( أسماء المناطق في قطر بعضها يفشل ) [الأرشيف] - منتديات شبكة الأسهم القطرية

مشاهدة النسخة كاملة : ( أسماء المناطق في قطر بعضها يفشل )

rashid-1

22-02-2007, 11:59 PM

الــسلام عليــكم

أنا إذا أزور الدول اللي برا أجد أسامي جميلة لمناطقهم ومريحة نفسيا للناس الذين يسكنون تلك
المناطق لكن أنا أستغرب سكون البلدية أو هيئة التخطيط عن هذا الموضوع الحيوي المهم حيث
أن جمال البلد ليس فقط بماني المنطقة أنما بأسمها

مثلا أنا أعرف كذا شخص طلعت لهم أراضي في منطقة أبوهامور فرفضوها وقالوا لانريد تلك المنطقة مع أنها منطقة حديثة وهادئة وفي بيوت جميلة لكن أسم بوهامور منقص على نفسيات هؤولا الأشخاص

وأنا بصراحة لاألومهم ( بوهامور ) ماهذا الأسم القبيح ولماذا لايستبدلونه بأسم أجمل من هذا
مالعيب مثلا من أختيار أسماء أخرى حلوه ومهضومة

أنظروا للأسماء التي لاأرى أي جمال فيها

أولا : الخيسة .... معنى الخيسه هي الأماكن القذره ومع هذا نجد الأسم موجود في منطقة يسكنها ناس محترمين

ثانيا : بوهامور يرتبط هذا الأسم بالمقبره الشهيره فدائما يذكرنا الأسم في الأموات

ثالثا : عنيزه أسم دخيل وضعوه في مكان حساس على طريق الخليج الغربي حيث مرور زوار كبار الدولة

رابعا : مسيمير ( في ذمتكم هذا أسم ) أي نجار مختار لكم هالأسم قلة الأسامي يعني مسيمير
بكره بتطلعون لنا بمنطقة ( منيشير )

كثير من المناطق والله لو أعدها بتعب وخصوصا المناطق الحديثة

فأتمنى أن ينتبه المسؤولين لهذا الشىء

المخلب

23-02-2007, 12:13 AM

تصدق جلست اليوم افكر بنفس الموضوع ..

صحيح والله اسامي المناطق في قطر للاسف مختاره من ناس ماعندهم لمسه من الجمال !

ذوقهم تعبان الف ! ..

وعندنا اسامي مكرره !! .. وهذا هم بعد غلط !

أحسن نظام تخطيط شفته في دول الخليج كلها نظام تخطيط الخبر ! ..

( نظام الاحياء السكنيه )

وكل حي يسمى بأسم ! ..

مثل : حي العنود , حي الراقي , حي الاندلس , حي النور .. الخ

هذي اسماء ترد الروح مو منطقه 77 والدفنه الجديده 1 والدفنه الجديده2 والدفنه الجديده3 ومنطقه 55 ومنطقه 46 تكرار في تكرار ! او اسماء تجذب بعض الاحيان الاشمئزاز ..

ملاحظتك في محلها واشكرك عليها ..

حنان الدنيا

23-02-2007, 12:21 AM

صح كلامك اخوي راشد

مشكور وياريت كنت حطيت اسامي مناطق بعد

{راشد}

23-02-2007, 12:23 AM

صدقت اخوي

Qa6ar

23-02-2007, 12:31 AM

صدقت اخوي

وفيه اسامي حلوه مدينه خليفه الشماليه والجنوبيه وحي الامير او شعبيه خليفه او الريان

او الوجبه والشافي او الريان القديم والجديد والوكره والمناصير والشمال والرويس

والمعيذر والخور وابوسمره وكذا مكان حلو ونتمنى التعديل للااسامي المناطق الباقيه

وشاكر لك اخوي

مطيع الله

23-02-2007, 12:45 AM

شكراً لكم جميعاً
كل الأسماء
أسماء شوارع أحياء مناطق لها معاني معتبرة
وكل اسم له معنى معروف لدى المختصين
ولا يجاز أي اسم إلا بعد دراسته وشرح معناه للمسؤلين
وأغب الأسماء التي تبدو غريبة هي أسماء لروض أو أماكن قطرية قديمة

ورقــة أمــل

23-02-2007, 12:45 AM

الناس تعودت على هالاسامي
بيحطون لنا اسامي جديده ويخلون راعي الكروة يضيع
تقوله روح المنتزه مايدلها
الا تقوله روضة الخيل..مادري اي خيل واي روضه
يانهم يحطون اسامي عدله وتناسب
ويحفظونا اياها..او لا يغيرون شي

شاهيناز

23-02-2007, 12:48 AM

صحيح بعض الاسامي تفشل

مره كنا في منتدى وفيه ناس حاقدين على قطر
كانو ماسكين علينا اسم الخيسه

وخذ لك تعليقات ماكنا نقدر نرد
لان اسمها جذيه يعني شلون نخفيه
وش نقول

ان شاءالله يغيرون بعض الاسماء لانها فشله جدام العالم

ويسلمو

البركان

23-02-2007, 02:31 AM

عندنا بالكويت يتم التعديل

ولكن مثلا

منطقة ام الهيمان _________ ضاحية على صباح السالم

يغيرون اسم المنطقه ويستبدلونه باسم شيخ

السديم

23-02-2007, 02:47 AM

أخ راشد ملاحظتك رائعه وفي محلها تماما ..

ولكن هذه المسميات متواجده في معظم المدن والدول ..

يعني الخيسه .. سميت بالخيسه لكثرة تجمع مياه الامطار فيها حتى تصبح مستنقعات وخياس اعزكم الله .. وبو هامور له سالفه ومسيمير كذلك و و و الخ

اللوم مش على المناطق القديمه .. اللوم على المناطق الجديده اللي يختارون لها اسامي مش سنعه مثل عنيزة .. يعني ماخلصنا من نعيجه عشان يحطون لنا عنيزة ياخوفي في يوم يسمون تويسه :D
وماننكر وجود اسامي حلوة .. مثل الجسرة ( ويرمز للجسر الخشبي القديم الفاصل في سوق واقف )
والنجاده والهلال والروضه والريان و و و و .. الخ
وبالفعل نبي لجنة تكون ملمه بتراث قطر وتاريخها وتقدر تحط لنا اسامي سنعه :)

مشكور مره ثانيه .. واسمح لي على الهذره الزايده :)

خاربه خاربه

23-02-2007, 02:47 AM

يعطيك العافيه:nice:

وانا متابعه لأن ماعرف اسامي وايد للشوارع والمناطق:looking:

رياني1212

23-02-2007, 10:10 AM

[QUOTE=rashid-1]الــسلام عليــكم

أنا إذا أزور الدول اللي برا أجد أسامي جميلة لمناطقهم ومريحة نفسيا للناس الذين يسكنون تلك
المناطق لكن أنا أستغرب سكون البلدية أو هيئة التخطيط عن هذا الموضوع الحيوي المهم حيث
أن جمال البلد ليس فقط بماني المنطقة أنما بأسمها

مثلا أنا أعرف كذا شخص طلعت لهم أراضي في منطقة أبوهامور فرفضوها وقالوا لانريد تلك المنطقة مع أنها منطقة حديثة وهادئة وفي بيوت جميلة لكن أسم بوهامور منقص على نفسيات هؤولا الأشخاص

وأنا بصراحة لاألومهم ( بوهامور ) ماهذا الأسم القبيح ولماذا لايستبدلونه بأسم أجمل من هذا
مالعيب مثلا من أختيار أسماء أخرى حلوه ومهضومة

أنظروا للأسماء التي لاأرى أي جمال فيها

أولا : الخيسة .... معنى الخيسه هي الأماكن القذره ومع هذا نجد الأسم موجود في منطقة يسكنها ناس محترمين

ثانيا : بوهامور يرتبط هذا الأسم بالمقبره الشهيره فدائما يذكرنا الأسم في الأموات

ثالثا : عنيزه أسم دخيل وضعوه في مكان حساس على طريق الخليج الغربي حيث مرور زوار كبار الدولة

رابعا : مسيمير ( في ذمتكم هذا أسم ) أي نجار مختار لكم هالأسم قلة الأسامي يعني مسيمير
بكره بتطلعون لنا بمنطقة ( منيشير )

كثير من المناطق والله لو أعدها بتعب وخصوصا المناطق الحديثة

فأتمنى أن ينتبه المسؤولين لهذا الشىء[/QU
يا اخوي الاسماء اللي ذكرتها ما تفشل بل نفتخر فيها وبعدين هل تعبت نفسك وبحثت عن الاسماء مثل الخيسة ترى بالعربية تعني الاماكن التي تكثر فيها الاشجار البرية== وبالنسبة لاسم عنيزه هذا اسم ليس دخيل على بلادنا انا من عرفت نفسي وهذا الاسم موجود وبالنسبة للاشخاص اللي ما يبون يسكنون ابوهامور لان اسمها يفشل للاسف ان توجد عقول بهذه التفاهه === اما مسيمير اللي على قولتك تفشل فهذا الاسم كان يطلق على رجال لهم تاريخ في شبه الجزبرة العربية == اتمنى بعد التوضيح انك تغيير نظرتك على اسماء مناطق بلادك هذا اذا كنت تنتمي لهذه الدوله

سهم طايش

23-02-2007, 10:41 AM

اسمح لي اخالفك الرأي اخوي راشد

هذي اسماء نعتز و نفتخر بها و من عمق التاريخ و التراث القطري و لها مدلولات تتعلق بتاريخ قطر و لا يمكن ان ننزعها او نغفلها بهذه السهوله 0
و كل المناطق التي ذكرتها مناطق عزيزه و اسمائها عزيزه على الجميع و لا يمكن تغييرها بأي حال من الاحوال 0

في دبي مثلا هناك مناطق مثلا ( زعبيل - هور العنز - الشندغه - العوير - الخوانيج ) هل تفهم معانيها ؟؟
اكيد ان هذه الاسماء عزيزه على اهل دبي و يعتزون و يفاخرون بها لانها تراثهم و ماضيهم الذي يعتزون به 0

في البحرين و السعوديه هناك الكثير من اسماء المدن و المناطق لها اسماء قديمه يعتزون بها 0

فلا يمكن ان نمحي اسم منطقه غاليه و مغروسه في قلوبنا لانها ببساطه اسمها لا يعجب البعض 0

التاريخ لا يمحى بهذه السهوله التاريخ اكبر من ما يتخيله البعض

الاسهم بلشة

23-02-2007, 10:43 AM

اخوي وين منطقة منيشير؟

وهل هناك منطقة اسمها امطيريق؟؟؟
واين يقع فريج امخيشيب؟؟؟

رياني1212

23-02-2007, 10:44 AM

يا اخوي الاسماء اللي ذكرتها ما تفشل بل نفتخر فيها وبعدين هل تعبت نفسك وبحثت عن الاسماء مثل الخيسة ترى بالعربية تعني الاماكن التي تكثر فيها الاشجار البرية== وبالنسبة لاسم عنيزه هذا اسم ليس دخيل على بلادنا انا من عرفت نفسي وهذا الاسم موجود وبالنسبة للاشخاص اللي ما يبون يسكنون ابوهامور لان اسمها يفشل للاسف ان توجد عقول بهذه التفاهه === اما مسيمير اللي على قولتك تفشل فهذا الاسم كان يطلق على رجال لهم تاريخ في شبه الجزبرة العربية == اتمنى بعد التوضيح انك تغيير نظرتك على اسماء مناطق بلادك هذا اذا كنت تنتمي لهذه الدوله

الاسهم بلشة

23-02-2007, 10:45 AM

سهم طايش

23-02-2007, 12:31 PM

؟؟؟
زين ياخي شنو يعني مسيمير؟
شنو الخيسة؟
شنو المارونة؟
الشحانية؟
الكرعانة؟؟
الخرارة؟
سودانثيل؟
المطار القديم؟
قاعدة العديد الجوية؟
جسر القرهود

ههههههههههههههههه شدخل جسر القرهود في السالفه هذا جسر في دبي

انت تعرف شعنه انتكلم ؟

كنت بجاوبك لكن يوم شفت جسر القرهود هونت

مصيبه اذا ما تعرفون معاني مناطق قطر

اتمنى من وزارة التربيه ادراج مادة في المنهج اسمها التراث القطري

مليت

23-02-2007, 12:41 PM

منطقة مليت الله خوش اسم

يابعدهم كلهم

23-02-2007, 12:54 PM

مووضوع جميل
بصرررراحه في منااطق خاارج الدووحة اررروح لهااا وللحين اضيع في اساميها :confused: ماادري من وين يجبووون هالاسااامي الغرررريببببببة :confused:

ونه الم

23-02-2007, 12:58 PM

يعطيك العافيه:nice:

وانا متابعه لأن ماعرف اسامي وايد للشوارع والمناطق:looking:

:nice:

سُقراط

23-02-2007, 01:47 PM

فقد سمعت وجهات نظر تافهه ، و قرأت مواضيع خالية من الموضوعية ، لكن هذا الموضوع من اتفه المواضيع التي قرأتها في حياتي ، لأنه يدل على كارثة التجنيس و عدم الأحساس بالأنتماء للوطن ، فالذي لا يعرف تاريخ وطنة فالعار يلحقة ، و الذي يطالب بتغيير تاريخ بلدة عن طريق اسماء المناطق كما يدعي فهو منافق.

سُقراط

خبير أقتصادي

23-02-2007, 03:26 PM

الناصرية
المناصير
المنصورة

كلها داخل الدوحة

اليوم إحفظوا الأسماء و بكرة تسميع :nice:

متسبب

23-02-2007, 03:42 PM

الناصرية
المناصير
المنصورة

كلها داخل الدوحة

اليوم إحفظوا الأسماء و بكرة تسميع :nice:
وحط معاهم النصرانيه :)

بوخالد2

23-02-2007, 03:43 PM

الناصرية
المناصير
المنصورة

كلها داخل الدوحة

اليوم إحفظوا الأسماء و بكرة تسميع :nice:

اخوى منطقه الناصرية 00 لها علاقه بماضي اهل قبيله الدواسر

والمناصير منطقه سكنها قبل اهل قبيله المنصوري وسميت بهم

اما المنصوره والدوحه الجديد والبدع (( البدع 0 لااهل قبيله السويدي وهم اول من اسسها )) الجسره وغيرها هذوول كانوا المناطق القديمه لااهل قطر

صحيح يااخوان مثل ماقال (( سقرااط)) يجب عليكم معرفه تاريخكم القديمه من خلال قراءة اسماي قطر القديمه الخرائط القديمه بتستغربون من الاسامي التى ليست موجوده الا عند اهل التخطيط او الاراضي لقطر اما اذا مثل ماذكر ناس مجنسه ولا تعرف التاريخ فل تمتنع على التعليق او التعليق بما لاتعلم بتاريخ البلاد الطيبه هذي

الشحانية يونايتد

23-02-2007, 04:46 PM

؟؟؟
زين ياخي شنو يعني مسيمير؟
شنو الخيسة؟
شنو المارونة؟
الشحانية؟
الكرعانة؟؟
الخرارة؟
سودانثيل؟
المطار القديم؟
قاعدة العديد الجوية؟
جسر القرهود

صج انك بلشه :D

أمزح ياخوك لحد يطق :court:

الشحانية سميت بهذا الأسم نظراً لنبات الشيح الذي كان ينبت بها

وكلششششششششش ولا هالأسم لحد يقرب صوبه

حمد خالد

23-02-2007, 04:55 PM

انا معااااااااااااك اخوي راشد في موضوعك وفعلاً الاسامي كلها تعبانه وماعندهم اسامي حلوه يحطونها

والكل ملاحظ بس وش نسوي نتمنى الدوله تعديل بعض الاسماء السيئه وماله حصر الصراحه

انا اذا جاوني شباب ويمسعون اسامي المناطق يموتون من الضحك يقولون وش هاالاسامي

وانا مالومهم وماعندي عذر احجهم فيه ولا ادافع

عموماً مشكوووووووور اخوي راشد يمال العافيه

يابعدهم كلهم

23-02-2007, 04:55 PM

صج انك بلشه :D

أمزح ياخوك لحد يطق :court:

الشحانية سميت بهذا الأسم نظراً لنبات الشيح الذي كان ينبت بها

وكلششششششششش ولا هالأسم لحد يقرب صوبه

بعد حيي أهل الشحانية :p ;)

ورد قطر10

23-02-2007, 04:59 PM

الله يكون في العون

الاسهم بلشة

23-02-2007, 06:18 PM

بس يااخوان لاحظوا ان هناك حفريات كثيرة في بعض مناطق الدوحة
ليش اشغال ماتتدخل؟؟؟

بوخالد2

24-02-2007, 12:05 AM

بس يااخوان لاحظوا ان هناك حفريات كثيرة في بعض مناطق الدوحة
ليش اشغال ماتتدخل؟؟؟

اشدخل الموضوع غير وانت غير يالغالي:court: