تصويت - السوبر والا الممتاز

[فتى البورصة]

يا الربع صبحكم / مساكم الله بالخير

بغيت اسوي تصويت حق من الافضل للسيارة السوبر والا الممتاز أفضل للسيارات اليابانية
ارجوا من جميع الاعضاء التعاون :deal: :deal: :deal:

[الهيل]

اكيد السوبر .. حق كل السيارات سواء ياباني او امريكي او الماني

[متفائلة خير]

طبعان السوبر لجميع السيارات

[السني 73]

الامريكي يمشي معاه الممتاز... لكن الياباني والالماني اعتقد السوبر افضل والعلم عند الله

[سـهـم دايـخ]

يعتمد على نوع السياره ونوع البنزين المطلوب لها ..

فمثلا بعض السيارات يطلب لها بنزين مو اقل من 95 اوكتين وخالي من الرصاص .. هذا النوع من السيارات تحتاج للسوبر .. ;)

وغير كذا من السيارت الممتاز يكون ممتاز لها :dance

[حمد1977]

جربت السوبر والممتاز على سيارتي

ماتغير شيء

نفس العزم

ونفس الحنة

ونفس المسافة الي تقطع

الفرق ان الممتاز ارخص

هذا والله اعلم

[قناص قطر]

السوبر

انظف وخالي من الشوائب ( الرصاص )

[بوراشد 66]

السوبر للكل

الممتاز للامريكي جيد

[صليب الراي]

انا شريت يوكون2007

لما استلمته من الوكالة قالو لي

(( تصب فيه ممتاز ))

استغربت منهم لأنهم اول وكالة يقولون لي هالكلام

بس الظاهر ان الممتاز افضل للامريكي

[فاضي عمل]

90% من الناس فالدوحه يصبون سوبر

والعلم عند الله

وانا عن نفسي سوبر لوول

[وحداني قطر]

عن نفسي اشوف للالمانى والكزس سوبر وغيرهم ممتاز

[فتى البورصة]

يا الربع انا امس ظهرت مع واحد من الربع عنده نيسان يقول لي انه اصب عادي حق التوفير
ومن يدري انه كان يصب سوبر لما يبيعه ؟؟

[المخفي]

ما له علاقة في النظافة او الرصاص جميعهم بدون رصاص بس الفرق الأشتعال عند ضغط معين داخل المكينة و 97 ضغط اشتعاله اعلى من 90

حسب ما تحدد الشركة اللاندكروزر في قطر في الكتالوج 91 اوكتين وفوق
بس في قطر 90 و 97 اوكتين
عشان كذا لازم تصب 97 اوكتين
واذا صبيت 90 بدل من 97 بيشتعل البترول قبل ما يوصل لاعلى ضغط ويحدث مثل الانفجار
داخل المكينة مع الوقت تخرب راس السلندر

[فتى البورصة]

واذا صبيت 90 بدل من 97 بيشتعل البترول قبل ما يوصل لاعلى ضغط ويحدث مثل الانفجار
داخل المكينة مع الوقت تخرب راس السلندر[/quote]

واشراييك في بترول السعودية لما نسافر 90؟؟؟؟؟؟

[المخفي]

السعودية 91 و 95 اوكتين

ما في 90 صلح معلوماتك

ثانيا يكون التاثير مثل التآكل في الرأس مع الاستعمال الطويل يأثر في المكينة

[ساحر برشلونة]

يعني بالعربي مش اذا صبيت عادي يخترب الموتر على المدي الطويل ..!!!

ونفس ماقالوا الاخوان السوبر حق الياباني والالماني والممتاز حق الامريكي .

[رقم مميز]

انا موتري

جي اكس

واصب له سوبر

لان الممتاز يطلع صوت واال <<<< هاي الصوت اسئلو اهل تزويد السيارات وبيعلمونكم جنو دقت الوااااااال

[Qt.1]

السوبر اكيد لاانه اخف على المكينه .....

[M O 7 A M M E D]

السوبر .. :)

[ALRAYYAN]

والله انا ماعرف اصب الا سوبر من يوم عرفت السيارات عاد 95 ولا 110 ماعرف هالسوالف

[البسمةالعذبه]

انا صووووتتتتتت

طبعا سوبر

لان سواقنا كل ما راح يصب بترول قال سوبر

بس ليش ماادري :)

[ابو تركي]

طبعا سوبر لانة يحافظ على البيئة