على وشك السفر وابحث عن محل متكامل

[ابو بروك]

يا شباب على وشك السفر ان شاء الله للدراسة في الخارج وابحث عن محل لبيع

الجنزات والبدل والجاكيتات وغيرها من ضروريات السفر

وهل للجنز ماركات معروفه ويا ليت اللي عنده معرفه يخبرني

بصراحه ابي ادخل محل واحد واخرج منه ومعي اغراضي كلها

وما نستغني من نصائحكم

[قطر]

السلام عليكم ورحمة الله وبركاته

طبعا افضل المحلات الموجودة في قطر حاليا
للرجال

الصالون الازرق

والسلام

ولكن اخوي انصحك بشراء الملابس من المنطقة اللي بتروح لها
غالبا في الخارج تكوون صناعتهم افضل وراح تلقى اشياء عملية حلوه تنافس الماركات العالمية في الجودة وكذلك السعر


اما اذا تبي ماركات
فعندك
ارماني
كفالي
أفضل ماركتين متوفرتين حاليا

وصح في في فيلا مودا قسم صغير رجالي يمكن تلاقي كاجول مع اني اشوفهم رسميين اكثر


والله ايوفقك في دراستك ان شاء الله

[M O 7 A M M E D]

عندك وايد محلات في الستي واللاندمارك ..

والله يوفقك في دراستك ..

[la-3yonk]

اخوي روح الستي عندك : سبلاش ، جيوردانو ، نيكست ، سبرينغ فيلد

بتلاقي عندهم كل شي

وممكن اللاند محلين : بول اند بير ، زارا

والله يوفقك في دراستك

واذا مافي احراج تذكر البلد اللي رايح عليها يمكن اندلك على محلات

[ابو بروك]

السلام عليكم ورحمة الله وبركاته

طبعا افضل المحلات الموجودة في قطر حاليا
للرجال

الصالون الازرق

والسلام

ولكن اخوي انصحك بشراء الملابس من المنطقة اللي بتروح لها
غالبا في الخارج تكوون صناعتهم افضل وراح تلقى اشياء عملية حلوه تنافس الماركات العالمية في الجودة وكذلك السعر


اما اذا تبي ماركات
فعندك
ارماني
كفالي
أفضل ماركتين متوفرتين حاليا

وصح في في فيلا مودا قسم صغير رجالي يمكن تلاقي كاجول مع اني اشوفهم رسميين اكثر


والله ايوفقك في دراستك ان شاء الله

مشكور اخوي قطر

والله يعطيك الصحة العافيه

[ابو بروك]

اخوي روح الستي عندك : سبلاش ، جيوردانو ، نيكست ، سبرينغ فيلد

بتلاقي عندهم كل شي

وممكن اللاند محلين : بول اند بير ، زارا

والله يوفقك في دراستك

واذا مافي احراج تذكر البلد اللي رايح عليها يمكن اندلك على محلات

كفيت ووفيت يالشيخ

وانا مسافر لبريطانيا ان شاء الله

وسمعت ان عندهم كل شي ضعف السعر اللي عندنا اربع مرات

والله يجزاك خير ويعطيك الصحة والعافيه

[روكي]

كفيت ووفيت يالشيخ

وانا مسافر لبريطانيا ان شاء الله

وسمعت ان عندهم كل شي ضعف السعر اللي عندنا اربع مرات

والله يجزاك خير ويعطيك الصحة والعافيه


لا اخوي كلام غير صحيح

روح في الاكسفور ستريت راح تحصل محلات بلهبل ومنها ماركس سبنسر طبعا مختلف كليا عن الي عندنا
وعندك مجمع سلفرج
وعندك h&m
وغير الماركات والمحلات المختلفة وطبعا هناك كل ماتحتاج شي تشتري مو تلم وبعدين تشوف نفسك ما تحتاجهم

وعلى فكرها اذا حصلت محلات فيها خصم شوف الفرق من عندنا تشتري برخص التراب

ملاحظة : انت رايح دراسة ف ماتحتاج ملابس زيادة لان غير عن السياحة

[][ الوحيد ][]

هلا اخوي

عندك فالستي وايد محلات

وفاللاند بعد

وعندك في مجمع فيلاجيوو (( كارفوور )) محلات وايد وتبيع جنزات حلوة

[تراب قطر]

والله ياخوي الشباب ماقصرو عطوك محلات وايد ...

عندي اضافه

اذا بغيت اشياء حلوه واسعارها معقوله

عندك محلات في سوق العسيري الطابق الثاني

وترى المحلات اللي في سوق العسيري لهم نفس المحلات فالستي بس الحاجه اللي ب 50 فالعسيري ب 120 فالستي:)

[قطر]

كفيت ووفيت يالشيخ

وانا مسافر لبريطانيا ان شاء الله

وسمعت ان عندهم كل شي ضعف السعر اللي عندنا اربع مرات

والله يجزاك خير ويعطيك الصحة والعافيه

اذا بريطانيا

عندك H&M بضاعتهم ممتازة واسعارهم مثل زارا اهنيه

واعتقد C&A متوفر عندهم ولكن في ألمانيا أكثر

واسعار بريطانيا ارخصص من اسعارنا حتى مع التاكس فري (لاتنسى تسترجعه :deal: )

[Small Investor]

السلام عليكم

اخوي لاتغلط غلطتي ... انا قبل ماروح هناك ... طلعت على دبي وشريت اغراض من هناك ... ويوم رحت هناك وحياتك حسيت نفسي شيبه من قدم ملابسي وخصوصا الملابس الي نفس طخت الصالون الازرق والسلام الي واحد من الاخوان ينصحك فيهم على باله انت رايح رحلة عمل .
شوف اخوي انت اشتر لك كم من لبسه شبابيه من فيلاجو من المحل الي على اليسار يوم تدخل من بوابة الرئيسية او من توب مان او رفير ايلاند .... واذا رحت هناك بالسلامة وعلى حسب المنطقه الي بتروحها روح الى المجمعات التجاريه وبتحصل فيها كل شي وابعد عن ماركس سبنسر والمجمعات الي نفس الصالون الازرق لانه مثل ماقلت لك لبسهم شوي ثقيل وحق كبار السن الا الاندر وير ( الملابس الداخلية ) الي عند ماركس سبنسر حلوه وجيده
اما عن المحلات الي هناك والي اكثر الشباب يفضلونه هم
Top Man
River Island
The Officer
Fcuk
Selever quick
Zara
وهذولا كلهم يبيعون البدل واللبس الكاجوول .... وعليك في المواسم والتنزيلات الي تصير وخصوصا يوم ال Boxing day الي هو تاريخ 26\12 وهو احسن وقت تشتري فيه هدايا واغراض والسبب التنزيلات
واما اذا بغيت الرخيص هناك روح على Primark وهو مجمع نفس العالم الجديد بس اسعاره وايد مناسبه وخصوصا لملابس الاطفال والجوده عاليه ..... انا اول مارحت كنت اجيب لليهال من المحلات المعروفه مثل نكست وابل وغيره وكنت اشتري كم من بدلة بسعر 180 باوند ... بس لين حصلت بري مارك قمت اشتري حق كل ياهل كم من بدلة واطلع انا مشحن والربع شيل بالاكياس وفي الاخير يطلع لي السعر اقل من 250 باوند .... لا والجوده عاليه بحيث انه اليهال يوم روحون مكان وفي ناس نعرفهم على طوول يسالون من وين تشترون الملابس .... وحتى على ايام كانت بنتي في الروضه كانت كل يوم تلبس لهم شكل ولون والناس عبالهم غالي وفي الاخير يكلفني البنطلون والتي شيرت حوالي 7 باوند يعني 50 ريال تقريبا بسعر الباوند الحالي ....

واللبس هناك في انواع في اللبس الحجري والي كنا نسمي الي يلبسونه جعاروه وهو اللبس الرياضي الابيض والمخطط
وفي االلبس الوسيع والي هو لبس الخوال الهيب هوب Hip Hop وفي محلين في الدوحه في محل في فيلاجو ومحل في الغرافه
اللبس الثقيل ... والي اكثر العرب الي يلبسونه وعلى بالهم رايحين اجتماعات ولا ندوات
وفي غيره وغيره واذا رحت هناك بتشوف العجب واتمنى انك تطلع على اسكوتلاند وتشوف الطبيعة وطيبت السكوتلانديين

وسلملي عليهم

[قطر]

ويوم رحت هناك وحياتك حسيت نفسي شيبه من قدم ملابسي وخصوصا الملابس الي نفس طخت الصالون الازرق والسلام الي واحد من الاخوان ينصحك فيهم على باله انت رايح رحلة عمل .

على فكره للعلم بس
الصالون الازرق والسلام فيه ملابس كاجوول
وليست ملابس رسمية فقط

هذا للعلم

واخونا كاتب انه رايح دراسه ونصحته انه يشتري من هناك افضل
يعني اعرف انه مب رايح عمل مثل ماانت قلت ...

[استغفرالله]

اشتر من بريطانيا افضل لك

وعلى حسب مستوى اللبس اللي تبيه

في كل ي عندهم والاسعار مناسبة هناك

حتى البقالات فيها ملابس وباسعار رخيصة

واهم شي تاخذلك بالطو متين ومظلة وجاكيت اخف للمطر

طبعا ملابس السلام والصالون الازرق جميلة جدا

لكن اذا اردت الملابس الاحدث وفي نفس موسمها ستجدها في بريطانيا

وتنزيلاتهم تكون حقيقية وستجد ما يناسبك