( أبي أشتري لاب توب وأبي إستشاره ) لحد يبخل علي

[rashid-1]

أنا أبي لاب توب متوسط

يعني مابيه فل أبشن

أهم شي يكون سريع ويعيش

فأنا محتار بين الديل والكومباك

فماذا تنصحوني

[shgawia]

انصحك بالديل وايد احسن .......

[ولـــد قطـــر]

يالغالي إذا لك خاطر عندي لابتوب من نوع HP

من طرازHP 510
الطراز الجديد كلياً بمواصفاته الإنسيابية والرائعة

مواصفات الجهاز:
- السرعة 2.13 موبايل سنترينو عالي الأداء
- الذاكرة 512MB RAM
- الهارد ديسك 60 GB ســا تــا ((ســاتا = آخر صرعات صناعة الهارد ديسك))
- دي في دي رايتر ((تقدر تنسخ أي سي دي , حتي سي دي ألعاب البلاي ستايشن))
- حجم الشاشة 15.4 انش كريستااال
- انترنت لاسلكي Wi Fi ((لمستخدمي انترنت شامل أو الشبكات))
- الكيبورد عربي / انجليزي
- ويندوز XP SP2 Pro آخر اصدار
- كل البرامج اللي تتوقعها وأحلى الألعاب , انته بس شغل الجهاز وشوووووف
- بالإضافة الى حقيبة HP من الشركة نفسها ((هدية))
- قارئ بطاقات النوكيا SD Card Reader ((هدية))
- ماوس HP رااااائع ونادر وبنفس لون الجهاز ((هدية))
- و عدد 5 برامج مختلفة ومنوعة.
- طبعاً الجهاز عليه ضمان دولي من الوكيل لسنة كاااااملة


والسعر المطلوووب 3900ريال فقط

وللعلم الجهاز جديد ماستخدم ولا ثانية

إذا لك خاطر ارجو انك تراسلني على الخاص

ملاحظة: سبب البيع لأمتلاكي جهاز لابتوب أخر جاني هدية بنفس اليوم الي شريت فيه الابتوب

[الهيل]

اذا تبي تحس اللابتوب سريع

ارفع الرام .. خله 1 جيجا بتحس بفرق السرعه

[a7medooo]

انصحك بالـــدل

[AMER H]

في لاب توب توشيبا بسعر 3850 مع ضمان سنة

[KHALiDiSH]

السلام عليكم


اخوي اذا تبي نصيحتي وانا خبرة في هالاشياء :funny: :funny:

اولاً لا تاخذ لابتوب يكون الرام فيه اقل من 1 جيجا
ثاني شي تأكد انه دول كورسنترينو البروسيسر ولا تغتر بالسنترينو بس

وبالنسبة للكفائة لنوع الشركة
ارتبها لك من الافضل الى الاسوء

1- IBM
2- TOSHIBA
3- SONY
4- HP
5- DELL
6- ACER


واذا تبي رأي خذلك IBM لانه يعيش معاك اكثر ويستحمل الكرف اما الديل والاسير لك عليهم شوي انا ما اقربهم كلش اذا حبيت اشتري لاب توب

واذا تبي اسعار زينة ما عندك الا كارفور تعتبر ارخص الاسعار في السوق و أضمنهم

ولا يغرك مكتبة جرير تراهم يزيدون في السعر وايد

[الخطاب القطري]

تبي نصيحتي

ابعد عن الديل والكومباك ...
من واقع تجربه
غير التوشيبا ما في !

[ALRAYYAN]

توشيبا وبس

[فتى البورصة]

Hp
وبس لانه وايييييييييييييد عملي
نصيحة من مجرب

[شفاف]

انا ما انصحك بالــ DELL نهائياً

وذلك بسبب ردائة السيرفيس مالهم ... مايعرفون حق اللابتوب و نصابين

تجربتي معاهم: اخترب عندي شي وقالوا لي لازم تبديل مب تصليح

القطعه تكلف 2500 ريال!!! القطعه اتصلحت في الامارات بتكلفه اقل من 500

السيرفيس مالهم صراحتاً ردي

ونصيحتي لك بالشركات التاليه:

Sony
Toshiba
Hp
Acer

الله يوفقك

[Qt.1]

توكل على الله ..:deal: :deal:
http://www.qatarshares.com/vb/showthread.php?t=92932

[اوراق مالية]

Toshiba وووووووووووووووبسس

[بوسعود77]

والله انا اصحك بالدل بس على فكره ترا الدل انواع ...

وفي الاصلي وفي مب الاصلي .. واذا تبي جهاز يعيش وياك لا تاخذ الا ادل الاصلي او اي بي ام
ذولي احسن شي .. ادري في ناس بتقول انهم مجربين الدل ترا الدل في منه 6 انواع ..

واللي يبي يتاكد من كلامي ... يروح على شركة المناعي اللي صوب تقاطع رمادا ويسأل ويتأكد
بس الدل وال اي بي ام غاليه اسعارهم شوي اما اذا تبي جهاز عملي ورخيص ارخص من الدل وال اي بي ام خذ اتش بي .. والله يوفقك

وهذا رأي الشخصي ...

[qatar900]

Hp Ok

[شقردي قطر]

بالتوفيق

[بلدوزر]

انا ابحث عن جهاز جديد وانا استخدم جهاز dell والجهاز روعه صراحه

لكن افكر الان في hp نصاحني شخص ثقه وهوه خبير في الكمبيوتر ولي فتره

ابحث ان افضل نوع

[ولـــد قطـــر]

واحد من الشباب عنده توشيبا لو تبيه

الرام: 512

سرعته: 1.8

الهارد ديسك: 80

شاشته: 14.5كريستال

واستخدامه بسيط جداً

وطالب فيه نهائي: 2750ريال

إذا لك خاطر فيه راسلني على الخاص