المساعد الشخصي الرقمي

مشاهدة النسخة كاملة : يالحبيب ! يالطيب ! . . على وين رايح هـالصيف ؟



إنتعاش
15-07-2005, 11:42 PM
http://www.alarabiya.net/staging/portal/Archive/Media/2005/07/11/1948071.jpg

هلا وغلا فيكم اخواني واخواتي الكرام

طبعا بما اننا في الويك اند

ونظرا لإغلاق السوق والتداولات اليوميه

وهذا اخضر وهذا احمر

نفتح لنا موضوع حواري

نشوف فيه الاعضاء والعضوات

وين بتقضون اجازة الصيف هالسنه ؟


هل التفجيرات والاحداث في لبنان و اوروبا

اثرت على مخططاتك ؟

والا ما تقدر تسافر من الاصل ؟

ياريت نعرف خططنا الصيفيه ؟

يالله المايك من ياخذه :nice:

roadrunner
16-07-2005, 12:05 AM
السلام عليكم.

مشكور اخوي على هالموضوع


طبعاً عقب الحك بالشغل وطلعة الروح باروح انشالله على نص شهر 8 تايلند وعقبها اليابان انشالله.

كحيلان
16-07-2005, 12:09 AM
بأذن الله انا ناوي على المغرب ومن ثم جمهورية التشيك. . ممكن تكون السفره بداية شهر 8

بربوش
16-07-2005, 01:02 AM
أنا قاعد في الدوحة السنه ومب مسافر

بيني وبينك اخر مرة سافرت كانت 1987 وكنت طفل في هذاك الوقت وغصبن علي :(

والسبب كان وفاة إحدى أقاربي

إذا قلت لك أني ما حب السفر أتصدقني :con2:

بو عبد الرحمن
16-07-2005, 03:33 AM
والله ماكو على ماليزيا! غابة استوائية مطيرة رائعة حولها اهلها إلى دولة حديثة من دون المساس بجمالها وروعتها الطبيعية. أمان،رخص، نظافة، نظام، أدب جم، مرتفعات باردة، جزر خلابة، أسواق فخمة، طعام لذيذ، ترفيه...الخ. أنا شخصيا سافرت لها مرتين 2000 و 2004 واي عضو يرغب بأية معلومات عنها حاضر ومن عيوني.

بوفجر
16-07-2005, 01:27 PM
هلا والله اخوي بو عبد الرحمن اناشالله رايح شهر9 مدري ممكن تفيدني

الكواري
16-07-2005, 01:37 PM
ودي أسافر بس أخاف السوق يولع :eek3: :eek3: :funny:

قطر
16-07-2005, 06:49 PM
تم التصويت

:nice:

السهم الازرق
16-07-2005, 06:51 PM
موريشيوس

جزيره ما تشوف فيها ولا عربي

Maxetor
16-07-2005, 07:55 PM
موريشيوس

جزيره ما تشوف فيها ولا عربي

أحسن مكان

:) :) :)

خالد علي علي
16-07-2005, 09:02 PM
يبا انا انشالله راح اسافر قطر علي اخير سبعه واابي اشتري اسهم الناقلات الي بسوق كلها ولمن ترجعون ماتحصلوون شي

السهم الازرق
16-07-2005, 09:56 PM
يبا انا انشالله راح اسافر قطر علي اخير سبعه واابي اشتري اسهم الناقلات الي بسوق كلها ولمن ترجعون ماتحصلوون شي

عليك بالعافيه

بس انت صارلك مده مواضيعك كلها عن ناقلات :deal:

انا كل هالوقت علبالي عندك كم الف سهم :con2:

طلع ما عندك شي و هالكثر تسأل :confused:

اذا شريت شبتسوي :funny:

المليونيرة
16-07-2005, 10:10 PM
انا باذن الله بسافر على اول شهر ثمانية باروح مصر ، تركيا

تغير جو :)

السهم الازرق
16-07-2005, 11:08 PM
:funny:
انا باذن الله بسافر على اول شهر ثمانية باروح مصر ، تركيا

تغير جو :)

تغيير جو و رايح مصر :con2:

حق الديزل :funny:

أبو عبدالملك
17-07-2005, 12:50 AM
عليك بالعافيه

بس انت صارلك مده مواضيعك كلها عن ناقلات :deal:

انا كل هالوقت علبالي عندك كم الف سهم :con2:

طلع ما عندك شي و هالكثر تسأل :confused:

اذا شريت شبتسوي :funny:




:D :D :D :D


بالنسبة لي كنت عارف انه ناوي يشتري ....لأنه دائما يدعي انها تنخفض .......









:p

السهم الازرق
17-07-2005, 02:49 AM
:D :D :D :D


بالنسبة لي كنت عارف انه ناوي يشتري ....لأنه دائما يدعي انها تنخفض .......









:p


بو عبد الملك تبي تضحك ؟ :funny:

ادخل على هالرابط :deal:

http://www.qatarshares.com/vb/search.php?searchid=30145

qatar_moon
17-07-2005, 06:06 AM
انا شكلي مش مسافره لان مالي خاطر اسافر

لكن اذا بسافر يمكن اوروبا

لاتسألوني اي دوله لاني ماقررت :confused:

كويتي فهمان
17-07-2005, 06:49 AM
انا قررت

اسافر لدوحه الخير فديتها والله


هالديره تنحب

صايره جنه الخليج














كويتي يموت بقطر

قطر
17-07-2005, 10:12 AM
موريشيوس

جزيره ما تشوف فيها ولا عربي


احلا جزيرة ومعاها سيشل حق الاسترخاء صح :app:

احسنت الاختيار :nice:

بو عبد الرحمن
17-07-2005, 10:54 AM
سلام عليكم أخوي بو فجر. أفيدك ونص أفا عليك واسف على التأخير.
انصح بفترة من اسبوعين -3 اسابيع وتكون موزعة كالاتي:
العاصمة كوالالمبور واسواقها والاماكن الترفيهية فيها - مرتفعات كاميرون هايلاندز الباردة بغاباتها الكثيفة وطبيعتها الخلابة ومزراع الشاي وغيره - جزيرة لنغكاوي بأنشطتها البحرية المتنوعة ومياها الصافية - منتجع صن وي لاغون وهو عبارة عن 3 * 1 يعني فندق ومركز تسوق ومدينة ترفيهية ضخمة - واخيرا جنتنغ هايلاندز الترفيهية حيث الجو البارد. وهذه الاخيرة ممتعة جدا للكبار والصغار وبها مكان مخصص للتحليق الحر يعني راح يحطونك في انبوب رأسي عملاق به دفع نفاث من الاسفل حيث تبلغ سرعة الهواء حوالي 200 كم / ساعة وبلبس خاص ومعك المدرب وتطير في الجو كأنك نازل نزول حر من الطائرة وتفتح البرشوت ولكن هني ماكو برشوت. ولا تنس تاكل فاكهة المانجوستين الاستوائية اللذيذة وفاكهة دوريان بنكهتها المميزة القوية جدا. هذا على عجالة عزيزي واذا بغيت توصيات بالنسبة للفنادق أو أي أمور اخرى لا يردك الا لسانك عزيزي.

abdulla_qatar
17-07-2005, 11:22 AM
موريشيوس

جزيره ما تشوف فيها ولا عربي


sij ina maffi 3arab, bus killa ehnoood !! ya3ny maswaeena shay

il o5oo ka7ylaan ray7 il ma'3rab tally il czech, matweedeni weyak

illa visa il czech min wain ?!?

السهم الازرق
17-07-2005, 11:40 AM
sij ina maffi 3arab, bus killa ehnoood !! ya3ny maswaeena shay

il o5oo ka7ylaan ray7 il ma'3rab tally il czech, matweedeni weyak

illa visa il czech min wain ?!?

لا حبيبي سلامة عمرك

هالجزيره مستعمره فرنسيه

شعبها يتكلمون فرنسي

صحيح انهم سمر مثل الهنود

لكن شعب راقي و جزيره نظيفه

السراب
17-07-2005, 12:42 PM
السلام عليكم


اخو بو عبد الرحمن


كم تكلف هذه السفرة من اسبوعين الى ثلاثه اسابيع


وشكرا

abdulla_qatar
17-07-2005, 07:13 PM
wain yal saheem.. walla hinood... a5bar 5adamtana min ehnaak.. hmm min janoob il hind.. ow b3thhim mix bayeen hnood ow afargaah.. bus sij yatklmoon francy.. a5baar kena neksh5 3al nass ina 5adamatna takleem francy....
yalla inshalla trooo7 ow traj3 eb salaaamh

السهم الازرق
17-07-2005, 07:32 PM
wain yal saheem.. walla hinood... a5bar 5adamtana min ehnaak.. hmm min janoob il hind.. ow b3thhim mix bayeen hnood ow afargaah.. bus sij yatklmoon francy.. a5baar kena neksh5 3al nass ina 5adamatna takleem francy....
yalla inshalla trooo7 ow traj3 eb salaaamh

كانت عندي خدامه موريشوسيه سنة 1987

من كثر ما تسولف عن بلدها

و عن الطبيعه و الجو و الخضره و الشواطئ

قلت خلني اشوفها

يا جماعة الخير جنه على الارض

مهما قلت عنها قليل بحقها

طبعا للناس اللي تحب الهدوء و الاستجمام

لكن الحريم اللي يسافرون للتسوق ما انصحهم

اتمنى تبحثون عنها عالانترنت

و اللي يحصل صور يحطها للاعضاء ياخذون فكره

على فكره..

الخدامه كانت تستغرب ان احنا نستطعم المانجا و الفراوله

تقول هذا موجود عندنا بالشوارع نشوفه و نمشي عنه..!!

bluelion
17-07-2005, 09:49 PM
شكلنا قاعدين في الدوحة .... مع بشارة وكيوتل وبابا لنجه..... الله المستعان.

أبو عبدالملك
17-07-2005, 10:51 PM
بو عبد الملك تبي تضحك ؟ :funny:

ادخل على هالرابط :deal:

http://www.qatarshares.com/vb/search.php?searchid=30145




كان خاطري أضحك ....




بس الرابط مايشتغل عندي ...وش السالفة ؟؟؟؟ :con2:

بوفجر
17-07-2005, 11:35 PM
هلا والله اخوي بوعبدالرحمن تسلم يغالي على المعلومات الحلوه واناشالله استفيد منه اهنك

بو عبد الرحمن
18-07-2005, 01:49 AM
سلام عليكم أخوي الحبيب سراب. بالنسبة للتكلفة أنا رحت مع العايلة (2 كبار و2 بزورة) لمدة اسبوعين كلفتنا من طلعة البيت من الكويت إلى ان رجعنا للبيت 1300 دينار (حوالي 15000 ريال) شامل التذاكر والاقامة (معدل الفندق *** إلى **** حوالي 250 ريال الليلة بس كأنه ***** في المستوى، مع الاكل والتنقلات والطيران الداخلي. وإذا تبي تفاصيل عن أي شي فيها قوللي. أنا رحت لها في عام 2000 و 2004 وما أفكر في غيرها لان ظل اماكن كثيرة ما زرناها. يكفي انها دولة مسلمة وفيها كل شي من ترفيه ومناطق باردة ومطر وجزر واسواق وجبال وغابات وغيره. وبعدين الكل يستانس الصغار والكبار والاكل حلال وامان ونظافة ونظام. أنا أول مرة أشوف بوفيه يقدمون فيه عصاير طبيعية مجانا والاومليت 14 نوع وكل الناس تبي تخدمك ورقي في التعامل والطيران الداخلي ببلاش (رحلة من العاصمة كوالالمبور الى أي جزيرة من الجزر الخلابة حوالي نص ساعة وتكلفة ما تزيد على 200 ريال الشخص رايح راد. الحديث يطول ولو باعطي ماليزيا حقها بظل اقرق عليك الى الفجر. :)

أبو عبدالملك
18-07-2005, 02:07 AM
والله الصراحة بو عبدالرحمن .....


كفيت ووفيت ...اللي مستغربه السعر ...رخيص جدا ....15000 ريال ولمدة اسبوعين ....







والله انا بالنسبة لي هالبلد كثر مالناس تمدح فيها ماكنت أفكر اروحلها ....لأني بطبعي ماحب شرق أسيا ...



كنت أفكر أروحلها إذا سافرت الى كل الدول الأوربية والإسكندنافية والولايات الأمريكية والمناطق الكندية .....



وخلصت منها كلها أخلي شرق أسيا أخر شي .....





لكن بعد كلامك يابوعبدالرحمن عنها ....بدأت أفكر فيها بجدية .......



نصيحة للي يبي يسافر ويحب الهدوء والطبيعة الخلابة البحيرة امامك والجبل وراءك ....
لاينسى ...

مونترو ..في سويسرا ... ...خيااااال

بو عبد الرحمن
18-07-2005, 02:28 AM
حياك الله أخوي بو عبد الملك. أنا اقولك توكل على الله وعزم على ماليزيا وما راح تندم. انا كنت خايف جدا قبل اول روحة لي مع العايلة وكنا 7 اشخاص وايدي على قلبي لاني انا اللي اقترحت نروح ماليزيا ومتوقع اشوف ديرة وصخة وديزل وتلوث وفقر وفوضى. ولكن اول ما تفاجأت بالمطار (5 طوابق ما شاء الله) وبعدين توالت المفاجآت وحدة ورا الثانية. لو ان السفارة الماليزية تعطيني على كل نصيحة سفر لماليزيا 10 دنانير كان ما احتجت ادخل بورصة الدوحة. :)

السهم الازرق
18-07-2005, 02:36 AM
جزيرة موريشيوس


http://www.al3nabi.net/upload/show.php?pic=50900

http://www.al3nabi.net/upload/show.php?pic=50901

http://www.al3nabi.net/upload/show.php?pic=50902

http://www.al3nabi.net/upload/show.php?pic=50903

http://www.al3nabi.net/upload/show.php?pic=50904

http://www.al3nabi.net/upload/show.php?pic=50905

http://www.al3nabi.net/upload/show.php?pic=50906

http://www.al3nabi.net/upload/show.php?pic=50907

http://www.al3nabi.net/upload/show.php?pic=50924

معلومات عن موريشيوس


الموقع

تقع جزيرة موريشويس في الجنوب الشرقي من قاره افريقيا وتبعد عن الساحل الشرقي لقارةافريقيا 2000كلم. ويحيط بها جدار مرجاني ضخم يحدها من بعض الجهات .

المدن:

اكبر المدن حسب الترتيب بورت لويس وهي العاصمة ويبلغ عدد سكانها بحدود 150 الف نسمة.

كيو بيب

روزويل

كثر بورن

فاكوا

التاشيرة:

لايحتاج مواطني مجلس التعاون الخليجي للحصول على تاشيرة زيارة قصيرة.

الدخل:

تعتمد الجزيرة اعتمادا كبيرا على زراعة قصب السكر ومن ثم حصدة وتكريرة وتصديرة

ياتي بعد ذلك صناعة الملابس ويوجد عدد من مصانع الشركات العالمية مثل رالف لورين ونايكي وهوقو بوص وشيروتي(صناعاتهم اصلية جدا وراقية).

السياحة(وفي اعتقادي انها احتلت المرتبة الاولى حاليا).

السكان:

يبلغ عدد سكان الجزيرة 1.200.00نسمة وهم مؤلفين من عدة اعراق .وهم مقسمين على النحو التالي:

68%هنود

27% افرقة

3% صينين

2% فرنسيين

الاديان:

50% هندوس

20%مسلمين

30% مسيحيين كاثلويك

خطوط الطيران:

افضل خطوط تصل الى الجزيرة هي الخطوط الاماراتية ويوجد عدة خطوط مثل البريطانية والفرنسية وبعض الخطوط الاوربية.
ولكن من منطقة الخليج لا تصلها الا الخطوط الاماراتية وطيران موريشيوس .
الرحلة بين دبي وموريشيوس تستغرق بحدود 6.30ساعة .

اللغات المستخدمة:

اللغة الرئيسية هي اللغة الانجليزية ولكن معظم السكان يتحدثون لغة اخرى وهي الكاريول وهي تشبة الى حد بعيد اللغة الفرنسية.

الامان:

الجزيرة آمنة الى ابعد حد ولن تجد اي مظايقة من لحظة نزولك الى الجزيرة حتى صعودك الى الطائرة (لا يوجد اي شخص يطلب بقشيش ابدا.لا في المطار ولا في الجوازات ولا في الجمارك ولا في اي مكان).

والشعب جدا خلوق ومؤدب ولا يضايق السياح ابدا بل على العكس يحترمهم وتجد معظم السكان لا تفارقهم الابتسامة ابدا.

العملة:

العملة المتداولة هي الروبية وهي تعادل:

واحد ريال: 7 روبية تقريبا.

واحد دولار: 28.5 روبية تقريبا.

واحد يورو : 32.20 روبية تقريبا.

ويمكنك الصرف من جميع الفنادق وكذلك من المطار .
والافضل الصرف من الصرافيين المتواجدين في الشوارع وفي كل مكان وهم يختلفون في السعر بنسب بسيطة جدا.

و الافضل حمل دولارات من فئة 100 دولار والصرف عند الاحتياج.

المواصلات:

تنتشر وسائل المواصلات في الجزيرة من سيارات ,بانشيات, وباصات ,و دراجات.


السكن:

طبعا جميع الفنادق في الجزيرة هي عبارة عن منتجعات ولا يوجد فندق الا واحد ويقع في العاصمة اما البقية فهي عبارة عن منتجعات فخمة جدا جدا جدا جدا. وهي كثيرة وتتعدى ال 55 منتجعا فخما.


ويوجد عدة فنادق :

فندق le saint geran وهو افخم واشهر فندق في الجزيرة (ست نجوم) ولكن غالي.

فندق the oberoi mauritius وايضا فندق فخم وراقي جدا (ست نجوم) غالي ايضا.

فندق royal plam فندق فخم وراقي جدا(ست نجوم) ايضا غالي.

فندق the residence mauritius من افخم فنادق الخمس نجوم.

فندق hilton mauritius resort & spa فندق راقي جدا وفخم جدا جدا خمس نجوم ممتازة

فندق le touessrok حلو وراقي ويقع في الشاطي الشرقي.(خمس نجوم).

فندق belle mare plage يقع في الشاطي الشرقي وهو مشهور جدا(خمس نجوم).

فندق paradise cove من افضل فنادق الشاطي الشمالي.(خمس نجوم).

فندق trou aux biches حلو جدا وفخم ويقع في الشاطي الشمالي(اربع نجوم).

فندق maritim hotel mauritius يقع في الشاطي الشمالي واعتقد انه افضل فندق في الجزيرة من حيث السعر والفخامة والموقع .(اربع نجوم).

الاكل:

يوجد العديد من المطاعم التي تقدم انواع من الاكل مثل الاكل الهندي والاكل الصيني وبعض الماكولات العالمية.


المعالم السياحية :

الشواطي

العاصمة بورت لويس

منطقة السفن كولج

مزارع قصب السكر

مصانع نماذج السفن

حديقة طائر الدودو(طائر منقرض)

حديقة الزهور المائية

الغواصة

ويوجد العديد من المزارات

كيفية الحجز:

انصح اي شخص بالمرور على مكتب الخطوط الاماراتية وهناك يجد الاسعار او الذهاب الى وكالات السفر المعروفة ولكن ربما لن يجد الفندق الذي يريد.او مراسلة وكالات السياحة الموجودة هناك مثل:

وكالة الرمال البيضاء واعتبرها افضل وكالة للسفر والسياحة وخدمة السياح في الجزيرة

وكالة mttb لاتقل عن الوكالة الاولى

وكالة mauritours و لها فروع عديدة

بو عبد الرحمن
18-07-2005, 03:10 AM
الاخوان اللي سألوني عن ماليزيا. ممكن مشاهدة بعض الصور عنها من خلال:

الذهاب الى www.google.com
اختيار image search أو بحث "صورة"
ثم كتابة الاسماء التالية في الخانة المخصصة:
cameron highlands, genting highlands, sunway lagoon, langkawi, redang, lankayan, andaman, sky venture, awana tower, pangkor, taman negara, tioman island, pelangi, klcc.

أبو عبدالملك
18-07-2005, 04:09 PM
الله يعطيكم العافية ....

أخوي السهم الأزرق وأخوي بو عبدالرحمن ,,,,,,





ماقصرتوا ....

السراب
18-07-2005, 07:36 PM
مشكور اخوي بوعبدالرحمن ع هذه المعلومات القيمه ...

فعلا ....بدأت أفكر فيها بجدية .......

ان شاء الله...

العنابي
18-07-2005, 08:16 PM
الاخ بو عبدالرحمن , كم ساعة من الدوحة لماليزيا؟ معي اطفال وخايف من التوهه.
وش أفضل الشقق العائلية 7 أشخاص ؟
مشكور

roadrunner
18-07-2005, 11:45 PM
السلام عليكم جميعاً


جزيرة موريشيوس



يالحبيب ... دخلت على فنادق الجزيرة .. و شفت اسعارها ... الله لا يوريككككككككك... مب ناااااار الا جهنم.


الشاليهات ال 5 نجوم .. اسعارها 627 يورو حق الشخص الواحد بشهر 12 ( وبعد الخصم 4000 ريال) ... يعني الليلة لشخصين في شاليه صغيرووون ب 6700 ريال .. لا وبدون ريوق بعد.... بس بصراحة .. المكان عجب ... يعني اذا عزمت اني اروح باودي معاي خيمتي ابرك :D


وهذي صفحة اسعار احد المنتجعات (http://www.princemaurice.com/rooms/rooms.htm)