كيف يبارك الله زواجاً مثل هذا ؟؟

[ضوى]

استلمت دعوة لحضور زفاف ابن قريبة لي ، وطبعا كان ضروري البي الدعوة لانها قريبة وعزيزة علي وايد

رحت العرس وياليتني ما رحت ، تعبت نفسيا ولا زلت تعبانة ، بذخ واسراف لا حد له ، اعوذ بالله من الشيطان الرجيم ، انا لست ضد الفرح ولا السرور ولا ضد المظاهر العادية ولكن أن يصل لهذا الحد ، الله يحب يشوف نعمته بس مش بطريقة السفه والتفاهة ، ليش يعني ازين طاولة بكريستال وشموع ؟؟؟ ومفارش غالية ؟؟؟ البساطة في كل شئ تزينه ، هذا كله اوكي وممكن نعديه ونقول ياللا فرحة العمر

بس اني اقط فلوس على الراقصات والطبالات !!!!!!!!!!!!!!!!!!! هاي هو السفه بعينه وعلمه ، شنو يعني طبالة تغني اروح اقط عليها فلوس فئة المئة ؟؟؟؟؟؟ او حتى الريال ؟؟؟؟؟ شنو يعني شوية بنات يرقصون اقط على راسهم فلوس ويدوسونها بريلهم ؟؟؟ هذا مب حراااااااااااااااااام
شنو يعني اقط على بنات يرقصون واحياناً اطفال دولارات ؟؟؟؟ أهذا يرضي الله ؟؟؟؟؟؟؟؟

شنو يعني من شبوشه من نقوطه نقوط فلان ولد فلان لا غير الله عليهم ؟؟؟؟؟؟؟؟؟؟؟؟ هذا من العقل ؟؟؟؟؟ اجيب لي طفل وانقط عليه خمسمية والا مية ولا حتى ريال والا دولار واقطها فوق راسه وارقص؟؟؟؟؟؟؟؟؟؟؟؟؟؟؟؟؟؟؟ هذا من العقل ؟؟؟؟؟؟ لا بالله ليس من العقل في شئ وليس من الدين بشئ ؟؟؟؟؟؟؟؟؟؟

شنو يعني تدخل العروس ويدخل العريس وينقط عليهم فلوس فئة الخمسيمة والمية والدولارات وفي الاخير تلمهم الطبالة ؟؟ اللي انا لاحظته يمكن حول 20 الف ريال انقطت بالهوا وتحت ريل العريس والعروس ، هذا مب سفه وتفاهة ؟؟؟؟؟؟؟؟؟؟؟؟؟؟؟؟ لا حول ولا قوة الا بالله

مب الأولى اني اجمع هالفلوس لو ايدي تاكلني وقلبي على العروسة والعريس واعطيها عينية لهم تساعدهم على تكاليف العرس او حتى اهديهم لشهر العسل او هدية راقية تملا العين او يسددون فيها جزء من الديون ؟؟؟

والله الواحد يكتب من القهر والألم والحسرة
قهر على اطفال افريقيا اللي ما يلقون اللي يسدون فيه جوعهم وعطشهم
ألم وحسرة على أطفال العراق وفلسطين والهند وافغانستان اللي عايشين بروع وخوف وبرد وجوع وعطش وجهل وظلمة
لا حول ولا قوة الا بالله

انا ما اقول اني مو من هالبلد ولا اقول اني اختلف وايد عن هالتفاهات بس الحمد لله اهلي ربوني اني اعرف قيمة الفلس وكنا نشوف أبوي الله يرحمه اشلون كان يشقى وتعب عشان يوفر لنا الامان والكرامة بس بنفس الوقت تعلمنا القناعة والرضا بما كتبه الله لذلك عندما انعم الله علينا لم نبطر ولم نكن من محدثات النعم ، والحمد لله على نعمة العقل .

ربنا لا تؤاخذنا بما فعل السفاء منا

[Smart]

موضوع روعه ومميز جدا وشكرا اختى على الطرح
والله قهر من قلب موضوع محيرنى من سنين
امتى بتوعه الناس حق نفسها
ومثل ما قلتى
ربنا لا تؤاخذنا بما فعل السفاء منا

[بشرى]

مشكوره اختي ضوى كلامج عين العقل والله:app:
بس تدرين انا اقول الواحد يسوي كل شي بعقل طبعا كل وحده تتمنى عرسها يكون مرتب وراقي بس طبعا بحدود مب شرط يكون مبالغ فيه ومثل ماقلتي حرام اقط فلوسي عشان لليله اروح استانس بالفلوس انا وزوجي احسن:eek2:... بس في ناس يفكرون اشلون الناس تتكلم عن عرسهم:confused: واشلون عرسهم طلع بمستوى راقي :confused:واشلون عرسنا كلفنا المبلغ الفلاني :confused:ماقول غير الحمد لله والشكر على نعمة العقل :danceوبمجتعنا انواجهه وااايد من ذي النوعيه والي صاير الحين نوع من التنافس بين العروس كل عرس كم كلف اكثر كم عدد المطربين الي جابوهم صج صااااااير نقص عقل.

[rashid-1]

في وصف فرنسي يقول ( البساطه هي الجمال )

والمبالغة بالإسراف غير مبرره وإن كانت في ليلة العمر

لأن النعمه زوالة واليوم الفلوس موجوده وبكره لانجد مايسد حاجتنا

ف الواجب المحافظة عليها

( فلاتبسطها كل البسط فتقعد ملوما محسورا )

وأنا هنا أذكر الأخوات المقبلات على الزواج او اللي سيتزوجن بالمستقبل بحديث للرسول

أقلكم مهرا أكثركم بركة

[ابوالجازي]

لا حول ولا قوة الا بالله

والله هالايام الناس اصلا ماتعرف ايش معنى كشخه او حلو تلاقينهم يحطون كل شي يفكرون ان لما يحطون الاشياء الغاليه واللى مالها معنى الناس بعجبهم اصلا لو ايش يسون الناس مايعجبهم العجب .

والله في وايد اشياء الناس تسويها وهي مالها اي لازمه :mad:

تسلمين اختي على هالموضوع وان شاء الله الناس تتعض وهذي نعمه والنعمه زواله

[هاجر]

والله عورني قلبي:( ياضوى الواحد شيقول هاي من علامات الساعه البذخ السفيه اللي بدون احساس وكانه هذي الفلوس اللي راحت فلوس حرام ومو شقيانين عليها:confused: ربي لك الحمد فعلا القناعه كنز لايفنى هم لو حاسين بقيمة الفلوس_ ويمكن بعد حاسين بس عشاان يتباهون جدام الله وخلقه_ ماطلعوا بهاي الصوره السخيفه :mad: لكن بطبيعة الحال هذا هو واقعنا ولو ماكان العرس بهاي الطريقه اسمعي القيل والقال وفوق هذا بعد أكيد ومليون بالميه صار القيل والقال لأنه الناس مايعجبها شيء ولا راح يعجبها شيء وإن شاء الله عمرهم مايعجبهم شيء عيل أرضيهم على حساب ربي ونفسي واللي بذمتي والله من راقب الناس مات هماًَ :(






طرح رووووووووووعه ومووووووووووضوووع :) أرووووع وواقعي مليووون بالميه يعطيج العافيه والله يحفظنا وعيالنا وعيال المسلمين من الإسراف اللهم آمين

[بشرى]

اخوي راشد عين العقل كلامك والله واعتقد الحين زاد الوعي عند البنات واهلهم

[_QTR_]

والله انا معاج اختي ضوى

بس اللي اعرفه الكل يبي يستانس

وهذي الفلووووس الله انعمها على عبيدة

واللي عنده خليه يدلع نفسه ... واذا تبين الصدق يوم تزوجتي اختي محد جاء ونقط في عرسج ؟؟

ولا تنسين ان احنا في 2007

واذا تبين تتكلمين عن الاعراس والتجهيزات انا مستعد اقعد معاج لين بكرة نتناقش

لان التجهيزات تكلف (( تراني راعي محل تجهيز افراح))
في مفارش طاولات من 230 ريال للطاولة وحتى 700 ريال وغير الكوش في كوش من 4000 ريال وحتى 40 الف ريال

اختي انتي ما تقدرين تقولين هذا الشيء حرام ولا حلال .... انتي المفروض تقولين هذا صح وهذا غلط وهذا اسراف وهذا غيره

ولا تنسين في ناس ما يجيبون فرقة طقاقات ويجيبون دي جي احسن لهم واوفر لهم بواجد


اتمنى انج ماتزعلين مني اختي ضوى بس انا دخلت مجلس والله لو تشوفين بيالات الشاي وفناجين القهوة اللي ملبسة ذهب وفضة (( الحين شنو بتقولين ))













الله كريم يا ضوى

[وطن]

شتقولين يا ضوى
شنو اللي 20 الف

حبيبتي هذول يدخلون حول 50 - 70 الف من النقوط في الليله الوحده
اذا ما يوصل اكثر

المشكله ان الفلوس تنداس هذا اللي حرام يعني اللي يبي ينقط كمساعده لأهل المعاريس مثل ما يدعون يروحون يحطونها عند الطبالات في شنطتهم
مو تنداس الفلوس على الارض

ويخصوص تنثر الفلوس ع المعاريس ماله حلا اصلا

على اللي يرقصوون اخبر نشوفها من واحنا يهال
بس ع المعاريس !! مادري مو حلوه
اصلا احس كأنهم ماشايفين خير
مادري ليش يجيني هالاحساس
كأنهم متخرعين ع الفلوس وان شوفوا ترى عندنا خير !!

وبخصوص ترتيب وتزيين القاعة انا اقول هي ليلة العمر صج
بس بعد الواحد ما يبالغ وايد ويكلف نفسه
اهم شي يكون مرتب وحلو وراقي وكواليتي
مو اشياء منتفه ومكسره !!

[التيما]

شوفي اختي ضوى انا معاج ان البذخ حرام لكن اتصور اناللي تقدر عليه ما يضرهاشي يعني اذا انا اقدر اسوي وما يكلف علي ليش لا ؟؟ لكن اذا انا ما اقدر ليش اسوي ؟؟ هاي هو الغلط بعينه .. ومعاج ان سالفه النقوط صارت مهزله صراحه وانا عندي واحدمن هلي القريبين واايد عرسه الخميس ومب رايحه لاني عارفه ان اللي بيصير هناك قمه المصخره في اللبس اللي ما ينعرف ساسه من كرياسه ومن الفلوس عاد انهم يعني عندنا فلوس شوفوها والله يرحم من كم سنه حتى الاكل ما ياكلونه في المطاعم الا بالسنه هاي اذا مرت السنه عليهم حتى السفر ما يعرفونه للحين بس هاذولا يسمونهم محدثين نعمه الله يهدي الجميع

[ابن الوطن]

لماذا هذا البذخ والترف لو عندهم مال قارون ما يعملون هاي الشي
قط الفلوس على الراقصات ويدوسونه باريلهم حرام .
اما ان يريد ان يكون العرس مميز بدون اسراف فهذا هو عين الصواب
شكرا اختي ضوى على الموضوع

[مليت]

في الحقيقة والواقع في ضل الطحالب والقواقع الي يصير هذا حرام
ويارب يبارك في حياتهم الزوجية ويكفي انكم خذتو فكره عن المظاهر الي مالها داعي.

[ضوى]

موضوع روعه ومميز جدا وشكرا اختى على الطرح
والله قهر من قلب موضوع محيرنى من سنين
امتى بتوعه الناس حق نفسها
ومثل ما قلتى
ربنا لا تؤاخذنا بما فعل السفاء منا

ااااااااااااه والله تعبت اعصابي من اللي شفته وللحين قلبي معورني ، الظاهر الناس كل مالها من سيء لأسوأ

لا حول ولا قوة الا بالله

[ضوى]

مشكوره اختي ضوى كلامج عين العقل والله:app:
بس تدرين انا اقول الواحد يسوي كل شي بعقل طبعا كل وحده تتمنى عرسها يكون مرتب وراقي بس طبعا بحدود مب شرط يكون مبالغ فيه ومثل ماقلتي حرام اقط فلوسي عشان لليله اروح استانس بالفلوس انا وزوجي احسن:eek2:... بس في ناس يفكرون اشلون الناس تتكلم عن عرسهم:confused: واشلون عرسهم طلع بمستوى راقي :confused:واشلون عرسنا كلفنا المبلغ الفلاني :confused:ماقول غير الحمد لله والشكر على نعمة العقل :danceوبمجتعنا انواجهه وااايد من ذي النوعيه والي صاير الحين نوع من التنافس بين العروس كل عرس كم كلف اكثر كم عدد المطربين الي جابوهم صج صااااااير نقص عقل.


كل شئ بعقل وبساطة ، أنا مش ضد الفرح ولا التمتع بنعم الله بالعكس ،بس البذخ الغير مبرر هو الغير مقبول

كل الشكر لتعليقج اختي بشرى

[ضوى]

في وصف فرنسي يقول ( البساطه هي الجمال )

والمبالغة بالإسراف غير مبرره وإن كانت في ليلة العمر

لأن النعمه زوالة واليوم الفلوس موجوده وبكره لانجد مايسد حاجتنا

ف الواجب المحافظة عليها

( فلاتبسطها كل البسط فتقعد ملوما محسورا )

وأنا هنا أذكر الأخوات المقبلات على الزواج او اللي سيتزوجن بالمستقبل بحديث للرسول

أقلكم مهرا أكثركم بركة


:strong :strong :strong :strong :strong :strong

كلامك عين العقل
شاكرة لك اخوي اضافتك الحلوة

[ضوى]

لا حول ولا قوة الا بالله

والله هالايام الناس اصلا ماتعرف ايش معنى كشخه او حلو تلاقينهم يحطون كل شي يفكرون ان لما يحطون الاشياء الغاليه واللى مالها معنى الناس بعجبهم اصلا لو ايش يسون الناس مايعجبهم العجب .

والله في وايد اشياء الناس تسويها وهي مالها اي لازمه :mad:

تسلمين اختي على هالموضوع وان شاء الله الناس تتعض وهذي نعمه والنعمه زواله


فعلا كلامك اخوي ، بس هذا السفه والتفاهة شنسوي ربك يعين ويهديهم

الف شكر لمرورك اخوي الكريم

[ضوى]

والله عورني قلبي:( ياضوى الواحد شيقول هاي من علامات الساعه البذخ السفيه اللي بدون احساس وكانه هذي الفلوس اللي راحت فلوس حرام ومو شقيانين عليها:confused: ربي لك الحمد فعلا القناعه كنز لايفنى هم لو حاسين بقيمة الفلوس_ ويمكن بعد حاسين بس عشاان يتباهون جدام الله وخلقه_ ماطلعوا بهاي الصوره السخيفه :mad: لكن بطبيعة الحال هذا هو واقعنا ولو ماكان العرس بهاي الطريقه اسمعي القيل والقال وفوق هذا بعد أكيد ومليون بالميه صار القيل والقال لأنه الناس مايعجبها شيء ولا راح يعجبها شيء وإن شاء الله عمرهم مايعجبهم شيء عيل أرضيهم على حساب ربي ونفسي واللي بذمتي والله من راقب الناس مات هماًَ :(




طرح رووووووووووعه ومووووووووووضوووع :) أرووووع وواقعي مليووون بالميه يعطيج العافيه والله يحفظنا وعيالنا وعيال المسلمين من الإسراف اللهم آمين


اسم الله على قلبج يالغالية
بس هذا واقع وحبيت تشاركوني ارائكم وتعليقاتكم ، وفعلا ما وصلنا لهالمرحلة الا لان الناس تحب تقلد وتبي تتطلع هي الافضل والاحسن

الف شكر اختي هاجر على مرورج

[ضوى]

[quote=_qtr_]والله انا معاج اختي ضوى

بس اللي اعرفه الكل يبي يستانس

وهذي الفلووووس الله انعمها على عبيدة

واللي عنده خليه يدلع نفسه ... واذا تبين الصدق يوم تزوجتي اختي محد جاء ونقط في عرسج ؟؟

ولا تنسين ان احنا في 2007

واذا تبين تتكلمين عن الاعراس والتجهيزات انا مستعد اقعد معاج لين بكرة نتناقش

لان التجهيزات تكلف (( تراني راعي محل تجهيز افراح))
في مفارش طاولات من 230 ريال للطاولة وحتى 700 ريال وغير الكوش في كوش من 4000 ريال وحتى 40 الف ريال

اختي انتي ما تقدرين تقولين هذا الشيء حرام ولا حلال .... انتي المفروض تقولين هذا صح وهذا غلط وهذا اسراف وهذا غيره

ولا تنسين في ناس ما يجيبون فرقة طقاقات ويجيبون دي جي احسن لهم واوفر لهم بواجد


اتمنى انج ماتزعلين مني اختي ضوى بس انا دخلت مجلس والله لو تشوفين بيالات الشاي وفناجين القهوة اللي ملبسة ذهب وفضة (( الحين شنو بتقولين ))




اخوي انا للمرة المليون اقول لك انا مش ضد الفرح ولا التمتع بانعم الله ولكن بعقل وحكمة لانه هذي فلوس احنا محاسبين عليها وراح نسأل عنها ، يعني ربنا لسألنا وش بنجاوبه ؟؟


لا من حقي اقول حرام لما رقاصة او طباله تدوس فلوس هذا حلال بنظرك ؟؟؟؟؟؟؟؟؟ ولاحظ هذا اللي قلت عنه حرام مو شئ ثاني لان هذا نعمة الله المفروض نحافظ عليها ونصرفها في الاوجه اللي الله امر فيها مو تحت ريل رقاصة او طبالة هنا الحرام

اللي عنده يطلع نفسه بس بدون اسراف ولا تبذير

بالنسبة لعرسي انا احمد ربي مليون مرة انه صار ظرف والطقاقات ما جاوا لانه اصلا انا كنت رافضة واهل زوجي هم اللي اصروا والحمد لله ربي عالم بنيتي عشان جذي ما ضرني الف الحمد لله والشكر لا صار بعرسي غناوي ولا طقاقات ولا فلوس انقطت على رقاصات

كل اللي صار زوجي جا وقعد شوي واخذني ومشينا وانتهى الموضوع وهذا احلى شئ بزواجنا ولله الحمد والشكر

ما راح اناقش بشئ اصلا مو مقتنعة فيه ورايك احترمه واقدره والناس وجهات نظر ممكن نختلف وممكن نتفق بس نظل بالنهاية اخوان وخوات ولا تظن اني ممكن ازعل :)


الف شكر يا خوي على اضافتك

[ضوى]

[quote][شتقولين يا ضوى
شنو اللي 20 الف

اختي وطن انا قلت اللي عيوني شافته يعني هذا بس هالطاير قلت 20 الف الاكيد انه اكثر

[quote][وبخصوص ترتيب وتزيين القاعة انا اقول هي ليلة العمر صج
بس بعد الواحد ما يبالغ وايد ويكلف نفسه
اهم شي يكون مرتب وحلو وراقي وكواليتي
مو اشياء منتفه ومكسره /quote]

مو مشكلة التزييين بالعكس حلو الرقي والبساطة بالشئ والله انها تزينه بس الاسراف والمبالغة هو الشئ البشع وغير مبرر

شكرا لج اختي وطن ما قصرتي على اضافتج الجميلة

[وجهة نظر]

كلام في الصميم

[ضوى]

شوفي اختي ضوى انا معاج ان البذخ حرام لكن اتصور اناللي تقدر عليه ما يضرهاشي يعني اذا انا اقدر اسوي وما يكلف علي ليش لا ؟؟ لكن اذا انا ما اقدر ليش اسوي ؟؟ هاي هو الغلط بعينه .. ومعاج ان سالفه النقوط صارت مهزله صراحه وانا عندي واحدمن هلي القريبين واايد عرسه الخميس ومب رايحه لاني عارفه ان اللي بيصير هناك قمه المصخره في اللبس اللي ما ينعرف ساسه من كرياسه ومن الفلوس عاد انهم يعني عندنا فلوس شوفوها والله يرحم من كم سنه حتى الاكل ما ياكلونه في المطاعم الا بالسنه هاي اذا مرت السنه عليهم حتى السفر ما يعرفونه للحين بس هاذولا يسمونهم محدثين نعمه الله يهدي الجميع


اللي عنده يا التيما بس بذمتج منهو اللي الحين مو متدين من البنوك ؟؟ منهو اللي ما انصاد بالاسهم ؟؟ وحتى اللي عنده يسوي عرس ويدلع روحه بس مب عرس اسطوري خيالي فيه من المنكر الكثير ؟ وانا مب قاهرني الا الفلوس اللي تنقط على الطبالات والراقصات هذا اللي معور قلبي

بالضبط مثل ما قلتي محدثات النعمة هذا هم للاسف

انا اقول روحي يا التيما وكتبي لنا عل اللي صار خلي الناس تشوف وين وصلنا في درجات السفه والعباطه خليهم يشوفون اشلون التنافس صاير على البذخ والتفاهة

اف شكر لج يالتيما على مرورج وتعليقج

[ضوى]

لماذا هذا البذخ والترف لو عندهم مال قارون ما يعملون هاي الشي
قط الفلوس على الراقصات ويدوسونه باريلهم حرام .
اما ان يريد ان يكون العرس مميز بدون اسراف فهذا هو عين الصواب
شكرا اختي ضوى على الموضوع


الف شكر لك اخوي على هالاضافة والتعليق

[ورقــة أمــل]

انا معاج في الكلام اللي قلتيه

المستفيد من هالعرس هم الطقاقات

واذا مانقطت عليهم فلوس يغنون بدون نفس

وقبل لا يخلص العرس قالو خلاص ماعندنا اغاني ههه

بالنسبة للطاولات صراحه ماعندهم سالفه كريستال وخرابيط

فرش بسيط وشوية سويت وقهوة وشاي وانتهى الموضوع

والمفروض ماتنقط فلوس على اللي يرقصون

مادري من وين جايبين هالظاهرة ولا ادري شالفايده منها

فلوس تنقط مني والطقاقه تاخذها مني

اتذكر الاول اذا قطوا الفلوس ياخذونهم اليهال والخدامات

احين لو ياهل يشيل ريال تيي الطقاقة وتاخذه من يده

بل بل.. على هالفلوس اللي يحصلونها مايخلون اليهال ولا الخدماات

الفقارى ياخذون ريال واحد...

صج قليلات ادب....

والحريم (الضيوف) كل وحده تعقر .. الا الفرش مب حلو والا مكياج العروس مب شي

ولا المعرس متين....ولا اللي ترقص رقصها يضحك.. انتو شعليكم جايين تفرحون لهم ولا تتطنزون!!

هذا غير الفساتين اللي تنلبس (المشخلعه) كل فستان مايقل عن الف او الفين ريال

والمكياج 500 وطالع..... فلوس تروح على الفاضي عشان كم ساعه..

ولين تحجينا قالوو شفيهاااااا هم كل يوم بيعرسون؟ لازم يفرحون هذي ليلة العمر؟؟

الليلة اللي ديونها تبقى عشر سنين..
هالنوعية من الضيوف احسن لهم ما يييون..

[شـــوق]

انا معاج اختي ضوى الفلوس حرام تنداس بالأرجل لأن هذي نعمة الله، ان شاء الله يصير شوية وعي عند الناس ولو يعطون الطباله الفلوس بيدها أحسن بواجد من رميها ع الأرض
وأشوف لو يرمون ع العروس ورد أحلى بواجد من رمي الفلوس>>>وجهة نظر

[اوراق مالية]

:con2: عيل لو شفتوا عرس بنت الامير الوليد بن طلال ايش بتقولوووووووووووووووووووووووووووووووووووووووووووون

[المخلب]

احييك على الابداع في الكتابه ..

اختي الكريمه لاحظي ! مهما سرفوا وبذروا وسووا العرس ولا اروع !

تأكدي ان هناك فئه من الناس مابتملي عينها هل الزينه والكشخه والأسراف وغيره ! ..

يعني ( كلن يمد رجله على قد لحافه ! ) وبمعنى اصح ! سوو عرسك على قدك !! والي عاجبه عاجبه والي مو عاجبه رايه ما بيخرب فرحه العرس :) ..

وترى العرس بالاول والاخير هو أعلان عام أمام الأقارب والاصدقاء ان الشخص الفلاني تزوج البنت الفلانيه ! .. فقط لاغير !! ..

يعني لو سوى عرسه فوق السطح ! ( مثل زمان الاول ) وجاب ووزع قلاصات شاي او فيمتو ( مثل الصعايده ) ! حاله حال ! من سووى عرس في قاعه أفراح ! ..

بس الفرق المظاهر ! ..:) .. فليش نكبد نفسنا خساير نحن في غنى عنها !

تحياتي لك .

[الالكترونى]

مواضيعك دائما مشوقه يا ضوى

[عزوز المضارب]

طرح متميز... فكره للاسف منتشره...فيها الكثير من العبر .....وتألق دائم تعودنا عليه من الاخت ضوى وجزاك الله خير

[ضوى]

انا معاج في الكلام اللي قلتيه

المستفيد من هالعرس هم الطقاقات

واذا مانقطت عليهم فلوس يغنون بدون نفس

وقبل لا يخلص العرس قالو خلاص ماعندنا اغاني ههه

بالنسبة للطاولات صراحه ماعندهم سالفه كريستال وخرابيط

فرش بسيط وشوية سويت وقهوة وشاي وانتهى الموضوع

والمفروض ماتنقط فلوس على اللي يرقصون

مادري من وين جايبين هالظاهرة ولا ادري شالفايده منها

فلوس تنقط مني والطقاقه تاخذها مني

اتذكر الاول اذا قطوا الفلوس ياخذونهم اليهال والخدامات

احين لو ياهل يشيل ريال تيي الطقاقة وتاخذه من يده

بل بل.. على هالفلوس اللي يحصلونها مايخلون اليهال ولا الخدماات

الفقارى ياخذون ريال واحد...

صج قليلات ادب....

والحريم (الضيوف) كل وحده تعقر .. الا الفرش مب حلو والا مكياج العروس مب شي

ولا المعرس متين....ولا اللي ترقص رقصها يضحك.. انتو شعليكم جايين تفرحون لهم ولا تتطنزون!!

هذا غير الفساتين اللي تنلبس (المشخلعه) كل فستان مايقل عن الف او الفين ريال

والمكياج 500 وطالع..... فلوس تروح على الفاضي عشان كم ساعه..

ولين تحجينا قالوو شفيهاااااا هم كل يوم بيعرسون؟ لازم يفرحون هذي ليلة العمر؟؟

الليلة اللي ديونها تبقى عشر سنين..
هالنوعية من الضيوف احسن لهم ما يييون..


:strong :strong :strong :strong :strong :strong :strong

[السهم الذهبي 2007]

اكده العصفور في سنه ياكله الجمل في لقمه والله هذا لايجوز ويليت هذه الااموال تصرف في ما يرضي الله وجزاك الله خير على الطرح

[khaldoon]

الله يجزيكي كل خير اخت ضوى ويكثر من امثالك ولا يحرمنا وجودك الرائع بينا في المنتدى

واتفق معاكي بكل ما تفضلتي به والله يرحم والدك ويغمد روحه الجنه

[هداف]

اختي الكريمه الهدف من الموضوع سامي ولكن استغرب منج كل هذا التعجب وكأنج لست بقطريه !!! او اول مره تحضرين عرس ,, اختي الكريمه ها لعادات في العروس عندنا زمان ابوي وابوج زمان الابيض والاسود !!!!!!!!!!!!!!!! يعني استغرب طريقة طرحج للموضوع ويوحي للقاريء انج خارج هذا المجتمع !! والان فقط تكتشفين هذه الامور ,,, معقوله ؟

اختي ها لسوالف تعرفونها انتوا يا لحريم اكثر منا يا لرجال ,, اصلن الفرقه او الطبالات يتم الاتفاق معهم على ان اجرهم يكون من النقوط ولذلك لا تزعلين ان الطبالات ياخذون الفلوس ويجمعونها ,,, لانه حقهم وهذا الشي معروف !! يعني الحين ردت على عشرين ولا ثلاثين الف نقوط وخذوها الفرقه كا جر لهم على التطبل من عقب العشا الين الفجر :)

نسينا المهر اللي من فوق 100 الف وانت طالع والشبكه 80 الف وانت طالع والصباحيه ام 30 الف وانت طالع ,, وشهر العسل اللي بخسرك 40 الف وانت طالع وتأجير صالة الافراح لا تقل عن 100 الف وانت طالع ,,, وعرس الريايل وعشاهم والعرضه من فوق 50 الف وانت طالع اجمعي كل السابق وانا عطيتج ارخص الاسعار

المجموع 400 الف كاحد ادني للقطري حتى يتزوج وياخذ هم العمر قصدي عروس العمر :)


والله النقوط بو ثلاثين الف ارحم بواجد على الاقل النقوط من ستين مخبا ومخبا ,, مهب 400 الف كلها من مخباي انا ويا قلب لا تحزن !!!

[ضوى]

انا معاج اختي ضوى الفلوس حرام تنداس بالأرجل لأن هذي نعمة الله، ان شاء الله يصير شوية وعي عند الناس ولو يعطون الطباله الفلوس بيدها أحسن بواجد من رميها ع الأرض
وأشوف لو يرمون ع العروس ورد أحلى بواجد من رمي الفلوس>>>وجهة نظر


:strong :strong :strong :strong :strong

[ضوى]

:con2: عيل لو شفتوا عرس بنت الامير الوليد بن طلال ايش بتقولوووووووووووووووووووووووووووووووووووووووووووون



:con2: :con2: :con2: :con2: :con2: :con2: :con2:

ما يشرفني اشوفه ولا احضره

[ضوى]

احييك على الابداع في الكتابه ..

اختي الكريمه لاحظي ! مهما سرفوا وبذروا وسووا العرس ولا اروع !

تأكدي ان هناك فئه من الناس مابتملي عينها هل الزينه والكشخه والأسراف وغيره ! ..

يعني ( كلن يمد رجله على قد لحافه ! ) وبمعنى اصح ! سوو عرسك على قدك !! والي عاجبه عاجبه والي مو عاجبه رايه ما بيخرب فرحه العرس :) ..

وترى العرس بالاول والاخير هو أعلان عام أمام الأقارب والاصدقاء ان الشخص الفلاني تزوج البنت الفلانيه ! .. فقط لاغير !! ..

يعني لو سوى عرسه فوق السطح ! ( مثل زمان الاول ) وجاب ووزع قلاصات شاي او فيمتو ( مثل الصعايده ) ! حاله حال ! من سووى عرس في قاعه أفراح ! ..

بس الفرق المظاهر ! ..:) .. فليش نكبد نفسنا خساير نحن في غنى عنها !

تحياتي لك .

ليت كم واحد مثلك بنفس ارائك يا المخلب كان احنا بخير

اشكرك من الأعماق

[ضوى]

مواضيعك دائما مشوقه يا ضوى


الف شكر لمرورك يا خوي

[ضوى]

طرح متميز... فكره للاسف منتشره...فيها الكثير من العبر .....وتألق دائم تعودنا عليه من الاخت ضوى وجزاك الله خير


كل الشكر والتقدير اخوي الكريم

[ضوى]

اكده العصفور في سنه ياكله الجمل في لقمه والله هذا لايجوز ويليت هذه الااموال تصرف في ما يرضي الله وجزاك الله خير على الطرح


اصبت في مقتل اخوي :nice:

الف شكر لك لمرورك الرائع

[ضوى]

الله يجزيكي كل خير اخت ضوى ويكثر من امثالك ولا يحرمنا وجودك الرائع بينا في المنتدى

واتفق معاكي بكل ما تفضلتي به والله يرحم والدك ويغمد روحه الجنه



ويجزيك اخوي خلدون بمثله واكثر
والله يرحم والديك ان شاء الله
الف شكر لمرورك الرائع

[ضوى]

اختي الكريمه الهدف من الموضوع سامي ولكن استغرب منج كل هذا التعجب وكأنج لست بقطريه !!! او اول مره تحضرين عرس ,, اختي الكريمه ها لعادات في العروس عندنا زمان ابوي وابوج زمان الابيض والاسود !!!!!!!!!!!!!!!! يعني استغرب طريقة طرحج للموضوع ويوحي للقاريء انج خارج هذا المجتمع !! والان فقط تكتشفين هذه الامور ,,, معقوله ؟

اختي ها لسوالف تعرفونها انتوا يا لحريم اكثر منا يا لرجال ,, اصلن الفرقه او الطبالات يتم الاتفاق معهم على ان اجرهم يكون من النقوط ولذلك لا تزعلين ان الطبالات ياخذون الفلوس ويجمعونها ,,, لانه حقهم وهذا الشي معروف !! يعني الحين ردت على عشرين ولا ثلاثين الف نقوط وخذوها الفرقه كا جر لهم على التطبل من عقب العشا الين الفجر :)

نسينا المهر اللي من فوق 100 الف وانت طالع والشبكه 80 الف وانت طالع والصباحيه ام 30 الف وانت طالع ,, وشهر العسل اللي بخسرك 40 الف وانت طالع وتأجير صالة الافراح لا تقل عن 100 الف وانت طالع ,,, وعرس الريايل وعشاهم والعرضه من فوق 50 الف وانت طالع اجمعي كل السابق وانا عطيتج ارخص الاسعار

المجموع 400 الف كاحد ادني للقطري حتى يتزوج وياخذ هم العمر قصدي عروس العمر :)


والله النقوط بو ثلاثين الف ارحم بواجد على الاقل النقوط من ستين مخبا ومخبا ,, مهب 400 الف كلها من مخباي انا ويا قلب لا تحزن !!!


اخوي هداف
وجهة نظرك احترمها وراح ارد على كل تساؤل في تعليقك بما يرضي الله وضميري

انا قطرية نعم واخر عرس حضرته كان عرس اختي اللي يوفقها يارب والحمد لله والمنة لله ما صار فيه هالاسراف فيه طبالات وفيه نقوط وللاسف من قبل العريس والا احنا لا والله لا ابونا ولا امنا يرضون بهالشئ لاني مثل ما قلت تربينا صح وعرفنا الفلس اشلون الواحد يكد ويشقى حتى يطلعه

ثانيا : لا والله ما حضرت اعراس من قبل وهالعرس اجبرت اني احضره لانه قريبة وايد مني وموجبتني بشكل كبير وهذا اول ولد لها فحبيت اجاملها والا انا ما احب الأعراس ولا احب اللي يصير فيها وكوني قطرية وما عشت هالجو الغريب مو شئ عجيب يعني ، وانا ما اعترضت على وجود فرقة وتاخذ اجرها مسبقا هذا عادي مع انه اسراف لا مبرر له ، لكن انا اعتراضي على دوس النعمة بالارجل هذا هو السفه

اخوي المهر كل واحد يقدر بنته مثل ما يبي وفي وايد بنات مهورهم ما تتعدى 50 الف والحمد لله انا وخواتي منهم وحفلات عرس ما تكلف حتى 10000 واحنا ولله الحمد منهم ، يعني زواج ما يكلفك اكثر من 100000 الف والحياة ماشية ومتيسرة ولله الحمد ، يعني يا خوي بتحصل اللي مهرها 50 وبتحصل اللي مهرها 100000 او اكثر يعني هو التقدير للبنت نفسها واشلون طريقة تفكيرها هو على هوى التقليد الأعمى بنت عمي مهرها كذا انا ابي مثلها والا اكثر هنا بيت القصيد التقليد والمقارنة :looking: ، وبعدين لو تقارن اللي تقطه على رقاصة وتاخذه الطبالة وبين المهر اللي تدفعه فيه فرق
يعني الطبالة بتاخذ الفلوس وبتروح لكن الزوجة بتاخذ المهر وكله بتشوفه عليها سواء لبيس والا ذهب والا اكسسوارات للبيت ، يعني كل شئ لمتعتك وراحتك انت بالنهاية مهما غلا سعره انت المتمتع بالنهاية وكل شئ تصرفه البنت على نفسها لرضاك انت فقط وليس احد سواك
وارد اقول واكرر الفرح مطلوب والتمتع بانعم الله مطلوب ولكن بحدود وبدون سفه
الف شكر لتعليقك واضافتك الحلوة واتمنى اني شرحت وجهة نظري من الموضوع

[رياني1212]

اختي ضوى انا معك في اللي قلتيه بس هذه من العادات الذميمة في المجتمع موجوده منذ القدم وانا اعرف ان النقوط عاده موجوده عند الشعب العربي في البلاد الغنية والفقيرة

[ضوى]

اختي ضوى انا معك في اللي قلتيه بس هذه من العادات الذميمة في المجتمع موجوده منذ القدم وانا اعرف ان النقوط عاده موجوده عند الشعب العربي في البلاد الغنية والفقيرة


اييه والله جبتها عادلت ذميمة

بس يا خوي مو كل الشعب العربي عنده هالتفاهات ، الكويت والسعودية ما عندعم هالسالفة وهذا شئ شفته يعني ويستغربون من اللي يصير بعروسنا

الف شكر لاضافتك اخوي الكريم