ليش كيوتل بتنزل؟

[ابو الاسهم]

بعد خبر الوطنية للاتصالات المتنقلة الكويتية وشراء كيوتل فيها
الملحوظ انه تبعه هبوط للسهم بتداول عالي

والمفرض انه خبر طيّب وتوقّعت انها رايحة لمت اب بعده

فما رايكم وايش السبب؟

[المزن الرياني]

احتمال بسبب تأثير حجم المبلغ الكبير على أرباح الربع الاول
وتوزيعات أرباح النصف الاول من سنه 2007

[المخلب]

عزيزي ابو الاسهم .. لازم تعرف ان كيوتل خلاص بعد ان تم فك الأحتكار الي كان لها في الدوله .. صارت مثل العصفور الي توه فقس من البيضه ومايقدر يطير الا لما يطلعله الريش ! ..

يعني بالعربي .. كيوتل جالسه تحافظ على توازنها حاليا بالسوق لانها مستقبلا راح تهوي خاصه مع قرب انشاء أو دخول شركات منافسه !! ..

وذهابها الى دول مجاوره هروب من الحقيقه و الواقع المر الي بيخليها تخسر بسبب اتجاه أغلب الناس الى الجديده ! وتركهم كيوتل ! ..

والمسأله مسأله وقت ..

فعلشان كذا تشوفها راحت خارج الدوله (( مع العلم ان الشركات الي أشترت أسهمها كيوتل راح تعرف ان كيوتل بلوه ! لكن مع الزمن .. )) ..

تحياتي لك ..

[LaW]

بعد خبر الوطنية للاتصالات المتنقلة الكويتية وشراء كيوتل فيها
الملحوظ انه تبعه هبوط للسهم بتداول عالي

والمفرض انه خبر طيّب وتوقّعت انها رايحة لمت اب بعده

فما رايكم وايش السبب؟

صحيح مصائب قومُ عند قومٍ فوائدُ هالخبر حسب علمي انعش الأسهم الكويتيه الى حداً ما وخالف التوقعات في ارتفاع سهم كيوتل..
باين سوقنا صارت الأخبار الحلوه والنتائج الماليه الجيده وربما الممتازه غير كافيه لأنتعاشه مره اخرى...ويجوز إذا عرفنا السبب بنبطل العجب. !!

[business]

حسب ما سمعت اليوم في قناة الجزيرة احد المحللين قال ان البعض يرى ان القيمة المدفوعة في الصفقة مبالغ فيها
والله اعلم

[المخلب]

حسب ما سمعت اليوم في قناة الجزيرة احد المحللين قال ان البعض يرى ان القيمة المدفوعة في الصفقة مبالغ فيها
والله اعلم

اي والله مبالغ فيها وبقوه ! ..

مليار دينار كويتي ( ان ماخاب ضني )

يعني 3 مليار دولار !! ..

يعني 10.8 مليار ريال قطري .. ( مادري يمكن حسابي غلط .. )

المهم أنه مبلغ خيالي ..

[ابو الاسهم]

يعطيكم العافية على اجاباتكم ومشاركتكم

ولكنّي لحد الحين غير مقتنع باللي يحصل وسأتابع السهم فنيّاً وان شفت شي اخبّركم