ممكن رايكم في هذا المشروع؟

[أم فهد]

عندي سيارة صغيرة نيسان تيدا وابي اشغلها بس موب عارفة اشغلها اشلون
اجيب لها سائق واشغلها توصيل المدارس ولااجرها علي مكتب اي وهل في مكاتب تؤجر سيارت من الاشخاص؟؟؟؟؟؟؟؟؟؟؟؟؟ ارجو الافادة منكم وشكررررررررا

[الامير]

حطي اعلان حق توصيل المدارس والموظفات بس تكون سياره حلوة خذي على كل وحده 600 يطلع لج في اربع 2400 حلوين واذا حسبتي البترول يطلع مشاويرهم 600ريال يمكن سيارتج شيل 5 بعد حلوة 3000او ترحين المظمه الي في سوق العسيري تدخلينها بيطونج 3الف او 4 بس البترول عليج

[أم فهد]

يا خوي انا سيارتي صغيرة تيدا الجديد نيسان 2006 مادري هل هي تصلح ولا لاء

[falamarzi]

ريحي دماغك وبيعيها ما تييب همها

[أم فهد]

والله صدج ماتصلح يعني

[حسين بن عاقول]

لا تصلح
دخلي بالورة ياجرونة بالمنظمة مثل ما قال اخوي ب4 والبترول ياخذونة عليج500
يطلع 3500
3500 *12 = 42000 في سنة وحدة اذا بسنتين يطلع لج 84 الف طلعتي قيمة السيارة اول ما يطلع بيعي ب20 طلع اجمالي المبلغ 104 الف صح والا انا غلطان
لكن سواق يبيلة معاش وفي مدرسات يعرون قلبج لين ما يدفعون يمكن السائق يدعم بالموتر لاسمح الله لكن منظمة مرتاحة كل شهر تستلمين شيكج صح والا انا غلطان

اتمني لج التوفيق يا ام فهد

[اريام2008]

اللة يعطيكم العافيةةةةةةةةةةةةةةةةةة

[الحره]

بالتوفيق اختي أم فهد

[الحره]

لا تصلح
دخلي بالورة ياجرونة بالمنظمة مثل ما قال اخوي ب4 والبترول ياخذونة عليج500
يطلع 3500
3500 *12 = 42000 في سنة وحدة اذا بسنتين يطلع لج 84 الف طلعتي قيمة السيارة اول ما يطلع بيعي ب20 طلع اجمالي المبلغ 104 الف صح والا انا غلطان
لكن سواق يبيلة معاش وفي مدرسات يعرون قلبج لين ما يدفعون يمكن السائق يدعم بالموتر لاسمح الله لكن منظمة مرتاحة كل شهر تستلمين شيكج صح والا انا غلطان

اتمني لج التوفيق يا ام فهد


هممم حسبه ولا اروع طيب لو ماعليك امر ممكن تفاصيل اكثر
يعني شروطهم وتصليح السياره على من؟ بسايق ولا لاء
موديل السياره ولا مب شرط
ادري بتقول بل ماصدقت بس بجد محتاجه هذه المعلومات لو امكن :shy:

[مرحوم قطر]

انا بعد ممكن افيدكم في الموضوع

انا مع اخوي انشالله بندخل 4 كورولات الورى

وقالولنا بيعطونه على كل سياره 3000 ريال

و اهم شي تكون موديل 2005 و فوق و تكون حالتها زينه

انا شبسوي باخذ كورولا من الي شاصيهم مظروب ربه بصيطه

بتطلع علي رخيصه وايد انشالله

و بدخلها عشان استفيد اكثر

واي استفسار ثاني حاظرين للطيبين

[شمسة]

بالتوفيق يارب

[أبومحمد]

انا بعد ممكن افيدكم في الموضوع

انا مع اخوي انشالله بندخل 4 كورولات الورى

وقالولنا بيعطونه على كل سياره 3000 ريال

و اهم شي تكون موديل 2005 و فوق و تكون حالتها زينه

انا شبسوي باخذ كورولا من الي شاصيهم مظروب ربه بصيطه

بتطلع علي رخيصه وايد انشالله

و بدخلها عشان استفيد اكثر

واي استفسار ثاني حاظرين للطيبين
اخوي ممكن اعرف عنوانهم وكيف اتصل بهم وهل يقبلون اي نوع من السيارات.

[قطرية وبس]

صباح الخير يا أخوان ويا أخوات
والله يعطيكم العافية ويكتب لكم الآجر إن شاء الله في مساعدة المحتاج

بس إذا ما فيه كلافة بغيت أسأل في وين هالمنظمة إلي في سوق العسيري إلي تتكلمون عنها وشنو الشروط المطلوب توافرها في السيارات المطلوبة .

ومشكورين وجزاكم الله ألف خير ..

[alwahesh]

بالتوفيق

بس ما اعتقد انهم ياجرون السياره لاكثر من 6 شهور وعلى فكره لو السالفه بها السهوله كان كل الناس باعت اسهمها وشرت سيارات ودخلتها الوره
اعتقد ولله الحمد افقر قطري يقدر يشتري 10 سيارات كرولا ولا تنسون الجاليات العربيه الي تستغل طيبة اهل قطر يقولون ان واحد من الزلمات عنده مكتب تأجير سيارات عنده اكثر من 350 سياره اشكال والوان والمسكين الكفيل القطري ما ياخذ منه ولا ريال يقول خله يترزق المسكين (يقصد المكفول) ايجار بيته على الشؤؤن مدري الجمعيات الخيريه

[the engneer]

ممكن ترتبين مع المكاتب الي تأجر السيارات
في حالة أنهم احتاجو يتصلون فيكم
واللة الموفق

[ANONYMOUS]

مكاتب تاجير السيارات .. نصب واحتيال..


تاكدي من المنظمه اللي يقولون

[ابن البيطار]

صباح الخير يا أخوان ويا أخوات
والله يعطيكم العافية ويكتب لكم الآجر إن شاء الله في مساعدة المحتاج

بس إذا ما فيه كلافة بغيت أسأل في وين هالمنظمة إلي في سوق العسيري إلي تتكلمون عنها وشنو الشروط المطلوب توافرها في السيارات المطلوبة .

ومشكورين وجزاكم الله ألف خير ..


مانصحج يبون سيارات 2007 او 2006 واعتقد ياخذون كامري بس كورلا حسبتهم لها غير وبدون عقد بياذخونها منج 6 شهور وبتامين شامل وبيعطونج كل شهر 2800 ريال طبعا بعد ماتخصمين قيمة التامين الشامل والبترول عليج انا اتكلم عن الكامري من سابق تجربة ودخلت معاهم 6 سيارات وتحسفت ولليوم متحسف
وبعد الست شهور بتاخذين سيارتج حتى تستعملينها ماتقدرين ومالج الا اتبيعينها في اقرب معرض وبتطلع عليج ابنص راس مالها وفترة التشغيل معاهم ما تتعدى ست شهور بيذبحون فيها سيارتج بتعطينهم السيارة ماشية تحت 20 الف مثلا بتاخذينها ماشية 130 الف اقل شي لانهم يستغلونها عدل وكل مشوار بتشوفين سيارتج فية السيارات عندهم في البداية كانت مفيدة بس على اسعار السيارات اليوم في الوكالات واسعار التامين والبترول مو مستاهله يعني بتخسرين اكثر من تربحين ولا تنسنين حتى البيع ممكن اتعرضين سيارتج فترة ومحد يشتريها منج لانها مستهلكة عدل اعتقد 2800 ريال في هاليومين الي يعطونهم مالك السيارة في ست شهور مو مستاهله همها على سيارات اسعارها في الشركة اقل شي 80 الف ريال و85 الف ريال انا اكلمج يوم كانت سعر الكامري جديدة 60 الف ريال ووالله بعتهم ابخسارة مو بسيطة وحرمت اتعامل في شي مافيه عقد يضمن حقي ويضمن ايسلمون سياراتي نظيفة مافيها حوادث ومستهلكة عدل واتخيلي بيني وبينج في اشياء وايد بس ماحب الكلام عنها بس في الاخير مانصحج
والقرار لج
80 الف ريال في مشروع محل او في اسهم في السوق اتضاربين فيهم كل يومين مدخولهم راح ايكون اكثر من المبلغ الي بيلطع لج منهم

[alwahesh]

صح الله لسانك يا خال الكلفس حكيم والله حكيم
انا اقول لام فهد لا تعتقدين ان السالفه سهله ومربحه ومثل ما قلت البورصه فيها خير بس مب فب المضاربه لانها تكسر الظهر وتفرق بين الازواج وترمل الحريم وتيتم الصغار .
مثال
سهم الاجاره هالايام 15 ريال
لو الواحد شر 10000 سهم تطلع عليه 150000 ريال وينساها بهد سنه باذن الله مردودها 10000 الى 15000 ريال ارباح حلال 100% والاسهم باذن الله تزيد وتسى اكثر ليش الواحد يعل قلبه مع السيارات على 2800 ريال في الشهر .