شاعر قطر : محمد بن فطيس المري

[إنتعاش]

داري قطـر وأنـا هنـا أمثلهـا
،،،، المجـد مطلوبـي وأنـا طلابـه
عهـدٍ علـى إنـي لاأشرفـهـا
،،،، تـرك صبـيٍ مايـعـز تـرابـه
شوفوا دمي من حبها عنابي
،،،، وحماستي من ضوها شبابه

http://www.m5zn.com/uploads/d3cb0e63a1.jpg

الشاعر :
محمد بن حمد بن فطيس المري

العمر : 26 سنة


شاعر قطري شاب ،،
يمتاز شعره بالجزالة وسهولة توصيل الفكرة ،،
و سلاسة الربط في مواضيع القصيدة ،،
يشارك الآن في البرنامج الشعري المعروف
(( شاعر المليون ))

http://www.nabati.org/gallery/episode10/preview/Gallery2-10.jpg

وقد كان خير من يمثل قطر الغالية . .

شاعرنا وصل للمرحلة القبل نهائيه

بعد ترشحه فوزه الكاسح الاخير على

3 من الشعراء كان أبرزهم السعودي فيصل اليامي

http://www.nabati.org/gallery/episode11/preview/4.jpg


تمنياتي لشاعرنا بالتوفيق والفوز بلقب شاعر المليون

وهذه قصائده التي أمتع الملايين من المشاهدين في الخليج بها . .

(( ماني بمن ياتي ولا يدرى به ))

http://www.l22l.com/l22l-up-1/0477ae8a4d.jpg

ماني بمن ياتي ولا يدرابه
،،،،، شطراً حفظته ماعرف كتابه
شطراً يناسبني لمثل الليله
،،،،، وأشوفني في ذا المكان أولابه
أبتكل بالله ونعمٍ بالله
،،،، اللي مايوصد دون خلقه بابه
باقول واللجنه تقيم قولي
،،،، ومن كثرة الشعار ماني ابه
الحمد لله واثقٍ من روحي
،،،، وان كنت ذيبٍ فاالرجال ذيابه
ماأقول أنا أشعر واحدٍ فالدنيا
،،،، لكن قصيدي كفو وأنا أدرى به
http://www.l22l.com/l22l-up-1/c81fd8a32a.jpg
والشعر جمعنا لو تفرقنا
،،،، حدودنا وظروفنا الغلابه
الله يبيض وجه راعي الفكره
،،،، عزالله أنها تنحسب لحسابه
والله يبيض وجه من يرعاها
،،،، محمد الله يحفظه لحبابه
محمد ولد زايد عريب المجنا
،،،، ولي عهد الديره الخلابه
الشعر تاريخٍ لنا من مبطي
،،،، واعلامنا يوم السنين نهابه
الشعر بيتٍ والوزن عمدانه
،،،، معناه طنب وقافيته حجابه
والشعر وادي فيه صيد واجد
،،،، وكلٍ على الوادي يهج ركابه
الأفكار صيد وكل شاعر قانص
،،،، وكلٍ يدسم شاربه مخلابه
أحدٍ خياله حر و احدٍ وكري
،،،، واحدٍ خياله كوبج بقطابه
وأنا خيالي كل ماهديته
،،،، حول على الوادي وصاد عقابه
http://www.l22l.com/l22l-up-1/03fdf5fcd1.jpg
شاركت أمثل ديرتي وربوعي
،،،، وكلٍ يمثل ديرته واقرابه
والله إلا الله راد والله قاله
،،،، إني لاسلمها الفخر واكتابه
داري قطر وأنا هنا أمثلها
،،،، المجد مطلوبي وأنا طلابه
عهدٍ على إني لاأشرفها
،،،، ترك صبيٍ مايعز ترابه
شوفوا دمي من حبها عنابي
،،،، وحماستي من ضوها شبابه
http://www.l22l.com/l22l-up-1/0477ae8a4d.jpg
شاعر خليجي والعروبه بيتي
،،،، والبيت ماياقف بدون أطنابه
وان عودة بين القبايل فزعه
،،،، أنشهداً لي فاللوازم لابه
لي فالقبايل ربع واقدرهم
،،،، ماني بمن يجهل مقام أصحابه
وان عودة لاصلي فاأنا أصلي مري
،،،، من صلب يام أهل القنا وخضابه
قومٍ لنا فوق المعالي بيرق
،،،، والسيف قوة سلته بانصابه
الشعر طوقني وانا طوقته
،،،، قمت أتمشابه وافك أبوابه
يابنت ياللي تفرقين بعودك
،،،، ماألومهم لو كثرو الخطابه
لامر بك دربك على خلق الله
،،،، قالوا كذا باالأصبع السبابه
http://www.l22l.com/l22l-up-1/d70774892d.jpg
زينك يزينه فعل ابيك وجدك
،،،، وانتي بدورك للنقا كسابه
قومي تباهيبي وفلي راسك
،،،، عليك من ستر الشرف جلبابه
وان ماسترتك بالفعول وباسمي
،،،، فعقبني الفنجال ياصبابه
http://www.l22l.com/l22l-up-1/97bb3ca963.jpg


لإستماع القصيدة هذا الرابط للجوال :
http://www.alsh3r.com/files/bloto/(26).3gp


= = = = = = = = =


قصيدة
(( بنت صوغان ))

http://www.m5zn.com/uploads/d3cb0e63a1.jpg

في شاعـر المليـون للشعـر مضمـار
،،،، والسابقـه فـي الشـوط تظهـر بيدهـا
ومضمريـن بكـار الافكـار شـعّـار
،،،، وكـل ٍ يحضـر بكرتـه فـي وعدهـا
والـي تـردت لا يـدور لهـا اعـذار
،،،، معـذورة ٍ مـا دام قــد ذا جهـدهـا
واللي تعوص وتضرب الحاجـز يسـار
،،،، تشـل فـي الدنـه وتـرجـع بلـدهـا
وانا محضـر بنـت صوغـان الافكـار
،،،، مـن حبهـا عنـدي تفـحـم وحـدهـا
ان جارها الله مـن صواديـف الاقـدار
،،،، جاتـك وجـاك الجيـش كلـه بعدهـا
الله عليهـا مـن مقـاريـد الانـظـار
،،،، وصلـت تحسـك مـا غشاهـا زبدهـا
وتلقفوهـا بالعـلـم رمــز وشـعـار
،،،، وصفـق لهـا منهـو بعينـه شهـدهـا
ومرو بهـا تـو المنصـه كمـا الطـار
،،،، يالـي تزعفرهـا مـن الطـاس زدهـا
شبهت بالهجـن الاصيـلات الاشعـار
،،،، وقصيدتـي تــراث اهلـنـا مـددهـا
أعتز بـه واقـف لـه جـلال وكبـار
،،،، واحة شرف يـا سعـد منهـو وردهـا
أغلا ابلنا في ماجب الضيـف والجـار
،،،، يحلـب لبنهـا قبـل يـذبـح ولـدهـا
وتراثنـا مـن دونـه نبيـع الاعـمـار
،،،، وبفعالنـا روس المعـالـي صعـدهـا
واليوم ضاق الجو مـن كثـر الاقمـار
،،،، تبـث حقـد الـي لحـقـده رصـدهـا
غزى الشعر قبل امس غازيـن الافكـار
،،،، قـوم ٍ علـى الساحـة دفعهـا حسدهـا
تلقفوها ثـم جـاوا مـن كـل الاقطـار
،،،، هـذا يصبحـهـا والاخــر هجـدهـا
هـذا يحـرف بـالأدب سـر وجهـار
،،،، وهـذاك يذبـح موهبـه فـي مهـدهـا
واقفوا على ابل الشعر في وقت الاسحار
،،،، غاروا على الساحـة وعـروا جسدهـا
وصاحت بعد ما شافت ان سترها طـار
،،،، و وقـف ولـد زايـد محمـد سعدهـا
قـال ابشـري بالستـر وبـردة الثـار
،،،، واضفـا عليهـا سترهـا مـا نشـدهـا
واستـل سيـف ٍ فالمواجـيـب بـتـار
،،،، واطلب ورد البـل علـى مـن فقدهـا
على خطـى زايـد خطاويـه مـا بـار
،،،، والحاجـه الـي فـي خيالـه وجدهـا
اغنى العرب من شوف اكاديمي ستـار
،،،، و من شوف امر من السخافـات وادهـا
http://www.m5zn.com/uploads/af447bb96c.jpghttp://www.m5zn.com/uploads/2f1c3b7d5a.jpg

شفت الشعـر بستـان وابوابـه ازهـار
،،،، وقطفت مـا يسقي مشاعـر شهدهـا
قطفتهـا مـن ديـرة ٍ تنبـت احــرار
،،،، مـن دار ابـو مشعـل ذراي وسندهـا
http://www.m5zn.com/uploads/9732abd347.jpg


رابط القصيده فيديو :
http://www.alsh3r.com/files/ywn/fa5.rm

تقييم لجنة التحكيم فيديو :
http://www.alsh3r.com/files/ywn/fa_5.rm

رابط القصيده بنت صوغان (( فيديو للجوال )) :
http://www.alsh3r.com/files/bloto/fa77.3gp


رابط قصيدة الغزل (( فيديو للجوال )) :
http://www.alsh3r.com/files/bloto/fa73.3gp

رابط قصيدة الحكمة (( فيديو للجوال )) :
http://www.alsh3r.com/files/bloto/fa81.3gp


http://www.m5zn.com/uploads/9732abd347.jpg

واللي يبي يفهم طريقة المسابقه في الحلقات القادمة
الآن احنا في المرحلة الثانيه

طريقة المسابقـة .. المرحلة الثانية تستمر من الحلقة 7 إلى الحلقـة 12
كل حلقـة أربعة متسابقيـن يتأهل منهـم متسابق واحـد فقط
http://www.m5zn.com/uploads/1734fd3b4d.jpg


حتى هذه اللحظة المتأهلون هم :

1- محمد بن مريبد العازمي
http://www.m5zn.com/uploads/09e854fca5.jpg

2- عبدالرحمن الشمري
http://www.m5zn.com/uploads/5798b8dd0e.jpg

3- يوسف بن عبد الرزاق العتيبي
http://www.m5zn.com/uploads/9927fb88ad.jpg

4- محمد بن فطيس المري
http://www.m5zn.com/uploads/9732abd347.jpg

5- واحد من المتسابقين الأربعه :
http://www.nabati.org/images/Votinglinkpicture.jpg

6 - اتوقعه تركي الميزاني بلا منافس
http://www.m5zn.com/uploads/8c29e4b671.jpg




المرحلة الثالثة .. في الحلقـة 13 ..
المتسابقيـن 6 .. يخرج من المسابقة متسابق واحـد فقـط
http://www.m5zn.com/uploads/4e5cb07cfb.jpg


المرحلـة الرابعـة .. في الحلقة 14 ..
المتسابقيـن 5 .. يخـرج من المسابقة متسابقين اثنين فقط
http://www.m5zn.com/uploads/ad26a2400d.jpg


المرحلـة الخامسـة والأخيـرة .. في الحلقة 15
المتسابقيـن 3 فقط .. واحـد فقط يحصل على المليـون
http://www.m5zn.com/uploads/46538b1156.jpg


كل امنياتي التوفيق والنجاح

لـ شاعر قطر


محمد بن فطيس المري
http://www.nabati.org/gallery/episode10/preview/Gallery2-07.jpg

[{راشد}]

بيض الله وجهك يا انتعاش ,,

وعزالله ماقصرت ابد في طرح الموضوع والتعريف عن محمد ,,

وان شاءالله بدعواتكم وبشاعريته بكون نصيبه المليووون,,

لك مني باقة ورد

[المخلب]

انتعاش بالله عليك بسألك ..

ليش قطر الحبيبه ماتبادر وتسوي لنا مثل هل المسابقات ..

يااخي محنا بأقل من غيرنا ..!

ومع اني ما أتابع البرنامج ( للاسف ) لان ماعندي وقت ! .. لكن شفت قصايده تكسر ظهر العدو ! ..

صج شاعر !

[الاسهم بلشة]

ابصراحة ياشباب اول قصيدة اطلعت اي كلام
شنو باقول واللجنه تقيم قولي
،،،، ومن كثرة الشعار ماني ابه
الحمد لله واثقٍ من روحي

توقعت شعره احلى من جذيه
لكن الله ايوفقه

[مطيع الله]

شكراً لك انتعاش
موضوع شامل
عن الشاعر
ومسابقة المليون

[Qa6ar]

جزاك الله خير وانشالله يرفع اسم قطر فوق

[خفايا الروووح]

:app: :app: :app: :app: :app:

تسلم ع هالشرح الكامل

واذا ماكان المليون من نصيبه ... يكفي انه شِعره هَز ناس كبار :strong

[فريق أول]

اخوانا الشعراء الباقين ... ما عليهم زود


لكن ...


ان كنت ذيبٍ فاالرجال ذيابه


الله يوفقك يا بن فطيس

[السهم الذهبي 2007]

يعطيك العافيه على الاخراج الجميل

[ولـــد قطـــر]

مشكووووووووووور اخوي انتعاش على الموضوع الاكثر من رائع

دائما مبدعا اخوي انتعاش بسلاسة مواضيعك ومضمونها وهدفها

تسلم يالغالي والله يوفق شاعرنا الكبير محمد بن فطيس المري

[عبدالمحسن]

السلام عليكم ورحمة الله وبركاته



بارك الله فيك اخوي انتعاش

وبيّض الله وجهك


وصدقني ( والله العظيم ) إني ما استغرب من شخص مثلك الأهتمام لأبن بلده ومساندته بمثل هذه المواضيع المعنويه

وعندي خبر ويقين بمساندتك الماديه من حيث التصويت .. فقد بلقني بأنك صوت ( 1600) صوت

ولو قطعوا جوالك انا حاضر :)


فهذا العمل لا يستغرب عليك ولا على من هم مثلك من الرجال

فأنا هنا لا من أجل الشاعر محمد بن حمد ، بل لشكـرك والثناء على عملك

فــ 1000 شكر


اخوك

[عبدالمحسن]

ابصراحة ياشباب اول قصيدة اطلعت اي كلام
شنو باقول واللجنه تقيم قولي
،،،، ومن كثرة الشعار ماني ابه
الحمد لله واثقٍ من روحي

توقعت شعره احلى من جذيه
لكن الله ايوفقه



عزيزي


تقول اي كلام !!!



صحيح اللي ما يعرف الصقر يشويه

الساعر يقول :

باقول واللجنه تقيّم قولي .. ومن كثرة الشّعار ماني آبه

البيت هذا فيه نبرة تحدي وثقه بالنفس ، حتى ولو كانوا الشعراء كثر

وقد قال الشاعر ايظاً

ان كنت ذيبٍ فالرجال ذيابه

بمعنى لا ينتقص من قدر احد



تحياتي للجميــــع

[عبدالمحسن]

نسيت اقول لك اخوي انتعاش



اثرك منت بهيّن


اخراج تشكر عليه


:)


تحياتي لك

[jajassim]

جزاك الله خير وان شاء لله يرفع اسم قطر فوق

[صليب الراي]

الله يوفقه ان شاءالله


ومشكور اخوي على وضع الابيات

الحقيقه كنت ادور عليها من فتره

مشكوووووور يا انتعاش

[الاسهم بلشة]

عزيزي


تقول اي كلام !!!



صحيح اللي ما يعرف الصقر يشويه

الساعر يقول :

باقول واللجنه تقيّم قولي .. ومن كثرة الشّعار ماني آبه

البيت هذا فيه نبرة تحدي وثقه بالنفس ، حتى ولو كانوا الشعراء كثر

وقد قال الشاعر ايظاً

ان كنت ذيبٍ فالرجال ذيابه

بمعنى لا ينتقص من قدر احد



تحياتي للجميــــع

يابو الشباب اللي كل كلامك اخطاء املائية وكن اخوك الصغير اللي كاتبه
شنو يعني اللي مايعرف للصقر يشويه؟؟؟
ياخي هذا رايي انا
انا اقول شعره اي كلام
والكلام اللي انت كاتبه بعد اي كلام اخوي , مع الاخطاء الاملائية اللي اتفشل

ليش مب راضي تتقبل النقد او الراي الاخر؟؟؟


انا نظرتي الشعره انه اي كلام
هاذي وجهة نظري
واذا تبيني احترم كلامك لازم تحترم كلامي
وياريت قبل ماترد علي او على غيري اتجيب لك حد يعرف يكتب عربي

[فاضي عمل]

مشكور أخوي على هالموضوع ونبي ندعم أخونا محمد بن فطيس
وماشاءلله اشعاره ماتنوصف وعجيبه

يعطيكم العافيه

[تيتانيوم]

الله يوفقه بن فطيس وفاله المليوووووووووون

[الاسهم بلشة]

شنو يعني
ان عودت ببين القبايل فزعة انشهد ان لي في اللوزام لابه؟؟؟؟؟
شنو لابه؟؟؟
من يعرف؟

[إنتعاش]

هلا وغلا فيكم اخواني الكرام

اشكركم كلكم على المرور والتواصل

ودعواتكم بالتوفيق لشاعرنا محمد بن فطيس المري

يوم الثلاثاء هو المحك الحقيقي

في المرحلة المقبلة ...


تأهل حتى الآن 5 وبقي السادس واتوقعه تركي 2000 او بن عبيان اليامي كانت قصائده رائعه
لكنني ارجح كفة تركي 2000 لما يملكه من جماهيريه كبيره جدا . . ربما ترجح كفته في التصويت .


يوم الثلاثاء القادم الله يسهل علينا يارب ونستمتع بقصائد عذبه و رائعه تمتعنا جميعا ً . .

واخوي الاسهم بلشه الرد على سؤالك كما قال الشاعر هادي ال مخلص في بيته :

قالت توقف ..ويش معنى لابتي بالمختصر
,,,, قلت ابشري بعلمك عن لابتي يأم الترف
هم ربعي اللي في اللقا تظهر ليا رد الخبر
,,,, صبان يام اهل الوفا والعز حاميين الطرف

فالمعروف اخوي في كلمة ( لابه ) او ( لابتي )

جماعتك ، قبيلتك ، ربعك ، عيال عمك ...

وتقال في الابيات الشعرية كناية عن الفخر الشاعر بقومه الذي ينتمي لهم

تحياتي للجميع :)

[الاسهم بلشة]

هلا وغلا فيكم اخواني الكرام

اشكركم كلكم على المرور والتواصل

ودعواتكم بالتوفيق لشاعرنا محمد بن فطيس المري

يوم الثلاثاء هو المحك الحقيقي

في المرحلة المقبلة ...


تأهل حتى الآن 5 وبقي السادس واتوقعه تركي 2000 او بن عبيان اليامي كانت قصائده رائعه
لكنني ارجح كفة تركي 2000 لما يملكه من جماهيريه كبيره جدا . . ربما ترجح كفته في التصويت .


يوم الثلاثاء القادم الله يسهل علينا يارب ونستمتع بقصائد عذبه و رائعه تمتعنا جميعا ً . .

واخوي الاسهم بلشه الرد على سؤالك كما قال الشاعر هادي ال مخلص في بيته :

قالت توقف ..ويش معنى لابتي بالمختصر
,,,, قلت ابشري بعلمك عن لابتي يأم الترف
هم ربعي اللي في اللقا تظهر ليا رد الخبر
,,,, صبان يام اهل الوفا والعز حاميين الطرف

فالمعروف اخوي في كلمة ( لابه ) او ( لابتي )

جماعتك ، قبيلتك ، ربعك ، عيال عمك ...

وتقال في الابيات الشعرية كناية عن الفخر الشاعر بقومه الذي ينتمي لهم

تحياتي للجميع :)

الله يرحم والديك اخوي انتعاش
جواب شافي وافي وواضح
ماقصرت والله اينور عليك

[كحيلان]

ابصراحة ياشباب اول قصيدة اطلعت اي كلام
شنو باقول واللجنه تقيم قولي
،،،، ومن كثرة الشعار ماني ابه
الحمد لله واثقٍ من روحي

توقعت شعره احلى من جذيه
لكن الله ايوفقه



داري قطـر وأنـا هنـا أمثلهـا

ماأقول أنا أشعر واحدٍ فالدنيا
،،،، لكن قصيدي كفو وأنا أدرى به


شوفوا دمي من حبها عنابي
،،،، وحماستي من ضوها شبابه


سؤال للأسهم بلشه هل أنت أفضل من اللجنه؟؟؟!!!

[كحيلان]

شنو يعني
ان عودت ببين القبايل فزعة انشهد ان لي في اللوزام لابه؟؟؟؟؟
شنو لابه؟؟؟
من يعرف؟

لابه = اليا انتخا


عزى لمن ماله الى انضام لابه اليا انتخا مابه مري يلبيه

[كحيلان]

الف شكر اخونا انتعاش على هذا الموضوع الوطني ::nice: :nice:

[الاسهم بلشة]

داري قطـر وأنـا هنـا أمثلهـا

ماأقول أنا أشعر واحدٍ فالدنيا
،،،، لكن قصيدي كفو وأنا أدرى به


شوفوا دمي من حبها عنابي
،،،، وحماستي من ضوها شبابه


سؤال للأسهم بلشه هل أنت أفضل من اللجنه؟؟؟!!!

؟؟؟؟؟؟؟؟؟؟؟؟؟؟؟؟؟
ههههههههههههههههههههههههههه
ههههه
يابو الشباب
المسالة مش مسالة افضل من اللجنة يابابا
هاذي مسالة نسبية وان شا الله انك اتعرف شنو نسبية
يعني ممكن انا يعجبني شاعر ومايعجبك انت
المسالة مش مسالة ارقام وحسابات علشان انقول ونجزم ان هذا احسن وهاذاك اسوا
المسالة مسالة نسبية بحتة
يعني لو الف لجنة اتقول شعره حلو ويجيك واحد يقول شعره مب ذاك الزود فالمفروض يحترم راي هالشخص
فهمت يابو الشباب؟؟؟

وابسط مثال انت
اكثر من 95 في الامية من اعضاء المنتدى يطالبون بغلق مواضيعك لانها مب مبنية على اي اساس
لكن في نسبة تقول خلوا الرجال يكتب
هل نعتبر هذا شي مسلم فيه؟؟
هاذي مسائل نسبية حبيب البي ووجداني

[عبدالمحسن]

يابو الشباب اللي كل كلامك اخطاء املائية وكن اخوك الصغير اللي كاتبه



صح اخوي الصغير اللي كاتبه






شنو يعني اللي مايعرف للصقر يشويه؟؟؟



حتى المثل هذا ماتعرفه !؟!؟!؟






ياخي هذا رايي انا
انا اقول شعره اي كلام
والكلام اللي انت كاتبه بعد اي كلام اخوي , مع الاخطاء الاملائية اللي اتفشل

ليش مب راضي تتقبل النقد او الراي الاخر؟؟؟



انا اتقبل النقد من اهل النقد

لكن بما انك ماتعرف الشعر ولا اصوله ولا تعرف معنى الكلمات .. اتمنى انك ترجع للمعجم وتاخذ اصل الكلمات العربيه ، لأني اشك في معرفتك ودرايتك باللغة العربيه







انا نظرتي الشعره انه اي كلام
هاذي وجهة نظري
واذا تبيني احترم كلامك لازم تحترم كلامي
وياريت قبل ماترد علي او على غيري اتجيب لك حد يعرف يكتب عربي



هههههههههههههه


ما اقول لك ماتعرف عربي

..

[الاسهم بلشة]

صح اخوي الصغير اللي كاتبه







حتى المثل هذا ماتعرفه !؟!؟!؟






انا اتقبل النقد من اهل النقد

لكن بما انك ماتعرف الشعر ولا اصوله ولا تعرف معنى الكلمات .. اتمنى انك ترجع للمعجم وتاخذ اصل الكلمات العربيه ، لأني اشك في معرفتك ودرايتك باللغة العربيه







هههههههههههههه


ما اقول لك ماتعرف عربي

..
دامك قلت ان اخوك الصغير هو اللي كاتب الكلام
مالي كلام وياك
هات الولد اتفاهم معاه
وحاول مرة ثانية يابو الشباب انك لو سمعت راي مخالف الرايك انك ماتثور احسن
تعلم انك تسمع وتناقش حتى اللي يخالفونك
مب لاني قلت شعره اي كلام قلت لي اللي مايعرف للصقر يشويه حبيبي

[alanood]

تسسسسسسسسلم اخوي...روووعه الموضوع كامل و متكامل...

[كحيلان]

؟؟؟؟؟؟؟؟؟؟؟؟؟؟؟؟؟
ههههههههههههههههههههههههههه
ههههه
يابو الشباب
المسالة مش مسالة افضل من اللجنة يابابا
هاذي مسالة نسبية وان شا الله انك اتعرف شنو نسبية
يعني ممكن انا يعجبني شاعر ومايعجبك انت
المسالة مش مسالة ارقام وحسابات علشان انقول ونجزم ان هذا احسن وهاذاك اسوا
المسالة مسالة نسبية بحتة
يعني لو الف لجنة اتقول شعره حلو ويجيك واحد يقول شعره مب ذاك الزود فالمفروض يحترم راي هالشخص
فهمت يابو الشباب؟؟؟

وابسط مثال انت
اكثر من 95 في الامية من اعضاء المنتدى يطالبون بغلق مواضيعك لانها مب مبنية على اي اساس
لكن في نسبة تقول خلوا الرجال يكتب
هل نعتبر هذا شي مسلم فيه؟؟
هاذي مسائل نسبية حبيب البي ووجداني


ردي البسيط هو ((( واحدٍ خياله كوبج بقطابه ))) وان شاء الله خيالك أوسع .

على فكره هل تتمنى بن فطيس يفوز ؟؟؟

أنا ما اعرفك بس أجزم أن اجابتك هي (( لا !!!)) لان قلبي دليلي !

أنتهى النقاش من ناحيتي .

[الاسهم بلشة]

ردي البسيط هو ((( واحدٍ خياله كوبج بقطابه ))) وان شاء الله خيالك أوسع .

على فكره هل تتمنى بن فطيس يفوز ؟؟؟

أنا ما اعرفك بس أجزم أن اجابتك هي (( لا !!!)) لان قلبي دليلي !

أنتهى النقاش من ناحيتي .

اخوي انا مادري شلون جزمت ابشي يعتبر بالنسبة لك من الامور الغيبية لانه متعلق بالنوايا اللي مايعلم فيها الا الله

لكن انا بصراحة اتمنى الافضل ايفوز سواء كان قطري ولا غيره

وانا اتمنى ان اسم قطر يرتفع عالي فوووووووووووووووق , لكن في نفس الوقت ان شا الله من يرفع اسم قطر يكون كفو هالشي , لان قطر تستاهل اكثر واكثر واكثر و اكثر واكثر واكثر واكثر واكثر من اللي اقوله

وشكرا على نقاشك اللي على قولتك انتهى من ناحيتك
سلام

[عبدالمحسن]

للرفع



والوعد بكره ان شاء الله الساعه 8:30 بتوقيت الدوحه

[ROSE]

للرفع



والوعد بكره ان شاء الله الساعه 8:30 بتوقيت الدوحه
الله يوفقه ان شاء الله

[إنتعاش]

ابدع شاعرنا كعادته في قصائده يوم الثلاثاء الماضي . .

واكتسح تصويتات جمهور - المسرح - بفضل من الله و منه


http://www.m5zn.com/uploads/b92ab13405.jpg


وهذه الأبيات التي شدا بها شاعرنا :



قطر موطني وانا مثل من تربـوا فيـه
،،، راع البـل وراع المـال والغيـص والفـلاح
رجـال ٍ الـى سمعـوا نـداه اجمعـوا لبيـه
،،،، تطيح الغتر والروس .. بس العلـم مـا طـاح
سواعد الاميـر وفالمحافـل فخـر و وجيـه
،،،، ونارد حياض الموت كنحـن خـرز مسبـاح

= = = = =

الموت تالـي العمـر والدنيـا مقيـل
،،،، والاخـرة هـي منتهانـا لا مـحـال
وديني وحب النـاس والخلـق النبيـل
،،،، ثلاث هي دربي الـى حسـن المئـال
الله يقـدرنـي عـلـى رد الجمـيـل
،،،، والله يجمّلنـي الـى جالـي مـجـال

= = = =

اندوج بأشقر صافي الظهر والذيل
،،،، مطروح قد ريشة ظهره محروقه
يطلع وطلعه لا طلع.. طلع دربيل
،،،، زود ٍ على طلعه وطبعه.. لحوقه
له هيبة فالجـو قبـل المحابيـل
،،،، فرخ العقاب ايخاشره في حقوقـه

= = = =

لاتحسب الجفن من دمعه عقيـم
،،،، يستحي منك والى اقفيـت انثـره
ولايغرك وان بدا جسمـي سليـم
،،،، والله انـه مثـل سـور المقبـره
والله ان احـر مـن دمـع اليتيـم
،،،، دمعة الرجـال مـن فرقـا مـره


= = = = =

غاسل ٍ كفـي مـن مصافحـة بعـض اليديـن
،،،، وقافـل ٍ بوجيـه اهلهـا صنـاديـق البـريـد
اشهـد انـي للبـلاوي علـى الدنيـا مديـن
،،،، كـل مـا راجعـت نفسـي طلعـت المستفيـد
المواقـف تشخـل النـاس والطـيّـب يبـيـن
،،،، كل عـام يطيـح تسعـه ويصفـا لـي وحيـد

= = = = =

ودي بك وابيك وابـاك وابغـاك
،،،، جمّعتهـا لرضـاك واختـار فيـهـا
كانك مشكك في الوفا والغـلا هـااك
،،،، جوالـي اقـر القائمـه كـل ابيهـا
رقمك مع (الصادر) ولا (وارد ) اسـواك
،،،، والناس في اللي ( لم يـرد عليهـا )






يالله عفوك يوم تصفية الحساب
،،،، يومٍ حصاد لما زرعنا في السنين
يوم الحشر قرب ولا معنا زهاب
،،،، اليوم في الدنيا وبكره راحلين
نجني ذنوب ونرتجي عفو وثواب
،،،، وعلى نصر ربي لنا مستعجلين
تدرون ليه امالنا كنها سراب
،،،، تدرون ليه النصر سيف الاولين
الاولين اعمالهم وفق الكتاب
،،،، قاموا عليه وباعوا الدنيا بدين
وحنا غفلنا بين ما لذ وطاب
،،،، والنصر سيفٍ مايسله غافلين
نصبح على شوف انتهاكات وخراب
،،،، ونمسي على دمع وتنهات ونين
بصدورنا شي تذوب اله الهضاب
،،،، وافعالنا والواقع رياح ..وطحين
وعلى العيون من الفتن مثل الضباب
،،،، معد درينا من يسار ومن يمين
ما للضعيف الا الدعا لو مايجاب
،،،، ماغيره الا الشوف مكتوف اليدين
يالله زلزل تحت الاعداء التراب
،،،،والطف بنا واحقن دماء المسلمين
ندوعك ياقادر على جعل السحاب
،،،، جيش لنصرة قلةٍ مستضعفين
اغرقهم بنوع من انواع العقاب
،،،، غرق الغلام اللي يحسب انه فطين
لوما عصى نوحٍ نجا به في رحاب
،،،، سفينته وامضى معه في العمر حين
لكنه اختار الخساره والذهاب
،،،، اصنع بهم صنعك به وانت المتين
والا اخذهم يامجري ٍ سود الحقاب
،،،، اخذ العجوز اللي بقت في الغابرين
ذوقهم اللهم انواع العذاب
،،،، اللي عثوا في ارضك امن المفسدين
والطف بمن لبسوا من التقوى ثياب
،،،، عبادك المستهدفين المتقين
تكالبت عليهم انياب الذئاب
،،،، ولا غير عونك يامعين الصابرين
من بينهم شيبه يعجزون الشباب
،،،، من وقفته من طولها. في الركعتين
ومن بينهم بنت تون بلا حجاب
،،،، احجابها لفوا به الجرح المكين
وطفلٍٍ عن عيون امه الثنتين غاب
،،،، تبكيه عين وتلتفت لأخيه عين
من هول مايجري لهم شاب الغراب
،،،، ياوسع حلمك وانت مافوقك مدين
ادعيك وانت ادرى بحال اهل المصاب
،،،، وامد كفي لك يا اكرم الاكرمين

[alsenjari]

لابه = اليا انتخا


عزى لمن ماله الى انضام لابه اليا انتخا مابه مري يلبيه




أخوي كحيلان مالك لوا ياطويل العمر

تفسيرك غلط إرجع لتفسير أخوي انتعاش تفسيره هو الصح

مثال :

كأن يقول الرجل : أنا لابتي قحطان

فاللابه هي السمية أو النسب أي القبيلة

[عبدالمحسن]

بيّض الله وجهك اخوي انتعاش


تحياتي لقلبك النقي

[AL_Q8Y]

داري قطـر وأنـا هنـا أمثلهـا المجـد مطلوبـي وأنـا طلابـه
عهـدٍ علـى إنـي لاأشرفـهـا تــــرك صبـيٍ مايـعـز تـرابـه
شوفوا دمي من حبها عنابي وحماستي من ضوها شبابـه

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,

شفت الشعـر بستـان وابوابـه ازهـار وقطفت مـا يسقي مشاعـر شهدهـا
قطفتهـا مـن ديـرة ٍ تنبـت احــرار مـن دار ابـو مشعـل ذراي وسندهـا


شاعر متميز وخير من يمثل قطر ...

شاعر شهر باسم بلده وأمراه في القمم ..ولم ينسى أبد خير أبو مشعل طول الله عمره

وأتمنى كل التمنى الفوز لهذا الشاعر المتميز .. وأتمنى أن يحوز على الدعم

من أبناء بلده وأمراه ... لان بفوزه هو فوز قطر كلها ... وقد رفع أمجادها إلى الافق

فهنيئن لكم .. أخواني القطريين بشاعر كهذا .. وفاله المليون

وأشكرك أخي على الجهد الذي بذلته في طرح كهذا ...

ولك مني خالص الشكر والتحية ..

أخوكم ..

AL_Q8Y

[كحيلان]

أخوي كحيلان مالك لوا ياطويل العمر

تفسيرك غلط إرجع لتفسير أخوي انتعاش تفسيره هو الصح

مثال :

كأن يقول الرجل : أنا لابتي قحطان

فاللابه هي السمية أو النسب أي القبيلة

انتعاش قايدنا صاحب التصويت الكبير . . . ماهي غريبه منه جعل عمره طويل:nice:

((لابه)) نعم معناها النسب والقوم والجماعه.. ولكن لابه عندما قلت انها = انتخا به. كان قصدي هو النخوه بالقبيله والقوم ..

شكراعلى التوضيح اخوي المؤسس:nice:

[اسـكـندر]

السلام عليكم
أحبتي في هذا الصرح الرائد
والذي بلا شك إستفدنا منه ،، فوائد لا تُعد ولا تحصى
اسأل الله أن يجزي العاملين عليه كل الخير

كعادتي مُتصفح لهذا المنتدى العامر ، الزاخر بكل ماهو رائع

وأثناء تجولي في هذا القسم
إذ بي اُشاهد / هذا الموضوع الرائع
الرائع جداً / وليس بمستغرب عن أبناء وبنات هذا الوطن المعطاء
فكل الشكر لـ أخونا ورُبان السفينة
(( إنتعاش ))
لدعمه لممثل قطر في ذلك المحفل الشعري

كل الشكر له لقيامه بأحد الواجبات الوطنية
وأكرر الشكر لـ أصحاب تلك الردود التي تثلج الصدر
وأرجو من الأخ / إنتعاش
فضلاً لا أمراً
أن يتكرم بوضع (( بنر خاص لدعم ممثل قطر ))
والرأي له

سأنتحي جانباً الآن ..

متمنياً أن لا يُساء الظن بشخصي

فـ ورب العزة والجلال
ليس القصد منه إلا التصحيح كما (( طُلب ))
وهذا التصحيح لا يفسد روح المحبة والوئام بين الأحبة
و والله أني لا أعرف الأخ / عبدالمحسن ، وهو أيضاً لا يعرفني
ولا يعرفني هنا أي شخص منكم ..
وهذا الإعتراف ليس إلا !!
لتبرئة الضمير / ولكي لا يُساء الظن .

لفت إنتباهي رد ، لـ أخي الفاضل / الاسهم بلشة <-- بدون همزة للأسهم :funny:

وأقتبست منه الآتي



وياريت قبل ماترد علي او على غيري اتجيب لك حد يعرف يكتب عربي
بسم الله الرحمن نكمل المشوار
ولن اُعقب على الأخطاء في إستخدام (( اللهجة المحلية ))
او الأخــطــاء الكيبوردية :)
ولكن !!
الأخطاء الإملائية فقط !!
وهي الأخطاء التي تكررت في أغلب الردود / وهذا يؤكد لنا بأنها ليست ( كيبوردية )

كما نعتها في رده (( بالفشل ))


مع الاخطاء الاملائية اللي اتفشل




لعل أخي الكريم يستفيد من أخطائه او يستفيد غيره .
متمنياً أن يتسع صدره للنقد ، كما ذكر ذلك في رده السابق على أحد زملائه من الأعضاء .


هاذي وجهة نظري
واذا تبيني احترم كلامك لازم تحترم كلامي


سأتتبع ردوده في هذا الموضوع فقط !!
وسأحدد باللون الأحمر أماكن الأخطاء الإملائية
ولن أتطرق للأخطاء النحوية او أخطاء إستخدام اللهجة المحلية .


اخوي انا مادري شلون جزمت ابشي يعتبر بالنسبة لك من الامور الغيبية لانه متعلق بالنوايا اللي مايعلم فيها الا الله

لكن انا بصراحة اتمنى الافضل ايفوز سواء كان قطري ولا غيره

وانا اتمنى ان اسم قطر يرتفع عالي فوووووووووووووووق , لكن في نفس الوقت ان شا الله من يرفع اسم قطر يكون كفو هالشي , لان قطر تستاهل اكثر واكثر واكثر و اكثر واكثر واكثر واكثر واكثر من اللي اقوله

وشكرا على نقاشك اللي على قولتك انتهى من ناحيتك
سلام


دامك قلت ان اخوك الصغير هو اللي كاتب الكلام
مالي كلام وياك
هات الولد اتفاهم معاه
وحاول مرة ثانية يابو الشباب انك لو سمعت راي مخالف الرايك انك ماتثور احسن
تعلم انك تسمع وتناقش حتى اللي يخالفونك
مب لاني قلت شعره اي كلام قلت لي اللي مايعرف للصقر يشويه حبيبي


؟؟؟؟؟؟؟؟؟؟؟؟؟؟؟؟؟
ههههههههههههههههههههههههههه
ههههه
يابو الشباب
المسالة مش مسالة افضل من اللجنة يابابا
هاذي مسالة نسبية وان شا الله انك اتعرف شنو نسبية
يعني ممكن انا يعجبني شاعر ومايعجبك انت
المسالة مش مسالة ارقام وحسابات علشان انقول ونجزم ان هذا احسن وهاذاك اسوا
المسالة مسالة نسبية بحتة
يعني لو الف لجنة اتقول شعره حلو ويجيك واحد يقول شعره مب ذاك الزود فالمفروض يحترم راي هالشخص
فهمت يابو الشباب؟؟؟

وابسط مثال انت
اكثر من 95 في الامية من اعضاء المنتدى يطالبون بغلق مواضيعك لانها مب مبنية على اي اساس
لكن في نسبة تقول خلوا الرجال يكتب
هل نعتبر هذا شي مسلم فيه؟؟
هاذي مسائل نسبية حبيب البي ووجداني


الله يرحم والديك اخوي انتعاش
جواب شافي وافي وواضح
ماقصرت والله اينور عليك


ابصراحة ياشباب اول قصيدة اطلعت اي كلام
شنو باقول واللجنه تقيم قولي
،،،، ومن كثرة الشعار ماني ابه
الحمد لله واثقٍ من روحي

توقعت شعره احلى من جذيه
لكن الله ايوفقه


يابو الشباب اللي كل كلامك اخطاء املائية وكن اخوك الصغير اللي كاتبه
شنو يعني اللي مايعرف للصقر يشويه؟؟؟
ياخي هذا رايي انا
انا اقول شعره اي كلام
والكلام اللي انت كاتبه بعد اي كلام اخوي , مع الاخطاء الاملائية اللي اتفشل

ليش مب راضي تتقبل النقد او الراي الاخر؟؟؟


انا نظرتي الشعره انه اي كلام
هاذي وجهة نظري
واذا تبيني احترم كلامك لازم تحترم كلامي
وياريت قبل ماترد علي او على غيري اتجيب لك حد يعرف يكتب عربي

............
..........

من الملاحظ أخي الفاضل / الأسـهـم بلشــة
بأن أكثر الأخطـــاء لديك
تكمن في إستخدام الهمزة والمــد والتنوين ،، وفي الحروف التي تُنطق ولا تُكتب

أتمنى أن تستفيد من أخطـــائك

قبل أن تتهجم على إخوانك الآخرون ..

ربما يستغرب البعض هذا الرد ،، ويقول هذا شخص (( فاضي ))
:D
كلا ولا ولن ولم لا لا لا <--- شنوو رأيكم في هـ الحركة :app:

ولكن !!

هنا تكمن الإستفادة وسأضعها في هذه السطور

يجب علينا أحبني الكرام

قبل أن نتهجم على الآخرون وننعتهم بالفشل
أن نؤمن بأننا معرضون للزلل وكلنا بشر
وليس فينا المعصــوم

هنا أتذكر ذلك المثل الإغريقي <--- حلووووو صح:app:

وهو (( كل آفة عليها من الله آفه ))

فـ علينا بتوخي الحذر
وعلينا الإستفادة من تجاربنا
دمتم كما ترغبون

هنااا

اســكــنــدرررررررر:strong

[اسـكـندر]

نسيت أذكر >>> ليس لدي مُعرف آخر

قسماً برب البيت

<<< فاااضي ههههههههه

[كحيلان]

السلام عليكم
أحبتي في هذا الصرح الرائد
والذي بلا شك إستفدنا منه ،، فوائد لا تُعد ولا تحصى
اسأل الله أن يجزي العاملين عليه كل الخير

كعادتي مُتصفح لهذا المنتدى العامر ، الزاخر بكل ماهو رائع

وأثناء تجولي في هذا القسم
إذ بي اُشاهد / هذا الموضوع الرائع
الرائع جداً / وليس بمستغرب عن أبناء وبنات هذا الوطن المعطاء
فكل الشكر لـ أخونا ورُبان السفينة
(( إنتعاش ))
لدعمه لممثل قطر في ذلك المحفل الشعري

كل الشكر له لقيامه بأحد الواجبات الوطنية
وأكرر الشكر لـ أصحاب تلك الردود التي تثلج الصدر
وأرجو من الأخ / إنتعاش
فضلاً لا أمراً
أن يتكرم بوضع (( بنر خاص لدعم ممثل قطر ))
والرأي له

سأنتحي جانباً الآن ..

متمنياً أن لا يُساء الظن بشخصي

فـ ورب العزة والجلال
ليس القصد منه إلا التصحيح كما (( طُلب ))
وهذا التصحيح لا يفسد روح المحبة والوئام بين الأحبة
و والله أني لا أعرف الأخ / عبدالمحسن ، وهو أيضاً لا يعرفني
ولا يعرفني هنا أي شخص منكم ..
وهذا الإعتراف ليس إلا !!
لتبرئة الضمير / ولكي لا يُساء الظن .

لفت إنتباهي رد ، لـ أخي الفاضل / الاسهم بلشة <-- بدون همزة للأسهم :funny:

وأقتبست منه الآتي


بسم الله الرحمن نكمل المشوار
ولن اُعقب على الأخطاء في إستخدام (( اللهجة المحلية ))
او الأخــطــاء الكيبوردية :)
ولكن !!
الأخطاء الإملائية فقط !!
وهي الأخطاء التي تكررت في أغلب الردود / وهذا يؤكد لنا بأنها ليست ( كيبوردية )

كما نعتها في رده (( بالفشل ))





لعل أخي الكريم يستفيد من أخطائه او يستفيد غيره .
متمنياً أن يتسع صدره للنقد ، كما ذكر ذلك في رده السابق على أحد زملائه من الأعضاء .



سأتتبع ردوده في هذا الموضوع فقط !!
وسأحدد باللون الأحمر أماكن الأخطاء الإملائية
ولن أتطرق للأخطاء النحوية او أخطاء إستخدام اللهجة المحلية .













............
..........

من الملاحظ أخي الفاضل / الأسـهـم بلشــة
بأن أكثر الأخطـــاء لديك
تكمن في إستخدام الهمزة والمــد والتنوين ،، وفي الحروف التي تُنطق ولا تُكتب

أتمنى أن تستفيد من أخطـــائك

قبل أن تتهجم على إخوانك الآخرون ..

ربما يستغرب البعض هذا الرد ،، ويقول هذا شخص (( فاضي ))
:D
كلا ولا ولن ولم لا لا لا <--- شنوو رأيكم في هـ الحركة :app:

ولكن !!

هنا تكمن الإستفادة وسأضعها في هذه السطور

يجب علينا أحبني الكرام

قبل أن نتهجم على الآخرون وننعتهم بالفشل
أن نؤمن بأننا معرضون للزلل وكلنا بشر
وليس فينا المعصــوم

هنا أتذكر ذلك المثل الإغريقي <--- حلووووو صح:app:

وهو (( كل آفة عليها من الله آفه ))

فـ علينا بتوخي الحذر
وعلينا الإستفادة من تجاربنا
دمتم كما ترغبون

هنااا

اســكــنــدرررررررر:strong


هذا وأنت فاضي . أجل اذا أستقعدت وش بتقول:app:

شكرا على الدروس المجانيه أتمنى أن يستفيد منها الغير.

[لابس بشت]

والله يستاهل المليون مش لانه قطري لكن هو الافضل بينهم بصراحه وعندك يوسف العتيبي بصراحه يعجبني ويخوّف :)

[Qa6ar]

يعطيك العافيه اسكندر

[مريديان]

ودي بك وابيك وابـاك وابغـاك
،،،، جمّعتهـا لرضـاك واختـار فيـهـا
كانك مشكك في الوفا والغـلا هـااك
،،،، جوالـي اقـر القائمـه كـل ابيهـا
رقمك مع (الصادر) ولا (وارد ) اسـواك
،،،، والناس في اللي ( لم يـرد عليهـا )

:app: :app: :app:

[كحيلان]

والله يستاهل المليون مش لانه قطري لكن هو الافضل بينهم بصراحه وعندك يوسف العتيبي بصراحه يعجبني ويخوّف :)

يوسف العتيبي ماعليه خلاف شاعر رائع ولكني أتوقع خروجه بسبب قلة مصوتيه .

تركي2000 شاعر محاورات - قلطات بالدرجه الأولى , ولكنه بعيد قليلا عن شعر النظم .
وتكمن قوته الشعريه بالحماس عند اللقاء القصيده .

محمد بن فطيس يكفي أن لقبه المحيط ,, شهادتي به ستكون مجروحه.

العازمي شاعر أكثر من رائع,, ومشكلته الوحيده أنه عجل عند اللقاء القصيده .

والشعراء الأخرين رائعين ومافيهم قصور ولكني أتوقع خروجهم ..

أذن المنافسه ستكون محصوره بين بن فطيس وتركي 2000 و العازمي .

[QTR-UK]

السلام عليكم ورحمة الله وبركاته.....:) :) :)

بالتوفيــــق للمحيط الهادئ و خلية الشهد و مهندس الكلمة و ,,,, الخ :nice: :nice:

ويستاهل كل خير ,,,,:nice: :nice:

لو هي علىى الشعر بياخذه انشاءالله ولو هي علىى التصويت ماعليكم هل قطر وهل الشعر معه...... :strong :strong


تقبلوا مروري.....:) :) :) :) :shy:

[{راشد}]

ابن فطيس وتركي 2000 وعبدالرحمن الشمري,,

بينهم المليون وغيرهم ينسون مع احترامي لهم,,

[ABO MUBARAK]

الحـــــــق يقال الشاعر ابن افطيس هو الافضل. بغض النظر عن كونة قطري.
الخطر الوحيد علية هو التصويت.لان التصويت لايمت للشعر باي صلة .... حتى الاطفال اللي مايعرفون الشعر ممكن يصوتون.
وسلامتكم .

[لولوتي]

يالله عفوك يوم تصفية الحساب
،،،، يومٍ حصاد لما زرعنا في السنين
يوم الحشر قرب ولا معنا زهاب
،،،، اليوم في الدنيا وبكره راحلين
نجني ذنوب ونرتجي عفو وثواب
،،،، وعلى نصر ربي لنا مستعجلين
تدرون ليه امالنا كنها سراب
،،،، تدرون ليه النصر سيف الاولين
الاولين اعمالهم وفق الكتاب
،،،، قاموا عليه وباعوا الدنيا بدين
وحنا غفلنا بين ما لذ وطاب
،،،، والنصر سيفٍ مايسله غافلين
نصبح على شوف انتهاكات وخراب
،،،، ونمسي على دمع وتنهات ونين
بصدورنا شي تذوب اله الهضاب
،،،، وافعالنا والواقع رياح ..وطحين
وعلى العيون من الفتن مثل الضباب
،،،، معد درينا من يسار ومن يمين
ما للضعيف الا الدعا لو مايجاب
،،،، ماغيره الا الشوف مكتوف اليدين
يالله زلزل تحت الاعداء التراب
،،،،والطف بنا واحقن دماء المسلمين
ندوعك ياقادر على جعل السحاب
،،،، جيش لنصرة قلةٍ مستضعفين
اغرقهم بنوع من انواع العقاب
،،،، غرق الغلام اللي يحسب انه فطين
لوما عصى نوحٍ نجا به في رحاب
،،،، سفينته وامضى معه في العمر حين
لكنه اختار الخساره والذهاب
،،،، اصنع بهم صنعك به وانت المتين
والا اخذهم يامجري ٍ سود الحقاب
،،،، اخذ العجوز اللي بقت في الغابرين
ذوقهم اللهم انواع العذاب
،،،، اللي عثوا في ارضك امن المفسدين
والطف بمن لبسوا من التقوى ثياب
،،،، عبادك المستهدفين المتقين
تكالبت عليهم انياب الذئاب
،،،، ولا غير عونك يامعين الصابرين
من بينهم شيبه يعجزون الشباب
،،،، من وقفته من طولها. في الركعتين
ومن بينهم بنت تون بلا حجاب
،،،، احجابها لفوا به الجرح المكين
وطفلٍٍ عن عيون امه الثنتين غاب
،،،، تبكيه عين وتلتفت لأخيه عين
من هول مايجري لهم شاب الغراب
،،،، ياوسع حلمك وانت مافوقك مدين
ادعيك وانت ادرى بحال اهل المصاب
،،،، وامد كفي لك يا اكرم الاكرمين

الصراحه من الأول ماكان الموضوع يهمني...
وكنت اقول هي مجرد مسابقه وشعراء والله يوفقهم

لكن اللي سمعته من كم يوم في التلفزيون من شعر شاعرنا محمد بن فطيس المري
ماشاء الله عليه فعلا كلمات عجيبه والقاء قوي ورائع بالفعل
ابدع في الكلمات كل الابداع واتمنى له التوفيق والفوز

وشكرا على الموضوع

[بنت الزعيم]

أحدٍ خياله حر و احدٍ وكري
،،،، واحدٍ خياله كوبج بقطابه

((كوبج بقطابه)):con2: :con2:

يافاهمين السالفه فهمونا :)

[كحيلان]

أحدٍ خياله حر و احدٍ وكري
،،،، واحدٍ خياله كوبج بقطابه

((كوبج بقطابه)):con2: :con2:

يافاهمين السالفه فهمونا :)

الكوبج = طير من أردى أنواع الطيور

القطاب= الطير اللي مخيطه أعيونه

أعجبني حب أستطلاعك .

[عبدالمحسن]

كلام صحيح


وكلنا بن فطيس


http://www.jojokw.net/up-pic/uploads/59c90313da.jpg

[Qa6ar]

عبدالمحسن عن اذنك سرقنا الصوره اقصد خذيناها:)

[عبدالمحسن]

حلالك يا قطري


..


يعني تعتقد من وين انا جايبها :)



من مواقع مهتمه فيه ( وهي مواقع كثيره جداً قطريه وغير قطريه)

ولكن للأسف لم نرى هنا سوى اهتمام اخونا انتعاش !!


في داعوس من دواعيس شبكة الاسهم القطريه ، ونتمنى ان ينقل موضوعه الى شارع عام

[كحيلان]

السيره الذاتيه:
لشاعر / محمد بن حمد بن فطيس المري

يعرف فالساحه الشعبيه بأسم ( محمد بن حمد ) فقط.اطلق عليه العديد من الشعراء العديد من الالقاب ومن ابرزها ( خلية الشهد ) اطلقه عليه الشاعر والاعلامي المعروف فالح العجلان كما اطلق عليه الشاعر الكبير حمد السعيد ( المحيط الهادئ ) البدايه كانت من خلال برنامج (اثير القصائد) الاذاعي سنة 2001 تقريبا ً.بعد ذلك من خلال الصحافه القطريه وبالاخص ( دوحة الشعر ) بجريدة الوطن. ومن ثم انتشر خليجيا ً في الصحافه من خلال مجلة (المختلف) .. على اثرها نشر له العديد من القصائد في مختلف المجلات الخليجيه والصحف.

المشاركات:

مهرجان الدوحه الثقافي الثاني والثالث بقطر ..
(مهرجان الخالديه العربي للشعر الشعبي ) فالمملكه الاردنيه الهاشميه.
(مهرجان النعيريه الاول) فالمملكه العربيه السعوديه.
(مهرجان حائل الاول للشعر الشعبي) السعوديه.
(معرض الصيد والفروسيه)السنوي في الامارات العربيه المتحده.
برنامج ( شاعر المليون ).

المشاركات التلفزيونيه:

برنامج بحور القوافي 2004
برنامج بحور القوافي 2005
برنامج يسعد صباحك ( فالاردن) 2003

...
من ابياته المشهوره:

الضيقه اللي دايم ٍ تالي عصير ..*..وش حيلتي واردها لاتجيني
لا طال ظل العود حزة عشى الطير ...*... كنها على سجن الحديد اتحديني
..ــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
ليه المطر بالذات ريحه وصبّه...*...كنـّه رسول ٍ بين الاحباب بالذات
..ــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
والله ان احر من دمع اليتيم..*..دمعة الرجال من فرقا مره
..ــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
غالي وتبخل علي وتطول الصده ..*.. الله يسامح غلاك ويلعن الحاجه
..ــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
لا للفراق ولا لتجديد الاوجاع ..*.. ونعم نعم للوصل لو كان بالصوت
..ــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
تبغي تشوف اشجع رجل في حياتك .**. شفني وانا مقفي على كثر ما اغليك

وفقه الله .

[بدور]

الله يوفقه

الله يوفقه

الله يوفقه

[عبدالمحسن]

اشكرك يا كحيلان على الاظافه


وان شاء الله راح تلاقي الليله من خلال البرنامج ما يسعدك ويسعد متابعينه

[ســـهم]

انتعاش

بصراحه اول مره اشوف هذا الموضوع

ولكن لي كلمه لابد ان اقولها









وهي























بيض الله وجهك يوم تسوّد وجوه ويعطيك الف الف عافيه على هذا التنسيق الجميل

وهذه الوطنيه التي تنم عن طيب اصلك وفصلك

واخيرا

نعم كلنا مع ابن فطيس اولا لانه القطري الوحيد

وثانيا والاهم انه افضل شاعر في هذا البرنامج مع احترامي لجميع الشعراء والذي

لاننكر شاعريتهم

مشكور وسلمت يمينك

[كحيلان]

مبروك تأهل محمد بن حمد بن فطيس المري

يستاهل جميع المتأهلين .

وحظ أوفر لمن لم يتأهل .

[تيتانيوم]

مبروك الف الف مبروك لابن فطيس يستاهل
بس ليش طول البرنامج بصراحه صار البرنامج ممل

[سالم11]

الف مبروووووووك يابوحمد والله النك تستاهل

[بدور]

الله يوفقه

ويستاهل التأهل

لعيون اخوي انتعاش ندعي له بالتوفيق بن فطيس

[ســـهم]

كان ترشيحنا له في محله فقد صال وجال وحصل من اللجنه على التقييم الممتاز


الله يوفقه

[العديم]

يوسف العتيبي ماعليه خلاف شاعر رائع ولكني أتوقع خروجه بسبب قلة مصوتيه .




شفت تصويته اليوم ؟؟ .. كان الفرق بينه وبين الاحبابي ( اللي طلع ) 20 % من درجة لجنة الحكم الحلقه اللي طافت .. ومع هذا جا في المرتبه الثانيه بعد المري .. يعني تصويته قوي جداً :court:


وبالتوفيق

[عبدالمحسن]

الف الف مبروووك لكم جميعاً هذا الفوز المستحق وعقبال اللقب


..


تحياتي لكم

[كحيلان]

شفت تصويته اليوم ؟؟ .. كان الفرق بينه وبين الاحبابي ( اللي طلع ) 20 % من درجة لجنة الحكم الحلقه اللي طافت .. ومع هذا جا في المرتبه الثانيه بعد المري .. يعني تصويته قوي جداً :court:


وبالتوفيق

تدري ليش قلت انه ممكن يطلع خارج المسابقه ؟

كان قبله الشاعر القثامي العتيبي وطلع!!! بسبب قلة مصوتيه !!!

والمعروف ان قبيله عتيبه أكثر القبائل عددا في الخليج !!!

ومبروك مليون مره للمتصدر بن فطيس .

[al_lord]

ستاهل ابن فطيس شاعر ما عليه كلام

بس يا الربع كم رقم الشات الخاص بقطر لاني ارسل وما يطلع الكلام الي ارسله حتى من القهر ارسلت للرقم العالمي وبعد نفس الشي ؟

[وطن]

مافيه حيله

خمس مرااات


omen

الله يوفقه ان شاء الله

مشكووور انتعاش ع الموضوع



بعض العرب حبه يوردك الجنون .. ولايوصف له غلاه حكاك له


ولما قال

وش وداك له

ايه والله وش وداااك له

صادق صادق

:deal:

[إنتعاش]

الابيات الشعرية لحلقة الـ 6 قبل الماضية مع

الفيديو


http://www.m5zn.com/uploads/b92ab13405.jpg


وهذه الأبيات التي شدا بها شاعرنا :



قطر موطني وانا مثل من تربـوا فيـه
،،، راع البـل وراع المـال والغيـص والفـلاح
رجـال ٍ الـى سمعـوا نـداه اجمعـوا لبيـه
،،،، تطيح الغتر والروس .. بس العلـم مـا طـاح
سواعد الاميـر وفالمحافـل فخـر و وجيـه
،،،، ونارد حياض الموت كنحـن خـرز مسبـاح


رابط الفيديو
http://www.alsh3r.com/bluetooth.php?mode=download&id=661

= = = = =

الموت تالـي العمـر والدنيـا مقيـل
،،،، والاخـرة هـي منتهانـا لا مـحـال
وديني وحب النـاس والخلـق النبيـل
،،،، ثلاث هي دربي الـى حسـن المئـال
الله يقـدرنـي عـلـى رد الجمـيـل
،،،، والله يجمّلنـي الـى جالـي مـجـال

رابط الفيديو
http://www.alsh3r.com/bluetooth.php?mode=download&id=662

= = = =

اندوج بأشقر صافي الظهر والذيل
،،،، مطروح قد ريشة ظهره محروقه
يطلع وطلعه لا طلع.. طلع دربيل
،،،، زود ٍ على طلعه وطبعه.. لحوقه
له هيبة فالجـو قبـل المحابيـل
،،،، فرخ العقاب ايخاشره في حقوقـه

رابط الفيديو
http://www.alsh3r.com/bluetooth.php?mode=download&id=663

= = = =

لاتحسب الجفن من دمعه عقيـم
،،،، يستحي منك والى اقفيـت انثـره
ولايغرك وان بدا جسمـي سليـم
،،،، والله انـه مثـل سـور المقبـره
والله ان احـر مـن دمـع اليتيـم
،،،، دمعة الرجـال مـن فرقـا مـره

رابط الفيديو

http://www.alsh3r.com/bluetooth.php?mode=download&id=664

= = = = =

غاسل ٍ كفـي مـن مصافحـة بعـض اليديـن
،،،، وقافـل ٍ بوجيـه اهلهـا صنـاديـق البـريـد
اشهـد انـي للبـلاوي علـى الدنيـا مديـن
،،،، كـل مـا راجعـت نفسـي طلعـت المستفيـد
المواقـف تشخـل النـاس والطـيّـب يبـيـن
،،،، كل عـام يطيـح تسعـه ويصفـا لـي وحيـد

رابط الفيديو

http://www.alsh3r.com/bluetooth.php?mode=download&id=665

= = = = =

ودي بك وابيك وابـاك وابغـاك
،،،، جمّعتهـا لرضـاك واختـار فيـهـا
كانك مشكك في الوفا والغـلا هـااك
،،،، جوالـي اقـر القائمـه كـل ابيهـا
رقمك مع (الصادر) ولا (وارد ) اسـواك
،،،، والناس في اللي ( لم يـرد عليهـا )

رابط الفيديو
http://www.alsh3r.com/bluetooth.php?mode=download&id=666





يالله عفوك يوم تصفية الحساب
،،،، يومٍ حصاد لما زرعنا في السنين
يوم الحشر قرب ولا معنا زهاب
،،،، اليوم في الدنيا وبكره راحلين
نجني ذنوب ونرتجي عفو وثواب
،،،، وعلى نصر ربي لنا مستعجلين
تدرون ليه امالنا كنها سراب
،،،، تدرون ليه النصر سيف الاولين
الاولين اعمالهم وفق الكتاب
،،،، قاموا عليه وباعوا الدنيا بدين
وحنا غفلنا بين ما لذ وطاب
،،،، والنصر سيفٍ مايسله غافلين
نصبح على شوف انتهاكات وخراب
،،،، ونمسي على دمع وتنهات ونين
بصدورنا شي تذوب اله الهضاب
،،،، وافعالنا والواقع رياح ..وطحين
وعلى العيون من الفتن مثل الضباب
،،،، معد درينا من يسار ومن يمين
ما للضعيف الا الدعا لو مايجاب
،،،، ماغيره الا الشوف مكتوف اليدين
يالله زلزل تحت الاعداء التراب
،،،،والطف بنا واحقن دماء المسلمين
ندوعك ياقادر على جعل السحاب
،،،، جيش لنصرة قلةٍ مستضعفين
اغرقهم بنوع من انواع العقاب
،،،، غرق الغلام اللي يحسب انه فطين
لوما عصى نوحٍ نجا به في رحاب
،،،، سفينته وامضى معه في العمر حين
لكنه اختار الخساره والذهاب
،،،، اصنع بهم صنعك به وانت المتين
والا اخذهم يامجري ٍ سود الحقاب
،،،، اخذ العجوز اللي بقت في الغابرين
ذوقهم اللهم انواع العذاب
،،،، اللي عثوا في ارضك امن المفسدين
والطف بمن لبسوا من التقوى ثياب
،،،، عبادك المستهدفين المتقين
تكالبت عليهم انياب الذئاب
،،،، ولا غير عونك يامعين الصابرين
من بينهم شيبه يعجزون الشباب
،،،، من وقفته من طولها. في الركعتين
ومن بينهم بنت تون بلا حجاب
،،،، احجابها لفوا به الجرح المكين
وطفلٍٍ عن عيون امه الثنتين غاب
،،،، تبكيه عين وتلتفت لأخيه عين
من هول مايجري لهم شاب الغراب
،،،، ياوسع حلمك وانت مافوقك مدين
ادعيك وانت ادرى بحال اهل المصاب
،،،، وامد كفي لك يا اكرم الاكرمين

فيديو :

http://www.alsh3r.com/bluetooth.php?mode=download&id=660


فيديو اخر :
http://www.m5zn.com/download5.php?filename=526e87e0cc.wmv

[إنتعاش]

في حلقة الأمس

الحلقة الـ 13


أعلن خروج المتسابق الاماراتي الاحبابي

وقد كان التوقع يحوم حوله وحول العتيبي

لكن شدة التصويت للعتيبي . . غلبت كفة جودة الشعر وجزالته . .


للأسف لم أتمنى ان اتكون القبلية على حساب الشعر وأهله . .


عموما ً لا يهمنا هنا إلا شاعرنا محمد بن فطيس الله يحفظه . .

كعادته يبدع ويمتع و يجبر العقول على إستماعه

http://eteralroh.jeeran.com/PDVD_025نسخ.jpg


القصيدة الاولى كانت فكرتها للمتسابقين الـ خمسة المتأهلين . .

مجاراة لقصيدة الشاعر القطري : قطري بن الفجاءة . .

وتفضل كل من المتسابقين بسرد مجاراته وأبياته . .

لكن لما ينطق بن فطيس

انا اشهد انه بمليون بيت . .

صدق لا قال . .

ظهر بن الفجاءة في زمانه
،،،، وانا بن فطيس تظهرني ذراعي

http://eteralroh.jeeran.com/PDVD_012نسخ.jpg


أقول لها وقد طارت شعاعا ً
،،،، من الشعـّـار ويحك ِ لا تراعي
عليك الصبر والباقي على الله
،،،، وعلى التصويت ما للخوف داعي
ترا اللي كاتبه ربي بياتي
،،،، ولو ما سعى لحظي جاك ساعي
تحزمت بقصيدي والقبايل
،،،، و جا شعري على الدفع الرباعي
انا في مركب الشعر الحقيقي
،،،، وجمهور الشعر حسبت شراعي
أمامي لجنة(ن) كفو(ن) بأهلها
،،،، وعلى الشاشات لي جمهور واعي
ودام ان ديرتي دار التميمي
،،،، فأنا ماظنتي يحجب شعاعي
تربينا على حب الطليعة
وندعس للوطن رووس الافاعي
نعيش لرفعته ونعيش لأجله
ونموت لعزته موت(ن) جماعي
قطر داري ودار بن الفجاءة
،،،، بلاد(ن) نبتها سيل ويراعي
ظهر بن الفجاءة في زمانه
،،،، وانا بن فطيس تظهرني ذراعي

رابط الفيديو :
http://www.supload.com/vid/قصائد%20الشعراء%20الخمسـة%20مجاراة%20لقصيدة%20قطري %20بن%20الفجاءة/189158065/wmv/



= = = = = = =

من بعدها

قصيدته الغزلية الجميلة

التي ضمنها الشاعر أرق وأهدىء معاني الحب والغزل
التي يمكنه ان يوصف بها حبيبته . .
و بين ذلك تجد بعض الطرافة المحببة ..
ما ألذك يا بن فطيس . .
انت والله العسل . .

http://eteralroh.jeeran.com/PDVD_023نسخ.jpg

بعض العرب حبه يوردك الجنون
،،،، ولا يوصّـف له غلاك حكاك له
ما يقنعه وصف الغلا لو وش يكون
،،،، لو كل حرف(ن) بالحرير يحاك له
الموت جاك وهو تقلبه الظنون
،،،، ولا لك الا الصبر ( وش وداك له ؟ )
ان قلت ضايق قال هونها تهون
،،،، ما يدري ان ضيقتك له وبكاك له
تقعد تحبه وانت ساكت ومغبون
،،،، يمكن بيوم يدال له منفاك له
و كانك مشكك هو يمون او ما يمون
،،،، تخيل ان عفت الصبر فرقاك له
غلاه من فوق الغلا ما هو بدون
،،،، و حكاه سمعك يجبرك برخاك له
ودك تحطه بالعيون من العيون
،،،، وتبسط على رمض الثرى يمناك له
و تظله من الشمس في ظل الجفون
،،،، ولا يمر اذنه سوى لـبـّّـاك له
و تسج من غيره لو انهم يذكرون
،،،، ومنين ما سجت القدم ممشاك له
غرون(ن) يميله الترف ميل الغصون
،،،، غصن الليان ومكرمه بسقاك له
وجديله لا اقفى ستر منه المتون
،،،، كني بريحه لا التفت بدعاك له
كيك وعسل . . لكن ماهو في صحون
،،،، و دعاك من عين الحسود غطاك له
الله لا يعطيه ناس(ن) ينظلون
،،،، ويستر عليه من النحل لا ياكله
الوصف والتعبير في وصفه يخون
،،،، غير اطلب الله يستجيب دعاك له
و عذال قلبك في محبته يهبون
،،،، سكينهم عن قطع حبله حاك له
ناس(ن) عن اعراض العرب ما يعرضون
،،،، دايم على نفس الشكل والشاكله
اللي من لحوم الأوادم ياكلون
،،،، وحلوقهم دفع البلا متواكله
في سلمهم اولى بالأكل الأقربون
،،،، وأطيبهم اللي صيدته شكواك له
يدعيهم الشيطان للذنب ويجون
،،،، هذا يقطع له وذاك يواكله
ياجعلهم فدوة ثرى الغض الفتون
،،،، اللى على الدرب الطويل إخطاك له
طيفه الا نام البشر زارك بهون
،،،، وطيفك الا نام البشر سرّاك له
حبه دفان ومقبره خضر الطعون
،،،، بين العظام العوج كنك ناكله
اللي كذا حبه لو تموت مغبون
،،،، ولا لك الا الصبر ! ( وش داك له ؟ )


فيديو القصيدة :
http://www.w7m.org/2007/Jan/1173815240.zip

اخذ عليها شاعرنا اعلى نسبة تصويت
ولله الحمد والمنة


http://eteralroh.jeeran.com/PDVD_026نسخ.jpg


وهنا تقييم اللجنة ككل على المتسابقين الـ 5

http://eteralroh.jeeran.com/PDVD_037نسخ.jpg


بقي التنويه ان تصويت اللجنة هي 50 % والـ 50 % الباقية بأيدينا نحن . .


في حقيقية الأمر لو أتينا لتقييم المتسابقين او التنبؤ بعناصر القوة والضعف

عبدالرحمن الشمري

http://eteralroh.jeeran.com/PDVD_015نسخ.jpg

عناصر القوة :
1- شعر جميل وأسلوب محبب
2- الجنس اللطيف معه لوسامته
3- بديهيته وحضوره المتميز وردات الفعل

عناصر الضعف :
لا يوجد عناصر ضعف الا انه امام بن فطيس لا اكثر .


بن مريبد العازمي

http://eteralroh.jeeran.com/PDVD_020نسخ.jpg

1- شعر جزل
2- شخصية متواضعه

يعيبه
1- التصويت لم ينصفه


العتيبي
http://eteralroh.jeeran.com/PDVD_029نسخ.jpg

1- قوة تصويت لديه فقط لا اكثر
2- ضعف بالمقدرة الشعرية
اعتقد انه لما شاف قصائد المنافسين وبالذات
كان قبله بن فطيس . .
يأس . . و شاف النتائج شكلها سلبية
فقال للجمهور :
(( استريحو استريحو . . والعوض في المقبلات ))


تركي 2000
http://eteralroh.jeeran.com/PDVD_033نسخ.jpg


عناصر القوة عنده في :
1- الجماهيرية الكبيرة له من قبل في المحاورة وخلافها
2- الصوت العذب اذا بدا يشيل ابياته بصوته
3- الثقه بالنفس وشعر جميل و جزل



ونجي لـ شاعر قطر
ولدنا محمد بن فطيس

ما يعيبه شي ولله الحمد

لا من شعر جزل
ولا من إلقاء راااااائع
ولا من ذكاء في إختيار الموضوع
ولا من شعبية وتعاطف الكثيرين معه
ولا من تواضع الشخصية والجدية
ولا شيء

وصدقت يا محمد يوم قلت

،،،، وانا بن فطيس تظهرني ذراعي
http://www.nabati.org/gallery/episode13/preview/Gallery-7.jpg



عساك تجيبه ..

وآخر كلامي للجميع . .

دعواتكم لمحمد . . تراه ولدنا
وبيض وجيهنا ورفع راسنا . .


والوعد الثلاثاء ان شاءالله

http://www.jojokw.net/up-pic/uploads/59c90313da.jpg

[إنتعاش]

طبعا ً لا أنسى أنني أشكر

جميع الاخوان والاخوات


اللي يشاركون معانا في هذا الموضوع . .

وما اقول غير

لا خلا ولا عدم منكم جميعا ً :)

ودمتم بـ ود :)

[فريق أول]

الله يعطيك الف عافية على الطرح الرااائع

[إنتعاش]

الله يعطيك الف عافية على الطرح الرااائع

هلا وغلا فيك اخوي فريق اول

ويعافيك ربي ويسلمك

لا خليت منك يابعدي :)

ولا من يقرا :)

[عبدالمحسن]

بيّض الله وجهك يا انتعاش


انعشتنا الله ينعشك بالعافيه وارتفاع اسهمك في قلوب الناس بالمحبه ( ويرفع اسهمك في السوق بعد )

:)


ياخي احبك :)


وان شاء الله باعزمك اذا رجع محمد باللقب

[كحيلان]

طبعا ً لا أنسى أنني أشكر

جميع الاخوان والاخوات


اللي يشاركون معانا في هذا الموضوع . .

وما اقول غير

لا خلا ولا عدم منكم جميعا ً :)

ودمتم بـ ود :)

أخونا الوطني أنتعاش

بيض الله وجهك وعز الله ان رايتك بيضا

وعلومك كلها غانمه:nice:

[يابعدهم كلهم]

في ذمتي شاعر ويستاهل محمد بن فطيس :nice: :nice: والله رفع راسنا


:app: :app: :app: :app:

شكرآ لك صاحب الموضوع :)

[عبدالمحسن]

نعم

شكراً لصاحب الموضوع

[al_lord]

يعطيك العافيه اخوي انتعاش ما قصرت الله يرحم والديك تقرير مفصل بكل ما تحمل الكلمه من معنى لا هنت

[سهم طايش]

انشهد يستاهل الناموس بن فطيس

و الشلفه يستاهلها انتعاش

اشكرك يا بن فطيس و كل الجماهير القطريه تشكرك

[شقردي قطر]

نبي فزعتكم يا اهل قطر تكفووووووووووون صوتوا

[كحيلان]

نبي فزعتكم يا اهل قطر تكفووووووووووون صوتوا

ذالحين قوموا يالمطاليق ذالحين . . . . . قوموا مع بن فطيس بأية وسيله



النــــــــــــــــهـــــــــــــائــــــــــــــي يوم الــــــــــــثلاثـــــــــــــــــــــــاء

تاريخ 20/3 أخر يوم لتصويت .. وباقي على هذا التاريخ 5 أيام فقط .

شدوا حيلكم وكلنا قطر .

وفالك المليون ياشاعر قطر

[alSulaiTi]

مجهود عظيم ورائع

هذه مساهمة متواضعة في الموضوع..عبارة عن مجموعة تصاميم

http://www.qatarshares.com/vb/showthread.php?t=91516

[مايبخ]

السلام عليكم
مشكوورين على اهتمامكم وهذا ان دل دل على غيرتكم على اخوكم و وطنكم
وعندي موضوع حاب استشيركم عنه نبي نعرف متى بيوصل ان شاااء الله بالمليون و نبي نسوي مسيره من المطار وارجوا من الاعضااء المحترمين التعليق على الموضوع المطرووح:con2:

[إنتعاش]

هلا وغلا فيكم اخواني الكرام

سلمتو والله

وعساكم على القوة

ويالمايبخ كان تسأل عن محمد و وصوله

ترا عندك عبدالمحسن عنده كل العلوم :)

وان شاءالله بس تكاتف الجميع مع محمد

راح يكون له الدور الرئيسي في تتويجه بأحقيته في تزعم الجميع في هذه المسابقة

يا عساك موفق يا محمد

للتواقيع :

http://www.up7up.com/pics/d/25/1173666759.jpg

http://www.jojokw.net/up-pic/uploads/a4dc7ced9e.gif

http://www.jojokw.net/up-pic/uploads/f535a2918f.gif

http://i104.photobucket.com/albums/m192/shams_01/88787878.gif

http://i104.photobucket.com/albums/m192/shams_01/787541.gif

[إنتعاش]

http://www.tl3b.com/uploads/03-13-07~9988.jpg

[القصيم]

عز الله ان الرجال شاعر ولد شاعر ومانقول حنا يا اهل القصيم الا
( ماشاء تبارك الله على هذا البيان الجميل لا اله الا الله ماشاء الله تبارك الله ماشاء الله )

[عبدالمحسن]

مرحبا بكم


والله لا يهينك يا انتعاش

كل يوم تبهرني بتواجدك


..


يا اخوان لا بد من التركيز على التصويت

ماباقي الا كم يوم


تحياتي للجميع

[ريان]

يعطيك العافيه اخوي انتعاش

على هذا الجهد الطيب الذي تشكر عليه

كـــــــــــــــــــــــــــــلـــــــــــــــــــ ــنـــــــــــــــا قــــــــــــــــــــــــــطــــــــــــــــــــــ ر
(( 34 ))

[مايبخ]

الله لا يهينكم كلكم والله يوفق المهم تسلم الشيخ على المعلومه (انتعاش)

وبخصوص (عبدالمحسن) لا يبخل علينا
بأخبار بوحمد المهم مثل ماقلت لكم
المــســيــره
;)

[إنتعاش]

كل الشكر لكم اخواني الكرام

ولا ننسى محمد وننسى ان اخر يوم

هو يوم الثلاثاء القادم

يعني ما بقى الا يومين

والله يوفقه ان شاءالله


ملاحظه :
ورد إلى علمنا انه يوم الامس

كانت فيه مسيرة في شارع السد والنصر

مجموعة كبيرة من السيارات تحمل صور شاعرنا وتجوب الشوارع

لا ادري اللي عنده علم بهالشي يفيدنا

ولكم الشكر

[Khalid222]

دائم متميز في تقاريرك يا انتعاش .. ويعطيك العافية.
ابيات من قصيدة قالها الشاعر صالح بن كحلة في امسية اقيمت بالخبر من اجل دعم بن فطيس:


ويكرر الدكتور: يأبن فطيـس مابـك حيلـه
ولابقـى الا دورنـا اللـي فاتـح بيبـانـه

رقم ثلاثـه وأربعـه فنجـان وأنتـم هيلـه
والدله التصويـت صبوهـا علـى ميزانـه

تكفون جاء يوم الحمايا وأظهروا من هي له
تكفون لأبن فطيس جعـل الله يعلـي شأنـه

12611

[قطري كشخه]

السلام عليكم

بالنسبه لنا احنا شباب لندن متابعين الحلقات كل ابوها وقصايد بن فطيس محفوظه بالقلب لدرجه انه الطوفه قامت تقصد عندنا ..

وصلنا لحد الان من الاصوات حول 1000 صوت من لندن احنا حول 9 اشخاص والتصويت عاده ماخلص

اتمنى انه يتم التصويت له من الدوحه خاصه بعد خبر تخفيض سعر التصويت

وبيض الله وجيهك والله يوفق محمد بن فطيس

[خشوف]

ان شاء الله تستفيدووون من الخصم اللي تكرمو به كيوتل وتكثفووون التصووويت

وان شاء الله محمد بن فطيس "شاعر المليوووون"

[صليب الراي]

عندي احساس انه فيه فتور في التصويت من اهل قطر
عشان جي اتمنى انه تشدون الحيل

[مايبخ]

عندي احساس انه فيه فتور في التصويت من اهل قطر
عشان جي اتمنى انه تشدون الحيل
صادق الشيخ انا اشوف اللي تشوفه

[إنتعاش]

كل الشكر للاخوان على المتابعة . .

واليوم يعتبر يوم الحسم :)


والله يوفق شاعرنا :)

[بوخالد2]

بالتوفيق للشاعر محمد بن فطيس

[خشوف]

أرشح بن فطيس :

أولاً : لانه شاعر مبـــدع ويستحق اللقب

ثانياً : لانه يمثل بلادي (قطر)

ثالثاً : عيل عــــــم عيالي (كونه من بني مره)

[بو سعد1]

موفقين خير بشاعر المليون ابن فطيس
اخوكم من الكويت

[الاسهم بلشة]

السلام عليكم
أحبتي في هذا الصرح الرائد
والذي بلا شك إستفدنا منه ،، فوائد لا تُعد ولا تحصى
اسأل الله أن يجزي العاملين عليه كل الخير

كعادتي مُتصفح لهذا المنتدى العامر ، الزاخر بكل ماهو رائع

وأثناء تجولي في هذا القسم
إذ بي اُشاهد / هذا الموضوع الرائع
الرائع جداً / وليس بمستغرب عن أبناء وبنات هذا الوطن المعطاء
فكل الشكر لـ أخونا ورُبان السفينة
(( إنتعاش ))
لدعمه لممثل قطر في ذلك المحفل الشعري

كل الشكر له لقيامه بأحد الواجبات الوطنية
وأكرر الشكر لـ أصحاب تلك الردود التي تثلج الصدر
وأرجو من الأخ / إنتعاش
فضلاً لا أمراً
أن يتكرم بوضع (( بنر خاص لدعم ممثل قطر ))
والرأي له

سأنتحي جانباً الآن ..

متمنياً أن لا يُساء الظن بشخصي

فـ ورب العزة والجلال
ليس القصد منه إلا التصحيح كما (( طُلب ))
وهذا التصحيح لا يفسد روح المحبة والوئام بين الأحبة
و والله أني لا أعرف الأخ / عبدالمحسن ، وهو أيضاً لا يعرفني
ولا يعرفني هنا أي شخص منكم ..
وهذا الإعتراف ليس إلا !!
لتبرئة الضمير / ولكي لا يُساء الظن .

لفت إنتباهي رد ، لـ أخي الفاضل / الاسهم بلشة <-- بدون همزة للأسهم :funny:

وأقتبست منه الآتي


بسم الله الرحمن نكمل المشوار
ولن اُعقب على الأخطاء في إستخدام (( اللهجة المحلية ))
او الأخــطــاء الكيبوردية :)
ولكن !!
الأخطاء الإملائية فقط !!
وهي الأخطاء التي تكررت في أغلب الردود / وهذا يؤكد لنا بأنها ليست ( كيبوردية )

كما نعتها في رده (( بالفشل ))





لعل أخي الكريم يستفيد من أخطائه او يستفيد غيره .
متمنياً أن يتسع صدره للنقد ، كما ذكر ذلك في رده السابق على أحد زملائه من الأعضاء .



سأتتبع ردوده في هذا الموضوع فقط !!
وسأحدد باللون الأحمر أماكن الأخطاء الإملائية
ولن أتطرق للأخطاء النحوية او أخطاء إستخدام اللهجة المحلية .













............
..........

من الملاحظ أخي الفاضل / الأسـهـم بلشــة
بأن أكثر الأخطـــاء لديك
تكمن في إستخدام الهمزة والمــد والتنوين ،، وفي الحروف التي تُنطق ولا تُكتب

أتمنى أن تستفيد من أخطـــائك

قبل أن تتهجم على إخوانك الآخرون ..

ربما يستغرب البعض هذا الرد ،، ويقول هذا شخص (( فاضي ))
:D
كلا ولا ولن ولم لا لا لا <--- شنوو رأيكم في هـ الحركة :app:

ولكن !!

هنا تكمن الإستفادة وسأضعها في هذه السطور

يجب علينا أحبني الكرام

قبل أن نتهجم على الآخرون وننعتهم بالفشل
أن نؤمن بأننا معرضون للزلل وكلنا بشر
وليس فينا المعصــوم

هنا أتذكر ذلك المثل الإغريقي <--- حلووووو صح:app:

وهو (( كل آفة عليها من الله آفه ))

فـ علينا بتوخي الحذر
وعلينا الإستفادة من تجاربنا
دمتم كما ترغبون

هنااا

اســكــنــدرررررررر:strong


اقول يااسكندر
شوف اخطائك فوق وتعال تكلم بعدين

انت عندك مشكلة في اللغة العربية بشكل عام
لاتعرف الجار والمجرور ولا اتعرف اي شي
وبعدين تقول لي استخدم لهجة محلية وانت تجي تستعملها؟؟؟
جاي اتهرج انت؟
وشوف الاخطاء الاملائية اللي فعلا تفضح

وبعدين اذا كنت فاضي وماعندك شغل ياخي روح اي مكان فيه ناس قدك والعب معاهم