ممكن الافاده .. هل هالخبر صحيح؟؟

[ولد الديره]

مراحب..
سمعت من وايد ناس ان الليسن بيسونه عمر 21 سنه ابتدائا من 1/4/2007 والله اعلم اذا كانت اشاعه بس ياريت تفيدونا ..

تحياتي..

[بطران]

اذا سوه ابرك ... صج انه اصابعك مب سوا .. بس ردع للحوادث ترى هالحديده ذبحت عالم توهم حتى ماوصلو 18

[la-3yonk]

هذا الكلام من 2003 سامعه يعني اكثر من 3 سنوات ...شكله اشاعات
بس صعب يطبقونها لانه طالب الجامعه بكون عمره 18 من بوديه ويجيبه 3 سنين
صعبه شوي

[ريان]

بصراحه ما سمعت شي

لكن اذا بيطبقونه على اساس السرعه والحوادث .انا اشوف ان سبب هالمشاكل

اعمارهم اكبر من هالعمار بكثير

[qatary1]

والله ابرك
شبابنا راحو والسبب هالحوادث

[هسلان]

إشاعة وداعتك والله إشاعة

[alshobaki7]

صعب يطبقووووونه ...صعب ..

[hamoor4ever]

مستحيل يطبقونه .. وصعب جدا .. لان الشخص قانونيا بعمر ال 18 يكون مسؤول عن نفسه
ف اذا صار الليسن من عمر 21 .. من اللي يودي الريال ويجيبه تخيل يكون شغال في مكان محترم
يروح ويجي مع الدريول ..

[ولد الديره]

مستحيل يطبقونه .. وصعب جدا .. لان الشخص قانونيا بعمر ال 18 يكون مسؤول عن نفسه
ف اذا صار الليسن من عمر 21 .. من اللي يودي الريال ويجيبه تخيل يكون شغال في مكان محترم
يروح ويجي مع الدريول ..

اي والله و اذا كان عن الحوادث فا ياريال الحوادث حت اللي عمره 40 بتصيده حوادث (اللي الله يكتبه بيصير) بس لان واحد من الربع كان عند الخرجي و الخرجي مكلم ابوه و قاله الخرجي انه بنسوي الليسن 21
والله اعلم..

[السني 73]

السلام عليكم
هالكلام وهالاشاعة من سنين...... من بداية التسعينات