اصحاب الخبره ارجو الافادة (دبة صوت للجمس)

[Qatari2003]

السلام عليكم شباب عندي جمس رفرف موديل 2001. الدبة في الموتر اطلاع صوت (مزعج الدبة خربانة) فانا فكرة اغيرها بدبة ثانية لان صوت دبة الوكالة وايد ضعيف وخاطري بصوت اشوي احسن. بس ما يكون مزعج لا لي ولا للناس. اذا حد منكم عنده خلفية عن نوع دبة يكون صوتها خفيف و يطرب بنفس صوت الجمس القديم في 97 يقولي.

وتسلمون

[الخفي]

نعم اخووي عندك دبه اسمها edeelbroock وعندك دبه اسمها ( داينومكس ) صوتها حلو وموب مزعج ولا واطي متوسط على الدعسه واذا تحب التفاصيل راسلني
لاتنسى اذا بتركب الدبه تتأكد من الشخص اللي يركب عندك محل في شارع سلوى اسمه بروسلي عدل شغله زين

[بطران]

نعم اخووي عندك دبه اسمها edeelbroock وعندك دبه اسمها ( داينومكس ) صوتها حلو وموب مزعج ولا واطي متوسط على الدعسه واذا تحب التفاصيل راسلني
لاتنسى اذا بتركب الدبه تتأكد من الشخص اللي يركب عندك محل في شارع سلوى اسمه بروسلي عدل شغله زين

اوافق الريال بروسلي شغله مضبوط:D

[فتى البورصة]

خلك على دبة الموتر الاصلية احسن
ايجونك بعد كم يوم المرور ويخالفونك

[الشقيان]

:looking: :looking:

[السني 73]

نعم اخووي عندك دبه اسمها edeelbroock وعندك دبه اسمها ( داينومكس ) صوتها حلو وموب مزعج ولا واطي متوسط على الدعسه واذا تحب التفاصيل راسلني
لاتنسى اذا بتركب الدبه تتأكد من الشخص اللي يركب عندك محل في شارع سلوى اسمه بروسلي عدل شغله زين

السلام عليكم,,,
طيب اخوي هالانواع وين نقدر نشتريها من الدوحة

[Qatari2003]

تسلمون شباب على الردود وانشاء الله احصل الي ابيه

[تراب قطر]

في اقزوز فالوكاله ماركة كورسا....

[shagyteacher]

السلام عليكم
فيه نوع ينقاله عندنا بالسعوديه دبه رش هاذي الدبه يكون فيها زي الشوك من داخل والشوك له جهتين ياضد الهوى والا مع الهوى والمقود بالهوى ((( يعني الهوى الي مع الدعسه )))
المهم اذا حطيت الشوك ذا ضد الهوى طبعا راح تلحمها بالشكمان من تحت قول حق الي بيلحمها لك ان يحط وجهة الشوك الي داخل مع الهوى وراح يكون الصوت خفيف ومره مثل 454 بس اخف وزين

[لمت داون111]

السلام عليكم
فيه نوع ينقاله عندنا بالسعوديه دبه رش هاذي الدبه يكون فيها زي الشوك من داخل والشوك له جهتين ياضد الهوى والا مع الهوى والمقود بالهوى ((( يعني الهوى الي مع الدعسه )))
المهم اذا حطيت الشوك ذا ضد الهوى طبعا راح تلحمها بالشكمان من تحت قول حق الي بيلحمها لك ان يحط وجهة الشوك الي داخل مع الهوى وراح يكون الصوت خفيف ومره مثل 454 بس اخف وزين
احسن ماخترعوه الجمس هو ال454 .. ياروحي علي طربت صوته وقوة مكينته .. انا انشهد انه موتر:app:

تسلم علي المعلومه هذي يالغالي :)

[كويتى جديد]

اخوى حط سلندر غاز التكيف للسيارات اللى لونة اخضر بدال دبة القزوز يعطك نقمة عجيبه واقظب طريق سلوى واسمع النقمات الحلوه واخذ جوازك معاك يمكن تعجبك النغمة وتكمل للهفوف ................................. كنا نحطه بالوانيتات قبل 20 سنة ايام الشباب