مسجد
حوالي 50000 وزعتها على خواتها واخوانها
100000 لأمها وأبوها
وجهزت بجزء من المبلغ
قالت حرام أقطها كلها في ثياب وكلام فاضي ،،
مب كل البنات يفكرون نفس التفكير ،،
اختي وانا اعرف واحد يقولي عن قصة زواجه ان زوجته لما استلمت المهر 60000ريال خذت منه 10000 ريال تجهز لعرسها ورجعت الباقي لزوجها حتى يعين نفسه على امور الزواج ومن غير علم ابوها وامها :nice:
واتمنى صديقتج تعرف هالقصة حتى نلاحظ الفرق بينهم
ألماسه
23-02-2007, 11:10 AM
اختي وانا اعرف واحد يقولي عن قصة زواجه ان زوجته لما استلمت المهر 60000ريال خذت منه 10000 ريال تجهز لعرسها ورجعت الباقي لزوجها حتى يعين نفسه على امور الزواج ومن غير علم ابوها وامها :nice:
واتمنى صديقتج تعرف هالقصة حتى نلاحظ الفرق بينهم
ياأخوي الكريم
صاحبك متسلف واللي سوته مرته صح 100%
بس صديقتي زوجها هو اللي مستحب يدفع هالمبلغ بدون سلف ولا دين وهي ماطلبت منه ريال
والله اتذكر تقولي انه ابوها كان يبي يكتب في العقد ان المهر ريال بس الزوج مارضى
يعني اهلها مايبون يكلفون على الريال مع انه ماعليه قصور
أما زوجة صديقك فالظاهر أهلها طالبين هالمبلغ بدليل انها رجعت له الباقي بدون مايدرون
أتمنى انك فهمت قصدي
يااخوان تراكم تتكلمون عني الحين
جعلها في ميزززززززززززززززززززان حسناتك
يا جماعه ترا احنا مب فقاره لدرجة هذي لكن نقول لو الزواج كامل مع تأثيث المسكن يكلف 200 الف وايد حلووو
سيف قطر
23-02-2007, 11:17 AM
الزواج من الاجنبيات
الاسهم بلشة .... والزواج سار بلشة ..........:confused: :confused:
اعتقد لو يكون هناك عامل طردي بنيهما ....:funny:
ارتفاع الاسهم ...ونزول تكاليف الزواج ........ممكن هذا هو الحل .......:eek3: :eek3:
المزن الرياني
23-02-2007, 11:17 AM
لو يفتحون الزواج من أجنبيات
شرط ماتم وحده في سوريا عانس
:nice:
لو يفتحون الزواج من أجنبيات
شرط ماتم وحده في سوريا عانس :d
ألماسه
23-02-2007, 11:38 AM
لو يفتحون الزواج من أجنبيات
شرط ماتم وحده في سوريا عانس
وعقب الزواج ،، تطررررش حوالات سوريا :D
مسكينة القطرية عقب الزواج تتسلف عشان زوجها وراتبها كله حق البيت
الداعي
23-02-2007, 12:29 PM
انا بعطيكم التكلفه
120000 الف مهر 70000 الف الصاله بعد الخصم وحب الخشوم
60000 الف عقدين وساعه
25000 ليلة الحنا والخطوبة
50000 تعديل مش بناء غرفتين وتكرم حمام وصالة هذا في بيتكم القديم طبعاً
35000 لك انت بدون عرضة طبعاً شوية خرفان وبيبسي اقصد عرس الرجال
25000 سفره ثاني او ثالث يوم ولا عيب ترا الحين لو ما تسافر حتى لو كنت مطوع ودها العمره
طبعاً انا جبتها من الاخر وممكن تنقص بعض الاشياء الغير ضرورية او تطلع لك بعض الاشياء الضرورية
(بس 325000) فقط تخيل عاد هذا مب فايف ستار ترا عادي لا ويمكن تقط عليك نقزات انهم في ورطة قبل ليلة الزواج
على فكره في طريقة سهله عشان تجيب المهر هذا
شوف خذ 325000 وقسمها على 2000 ريال تخشها كل شهر عشان تقدر تتزوج
وانشاء الله او ل ما يصير عمرك
لحظه نحسبها
نقول اشتغلت عمرك 18 وراتبك 8000 ريال هذا لو كنت في مكان عدل المهم
عشان التزوج طال عمرك
نقسم 325000 على 2000 ريال = تقدر التزوج طال عمرك بظبط بعد @@ 162 شهر
يعني يكون عمر الي بتاخذها حوالي 32 سنه وانت نفس الشي
بس نسيت اقولك ما حسبنا السياره والخدامه والجمعية وكيوتل والمدارس والبترول والاقامات
والاعراس والعزايم اسمحلي لازم اسكر الموضوع ولا احتمال يوصل عمرك 400 وانت عزابي
تحياتي
للأخوان اللي سألوني عن التكلفه.. انا احط لكم رد الاخ اللي فوق.. وهو اقرب شي للتكلفه اللي اطلعلتي لكن انا تقريبا زادت اشوي 10 او 20 الف عن حسبته وصدقوني لا على سوالف برستيج ولا اي شي.. كانت التجهيزات عاديه.. لكن المشكله ان كل شي صار غالي..
والاخت اللي اتقول ان في بنات يبون الستر.. صدقوني انا متأكد ان في لكن مو شرط ان هالبنت اللي تبي الستر تعجب الرجال.. لان هذي حياة والرجال مو يتزوج اي وحده بس علشان ماتطلب وايد، ولا اشرايكم؟ يعني يمكن تكون بنت مناسبه لشخصية وعقلية هذا الرجل وطبعا العكس ويمكن لا
قليل ماشوف واحد يتزوج بدون مايتسلف.. بصراحه من ناحيتي شلت الفكره من راسي من شفت ان الموضوع يحتاج سلفه..
وبما ان شلت الموضوع من راسي شنو كانت النتيجه؟ ان شاب من المجتمع القطري وقف موضوع الزواج مؤخرا وبالتالي في بنت من المجتمع تكون تضررت (مهما كانت هالبنت) وبالتالي المجتمع خسر شاب قطري وبنت قطريه (مهما كانو هم) بسبب الاسباب المذكوره فوق
المسأله محتاجه حق حل جذري وقوانين.. او فتح الزواج من اجانب اذا ماقدرو يحلونها لان بهالحاله الكل يتضرر.. وبشكل كبير جدا
بصراحه يا اخوان صرت اشوف الاجنبي اللي راتبه مايعدي ال 3500 ياخذ بنت بلاده واقول ماشاءالله شوف اشلون قادر ياخذها ومستانس.. واتحسر لان بنت بلادي جدامي وماني قادر اخذها..
الله المستعان
فعلاُ اخي العزيز الداعي المشكله تحتاج الى حل
المزن الرياني
23-02-2007, 12:52 PM
وعقب الزواج ،، تطررررش حوالات سوريا :D
مسكينة القطرية عقب الزواج تتسلف عشان زوجها وراتبها كله حق البيت
لنفرض ارسل على قولتج حوالات ... كم بتكون قيمه الحواله للعلم الريال = 14 ليره سوريه
و 4000 ليره تعيش عايله بكاملها هناك يعني بقيمه 300 ريال قطري
والحوالات اذا في .... بتكون بالاعياد والمناسبات فقط ... وهذا هم نسويه احنا بقطر
فعلى فرض بدفع لام زوجتي القطريه 2000 ريال عيديه .. بطرش لسوريا لنفس السبب بحد اقصى 150 ريال
بتزوج السوريه بحد أقصى ب30000 ريال ووالله هذا كلام واحد معاي بالدوام سوري
هني كم بدفع للقطريه ... 300000 وانا أضحك وماسك يدي بعد
وانتي احسبيها عاد .... وشوفي الفرق
هذا طبعا غير الجمال والدلال والدلع ... وهذا كله بدون فوائد :funny:
صدقوني ... لويفتحون الزواج من أجنبيات ... فعلى السلام للقطريات
وكم سنه والمهر مابيعدي 25000 بس بعد ما تتراكم العوانس بالبيوت
( الفهد )
23-02-2007, 01:30 PM
الزواج نعمة
:app: :app: :app: :app: :app: :app:
والنساء بركة
:nice: :nice: :nice: :nice: :nice: :nice:
بنت البلد اكيييييييييييييييد
قطري طموح
23-02-2007, 01:34 PM
واحد من الشباب متزوج قطريه ومن ثم تزوج على راسها سوريه .
يقولي ان زواجه كلفه بلكامل مايقارب 35000 - خمسه وثلاثين الف ريال قطري -
وتم اختيار البنت بعد ماشافها وتاكد منها، طبعا اكيد كانت جميله ، وهي بنت عايئلة ومتربه تمام ، الحقيقه انا احس ان هذا الرجل مرتاح جدا مع زوجته والدليل ان حياته تغيرت عن السابق واي واحد ياخذ رايه حول الموضوع من الزواج من سوريه يقوله تزوج سوريه ولا تفكر في القطريه ، ومن فتره قريبه واحد من ابناء عمي تزوج سوريه بناء على توصية من هذا الشاب .
انا عتقد افضل طريقه لتخفيض تكاليف العرس هو فتح باب الزواج من الخارج فهذا الامر هو اللي يخلي البنت تقبل الزواج باقل التكاليف .
:dance
واحد من الشباب متزوج قطريه ومن ثم تزوج على راسها سوريه .
يقولي ان زواجه كلفه بلكامل مايقارب 35000 - خمسه وثلاثين الف ريال قطري -
وتم اختيار البنت بعد ماشافها وتاكد منها، طبعا اكيد كانت جميله ، وهي بنت عايئلة ومتربه تمام ، الحقيقه انا احس ان هذا الرجل مرتاح جدا مع زوجته والدليل ان حياته تغيرت عن السابق واي واحد ياخذ رايه حول الموضوع من الزواج من سوريه يقوله تزوج سوريه ولا تفكر في القطريه ، ومن فتره قريبه واحد من ابناء عمي تزوج سوريه بناء على توصية من هذا الشاب .
انا عتقد افضل طريقه لتخفيض تكاليف العرس هو فتح باب الزواج من الخارج فهذا الامر هو اللي يخلي البنت تقبل الزواج باقل التكاليف .
الشيخ ممكن رساله على الخاص عناوين الخطابه في سوريا
قطري طموح
23-02-2007, 03:36 PM
:dance
الشيخ ممكن رساله على الخاص عناوين الخطابه في سوريا
والله اذا جاد ابشر بعزك ادليك على منطقة بسوريا عاداتها قريبه من عادات اهل الخليج ومتشددين من ناحية الشرف والاخلاق ويتمنون يزوجون بناتهم لخليجي لانهم يبون المعيشه ، وكل مافي الامر ان الزواج ماراح يتكلف عليك 35000
الداعي
23-02-2007, 03:49 PM
لكن هل لجنة الزواج من الاجانب اهني بتوافق لك؟
هذي بروحها سالفة ثانيه على فكره.. اعرف واحد من الشباب ارفضو طلبه.. ويقول انه يعرف واحد من ربعه بعد ارفضوه
دام ان الباب تقريبا امسكر فيعني في صعوبات.. واذا افتحوه بيحلون بنفس الوقت مشكلة الزواج من القطريات لان بهالحاله بتقل التكاليف عند بناتنا اهني
{راشد}
23-02-2007, 04:00 PM
ياريت يفتحون الباب حتى ترخص الاسعار !!
لان الزواج الحين صار كسرة ظهر الصراحه !!
ويعطيك العافيه
بوخالد2
23-02-2007, 04:06 PM
والله عيب يالربع الى قاعد اسمعه 00 هل غركم الجمال السوووري او غيره 00 وهل البنت القطريه او الخليجة من فيهم كلش شي من الحلاه ؟؟؟؟؟
ولا احنا اندور الرخص هناك بكره لين خذتها تبي الحوالات والبيت الى حق امها واهلها (( كنك يابوزيد ماغزيت ))
ولكن البنت القطريه يمكن عندنا هى رفع فس اسعار المهووور 00 تنمى ان يتم خفض المهور من مقبل والى الامور الله يهديهم بسس
ولكن في السعودية او البحرين او عمان كلهم مهورهم زين لصاحب الدخل المحدود ماتتعدى الخمسين الف
فأتمنى من الشباب ان ينظرون للموضوع ليس بعين الشهوه او اللذله لما يشاهدونه في التلفاز او الفيديو كلبات 000 كله تجميل ومكياج (( خرابيط)) طبعا المراهق الذي يفكر في الشي هذاا
وارد واقوول يازينها بنت بلادي حلوه ومملوحه تستاهل الخير كله 00 كثروا النسل من بنات بلادكم وليس الدخلاء الذين يغيرون العادات والتقاليد للمجتمع القطري
بوخالد2
23-02-2007, 04:08 PM
ياااااااااازين بنت بلادي او الخليجيه 00 احسن من برع وخرابيطهم يامكثرهم بمشاكلهم يجيك رجل مسنم وياخذ وحده صغير 18 سنه او غيره ومايوفي معاها هو يمكن في 60 او اقل والبنت توها اصغيره 00 والله الله يستر على واحد في الفريج اذكر كان متزوج وحده نفس ماقتلكم من الدول المجاوره العربيه والله لين نام الشيبه اقرب مجلس في الفريج سهره معا الشباب ولعب اورقه 00هذوول الانفتاح عادي عندم مافي تعظي يامره او شي غير يعني جينز وخرابيطه يازين لين جات لابسه النقااب والشيله او الدفه يازين الخليجيه احسسن من الى اجسامهم عوره لغير زوجهااا00 اتمنى ان الله يهدي الجميع ويفكرون في العنس الى في قطر وغيره نت الدول الخليجيه (( حلاة الثوب رقعته منه وفيه )) ايش جاب الخليجي على الشامي :deal:
اتقوا الله يااوايااء الامور خفضوا في المهوور 00 لاتطيح في كبدك بنتك بس ويطوفها القطااار :court:
الحمدالله انا عن جماعتنا وقبيلتنا ككل 70الف المهر 000 والمطلقه 50الف ريال الحمدالله على كل حااال (( يمكن في ناس بتعرف القبيله هذى ))
:nice:
الداعي
23-02-2007, 05:00 PM
والله عيب يالربع الى قاعد اسمعه 00 هل غركم الجمال السوووري او غيره 00 وهل البنت القطريه او الخليجة من فيهم كلش شي من الحلاه ؟؟؟؟؟
ولا احنا اندور الرخص هناك بكره لين خذتها تبي الحوالات والبيت الى حق امها واهلها (( كنك يابوزيد ماغزيت ))
ولكن البنت القطريه يمكن عندنا هى رفع فس اسعار المهووور 00 تنمى ان يتم خفض المهور من مقبل والى الامور الله يهديهم بسس
ولكن في السعودية او البحرين او عمان كلهم مهورهم زين لصاحب الدخل المحدود ماتتعدى الخمسين الف
فأتمنى من الشباب ان ينظرون للموضوع ليس بعين الشهوه او اللذله لما يشاهدونه في التلفاز او الفيديو كلبات 000 كله تجميل ومكياج (( خرابيط)) طبعا المراهق الذي يفكر في الشي هذاا
وارد واقوول يازينها بنت بلادي حلوه ومملوحه تستاهل الخير كله 00 كثروا النسل من بنات بلادكم وليس الدخلاء الذين يغيرون العادات والتقاليد للمجتمع القطري
المسأله مو مسألة جمال اكثر من انها مسألة تكاليف.. لان هذا اساس الموضوع.. الحمدلله عندنا بنات بقطر فيهم جمال كبير.. يعني مو محتاجين احنا نتزوج من بره علشان الجمال :)
وحتى لو مسألة الحواله ولا الام ومادري شنو.. صدقني اخوي.. صلب الموضوع والفكره ان لو المهور عندنا بقطر مو بهالارتفاع والتكاليف بشكل عام مو مرتفعه كان شفت كل شاب يفكر الف مره قبل لا يروح ياخذ اجنبيه.. وكان ماشفت في عوانس..
والله الموفق
ورقــة أمــل
23-02-2007, 05:34 PM
المفروض تغيير العنوان من
((متى يفتحون الزواج من اجنبيات في قطر))
الى
(ما الحل لغلاء المهور بقــــــطر))
خبير البورصه
23-02-2007, 06:26 PM
بصراحه انا مع حرية الزواج من اي جنسية بشرط ان تكون مسلمه عمل بقول الرسول (ص) بإختيار من ترضون دينه
ولكن عندي ملاحظه او تذكير ان الانسان اللي يبي يتزوج من بلد اخر مختلف في العادات والتقاليد لازم يتأكد من انه قادر التكيف (وانا اقصد سواء الرجل او المرأه) مع عادات وتقاليد الطرف الاخر
لي صديق متزوج من مقيمه عربيه سألته في مره هل كان قراره الزواج صائب ؟؟؟
رد وهو يضحك وقال اخترت الحياه اللي كنت اتمناها شوف عيالي شلون نظاف
طبعا هذه وجهة نظر صديقي نقلتها لكم كما هي دون تعليق
Bin Hood
23-02-2007, 10:01 PM
ليش لا ياأخوي الفلوس تجي وتروح لكن الرجال اللي فيه خير مايتعوض
أنا وحده من صديقاتي
كان مهرها 400000
تدري اشسوت فيه
100000 بناء مسجد
حوالي 50000 وزعتها على خواتها واخوانها
100000 لأمها وأبوها
وجهزت بجزء من المبلغ
قالت حرام أقطها كلها في ثياب وكلام فاضي ،،
مب كل البنات يفكرون نفس التفكير ،،
الله اكبر
كفو عليها والله
relaax
23-02-2007, 11:12 PM
يا مدور الهين ترى الكايد احلى
الزين غالي لكن الازين غلــى
مراح ادخل في القران ولا السنه .. راح اقول رايي من بيئتنا وتقاليدنا وعاداتنا
اللي يطالب بفتح الزواج من اجنبيات .. اناني .. يفكر في نفسه ونسى ان عنده خوات يبغي يسترهم .. ولا بيشوف لهم اجنبي !!!
واللي مستخسر في بنت عرب بتشيل اسمه و تشد من ظهره و تربي عياله فهو مستخسر على اخته ..
في مثل ينقال " لبغيت الولد شوف من خاله " الجد و العم معروفين... لكن الام ؟؟؟ اذا عرفت خوانها اللي هم خوال عيالك عرفت شلون تربيتها و شلون تكون تربية اعيالك الام لها الدور الاكبر ف التربيه ...
ولاننسىمن زمن فات ... بدون اساءه لأي ان كان ولا تقليل من قدر ... اشخاص تزوجوا من الهند و تركوا بنات بلادهم ومكان في ذاك الزمن غلاء مهور ... ما فكر في عياله ولا مصيرهم ولا شي فكر في نفسه الحين اعياله سواء البنت ولا الولد .. ليسألوا لا هذي امهم هنديه شذنبهم ... ولا اعيال السوريه ولا ولا ...
واللي ما يقدر على مصاريف الزواج خذ من هلك ...
او ادفع مهر وملج و خذها وسافر الحين الغني والفقير يتبعون هالطريقه
مع ان الحين في هالوقت انا ماشوف ان في حد فقير لدرجة انه ما يقدر يدفع من 80 الى 150 الف مهر بدل ما يفوشر بسيارة تكلفه فوق 250 الف
ادفع في سياره واستخسرها في زواجي من بنت بلادي!!!!!!
ريانة العود
24-02-2007, 12:55 AM
يا مدور الهين ترى الكايد احلى
الزين غالي لكن الازين غلــى
مراح ادخل في القران ولا السنه .. راح اقول رايي من بيئتنا وتقاليدنا وعاداتنا
اللي يطالب بفتح الزواج من اجنبيات .. اناني .. يفكر في نفسه ونسى ان عنده خوات يبغي يسترهم .. ولا بيشوف لهم اجنبي !!!
واللي مستخسر في بنت عرب بتشيل اسمه و تشد من ظهره و تربي عياله فهو مستخسر على اخته ..
في مثل ينقال " لبغيت الولد شوف من خاله " الجد و العم معروفين... لكن الام ؟؟؟ اذا عرفت خوانها اللي هم خوال عيالك عرفت شلون تربيتها و شلون تكون تربية اعيالك الام لها الدور الاكبر ف التربيه ...
ولاننسىمن زمن فات ... بدون اساءه لأي ان كان ولا تقليل من قدر ... اشخاص تزوجوا من الهند و تركوا بنات بلادهم ومكان في ذاك الزمن غلاء مهور ... ما فكر في عياله ولا مصيرهم ولا شي فكر في نفسه الحين اعياله سواء البنت ولا الولد .. ليسألوا لا هذي امهم هنديه شذنبهم ... ولا اعيال السوريه ولا ولا ...
واللي ما يقدر على مصاريف الزواج خذ من هلك ...
او ادفع مهر وملج و خذها وسافر الحين الغني والفقير يتبعون هالطريقه
مع ان الحين في هالوقت انا ماشوف ان في حد فقير لدرجة انه ما يقدر يدفع من 80 الى 150 الف مهر بدل ما يفوشر بسيارة تكلفه فوق 250 الف
ادفع في سياره واستخسرها في زواجي من بنت بلادي!!!!!!
تعجبني ريلاكس
:app: :app: :app: :app: :app: :app: :app: :app: :app: :app:
الاخ اللى يسال ويبي يتقدم انا ماعندي بنااااااات
اذا الله رزقني ببنت ولا يهمك :d
انا قصدي اعرف عوائل بناتهم مالهم طلبات ماديه اللى نشوفها
لحييييييين
اللى اقصده مهورهم 80
شبكه اللى تقدر عليها
ووووو
ماتجبرك على مصاريف مالها معنى
اللى تقدر عليه
شرووطهم بسيطه
مخلص الدراسه
وتقدر تفتح بيت
قبيلي
****************
ريلاكس كلامك 100%100
الله يعطيك الف عااااااااافيه
البركان
24-02-2007, 04:09 AM
يا شباب
ترى في بنات وايد يبون الستر
أنا ما اقول كلهم ،، صج في بنات تفكيرهم سطحي وتبي واحد يصرف الملايين على عرسها
وتقعد عنده 6 شهور وترد بيت أهلها مطلقة
والأهل لهم دور بعد
أنا صديقتي تقدم لها واحد أقل منها من كل النواحي ماديا واجتماعيا وثقافيا وهي موافقه بس الام مب راضيه عشان برستيج العايله وهي مب عارفه شتسوي
وأعرف بنت تشتغل وتحط على نفسها سلفيات عشان زوجها يكشخ وهي حالتها حاله
ترى الزواج مشاركة مب كم تدفع وهالسوالف الماصخة
انا عن نفسي أشوف سالفة حفلة العرس مالها داعي يبا عشا بسيط للأهل وشهر العسل اسبوع في اي مكان
واصلا أنا كل صديقاتي انصحهم انهم مايشترون اغراض وايد حق العرس لان نصها مب لابيسنها ياموديلها بيروح او البنت ممكن تحمل وتقط هالثياب
والشبكة ألحين في محلات وايد تسوي أشياء ناعمه وأسعارها ماتتجاوز ال 15000
أما السكن في البداية يسكنون عند أهل الزوج لين يرتبون أمورهم بالعكس الا أحسن لهم وأونس
وبس فالسالفه مشربكة والمتهم فيها أكثر من طرف
بس الحسبة المفروض كلها ماتتعدى 100000
أما سالفة الاجنبيه فأنا أرفضها لاتعرف عاداتنا ولا تقاليدنا
وشلون تربي العيال على هالعادات كفاية اللهجة اللي ماادري ايش بتطلع
واسمحوا لي اذا كنت غلطانه في شي
:app: :app: :app: :app: :app:
][ Q6r ][
24-02-2007, 04:36 AM
لا فرق بين اسود وابيض ولا فرق بين عربي واجنبي الا بالتقوى.
كلنا مسلمين
توكل على الله اخوي مليت:)
الموضوع اخذ حقه بالنقاش
ويغلق حتى لا يتسبب في العداوة والشجار مابين الاعضاء
اشكر للجميع تفاعلهم بالموضوع واعطاء الموضوع حقه بالنقاش
Powered by vBulletin® Version 4.2.5 Copyright © 2024 vBulletin Solutions Inc. All rights reserved.